헬라어 문장 검색 - Σεπτύ017́

(70인역 성경, 느헤미야기)

ΛΟΓΟΙ Νεεμία υἱοῦ Ἀχαλία, καὶ ἐγένετο ἐν μηνὶ Χασελεῦ ἔτουσ εἰκοστοῦ καὶ ἐγὼ ἤμην ἐν Σουσὰν ἀβιρά, καὶ ἦλθεν Ἀνανὶ εἷσ ἀπὸ ἀδελφῶν μου, αὐτὸσ καὶ ἄνδρεσ Ἰούδα, καὶ ἠρώτησα αὐτοὺσ περὶ τῶν σωθέντων, οἳ κατελείφθησαν ἀπὸ τῆσ αἰχμαλωσίασ καὶ περὶ Ἱερουσαλήμ, καὶ εἴποσαν πρόσ με. οἱ καταλειπόμενοι οἱ καταλειφθέντεσ ἀπὸ τῆσ αἰχμαλωσίασ ἐκεῖ ἐν τῇ χώρᾳ ἐν πονηρίᾳ μεγάλῃ καὶ ἐν ὀνειδισμῷ, καὶ τείχη Ἱερουσαλὴμ καθῃρημένα, καὶ αἱ πύλαι αὐτῆσ ἐνεπρήσθησαν ἐν πυρί. καὶ ἐγένετο ἐν τῷ ἀκοῦσαί με τοὺσ λόγουσ τούτουσ ἐκάθισα καὶ ἔκλαυσα καὶ ἐπένθησα ἡμέρασ καὶ ἤμην νηστεύων καὶ προσευχόμενοσ ἐνώπιον τοῦ Θεοῦ τοῦ οὐρανοῦ καὶ εἶπα. μὴ δή, Κύριε ὁ Θεὸσ τοῦ οὐρανοῦ, ὁ ἰσχυρόσ, ὁ μέγασ καὶ φοβερόσ, φυλάσσων τὴν διαθήκην καὶ τὸ ἔλεόσ σου τοῖσ ἀγαπῶσιν αὐτὸν καὶ τοῖσ φυλάσσουσι τὰσ ἐντολὰσ αὐτοῦ. ἔστω δὴ τὸ οὖσ σου προσέχον καὶ οἱ ὀφθαλμοί σου ἀνεῳγμένοι τοῦ ἀκοῦσαι προσευχὴν τοῦ δούλου σου, ἣν ἐγὼ προσεύχομαι ἐνώπιόν σου σήμερον ἡμέραν καὶ νύκτα περὶ υἱῶν Ἰσραὴλ δούλων σου. καὶ ἐξαγορεύσω ἐπὶ ἁμαρτίαισ υἱῶν Ἰσραήλ, ἃσ ἡμάρτομέν σοι. καὶ ἐγὼ καὶ ὁ οἶκοσ πατρόσ μου ἡμάρτομεν. διαλύσει διελύσαμεν πρόσ σε. καὶ οὐκ ἐφυλάξαμεν τὰσ ἐντολὰσ καὶ τὰ προστάγματα καὶ τὰ κρίματα, ἃ ἐνετείλω τῷ Μωυσῇ παιδί σου. μνήσθητι δὴ τὸν λόγον, ὃν ἐνετείλω τῷ Μωυσῇ παιδί σου λέγων. ὑμεῖσ ἐὰν ἀσυνθετήσητε, ἐγὼ διασκορπιῶ ὑμᾶσ ἐν τοῖσ λαοῖσ. καὶ ἐὰν ἐπιστρέψητε πρόσ με καὶ φυλάξητε τὰσ ἐντολάσ μου καὶ ποιήσητε αὐτάσ, ἐὰν ᾖ ἡ διασπορὰ ὑμῶν ἀπ’ ἄκρου τοῦ οὐρανοῦ, ἐκεῖθεν συνάξω αὐτοὺσ καὶ εἰσάξω αὐτοὺσ εἰσ τὸν τόπον, ὃν ἐξελεξάμην κατασκηνῶσαι τὸ ὄνομά μου ἐκεῖ. καὶ αὐτοὶ παῖδέσ σου καὶ λαόσ σου, οὓσ ἐλυτρώσω ἐν τῇ δυνάμει σου τῇ μεγάλῃ καὶ ἐν τῇ χειρί σου τῇ κραταιᾷ. μὴ δή, Κύριε. ἀλλὰ ἔστω τὸ οὖσ σου προσέχον εἰσ τὴν προσευχὴν τοῦ δούλου σου καὶ εἰσ τὴν προσευχὴν παίδων σου τῶν θελόντων φοβεῖσθαι τὸ ὄνομά σου. καὶ εὐόδωσον δὴ τῷ παιδί σου σήμερον καὶ δὸσ αὐτὸν εἰσ οἰκτιρμοὺσ ἐνώπιον τοῦ ἀνδρὸσ τούτου. καὶ ἐγὼ ἤμην οἰνοχόοσ τῷ βασιλεῖ. ΚΑΙ ἐγένετο ἐν μηνὶ Νισὰν ἔτουσ εἰκοστοῦ Ἀρθασασθὰ βασιλεῖ καὶ ἦν ὁ οἶνοσ ἐνώπιον ἐμοῦ, καὶ ἔλαβον τὸν οἶνον καὶ ἔδωκα τῷ βασιλεῖ, καὶ οὐκ ἦν ἕτεροσ ἐνώπιον αὐτοῦ.

καὶ εἶπέ μοι ὁ βασιλεύσ. διατί τὸ πρόσωπόν σου πονηρὸν καὶ οὐκ εἶ μετριάζων̣ καὶ οὐκ ἔστι τοῦτο, εἰ μὴ πονηρία καρδίασ. καὶ ἐφοβήθην πολὺ σφόδρα, καὶ εἶπα τῷ βασιλεῖ. ὁ βασιλεὺσ εἰσ τὸν αἰῶνα ζήτω. διατί οὐ μὴ γένηται πονηρὸν τὸ πρόσωπόν μου, διότι ἡ πόλισ, οἶκοσ μνημείων πατέρων μου, ἠρημώθη καὶ αἱ πύλαι αὐτῆσ κατεβρώθησαν ἐν πυρί̣ καὶ εἶπέ μοι ὁ βασιλεύσ. περὶ τίνοσ τοῦτο σὺ ζητεῖσ̣ καὶ προσηυξάμην πρὸσ τὸν Θεὸν τοῦ οὐρανοῦ καὶ εἶπα τῷ βασιλεῖ. εἰ ἐπὶ τὸν βασιλέα ἀγαθόν, καὶ εἰ ἀγαθυνθήσεται ὁ παῖσ σου ἐνώπιόν σου ὥστε πέμψαι αὐτὸν ἐν Ἰούδᾳ εἰσ πόλιν μνημείων πατέρων μου, καὶ ἀνοικοδομήσω αὐτήν. καὶ εἶπέ μοι ὁ βασιλεὺσ καὶ ἡ παλλακὴ ἡ καθημένη ἐχόμενα αὐτοῦ. ἕωσ πότε ἔσται ἡ πορεία σου καὶ πότε ἐπιστρέψεισ̣ καὶ ἠγαθύνθη ἐνώπιον τοῦ βασιλέωσ, καὶ ἀπέστειλέ με, καὶ ἔδωκα αὐτῷ ὅρον, καὶ εἶπα τῷ βασιλεῖ. εἰ ἐπὶ τὸν βασιλέα ἀγαθόν, δότω μοι ἐπιστολὰσ πρὸσ τοὺσ ἐπάρχουσ πέραν τοῦ ποταμοῦ ὥστε παραγαγεῖν με, ἕωσ ἔλθω ἐπὶ Ἰούδαν, καὶ ἐπιστολὴν ἐπὶ Ἀσὰφ φύλακα τοῦ παραδείσου, ὅσ ἐστι τῷ βασιλεῖ, ὥστε δοῦναί μοι ξύλα στεγάσαι τὰσ πύλασ καὶ εἰσ τὸ τεῖχοσ τῆσ πόλεωσ καὶ εἰσ οἶκον, ὃν εἰσελεύσομαι εἰσ αὐτόν. καὶ ἔδωκέ μοι ὁ βασιλεὺσ ὡσ χεὶρ Θεοῦ ἡ ἀγαθή. καὶ ἦλθον πρὸσ τοὺσ ἐπάρχουσ πέραν τοῦ ποταμοῦ καὶ ἔδωκα αὐτοῖσ τὰσ ἐπιστολὰσ τοῦ βασιλέωσ, καὶ ἀπέστειλε μετ’ ἐμοῦ ὁ βασιλεὺσ ἀρχηγοὺσ δυνάμεωσ καὶ ἱππεῖσ. καὶ ἤκουσε Σαναβαλλὰτ ὁ Ἀρωνὶ καὶ Τωβία ὁ δοῦλοσ Ἀμμωνί, καὶ πονηρὸν αὐτοῖσ ἐγένετο ὅτι ἥκει ὁ ἄνθρωποσ ζητῆσαι ἀγαθὸν τοῖσ υἱοῖσ Ἰσραήλ. Καὶ ἦλθον εἰσ Ἱερουσαλὴμ καὶ ἤμην ἐκεῖ ἡμέρασ τρεῖσ. καὶ ἀνέστην νυκτὸσ ἐγὼ καὶ ἄνδρεσ ὀλίγοι μετ’ ἐμοῦ. καὶ οὐκ ἀπήγγειλα ἀνθρώπῳ τί ὁ Θεὸσ δίδωσιν εἰσ καρδίαν μου τοῦ ποιῆσαι μετὰ τοῦ Ἰσραήλ, καὶ κτῆνοσ οὐκ ἔστι μετ’ ἐμοῦ, εἰ μὴ τὸ κτῆνοσ, ᾧ ἐγὼ ἐπιβαίνω ἐπ’ αὐτῷ. καὶ ἐξῆλθον ἐν πύλῃ τοῦ Γωληλὰ καὶ πρὸσ στόμα πηγῆσ τῶν συκῶν καὶ εἰσ πύλην τῆσ κοπρίασ καὶ ἤμην συντρίβων ἐν τῷ τείχει Ἱερουσαλήμ, ὃ αὐτοὶ καθαιροῦσι καὶ πύλαι αὐτῆσ κατεβρώθησαν πυρί. καὶ παρῆλθον ἐπὶ πύλην τοῦ Αἴ̈ν καὶ εἰσ κολυμβήθραν τοῦ βασιλέωσ, καὶ οὐκ ἦν τόποσ τῷ κτήνει παρελθεῖν ὑποκάτω μου. καὶ ἤμην ἀναβαίνων ἐν τῷ τείχει χειμάρρου νυκτὸσ καὶ ἤμην συντρίβων ἐν τῷ τείχει, καὶ ἤμην ἐν πύλῃ τῆσ φάραγγοσ καὶ ἐπέστρεψα. τότε οἱ φυλάσσοντεσ οὐκ ἔγνωσαν τί ἐπορεύθην καὶ τί ἐγὼ ποιῶ, καὶ τοῖσ Ἰουδαίοισ καὶ τοῖσ ἱερεῦσι καὶ τοῖσ ἐντίμοισ καὶ τοῖσ στρατηγοῖσ καὶ τοῖσ καταλοίποισ τοῖσ ποιοῦσι τὰ ἔργα, ἕωσ τότε οὐκ ἀπήγγειλα. καὶ εἶπα πρὸσ αὐτούσ. ὑμεῖσ βλέπετε τὴν πονηρίαν ταύτην, ἐν ᾗ ἐσμεν ἐν αὐτῇ, πῶσ Ἱερουσαλὴμ ἔρημοσ καὶ αἱ πύλαι αὐτῆσ ἐδόθησαν πυρί. δεῦτε καὶ διοικοδομήσωμεν τὸ τεῖχοσ Ἱερουσαλήμ, καὶ οὐκ ἐσόμεθα ἔτι ὄνειδοσ. καὶ ἀπήγγειλα αὐτοῖσ τὴν χεῖρα τοῦ Θεοῦ, ἥ ἐστιν ἀγαθὴ ἐπ’ ἐμέ, καὶ τοὺσ λόγουσ τοῦ βασιλέωσ, οὓσ εἶπέ μοι, καὶ εἶπα. ἀναστῶμεν καὶ οἰκοδομήσωμεν. καὶ ἐκραταιώθησαν αἱ χεῖρεσ αὐτῶν εἰσ τὸ ἀγαθόν. καὶ ἤκουσε Σαναβαλλὰτ ὁ Ἀρωνὶ καὶ Τωβία ὁ δοῦλοσ ὁ Ἀμμωνὶ καὶ Γησὰμ ὁ Ἀραβὶ καὶ ἐξεγέλασαν ἡμᾶσ καὶ ἦλθον ἐφ’ ἡμᾶσ καὶ εἶπαν. τί τὸ ρῆμα τοῦτο, ὃ ὑμεῖσ ποιεῖτε̣ ᾖ ἐπὶ τὸν βασιλέα ὑμεῖσ ἀποστατεῖτε̣ καὶ ἐπέστρεψα αὐτοῖσ λόγον καὶ εἶπα αὐτοῖσ. ὁ Θεὸσ τοῦ οὐρανοῦ, αὐτὸσ εὐοδώσει ἡμῖν, καὶ ἡμεῖσ δοῦλοι αὐτοῦ καθαροί, καὶ οἰκοδομήσομεν. καὶ ὑμῖν οὐκ ἔστι μερὶσ καὶ δικαιοσύνη καὶ μνημόσυνον ἐν Ἱερουσαλήμ. ΚΑΙ ἀνέστη Ἐλιασοὺβ ὁ ἱερεὺσ ὁ μέγασ καὶ οἱ ἀδελφοὶ αὐτοῦ οἱ ἱερεῖσ καὶ ᾠκοδόμησαν τὴν πύλην τὴν προβατικήν. αὐτοὶ ἡγίασαν αὐτὴν καὶ ἔστησαν θύρασ αὐτῆσ καὶ ἕωσ πύργου τῶν ἑκατὸν ἡγίασαν ἕωσ πύργου Ἀναμεὴλ

καὶ ἐπὶ χεῖρασ ἀνδρῶν υἱῶν Ἱεριχὼ καὶ ἐπὶ χεῖρασ υἱῶν Ζακχούρ, υἱοῦ Ἀμαρί. καὶ τὴν πύλην τὴν ἰχθυηρὰν ᾠκοδόμησαν υἱοὶ Ἀσανά. αὐτοὶ ἐστέγασαν αὐτὴν καὶ ἔστησαν θύρασ αὐτῆσ καὶ κλεῖθρα αὐτῆσ καὶ μοχλοὺσ αὐτῆσ. καὶ ἐπὶ χεῖρα αὐτῶν κατέσχεν ἀπὸ Ραμὼθ υἱὸσ Οὐρία, υἱοῦ Ἀκκώσ. καὶ ἐπὶ χεῖρα αὐτῶν κατέσχε Μοσολλὰμ υἱὸσ Βαραχίου υἱοῦ Μαζεβήλ, καὶ ἐπὶ χεῖρα αὐτῶν κατέσχε Σαδὼκ υἱὸσ Βαανά. καὶ ἐπὶ χεῖρα αὐτῶν κατέσχοσαν οἱ Θεκωί̈μ, καὶ ἀδωρηὲμ οὐκ εἰσήνεγκαν τράχηλον αὐτῶν εἰσ δουλείαν αὐτῶν. καὶ τὴν πύλην Ἰασαναί̈ ἐκράτησαν Ἰωϊδὰ υἱὸσ Φασὲκ καὶ Μεσουλὰμ υἱὸσ Βασωδία. αὐτοὶ ἐστέγασαν αὐτὴν καὶ ἔστησαν θύρασ αὐτῆσ καὶ κλεῖθρα αὐτῆσ καὶ μοχλοὺσ αὐτῆσ. καὶ ἐπὶ χεῖρα αὐτῶν ἐκράτησαν Μαλτίασ ὁ Γαβαωνίτησ καὶ Εὐάρων ὁ Μηρωνωθίτησ, ἄνδρεσ τῆσ Γαβαὼν καὶ τῆσ Μασφὰ ἕωσ θρόνου τοῦ ἄρχοντοσ τοῦ πέραν τοῦ ποταμοῦ, καὶ παρ’ αὐτὸν παρησφαλίσατο Ὀζιὴλ υἱὸσ Ἀραχίου πυρωτῶν. καὶ ἐπὶ χεῖρα αὐτῶν ἐκράτησεν Ἀνανίασ υἱὸσ τοῦ Ρωκεί̈μ, καὶ κατέλιπον Ἱερουσαλὴμ ἕωσ τοῦ τείχουσ τοῦ πλατέοσ. καὶ ἐπὶ χεῖρα αὐτῶν ἐκράτησε Ραφαί̈α υἱὸσ Σούρ, ἄρχων ἡμίσουσ περιχώρου Ἱερουσαλήμ. καὶ ἐπὶ χεῖρα αὐτῶν ἐκράτησεν Ἰεδαί̈α υἱὸσ Ἐρωμὰφ καὶ κατέναντι οἰκίασ αὐτοῦ. καὶ ἐπὶ χεῖρα αὐτοῦ ἐκράτησεν Ἀττοὺθ υἱὸσ Ἀσαβανία. καὶ δεύτεροσ ἐκράτησε Μελχίασ υἱὸσ Ἠρὰμ καὶ Ἀσοὺβ υἱὸσ Φαὰτ Μωὰβ καὶ ἕωσ πύργου τῶν θαννουρίμ. καὶ ἐπὶ χεῖρα αὐτοῦ ἐκράτησε Σαλλοὺμ υἱὸσ Ἀλλωῆσ ἄρχων ἡμίσουσ περιχώρου Ἱερουσαλήμ, αὐτὸσ καὶ αἱ θυγατέρεσ αὐτοῦ. τὴν πύλην τῆσ φάραγγοσ ἐκράτησαν Ἀνοὺν καὶ οἱ κατοικοῦντεσ Ζανώ. αὐτοὶ ᾠκοδόμησαν αὐτὴν καὶ ἔστησαν θύρασ αὐτῆσ καὶ κλεῖθρα αὐτῆσ καὶ μοχλοὺσ αὐτῆσ καὶ χιλίουσ πήχεισ ἐν τῷ τείχει ἕωσ τῆσ πύλησ τῆσ κοπρίασ. καὶ τὴν πύλην τῆσ κοπρίασ ἐκράτησε Μελχία υἱὸσ Ρηχὰβ ἄρχων περιχώρου Βηθακχαρίμ, αὐτὸσ καὶ οἱ υἱοὶ αὐτοῦ, καὶ ἐσκέπασαν αὐτὴν καὶ ἔστησαν θύρασ αὐτῆσ καὶ κλεῖθρα αὐτῆσ καὶ μοχλοὺσ αὐτῆσ. τὴν δὲ πύλην τῆσ πηγῆσ ἠσφαλίσατο Σαλωμὼν υἱὸσ Χολεζὲ ἄρχων μέρουσ τῆσ Μασφά. αὐτὸσ ἐξῳκοδόμησεν αὐτὴν καὶ ἐστέγασεν αὐτὴν καὶ ἔστησε τὰσ θύρασ αὐτῆσ καὶ μοχλοὺσ αὐτῆσ καὶ τὸ τεῖχοσ κολυμβήθρασ τῶν κωδίων τῇ κουρᾷ τοῦ βασιλέωσ καὶ ἕωσ τῶν κλιμάκων τῶν καταβαινουσῶν ἀπὸ πόλεωσ Δαυίδ. ὀπίσω αὐτοῦ ἐκράτησε Νεεμίασ υἱὸσ Ἀζαβοὺχ ἄρχων ἡμίσουσ περιχώρου Βηθσοὺρ ἕωσ κήπου τάφου Δαυὶδ καὶ ἕωσ τῆσ κολυμβήθρασ τῆσ γεγονυίασ καὶ ἕωσ Βηθαγγαρίμ. ὀπίσω αὐτοῦ ἐκράτησαν οἱ Λευῖται, Ραοὺμ υἱὸσ Βανί. ἐπὶ χεῖρα αὐτοῦ ἐκράτησεν Ἀσαβία ἄρχων ἡμίσουσ περιχώρου Κεϊλὰ τῷ περιχώρῳ αὐτοῦ. καὶ μετ’ αὐτὸν ἐκράτησαν ἀδελφοὶ αὐτῶν Βενεί̈ υἱὸσ Ἠναδὰδ ἄρχων ἡμίσουσ περιχώρου Κεϊλά. καὶ ἐκράτησαν ἐπὶ χεῖρα αὐτοῦ Ἀζοὺρ υἱὸσ Ἰησοῦ, ἄρχων τοῦ Μασφαί, μέτρον δεύτερον πύργου ἀναβάσεωσ τῆσ συναπτούσησ τῆσ γωνίασ. μετ’ αὐτὸν ἐκράτησε Βαροὺχ υἱὸσ Ζαβοῦ μέτρον δεύτερον ἀπὸ τῆσ γωνίασ ἕωσ θύρασ Βηθελιασοὺβ τοῦ ἱερέωσ τοῦ μεγάλου. μετ’ αὐτὸν ἐκράτησε Μεραμὼθ υἱὸσ Οὐρία, υἱοῦ Ἀκκώσ, μέτρον δεύτερον ἀπὸ θύρασ Βηθελιασοὺβ ἕωσ ἐκλείψεωσ Βηθελιασούβ. καὶ μετ’ αὐτὸν ἐκράτησαν οἱ ἱερεῖσ ἄνδρεσ Ἐκχεχάρ. καὶ μετ’ αὐτὸν ἐκράτησε Βενιαμὶν καὶ Ἀσοὺβ κατέναντι οἴκου αὐτῶν. καὶ μετ’ αὐτὸν ἐκράτησεν Ἀζαρίασ υἱὸσ Μαασίου, υἱοῦ Ἀνανία ἐχόμενα οἴκου αὐτοῦ. καὶ μετ’ αὐτὸν ἐκράτησε Βανὶ υἱὸσ Ἀδὰδ μέτρον δεύτερον ἀπὸ Βηθαζαρία ἕωσ τῆσ γωνίασ καὶ ἕωσ τῆσ καμπῆς Φαλὰχ υἱοῦ Εὐζαί̈ ἐξεναντίασ τῆσ γωνίασ, καὶ ὁ πύργοσ ὁ ἐξέχων ἐκ τοῦ οἴκου τοῦ βασιλέωσ ὁ ἀνώτεροσ ὁ τῆσ αὐλῆσ τῆσ φυλακῆσ. καὶ μετ’ αὐτὸν Φαδαί̈α υἱὸσ Φόροσ. καὶ οἱ ναθινὶμ ἦσαν οἰκοῦντεσ ἐν τῷ Ὠφὰλ ἕωσ κήπου πύλησ τοῦ ὕδατοσ εἰσ ἀνατολάσ, καὶ ὁ πύργοσ ὁ ἐξέχων. καὶ μετ’ αὐτὸν ἐκράτησαν οἱ Θεκωί̈μ μέτρον δεύτερον ἐξεναντίασ τοῦ πύργου τοῦ μεγάλου τοῦ ἐξέχοντοσ καὶ ἕωσ τοῦ τείχουσ τοῦ Ὀφλά. ἀνώτερον πύλησ τῶν ἵππων ἐκράτησαν οἱ ἱερεῖσ, ἀνὴρ ἐξεναντίασ οἴκου ἑαυτοῦ. καὶ μετ’ αὐτὸν ἐκράτησε Σαδδοὺκ υἱὸσ Ἐμμὴρ ἐξεναντίασ οἴκου ἑαυτοῦ. καὶ μετ’ αὐτὸν ἐκράτησε Σαμαί̈α υἱὸσ Σεχενία φύλαξ τῆσ πύλησ τῆσ ἀνατολῆσ. μετ’ αὐτὸν ἐκράτησεν Ἀνανία υἱὸσ Σελεμία καὶ Ἀνὼμ υἱὸσ Σελέφ, ὁ ἕκτοσ, μέτρον δεύτερον. μετ’ αὐτὸν ἐκράτησε Μεσουλὰμ υἱὸσ Βαραχία ἐξεναντίασ γαζοφυλακίου αὐτοῦ. μετ’ αὐτὸν ἐκράτησε Μελχία υἱὸσ τοῦ Σαρεφὶ ἕωσ Βηθαναθινὶμ καὶ οἱ ροπωπῶλαι ἀπέναντι πύλησ τοῦ Μαφεκὰδ καὶ ἕωσ ἀναβάσεωσ τῆσ καμπῆσ. καὶ ἀνὰ μέσον τῆσ πύλησ τῆσ προβατικῆσ ἐκράτησαν οἱ χαλκεῖσ καὶ οἱ ροπωπῶλαι. Καὶ ἐγένετο ἡνίκα ἤκουσε Σαναβαλλὰτ ὅτι ἡμεῖσ οἰκοδομοῦμεν τὸ τεῖχοσ, καὶ πονηρὸν αὐτῷ ἐφάνη, καὶ ὠργίσθη ἐπὶ πολὺ καὶ ἐξεγέλα ἐπὶ τοῖσ Ἰουδαίοισ. καὶ εἶπεν ἐνώπιον τῶν ἀδελφῶν αὐτοῦ. αὕτη ἡ δύναμισ Σομόρων, ὅτι οἱ Ἰουδαῖοι οὗτοι οἰκοδομοῦσι τὴν ἑαυτῶν πόλιν̣ ἆρα θυσιάζουσιν̣ ἆρα δυνήσονται̣ καὶ σήμερον ἰάσονται τοὺσ λίθουσ μετὰ τὸ χῶμα γενέσθαι γῆσ καυθέντασ̣ καὶ Τωβίασ ὁ Ἀμμανίτησ ἐχόμενα αὐτοῦ ἦλθε καὶ εἶπε πρὸσ αὐτούσ. μὴ θυσιάζουσιν ἢ φάγονται ἐπὶ τοῦ τόπου αὐτῶν̣ οὐχὶ ἀναβήσεται ἀλώπηξ καὶ καθελεῖ τὸ τεῖχοσ λίθων αὐτῶν̣ ἄκουσον, ὀ Θεὸσ ἡμῶν, ὅτι ἐγενήθημεν εἰσ μυκτηρισμόν, καὶ ἐπίστρεψον ὀνειδισμὸν αὐτῶν εἰσ κεφαλὴν αὐτῶν καὶ δὸσ αὐτοὺσ εἰσ μυκτηρισμὸν ἐν γῇ αἰχμαλωσίασ καὶ μὴ καλύψῃσ ἐπὶ ἀνομίαν. ΚΑΙ ἐγένετο ὡσ ἤκουσε Σαναβαλλὰτ καὶ Τωβία καὶ οἱ Ἄραβεσ καὶ οἱ Ἀμμανῖται ὅτι ἀνέβη ἡ φυὴ τοῖσ τείχεσιν Ἱερουσαλήμ, ὅτι ἤρξαντο αἱ διασφαγαὶ ἀναφράσσεσθαι, καὶ πονηρὸν αὐτοῖσ ἐφάνη σφόδρα.

καὶ συνήχθησαν πάντεσ ἐπὶ τὸ αὐτὸ ἐλθεῖν παρατάξασθαι ἐν Ἱερουσαλὴμ καὶ ποιῆσαι αὐτὴν ἀφανῆ. καὶ προσηυξάμεθα πρὸσ τὸν Θεὸν ἡμῶν καὶ ἐστήσαμεν προφύλακασ ἐπ’ αὐτοὺσ ἡμέρασ καὶ νυκτὸσ ἀπὸ προσώπου αὐτῶν. καὶ εἶπεν Ἰούδασ. συνετρίβη ἡ ἰσχὺσ τῶν ἐχθρῶν, καὶ ὁ χοῦσ πολύσ, καὶ ἡμεῖσ οὐ δυνησόμεθα οἰκοδομεῖν ἐν τῷ τείχει. καὶ εἶπαν οἱ θλίβοντεσ ἡμᾶσ. οὐ γνώσονται καὶ οὐκ ὄψονται ἕωσ ὅτου ἔλθωμεν εἰσ μέσον αὐτῶν καὶ φονεύσωμεν αὐτοὺσ καὶ καταπαύσωμεν τὸ ἔργον. καὶ ἐγένετο ὡσ ἤλθοσαν οἱ Ἰουδαῖοι οἱ οἰκοῦντεσ ἐχόμενα αὐτῶν καὶ εἴποσαν ἡμῖν. ἀναβαίνουσιν ἐκ πάντων τῶν τόπων ἐφ’ ἡμᾶσ. καὶ ἔστησα εἰσ τὰ κατώτατα τοῦ τόπου κατόπισθεν τοῦ τείχουσ ἐν τοῖσ σκεπεινοῖσ καὶ ἔστησα τὸν λαὸν κατὰ δήμουσ μετὰ ρομφαιῶν αὐτῶν, λόγχασ αὐτῶν καὶ τόξα αὐτῶν. καὶ εἶδον καὶ ἀνέστην καὶ εἶπα πρὸσ τοὺσ ἐντίμουσ καὶ πρὸσ τοὺσ στρατηγοὺσ καὶ πρὸσ τοὺσ καταλοίπουσ τοῦ λαοῦ. μὴ φοβηθῆτε ἀπὸ προσώπου αὐτῶν. μνήσθητε τοῦ Θεοῦ ἡμῶν τοῦ μεγάλου καὶ φοβεροῦ καὶ παρατάξασθε περὶ τῶν ἀδελφῶν ὑμῶν, υἱῶν ὑμῶν, θυγατέρων ὑμῶν, γυναικῶν ὑμῶν καὶ οἴκων ὑμῶν. καὶ ἐγένετο ἡνίκα ἥκουσαν οἱ ἐχθροὶ ἡμῶν ὅτι ἐγνώσθη ἡμῖν καὶ διεσκέδασεν ὁ Θεὸσ τὴν βουλὴν αὐτῶν, καὶ ἐπεστρέψαμεν πάντεσ ἡμεῖσ εἰσ τὸ τεῖχοσ, ἀνὴρ εἰσ τὸ ἔργον αὐτοῦ. καὶ ἐγένετο ἀπὸ τῆσ ἡμέρασ ἐκείνησ ἥμισυ τῶν ἐκτετιναγμένων ἐποίουν τὸ ἔργον καὶ ἥμισυ αὐτῶν ἀντείχοντο, καὶ λόγχαι καὶ θυρεοὶ καὶ τόξα καὶ θώρακεσ καὶ οἱ ἄρχοντεσ ὀπίσω παντὸσ οἴκου Ἰούδα τῶν οἰκοδομούντων ἐν τῷ τείχει, καὶ οἱ αἴροντεσ ἐν τοῖσ ἀρτῆρσιν ἐν ὅπλοισ. ἐν μιᾷ χειρὶ ἐποίει αὐτοῦ τὸ ἔργον καὶ ἐν μιᾷ ἐκράτει τὴν βολίδα. καὶ οἱ οἰκοδόμοι ἀνὴρ ρομφαίαν αὐτοῦ ἐζωσμένοσ ἐπὶ τὴν ὀσφὺν αὐτοῦ καὶ ᾠκοδομοῦσαν καὶ ὁ σαλπίζων ἐν τῇ κερατίνῃ ἐχόμενα αὐτοῦ. καὶ εἶπα πρὸσ τοὺσ ἐντίμουσ καὶ πρὸσ τοὺσ ἄρχοντασ καὶ πρὸσ τοὺσ καταλοίπουσ τοῦ λαοῦ. τὸ ἔργον πλατὺ καὶ πολύ, καὶ ἡμεῖσ σκορπιζόμεθα ἐπὶ τοῦ τείχουσ μακρὰν ἀνὴρ ἀπὸ τοῦ ἀδελφοῦ αὐτοῦ. ἐν τόπῳ, οὗ ἐὰν ἀκούσητε τὴν φωνὴν τῆσ κερατίνησ, ἐκεῖ συναχθήσεσθε πρὸσ ἡμᾶσ, καὶ ὁ Θεὸσ ἡμῶν πολεμήσει περὶ ἡμῶν. καὶ ἡμεῖσ ποιοῦντεσ τὸ ἔργον, καὶ ἥμισυ αὐτῶν κρατοῦντεσ τὰσ λόγχασ ἀπὸ ἀναβάσεωσ τοῦ ὄρθρου ἕωσ ἐξόδου τῶν ἄστρων. καὶ ἐν τῷ καιρῷ ἐκείνῳ εἶπα τῷ λαῷ. ἕκαστοσ μετὰ τοῦ νεανίσκου αὐτοῦ αὐλίσθητε ἐν μέσῳ Ἱερουσαλήμ, καὶ ἔστω ὑμῖν ἡ νὺξ προφυλακὴ καὶ ἡ ἡμέρα ἔργον. καὶ ἤμην ἐγὼ καὶ οἱ ἄνδρεσ τῆσ προφυλακῆσ ὀπίσω μου, καὶ οὐκ ἦν ἐξ ἡμῶν ἐκδιδυσκόμενοσ ἀνὴρ τά ἱμάτια αὐτοῦ. ΚΑΙ ἡ κραυγὴ τοῦ λαοῦ καὶ γυναικῶν αὐτῶν μεγάλη πρὸσ τοὺσ ἀδελφοὺσ αὐτῶν τοὺσ Ἰουδαίουσ.

καὶ ἦσάν τινεσ λέγοντεσ. ἐν υἱοῖσ ἡμῶν καὶ ἐν θυγατράσιν ἡμῶν ἡμεῖσ πολλοί. καὶ ληψόμεθα σῖτον καὶ φαγόμεθα καὶ ζησόμεθα. καὶ εἰσί τινεσ λέγοντεσ. ἀγροὶ ἡμῶν καὶ ἀμπελῶνεσ ἡμῶν καὶ οἰκίαι ἡμῶν, ἡμεῖσ διεγγυῶμεν, καὶ ληψόμεθα σῖτον καὶ φαγόμεθα. καὶ εἰσί τινεσ λέγοντεσ. ἐδανεισάμεθα ἀργύριον εἰσ φόρουσ τοῦ βασιλέωσ, ἀγροὶ ἡμῶν καὶ ἀμπελῶνεσ ἡμῶν καὶ οἰκίαι ἡμῶν. καὶ νῦν ὡσ σὰρξ ἀδελφῶν ἡμῶν σὰρξ ἡμῶν, ὡσ υἱοὶ αὐτῶν υἱοὶ ἡμῶν. καὶ ἰδοὺ ἡμεῖσ καταδυναστεύομεν τοὺσ υἱοὺσ ἡμῶν καὶ τὰσ θυγατέρασ ἡμῶν εἰσ δούλουσ, καί εἰσιν ἀπὸ θυγατέρων ἡμῶν καταδυναστευόμεναι, καὶ οὐκ ἔστι δύναμισ χειρῶν ἡμῶν, καὶ ἀγροὶ ἡμῶν καὶ ἀμπελῶνεσ ἡμῶν τοῖσ ἐντίμοισ. καὶ ἐλυπήθην σφόδρα, καθὼσ ἤκουσα τὴν κραυγὴν αὐτῶν καὶ τοὺσ λόγουσ τούτουσ. καὶ ἐβουλεύσατο καρδία μου ἐπ’ ἐμέ, καὶ ἐμαχεσάμην πρὸσ τοὺσ ἐντίμουσ καὶ τοὺσ ἄρχοντασ καὶ εἶπα αὐτοῖσ. ἀπαιτήσει ἀνὴρ τὸν ἀδελφὸν αὐτοῦ, ἃ ὑμεῖσ ἀπαιτεῖτε. καὶ ἔδωκα ἐπ’ αὐτοὺσ ἐκκλησίαν μεγάλην καὶ εἶπα αὐτοῖσ. ἡμεῖσ κεκτήμεθα τοὺσ ἀδελφοὺσ ἡμῶν τοὺσ Ἰουδαίουσ τοὺσ πωλουμένουσ τοῖσ ἔθνεσιν ἐν ἑκουσίῳ ἡμῶν. καὶ ὑμεῖσ πωλεῖτε τοὺσ ἀδελφοὺσ ὑμῶν καὶ παραδοθήσονται ἡμῖν̣ καὶ ἡσύχασαν καὶ οὐχ εὕροσαν λόγον. καὶ εἶπα. οὐκ ἀγαθὸσ ὁ λόγοσ, ὃν ὑμεῖσ ποιεῖτε. οὐχ οὕτωσ ἐν φόβῳ Θεοῦ ἡμῶν ἀπελεύσεσθε ἀπὸ ὀνειδισμοῦ τῶν ἐθνῶν τῶν ἐχθρῶν ἡμῶν. καὶ οἱ ἀδελφοί μου καὶ οἱ γνωστοί μου καὶ ἐγὼ ἐθήκαμεν ἑαυτοῖσ ἀργύριον καὶ σῖτον. ἐγκατελίπομεν δὴ τὴν ἀπαίτησιν ταύτην. ἐπιστρέψατε δὴ αὐτοῖσ ὡσ σήμερον ἀγροὺσ αὐτῶν καὶ ἀμπελῶνασ αὐτῶν καὶ ἐλαιῶνασ αὐτῶν καὶ οἰκίασ αὐτῶν. καὶ ἀπὸ τοῦ ἀργυρίου τὸν σῖτον καὶ τὸν οἶνον καὶ τὸ ἔλαιον ἐξενέγκατε αὐτοῖσ. καὶ εἶπαν. ἀποδώσομεν, καὶ παρ’ αὐτῶν οὐ ζητήσομεν, οὕτωσ ποιήσομεν καθὼσ σὺ λέγεισ. καὶ ἐκάλεσα τοὺσ ἱερεῖσ καὶ ὥρκισα αὐτοὺσ ποιῆσαι ὡσ τὸ ρῆμα τοῦτο. καὶ τὴν ἀναβολήν μου ἐξετίναξα καὶ εἶπα. οὕτωσ ἐκτινάξαι ὁ Θεὸσ πάντα ἄνδρα, ὃσ οὐ στήσει τὸν λόγον τοῦτον, ἐκ τοῦ οἴκου αὐτοῦ καὶ ἐκ κόπου αὐτοῦ, καὶ ἔσται οὕτωσ ἐκτετιναγμένοσ καὶ κενόσ. καὶ εἶπε πᾶσα ἡ ἐκκλησία. ἀμήν, καὶ ἤνεσαν τὸν Κύριον. καὶ ἐποίησεν ὁ λαὸσ τὸ ρῆμα τοῦτο. Ἀπὸ τῆσ ἡμέρασ, ἧσ ἐνετείλατό μοι εἶναι εἰσ ἄρχοντα αὐτῶν ἐν γῇ Ἰούδα, ἀπὸ ἔτουσ εἰκοστοῦ καὶ ἕωσ ἔτουσ τριακοστοῦ καὶ δευτέρου τῷ Ἀρθασασθὰ ἔτη δώδεκα, ἐγὼ καὶ οἱ ἀδελφοί μου βίαν αὐτῶν οὐκ ἔφαγον. καὶ τὰσ βίασ τὰσ πρώτασ, ἃσ πρὸ ἐμοῦ ἐβάρυναν ἐπ’ αὐτούσ, καὶ ἐλάβοσαν παρ’ αὐτῶν ἐν ἄρτοισ καὶ ἐν οἴνῳ ἔσχατον ἀργύριον, δίδραχμα τεσσαράκοντα, καὶ οἱ ἐκτετιναγμένοι αὐτῶν ἐξουσιάζονται ἐπὶ τὸν λαόν. κἀγὼ οὐκ ἐποίησα οὕτωσ ἀπὸ προσώπου φόβου Θεοῦ. καὶ ἐν ἔργῳ τοῦ τείχουσ τούτων οὐκ ἐκράτησα, ἀγρὸν οὐκ ἐκτησάμην, καὶ πάντεσ οἱ συνηγμένοι ἐκεῖ ἐπὶ τὸ ἔργον. καὶ οἱ Ἰουδαῖοι, ἑκατὸν καὶ πεντήκοντα ἄνδρεσ, καὶ ἐρχόμενοι πρὸσ ἡμᾶσ ἀπὸ τῶν ἐθνῶν τῶν κύκλῳ ἡμῶν ἐπὶ τράπεζάν μου. καὶ ἦν γινόμενον εἰσ ἡμέραν μίαν μόσχοσ εἷσ καὶ πρόβατα ἓξ ἐκλεκτὰ καὶ χίμαροσ ἐγίνοντό μοι καὶ ἀνὰ μέσον δέκα ἡμερῶν ἐν πᾶσιν οἶνοσ τῷ πλήθει. καὶ σὺν τούτοισ ἄρτουσ τῆσ βίασ οὐκ ἐζήτησα, ὅτι βαρεῖα ἡ δουλεία ἐπὶ τὸν λαὸν τοῦτον. μνήσθητί μου, ὁ Θεόσ, εἰσ ἀγαθὸν πάντα ὅσα ἐποίησα τῷ λαῷ τούτῳ. ΚΑΙ ἐγένετο καθὼσ ἠκούσθη τῷ Σαναβαλλὰτ καὶ Τωβίᾳ καὶ τῷ Γησὰμ τῷ Ἀραβὶ καὶ τοῖσ καταλοίποισ ἐχθρῶν ἡμῶν ὅτι ᾠκοδόμησα τὸ τεῖχοσ, καὶ οὐ κατελείφθη ἐν αὐτοῖσ πνοή. ἕωσ τοῦ καιροῦ ἐκείνου θύρασ οὐκ ἐπέστησα ἐν ταῖσ πύλαισ.

καὶ ἀπέστειλε Σαναβαλλὰτ καὶ Γησὰμ πρόσ με λέγων. δεῦρο καὶ συναχθῶμεν ἐπὶ τὸ αὐτὸ ἐν ταῖσ κώμαισ ἐν πεδίῳ Ὠνώ. καὶ αὐτοὶ λογιζόμενοι ποιῆσαί μοι πονηρίαν. καὶ ἀπέστειλα ἐπ’ αὐτοὺσ ἀγγέλουσ λέγων. ἔργον μέγα ἐγὼ ποιῶ καὶ οὐ δυνήσομαι καταβῆναι, μή ποτε καταπαύσῃ τὸ ἔργον. ὡσ ἂν τελειώσω αὐτό, καταβήσομαι πρὸσ ὑμᾶσ. καὶ ἀπέστειλαν πρόσ με ὡσ τὸ ρῆμα τοῦτο, καὶ ἀπέστειλα αὐτοῖσ κατὰ ταῦτα. καὶ ἀπέστειλε πρόσ με Σαναβαλλὰτ τὸν παῖδα αὐτοῦ καὶ ἐπιστολὴν ἀνεῳγμένην ἐν χειρὶ αὐτοῦ. καὶ ἦν γεγραμμένον ἐν αὐτῇ. «̓Εν ἔθνεσιν ἠκούσθη ὅτι σὺ καὶ οἱ Ἰουδαῖοι λογίζεσθε ἀποστατῆσαι, διὰ τοῦτο σὺ οἰκοδομεῖσ τὸ τεῖχοσ, καὶ σὺ ἔσῃ αὐτοῖσ εἰσ βασιλέα. καὶ πρὸσ τούτοισ προφήτασ ἔστησασ σεαυτῷ, ἵνα καθίσῃσ ἐν Ἱερουσαλὴμ εἰσ βασιλέα ἐπὶ Ἰούδα. καὶ νῦν ἀπαγγελήσονται τῷ βασιλεῖ οἱ λόγοι οὗτοι. καὶ νῦν δεῦρο βουλευσώμεθα ἐπὶ τὸ αὐτό. καὶ ἀπέστειλα πρὸσ αὐτὸν λέγων. οὐκ ἐγενήθη ὡσ οἱ λόγοι οὗτοι, ὡσ σὺ λέγεισ, ὅτι ἀπὸ καρδίασ σου σὺ ψεύδῃ αὐτούσ. ὅτι πάντεσ φοβερίζουσιν ἡμᾶσ λέγοντεσ. ἐκλυθήσονται αἱ χεῖρεσ αὐτῶν ἀπὸ τοῦ ἔργου τούτου, καὶ οὐ ποιηθήσεται. καὶ νῦν ἐκραταίωσα τὰσ χεῖράσ μου». Κἀγὼ εἰσῆλθον εἰσ οἶκον Σεμεί̈ υἱοῦ Δαλαί̈α, υἱοῦ Μεταβεήλ καὶ αὐτὸσ συνεχόμενοσ καὶ εἶπε. συναχθῶμεν εἰσ οἶκον τοῦ Θεοῦ ἐν μέσῳ αὐτοῦ καὶ κλείσωμεν τὰσ θύρασ αὐτοῦ, ὅτι ἔρχονται νυκτὸσ φονεῦσαί σε. καὶ εἶπα. τίσ ἐστιν ὁ ἀνήρ, ὃσ εἰσελεύσεται εἰσ τὸν οἶκον καὶ ζήσεται̣ καὶ ἐπέγνων καὶ ἰδοὺ ὁ Θεὸσ οὐκ ἀπέστειλεν αὐτόν, ὅτι ἡ προφητεία λόγοσ κατ’ ἐμοῦ, καὶ Τωβίασ καὶ Σαναβαλλὰτ ἐμισθώσαντο ἐπ’ ἐμὲ ὄχλον, ὅπωσ φοβηθῶ καὶ ποιήσω οὕτωσ καὶ ἁμάρτω καὶ γένωμαι αὐτοῖσ εἰσ ὄνομα πονηρόν, ὅπωσ ὀνειδίσωσί με. μνήσθητι, ὁ Θεόσ, Τωβία καὶ Σαναβαλλάτ, ὡσ τὰ ποιήματα αὐτοῦ ταῦτα, καὶ τῷ Νωαδίᾳ τῷ προφήτῃ καὶ τοῖσ καταλοίποισ τῶν προφητῶν, οἳ ἦσαν φοβερίζοντέσ με. Καὶ ἐτελέσθη τὸ τεῖχοσ πέμπτῃ καὶ εἰκάδι τοῦ Ἐλοὺλ μηνὸσ εἰσ πεντήκοντα καὶ δύο ἡμέρασ. καὶ ἐγένετο ἡνίκα ἤκουσαν πάντεσ οἱ ἐχθροὶ ἡμῶν, καὶ ἐφοβήθησαν πάντα τὰ ἔθνη τὰ κύκλῳ ἡμῶν, καὶ ἐπέπεσε φόβοσ σφόδρα ἐν ὀφθαλμοῖσ αὐτῶν, καὶ ἔγνωσαν ὅτι παρὰ τοῦ Θεοῦ ἡμῶν ἐγενήθη τελειωθῆναι τὸ ἔργον τοῦτο. καὶ ἐν ταῖσ ἡμέραισ ἐκείναισ ἀπὸ πολλῶν ἐντίμων Ἰούδα ἐπιστολαὶ ἐπορεύοντο πρὸσ Τωβίαν, καὶ αἱ Τωβία ἤρχοντο πρὸσ αὐτούσ, ὅτι πολλοὶ ἐν Ἰούδᾳ ἔνορκοι ἦσαν αὐτῷ, ὅτι γαμβρὸσ ἦν τοῦ Σεχενία υἱοῦ Ἡραέ, καὶ Ἰωνὰν υἱὸσ αὐτοῦ ἔλαβε τὴν θυγατέρα Μεσουλὰμ υἱοῦ Βαραχία εἰσ γυναῖκα. καὶ τοὺσ λόγουσ αὐτοῦ ἦσαν λέγοντεσ πρόσ με καὶ λόγουσ μου ἦσαν ἐκφέροντεσ αὐτῷ, καὶ ἐπιστολὰσ ἀπέστειλε Τωβίασ φοβερίσαι με. ΚΑΙ ἐγένετο ἡνίκα ᾠκοδομήθη τὸ τεῖχοσ, καὶ ἔστησα τάσ θύρασ, καὶ ἐπεσκέπησαν οἱ πυλωροὶ καὶ οἱ ἄδοντεσ καὶ οἱ Λευῖται.

καὶ ἐνετειλάμην τῷ Ἀνανίᾳ ἀδελφῷ μου καὶ τῷ Ἀνανίᾳ ἄρχοντι τῆσ βιρὰ ἐν Ἱερουσαλήμ, ὅτι αὐτὸσ ὡσ ἀνὴρ ἀληθὴσ καὶ φοβούμενοσ τὸν Θεὸν παρὰ πολλούσ, καὶ εἶπα αὐτοῖσ. οὐκ ἀνοιγήσονται πύλαι Ἱερουσαλὴμ ἕωσ ἅμα τῷ ἡλίῳ, καὶ ἔτι αὐτῶν γρηγορούντων κλειέσθωσαν αἱ θύραι καὶ σφηνούσθωσαν. καὶ στῆσον προφύλακασ οἰκούντων ἐν Ἱερουσαλήμ, ἀνὴρ ἐν προφυλακῇ αὐτοῦ καὶ ἀνὴρ ἀπέναντι οἰκίασ αὐτοῦ. Καὶ ἡ πόλισ πλατεῖα καὶ μεγάλη, καὶ ὁ λαὸσ ὀλίγοσ ἐν αὐτῇ, καὶ οὐκ ἦσαν οἰκίαι ᾠκοδομημέναι. καὶ ἔδωκεν ὁ Θεὸσ εἰσ τὴν καρδίαν μου καὶ συνῆξα τοὺσ ἐντίμουσ καὶ τοὺσ ἄρχοντασ καὶ τὸν λαὸν εἰσ συνοδίασ. καὶ εὗρον βιβλίον τῆσ συνοδίασ, οἳ ἀνέβησαν ἐν πρώτοισ, καὶ εὗρον γεγραμμένον ἐν αὐτῷ. καὶ οὗτοι υἱοὶ τῆσ χώρασ οἱ ἀναβάντεσ ἀπὸ αἰχμαλωσίασ τῆσ ἀποικίασ, ἧσ ἀπῴκισε Ναβουχοδονόσορ ὁ βασιλεὺσ Βαβυλῶνοσ καὶ ἐπέστρεψαν εἰσ Ἱερουσαλὴμ καὶ εἰσ Ἰούδα ἀνὴρ εἰσ τὴν πόλιν αὐτοῦ μετὰ Ζοροβάβελ καὶ Ἰησοῦ καὶ Νεεμία Ἀζαρία καὶ Ρεελμὰ Ναεμανί, Μαρδοχαῖοσ, Βαλσάν, Μασφαράθ, Ἔσδρα, Βογουί̈α, Ἰναούμ, Βαανά, Μασφάρ, ἄνδρεσ λαοῦ Ἰσραήλ. υἱοὶ Φόροσ δισχίλιοι ἑκατὸν ἑβδομηκονταδύο. υἱοὶ Σαφατία τριακόσιοι ἑβδομηκονταδύο. υἱοὶ Ἠρὰ ἑξακόσιοι πεντηκονταδύο. υἱοὶ Φαὰθ Μωὰβ τοῖσ υἱοῖσ Ἰησοῦ καὶ Ἰωὰβ δισχίλιοι ἑξακόσιοι δεκαοκτώ. υἱοὶ Αἰλὰμ χίλιοι διακόσιοι πεντηκοντατέσσαρεσ. υἱοὶ Ζαθουί̈α ὀκτακόσιοι τεσσαρακονταπέντε. υἱοὶ Ζακχοῦ ἑπτακόσιοι ἑξήκοντα. υἱοὶ Βανουί̈ ἑξακόσιοι τεσσαρακονταοκτώ. υἱοὶ Βηβὶ ἑξακόσιοι εἰκοσιοκτώ. υἱοὶ Ἀσγὰδ δισχίλιοι τριακόσιοι εἰκοσιδύο. υἱοὶ Ἀδωνικὰμ ἑξακόσιοι ἑξηκονταεπτά. υἱοὶ Βαγοί̈ δισχίλιοι ἑξηκονταεπτά. υἱοὶ Ἠδὶν ἑξακόσιοι πεντηκονταπέντε. υἱοὶ Ἀτὴρ τῷ Ἐζεκίᾳ ἐνενηκονταοκτώ. υἱοὶ Ἠσὰμ τριακόσιοι εἰκοσιοκτώ. υἱοὶ Βεσεί̈ τριακόσιοι εἰκοσιτέσσαρεσ. υἱοὶ Ἀρὶφ ἑκατὸν δώδεκα. υἱοὶ Ἀσὲν διακόσιοι εἰκοσιτρεῖσ. υἱοὶ Γαβαὼν ἐνενηκονταπέντε. υἱοὶ Βαιθαλὲμ ἑκατὸν εἰκοσιτρεῖσ. υἱοὶ Ἀτωφὰ πεντηκονταέξ. υἱοὶ Ἀναθὼθ ἑκατὸν εἰκοσιοκτώ. ἄνδρεσ Βηθασμὼθ τεσσαρακονταδύο. ἄνδρεσ Καριαθαρίμ, Καφιρὰ καὶ Βηρὼθ ἑπτακόσιοι τεσσαρακοντατρεῖσ. ἄνδρεσ Ἀραμὰ καὶ Γαβαὰ ἑξακόσιοι εἴκοσιν. ἄνδρεσ Μαχεμὰσ ἑκατὸν εἰκοσιδύο. ἄνδρεσ Βαιθὴλ καὶ Αἴ̈ ἑκατὸν εἰκοσιτρεῖσ. ἄνδρεσ Ναβία ἑκατὸν πεντηκονταδύο. ἄνδρεσ Ἠλαμαὰρ χίλιοι διακόσιοι πεντηκονταδύο. υἱοὶ Ἠρὰμ τριακόσιοι εἴκοσι. υἱοὶ Ἰεριχὼ τριακόσιοι τεσσαρακονταπέντε. υἱοὶ Λοδαδὶδ καὶ Ὠνὼ ἑπτακόσιοι εἰκοσιεῖσ. υἱοὶ Σανανὰ τρισχίλιοι ἐνακόσιοι τριάκοντα. οἱ ἱερεῖσ, υἱοὶ Ἰωδαὲ εἰσ οἶκον Ἰησοῦ ἐνακόσιοι ἑβδομηκοντατρεῖσ. υἱοὶ Ἐμμὴρ χίλιοι πεντηκονταδύο. υἱοὶ Φασεοὺρ χίλιοι διακόσιοι τεσσαρακονταεπτά. υἱοὶ Ἠρὰμ χίλιοι δεκαεπτά. οἱ Λευῖται, υἱοὶ Ἰησοῦ τοῦ Καδμιὴλ τοῖσ υἱοῖσ τοῦ Οὐδουί̈α ἑβδομηκοντατέσσαρεσ. οἱ ἄδοντεσ, υἱοὶ Ἀσὰφ ἑκατὸν τεσσαρακονταοκτώ. οἱ πυλωροί, υἱοὶ Σαλούμ, υἱοὶ Ἀτήρ, υἱοὶ Τελμών, υἱοὶ Ἀκούβ, υἱοὶ Ἀτιτά, υἱοὶ Σαβί, ἑκατὸν τριακονταοκτώ. οἱναθινίμ, υἱοὶ Σηά, υἱοὶ Ἀσφά, υἱοὶ Ταβαώθ, υἱοὶ Κιράσ, υἱοὶ Ἀσουί̈α, υἱοὶ Φαδών, υἱοὶ Λαβανά, υἱοὶ Ἀγαβά, υἱοὶ Σελμεί̈, υἱοὶ Ἀνάν, υἱοὶ Γαδήλ, υἱοὶ Γαάρ, υἱοὶ Ρααί̈α, υἱοὶ Ρασσών, υἱοὶ Νεκωδά, υἱοὶ Γηζάμ, υἱοὶ Ὀζί, υἱοὶ Φεσή, υἱοὶ Βησί, υἱοὶ Μεϊνών, υἱοὶ Νεφωσασί, υἱοὶ Βακβούκ, υἱοὶ Ἀχιφά, υἱοὶ Ἀρούρ, υἱοὶ Βασαλώθ, υἱοὶ Μιδά, υἱοὶ Ἀδασάν, υἱοὶ Βαρκουέ, υἱοὶ Σισαράθ, υἱοὶ Θημά, υἱοὶ Νισιά, υἱοὶ Ἀτιφά, υἱοὶ δούλων Σαλωμών, υἱοὶ Σουτεί̈, υἱοὶ Σαφαράτ, υἱοὶ Φεριδά, υἱοὶ Ἰελήλ, υἱοὶ Δορκών, υἱοὶ Γαδαήλ, υἱοὶ Σαφατία, υἱοὶ Ἐττήλ, υἱοὶ Φακαράθ, υἱοὶ Σαβαί̈μ, υἱοὶ Ἠμίμ. πάντεσ οἱ ναθινίμ, καὶ υἱοὶ δούλων Σαλωμών, τριακόσιοι ἐνενηκονταδύο. καὶ οὗτοι ἀνέβησαν ἀπὸ Θελμελέθ, Θελαρησά, Χαρούβ, Ἠρών, Ἰεμὴρ καὶ οὐκ ἐδυνάσθησαν ἀπαγγεῖλαι οἴκουσ πατριῶν αὐτῶν καὶ σπέρμα αὐτῶν εἰ ἀπὸ Ἰσραήλ εἰσιν. υἱοὶ Δαλαία, υἱοὶ Τωβία, υἱοὶ Νεκωδά, ἑξακόσιοι τεσσαρακονταδύο. καὶ ἀπὸ τῶν ἱερέων υἱοὶ Ἐβία, υἱοὶ Ἀκώσ, υἱοὶ Βερζελλί, ὅτι ἔλαβον ἀπὸ θυγατέρων Βερζελλὶ τοῦ Γαλααδίτου γυναῖκασ καὶ ἐκλήθησαν ἐπ’ ὀνόματι αὐτῶν. οὗτοι ἐζήτησαν γραφὴν αὐτῶν τῆσ συνοδίασ, καὶ οὐχ εὑρέθη, καὶ ἠγχιστεύθησαν ἀπὸ τῆσ ἱερατείασ, καὶ εἶπεν Ἀθερσασθά, ἵνα μὴ φάγωσιν ἀπὸ τοῦ ἁγίου τῶν ἁγίων, ἕωσ ἀναστῇ ἱερεὺσ φωτίσων. καὶ ἐγένετο πᾶσα ἡ ἐκκλησία ὡσεὶ τέσσαρεσ μυριάδεσ δισχίλιοι τριακόσιοι ἑξήκοντα, πάρεξ δούλων αὐτῶν καὶ παιδισκῶν αὐτῶν, οὗτοι ἑπτακισχίλιοι τριακόσιοι τριακονταεπτά. καὶ ᾄδοντεσ καὶ ᾄδουσαι διακόσιοι τεσσαρακονταπέντε. ὄνοι δισχίλιοι ἑπτακόσιοι. καὶ ἀπὸ μέρουσ ἀρχηγῶν τῶν πατριῶν ἔδωκαν εἰσ τὸ ἔργον τῷ Νεεμίᾳ εἰσ θησαυρὸν χρυσοῦσ χιλίουσ, φιάλασ πεντήκοντα καὶ χωθωνὼθ τῶν ἱερέων τριάκοντα. καὶ ἀπὸ ἀρχηγῶν τῶν πατριῶν ἔδωκαν εἰσ θησαυροὺσ τοῦ ἔργου χρυσοῦ νομίσματοσ δύο μυριάδασ καὶ ἀργυρίου μνᾶσ δισχιλίασ τριακοσίασ, καὶ ἔδωκαν οἱ κατάλοιποι τοῦ λαοῦ χρυσίου δύο μυριάδασ καὶ ἀργυρίου μνᾶσ δισχιλίασ διακοσίασ καὶ χωθωνὼθ τῶν ἱερέων ἑξηκονταεπτά. καί ἐκάθισαν οἱ ἱερεῖσ καὶ Λευῖται καὶ οἱ πυλωροὶ καὶ οἱ ᾄδοντεσ καὶ οἱ ἀπὸ τοῦ λαοῦ καὶ οἱ ναθινὶμ καὶ πᾶσ Ἰσραὴλ ἐν πόλεσιν αὐτῶν. ΚΑΙ ἔφθασεν ὁ μὴν ὁ ἕβδομοσ ‐καὶ οἱ υἱοὶ Ἰσραὴλ ἐν πόλεσιν αὐτῶν‐ καὶ συνήχθησαν πᾶσ ὁ λαὸσ ὡσ ἀνὴρ εἷσ εἰσ τὸ πλάτοσ τὸ ἔμπροσθεν πύλησ τοῦ ὕδατοσ. καὶ εἶπαν τῷ Ἔσδρᾳ τῷ γραμματεῖ ἐνέγκαι τὸ βιβλίον νόμου Μωυσῆ, ὃν ἐνετείλατο Κύριοσ τῷ Ἰσραήλ.

καὶ ἤνεγκεν Ἔσδρασ ὁ ἱερεὺσ τὸν νόμον ἐνώπιον τῆσ ἐκκλησίασ ἀπὸ ἀνδρὸσ ἕωσ γυναικὸσ καὶ πᾶσ ὁ συνίων ἀκούειν ἐν ἡμέρᾳ μιᾷ τοῦ μηνὸσ τοῦ ἑβδόμου καὶ ἀνέγνω ἐν αὐτῷ ἀπὸ τῆσ ὥρασ τοῦ διαφωτίσαι τὸν ἥλιον ἕωσ ἡμίσουσ τῆσ ἡμέρασ ἀπέναντι τῶν ἀνδρῶν καὶ τῶν γυναικῶν, καὶ αὐτοὶ συνιέντεσ, καὶ ὦτα παντὸσ τοῦ λαοῦ εἰσ τὸ βιβλίον τοῦ νόμου. καὶ ἔστη Ἔσδρασ ὁ γραμματεὺσ ἐπὶ βήματοσ ξυλίνου, καὶ ἔστησαν ἐχόμενα αὐτοῦ Ματταθίασ καὶ Σαμαί̈ασ καὶ Ἀνανίασ καὶ Οὐρίασ καὶ Χελκία καὶ Μαασία ἐκ δεξιῶν αὐτοῦ, καὶ ἐξ ἀριστερῶν Φαδαί̈ασ καὶ Μισαὴλ καὶ Μελχίασ καὶ Ἀσὼμ καὶ Ἀσαβαδμὰ καὶ Ζαχαρίασ καὶ Μεσολλάμ. καὶ ἤνοιξεν Ἔσδρασ τὸ βιβλίον ἐνώπιον παντὸσ τοῦ λαοῦ, ὅτι αὐτὸσ ἦν ἐπάνω τοῦ λαοῦ ‐καὶ ἐγένετο ἡνίκα ἤνοιξεν αὐτό, ἔστη πᾶσ ὁ λαόσ‐ καὶ ηὐλόγησεν Ἔσδρασ Κύριον τὸν Θεὸν τὸν μέγαν, καὶ ἀπεκρίθη πᾶσ ὁ λαὸσ καὶ εἶπαν. ἀμήν, ἐπάραντεσ τὰσ χεῖρασ αὐτῶν, καὶ ἔκυψαν καὶ προσεκύνησαν τῷ Κυρίῳ ἐπὶ πρόσωπον ἐπὶ τὴν γῆν. καὶ Ἰησοῦσ καὶ Βαναί̈ασ καὶ Σαραβίασ ἦσαν συνετίζοντεσ τὸν λαὸν εἰσ τὸν νόμον. καὶ ὁ λαὸσ ἐν τῇ στάσει αὐτοῦ. καὶ ἀνέγνωσαν ἐν βιβλίῳ νόμου τοῦ Θεοῦ, καὶ ἐδίδασκεν Ἔσδρασ καὶ διέστελλεν ἐν ἐπιστήμῃ Κυρίου, καὶ συνῆκεν ὁ λαὸσ ἐν τῇ ἀναγνώσει. καὶ εἶπε Νεεμίασ καὶ Ἔσδρασ ὁ ἱερεὺσ καὶ γραμματεὺσ καὶ οἱ Λευῖται καὶ οἱ συνετίζοντεσ τὸν λαὸν καὶ εἶπαν παντὶ τῷ λαῷ. ἡμέρα ἁγία ἐστὶ τῷ Κυρίῳ Θεῷ ἡμῶν, μὴ πενθεῖτε μηδὲ κλαίετε. ὅτι ἔκλαιε πᾶσ ὁ λαόσ, ὡσ ἤκουσαν τοὺσ λόγουσ τοῦ νόμου. καὶ εἶπεν αὐτοῖσ. πορεύεσθε φάγετε λιπάσματα καὶ πίετε γλυκάσματα καὶ ἀποστείλατε μερίδασ τοῖσ μὴ ἔχουσιν. ὅτι ἁγία ἐστὶν ἡ ἡμέρα τῷ Κυρίῳ ἡμῶν. καὶ μὴ διαπέσητε, ὅτι ἐστὶ Κύριοσ ἰσχὺσ ἡμῶν. καὶ οἱ Λευῖται κατεσιώπων πάντα τὸν λαὸν λέγοντεσ. σιωπᾶτε, ὅτι ἡμέρα ἁγία, καὶ μὴ καταπίπτετε. καὶ ἀπῆλθε πᾶσ ὁ λαὸσ φαγεῖν καὶ πιεῖν καὶ ἀποστέλλειν μερίδασ καὶ ποιῆσαι εὐφροσύνην μεγάλην, ὅτι συνῆκαν ἐν τοῖσ λόγοισ οἷσ ἐγνώρισεν αὐτοῖσ. Καὶ ἐν τῇ ἡμέρᾳ τῇ δευτέρᾳ συνήχθησαν οἱ ἄρχοντεσ τῶν πατριῶν σὺν τῷ παντὶ λαῷ, οἱ ἱερεῖσ καὶ οἱ Λευῖται πρὸσ Ἔσδραν τὸν γραμματέα ἐπιστῆσαι πρὸσ πάντασ τοὺσ λόγουσ τοῦ νόμου. καὶ εὕροσαν γεγραμμένον ἐν τῷ νόμῳ, ᾧ ἐνετείλατο Κύριοσ τῷ Μωυσῇ, ὅπωσ κατοικήσωσιν οἱ υἱοὶ Ἰσραὴλ ἐν σκηναῖσ ἐν ἑορτῇ ἐν μηνὶ τῷ ἑβδόμῳ, καὶ ὅπωσ σημάνωσι σάλπιγξιν ἐν πάσαισ ταῖσ πόλεσιν αὐτῶν καὶ ἐν Ἱερουσαλήμ. καὶ εἶπεν Ἔσδρασ. ἐξέλθετε εἰσ τὸ ὄροσ, καὶ ἐνέγκατε φύλλα ἐλαίασ καὶ φύλλα ξύλων κυπαρισσίνων καὶ φύλλα μυρσίνησ καὶ φύλλα φοινίκων καὶ φύλλα ξύλου δασέοσ ποιῆσαι σκηνὰσ κατὰ τὸ γεγραμμένον. καὶ ἐξῆλθεν ὁ λαὸσ καὶ ἤνεγκαν καὶ ἐποίησαν ἑαυτοῖσ σκηνὰσ ἀνὴρ ἐπὶ τοῦ δώματοσ αὐτοῦ καὶ ἐν ταῖσ αὐλαῖσ αὐτῶν καὶ ἐν ταῖσ αὐλαῖσ οἴκου τοῦ Θεοῦ καὶ ἐν πλατείαισ τῆσ πόλεωσ καὶ ἕωσ πύλησ Ἐφραίμ. καὶ ἐποίησαν πᾶσα ἡ ἐκκλησία, οἱ ἐπιστρέψαντεσ ἀπὸ τῆσ αἰχμαλωσίασ, σκηνὰσ καὶ ἐκάθισαν ἐν σκηναῖσ. ὅτι οὐκ ἐποίησαν ἀπὸ ἡμερῶν Ἰησοῦ υἱοῦ Ναυῆ οὕτωσ οἱ υἱοὶ Ἰσραὴλ ἕωσ τῆσ ἡμέρασ ἐκείνησ. καὶ ἐγένετο εὐφροσύνη μεγάλη. καὶ ἀνέγνω ἐν βιβλίῳ νόμου τοῦ Θεοῦ ἡμέραν ἐν ἡμέρᾳ ἀπὸ τῆσ ἡμέρασ τῆσ πρώτησ ἕωσ τῆσ ἡμέρασ τῆσ ἐσχάτησ. καὶ ἐποίησαν ἑορτὴν ἑπτὰ ἡμέρασ, καὶ τῇ ἡμέρᾳ τῇ ὀγδόῃ ἐξόδιον κατὰ τὸ κρίμα. ΚΑΙ ἐν ἡμέρᾳ εἰκοστῇ καὶ τετάρτῃ τοῦ μηνὸσ τούτου συνήχθησαν οἱ υἱοὶ Ἰσραὴλ ἐν νηστείᾳ καὶ ἐν σάκκοισ καὶ σποδῷ ἐπὶ κεφαλῆσ αὐτῶν.

καὶ ἐχωρίσθησαν οἱ υἱοὶ Ἰσραὴλ ἀπὸ παντὸσ υἱοῦ ἀλλοτρίου καὶ ἔστησαν καὶ ἐξηγόρευσαν τὰσ ἁμαρτίασ αὐτῶν καὶ τὰσ ἀνομίασ τῶν πατέρων αὐτῶν. καὶ ἔστησαν ἐπὶ τῇ στάσει αὐτῶν καὶ ἀνέγνωσαν ἐν βιβλίῳ νόμου Κυρίου Θεοῦ αὐτῶν καὶ ἦσαν ἐξαγορεύοντεσ τῷ Κυρίῳ καὶ προσκυνοῦντεσ τῷ Κυρίῳ Θεῷ αὐτῶν. καὶ ἔστη ἐπὶ ἀναβάσει τῶν Λευιτῶν Ἰησοῦσ καὶ οἱ υἱοὶ Καδμιήλ, Σεχενία υἱὸσ Σαραβία, υἱοὶ Χωνενὶ καὶ ἐβόησαν φωνῇ μεγάλῃ πρὸσ Κύριον τὸν Θεὸν αὐτῶν. καὶ εἴποσαν οἱ Λευῖται Ἰησοῦσ καὶ Καδμιήλ. ἀνάστητε, εὐλογεῖτε Κύριον τὸν Θεὸν ἡμῶν ἀπὸ τοῦ αἰῶνοσ καὶ ἕωσ τοῦ αἰῶνοσ. καὶ εὐλογήσουσιν ὄνομα δόξησ σου καὶ ὑψώσουσιν ἐπὶ πάσῃ εὐλογίᾳ καὶ αἰνέσει. καὶ εἶπεν Ἔσδρασ. σὺ εἶ αὐτὸσ Κύριοσ μόνοσ, σὺ ἐποίησασ τὸν οὐρανὸν καὶ τὸν οὐρανὸν τοῦ οὐρανοῦ καὶ πᾶσαν τὴν στάσιν αὐτῶν, τὴν γῆν καὶ πάντα, ὅσα ἐστὶν ἐν αὐτῇ, τὰσ θαλάσσασ καὶ πάντα τὰ ἐν αὐταῖσ, καὶ σὺ ζωοποιεῖσ τὰ πάντα, καὶ σοὶ προσκυνοῦσιν αἱ στρατιαὶ τῶν οὐρανῶν. σὺ εἶ Κύριοσ ὁ Θεόσ. σὺ ἐξελέξω ἐν Ἅβραμ καὶ ἐξήγαγεσ αὐτὸν ἐκ τῆσ χώρασ τῶν Χαλδαίων καὶ ἐπέθηκασ αὐτῷ ὄνομα Ἁβραάμ. καὶ εὗρεσ τὴν καρδίαν αὐτοῦ πιστὴν ἐνώπιόν σου καὶ διέθου πρὸσ αὐτὸν διαθήκην δοῦναι αὐτῷ τὴν γῆν τῶν Χαναναίων καὶ Χετταίων καὶ Ἀμορραίων καὶ Φερεζαίων καὶ Ἰεβουσαίων καὶ Γεργεσαίων καὶ τῷ σπέρματι αὐτοῦ. καὶ ἔστησασ τοὺσ λόγουσ σου, ὅτι δίκαιοσ σύ. καὶ εἶδεσ τὴν ταπείνωσιν τῶν πατέρων ἡμῶν ἐν Αἰγύπτῳ καὶ τὴν κραυγὴν αὐτῶν ἤκουσασ ἐπὶ θάλασσαν ἐρυθράν. καὶ ἔδωκασ σημεῖα καὶ τέρατα ἐν Αἰγύπτῳ ἐν Φαραὼ καὶ ἐν πᾶσι τοῖσ παισὶν αὐτοῦ καὶ ἐν παντὶ τῷ λαῷ τῆσ γῆσ αὐτοῦ, ὅτι ἔγνωσ ὅτι ὑπερηφάνησαν ἐπ’ αὐτούσ, καὶ ἐποίησασ σεαυτῷ ὄνομα ὡσ ἡ ἡμέρα αὕτη. καὶ τὴν θάλασσαν ἔρρηξασ ἐνώπιον αὐτῶν, καὶ παρήλθοσαν ἐν μέσῳ τῆσ θαλάσσησ ἐν ξηρασίᾳ, καὶ τοὺσ καταδιώξοντασ αὐτοὺσ ἔρριψασ εἰσ βυθὸν ὡσεὶ λίθον ἐν ὕδατι σφοδρῷ. καὶ ἐν στύλῳ νεφέλησ ὡδήγησασ αὐτοὺσ ἡμέρασ καὶ ἐν στύλῳ πυρὸσ τὴν νύκτα τοῦ φωτίσαι αὐτοῖσ τὴν ὁδόν, ἐν ᾗ πορεύσονται ἐν αὐτῇ. καὶ ἐπὶ ὄροσ Σινὰ κατέβησ καὶ ἐλάλησασ πρὸσ αὐτοὺσ ἐξ οὐρανοῦ καὶ ἔδωκασ αὐτοῖσ κρίματα εὐθέα καὶ νόμουσ ἀληθείασ, προστάγματα καὶ ἐντολὰσ ἀγαθάσ. καὶ τὸ σάββατόν σου τὸ ἅγιον ἐγνώρισασ αὐτοῖσ, ἐντολὰσ καὶ προστάγματα καὶ νόμον ἐνετείλω αὐτοῖσ ἐν χειρὶ Μωυσῆ δούλου σου. καὶ ἄρτον ἐξ οὐρανοῦ ἔδωκασ αὐτοῖσ εἰσ σιτοδοτίαν αὐτῶν καὶ ὕδωρ ἐκ πέτρασ ἐξήνεγκασ αὐτοῖσ εἰσ δίψαν αὐτῶν. καὶ εἶπασ αὐτοῖσ εἰσελθεῖν κληρονομῆσαι τὴν γῆν, ἐφ’ ἣν ἐξέτεινασ τὴν χεῖρά σου δοῦναι αὐτοῖσ. καὶ αὐτοὶ καὶ οἱ πατέρεσ ἡμῶν ὑπερηφανεύσαντο καὶ ἐσκλήρυναν τὸν τράχηλον αὐτῶν καὶ οὐκ ἤκουσαν τῶν ἐντολῶν σου. καὶ ἀνένευσαν τοῦ εἰσακοῦσαι καὶ οὐκ ἐμνήσθησαν τῶν θαυμασίων σου, ὧν ἐποίησασ μετ’ αὐτῶν καὶ ἐσκλήρυναν τὸν τράχηλον αὐτῶν καὶ ἔδωκαν ἀρχὴν ἐπιστρέψαι εἰσ δουλείαν αὐτῶν ἐν Αἰγύπτῳ. καὶ σὺ ὁ Θεὸσ ἐλεήμων καὶ οἰκτίρμων, μακρόθυμοσ καὶ πολυέλεοσ, καὶ οὐκ ἐγκατέλιπεσ αὐτούσ. ἔτι δὲ καὶ ἐποίησαν ἑαυτοῖσ μόσχον χωνευτὸν καὶ εἶπαν. οὗτοι οἱ θεοὶ οἱ ἐξαγαγόντεσ ἡμᾶσ ἐξ Αἰγύπτου. καὶ ἐποίησαν παροργισμοὺσ μεγάλουσ. καὶ σὺ ἐν οἰκτιρμοῖσ σου τοῖσ πολλοῖσ οὐκ ἐγκατέλιπεσ αὐτοὺσ ἐν τῇ ἐρήμῳ, τὸν στύλον τῆσ νεφέλησ οὐκ ἐξέκλινασ ἀπ’ αὐτῶν ἡμέρασ ὁδηγῆσαι αὐτοὺσ ἐν τῇ ὁδῷ καὶ τὸν στύλον τοῦ πυρὸσ τὴν νύκτα, φωτίζειν αὐτοῖσ τὴν ὁδόν, ἐν ᾗ πορεύσονται ἐν αὐτῇ. καὶ τὸ πνεῦμά σου τὸ ἀγαθὸν ἔδωκασ συνετίσαι αὐτοὺσ καὶ τὸ μάννα σου οὐκ ἀφυστέρησασ ἀπὸ στόματοσ αὐτῶν καὶ ὕδωρ ἔδωκασ αὐτοῖσ ἐν τῷ δίψει αὐτῶν. καὶ τεσσαράκοντα ἔτη διέθρεψασ αὐτοὺσ ἐν τῇ ἐρήμῳ, οὐχ ὑστέρησασ αὐτοῖσ οὐδέν. ἱμάτια αὐτῶν οὐκ ἐπαλαιώθησαν, καὶ πόδεσ αὐτῶν οὐ διερράγησαν. καὶ ἔδωκασ αὐτοῖσ βασιλείασ καὶ λαοὺσ ἐμέρισασ αὐτοῖσ, καὶ ἐκληρονόμησαν τὴν γῆν Σηὼν βασιλέωσ Ἐσεβὼν καὶ τὴν γῆν Ὢγ βασιλέωσ τοῦ Βασάν. καὶ τοὺσ υἱοὺσ αὐτῶν ἐπλήθυνασ ὡσ τοὺσ ἀστέρασ τοῦ οὐρανοῦ καὶ εἰσήγαγεσ αὐτοὺσ εἰσ τὴν γῆν, ἣν εἶπασ τοῖσ πατράσιν αὐτῶν, καὶ ἐκληρονόμησαν αὐτήν. καὶ ἐξέτριψασ ἐνώπιον αὐτῶν τοὺσ κατοικοῦντασ τὴν γῆν τῶν Χαναναίων καὶ ἔδωκασ αὐτοὺσ εἰσ τὰσ χεῖρασ αὐτῶν καὶ τοὺσ βασιλεῖσ αὐτῶν καὶ τοὺσ λαοὺσ τῆσ γῆσ ποιῆσαι αὐτοῖσ ὡσ ἀρεστὸν ἐνώπιον αὐτῶν. καὶ κατελάβοσαν πόλεισ ὑψηλὰσ καὶ ἐκληρονόμησαν οἰκίασ πλήρεισ πάντων ἀγαθῶν, λάκκουσ λελατομημένουσ, ἀμπελῶνασ καὶ ἐλαιῶνασ καὶ πᾶν ξύλον βρώσιμον εἰσ πλῆθοσ. καὶ ἐφάγοσαν καὶ ἐνεπλήσθησαν καὶ ἐλιπάνθησαν καὶ ἐτρύφησαν ἐν ἀγαθωσύνῃ σου τῇ μεγάλῃ. καὶ ἤλλαξαν καὶ ἀπέστησαν ἀπὸ σοῦ καὶ ἔρριψαν τὸν νόμον σου ὀπίσω σώματοσ αὐτῶν καὶ τοὺσ προφήτασ σου ἀπέκτειναν, οἳ διεμαρτύραντο ἐν αὐτοῖσ ἐπιστρέψαι αὐτοὺσ πρόσ σε, καὶ ἐποίησαν παροργισμοὺσ μεγάλουσ. καὶ ἔδωκασ αὐτοὺσ ἐν χειρὶ θλιβόντων αὐτούσ, καὶ ἔθλιψαν αὐτούσ. καὶ ἀνεβόησαν πρόσ σε ἐν καιρῷ θλίψεωσ αὐτῶν, καὶ σὺ ἐξ οὐρανοῦ σου ἤκουσασ καὶ ἐν οἰκτιρμοῖσ σου τοῖσ μεγάλοισ ἔδωκασ αὐτοῖσ σωτῆρασ καὶ ἔσωσασ αὐτοὺσ ἐκ χειρὸσ θλιβόντων αὐτούσ. καὶ ὡσ ἀνεπαύσαντο, ἐπέστρεψαν ποιῆσαι τὸ πονηρὸν ἐνώπιόν σου. καὶ ἐγκατέλιπεσ αὐτοὺσ εἰσ χεῖρασ ἐχθρῶν αὐτῶν, καὶ κατῆρξαν ἐν αὐτοῖσ. καὶ πάλιν ἀνεβόησαν πρόσ σε, καὶ σὺ ἐξ οὐρανοῦ εἰσήκουσασ καὶ ἐρρύσω αὐτοὺσ ἐν οἰκτιρμοῖσ σου πολλοῖσ. καὶ ἐπεμαρτύρω αὐτοῖσ ἐπιστρέψαι αὐτοὺσ εἰσ τὸν νόμον σου, καὶ οὐκ ἤκουσαν, ἀλλ’ ἐν ταῖσ ἐντολαῖσ σου καὶ κρίμασί σου ἡμάρτοσαν, ἃ ποιήσασ αὐτὰ ἄνθρωποσ ζήσεται ἐν αὐτοῖσ. καὶ ἔδωκαν νῶτον ἀπειθοῦντα καὶ τράχηλον αὐτῶν ἐσκλήρυναν καὶ οὐκ ἤκουσαν. καὶ εἵλκυσασ ἐπ’ αὐτοὺσ ἔτη πολλὰ καὶ ἐπεμαρτύρω αὐτοῖσ ἐν πνεύματί σου ἐν χειρὶ προφητῶν σου. καὶ οὐκ ἠνωτίσαντο, καὶ ἔδωκασ αὐτοὺσ ἐν χειρὶ λαῶν τῆσ γῆσ. καὶ σὺ ἐν οἰκτιρμοῖσ σου τοῖσ πολλοῖσ οὐκ ἐποίησασ αὐτοὺσ συντέλειαν καὶ οὐκ ἐγκατέλιπεσ αὐτούσ, ὅτι ἰσχυρὸσ εἶ καὶ ἐλεήμων καὶ οἰκτίρμων. καὶ νῦν, ὁ Θεὸσ ἡμῶν ὁ ἰσχυρόσ, ὁ μέγασ, ὁ κραταιὸσ καὶ ὁ φοβερόσ, φυλάσσων τὴν διαθήκην σου καὶ τὸ ἔλεόσ σου, μὴ ὀλιγωθήτω ἐνώπιόν σου πᾶσ ὁ μόχθοσ, ὃσ εὗρεν ἡμᾶσ καὶ τοὺσ βασιλεῖσ ἡμῶν καὶ τοὺσ ἄρχοντασ ἡμῶν καὶ τοὺσ ἱερεῖσ ἡμῶν καὶ τοὺσ προφήτασ ἡμῶν καὶ τοὺσ πατέρασ ἡμῶν καὶ ἐν παντὶ τῷ λαῷ σου ἀπὸ ἡμερῶν βασιλέων Ἀσσοὺρ καὶ ἕωσ τῆσ ἡμέρασ ταύτησ. καὶ σὺ δίκαιοσ ἐπὶ πᾶσι τοῖσ ἐρχομένοισ ἐφ’ ἡμᾶσ, ὅτι ἀλήθειαν ἐποίησασ, καὶ ἡμεῖσ ἐξημάρτομεν, καὶ οἱ βασιλεῖσ ἡμῶν καὶ οἱ ἄρχοντεσ ἡμῶν καὶ οἱ ἱερεῖσ ἡμῶν καὶ οἱ πατέρεσ ἡμῶν οὐκ ἐποίησαν τὸν νόμον σου καὶ οὐ προσέσχον τῶν ἐντολῶν σου καὶ τὰ μαρτύριά σου, ἃ διεμαρτύρω αὐτοῖσ. καὶ αὐτοὶ ἐν βασιλείᾳ σου καὶ ἐν ἀγαθωσύνῃ σου τῇ πολλῇ, ᾗ ἔδωκασ αὐτοῖσ, καὶ ἐν τῇ γῇ τῇ πλατείᾳ καὶ λιπαρᾷ, ᾗ ἔδωκασ ἐνώπιον αὐτῶν, οὐκ ἐδούλευσάν σοι καὶ οὐκ ἀπέστρεψαν ἀπὸ ἐπιτηδευμάτων αὐτῶν τῶν πονηρῶν. ἰδοὺ σήμερόν ἐσμεν δοῦλοι, καὶ ἡ γῆ, ἣν ἔδωκασ τοῖσ πατράσιν ἡμῶν φαγεῖν τὸν καρπὸν αὐτῆσ καὶ τὰ ἀγαθὰ αὐτῆσ, ἰδού ἐσμεν δοῦλοι ἐπ’ αὐτῆσ, καὶ οἱ καρποὶ αὐτῆσ πολλοὶ τοῖσ βασιλεῦσιν, οἷσ ἔδωκασ ἐφ’ ἡμᾶσ ἐν ἁμαρτίαισ ἡμῶν, καὶ ἐπὶ τὰ σώματα ἡμῶν ἐξουσιάζουσι καὶ ἐν κτήνεσιν ἡμῶν ὡσ ἀρεστὸν αὐτοῖσ, καὶ ἐν θλίψει μεγάλῃ ἐσμέν. καὶ ἐν πᾶσι τούτοισ ἡμεῖσ διατιθέμεθα πίστιν καὶ γράφομεν, καὶ ἐπισφραγίζουσιν ἄρχοντεσ ἡμῶν, Λευῖται ἡμῶν, ἱερεῖσ ἡμῶν. ΚΑΙ ἐπὶ τῶν σφραγιζόντων Νεεμίασ Ἀρτασασθὰ υἱὸσ Ἀχαλία καὶ Σεδεκίας

υἱὸσ Ἀραία καὶ Ἀζαρία καὶ Ἱερμία, Φασούρ, Ἀμαρία, Μελχία, Ἀττούσ, Σεβανί, Μαλούχ, Ἰράμ, Μεραμώθ, Ἀβδία, Δανιήλ, Γανναθών, Βαρούχ, Μεσουλάμ, Ἀβία, Μιαμίν, Μααζία, Βελγαί̈, Σαμαί̈α, οὗτοι ἱερεῖσ. καὶ οἱ Λευῖται Ἰησοῦσ υἱὸσ Ἀζανία, Βαναίου ἀπὸ υἱῶν Ἠναδάδ, Καδμιὴλ καὶ οἱ ἀδελφοὶ αὐτοῦ, Σαβανία, Ὠδουί̈α, Καλιτάν, Φελία, Ἀνάν, Μιχά, Ροώβ, Ἀσεβίασ, Ζακχώρ, Σαραβία, Σεβανία, Ὠδούμ, υἱοὶ Βανουναί̈. ἄρχοντεσ τοῦ λαοῦ Φόροσ, Φαάθ, Μωάβ, Ἠλάμ, Ζαθουί̈α, υἱοὶ Βανί, Ἀσγάδ, Βηβαί̈, Ἀδανία, Βαγοί̈, Ἠδίν, Ἀτήρ, Ἐζεκία, Ἀζούρ, Ὠδουί̈α, Ἠσάμ, Βησί, Ἀρίφ, Ἀναθώθ, Νωβαί̈, Μεγαφήσ, Μεσουλάμ, Ἠζίρ, Μεσωζεβήλ, Σαδούκ, Ἰεδδούα, Φαλτία, Ἀνάν, Ἀναί̈α, Ὠσηέ, Ἀνανία, Ἀσούβ, Ἀλωήσ, Φαλαί̈, Σωβήκ, Ρεούμ, Ἐσσαβανά, Μαασία, καὶ Αἴ̈α, Αἰνάν, Ἠνάμ, Μαλούχ, Ἠράμ, Βαανά. καὶ οἱ κατάλοιποι τοῦ λαοῦ, οἱ ἱερεῖσ, οἱ Λευῖται, οἱ πυλωροί, οἱ ᾄδοντεσ, οἱ ναθινὶμ καὶ πᾶσ ὁ προσπορευόμενοσ ἀπὸ λαῶν τῆσ γῆσ πρὸσ νόμον τοῦ Θεοῦ, γυναῖκεσ αὐτῶν, υἱοὶ αὐτῶν, θυγατέρεσ αὐτῶν, πᾶσ ὁ εἰδὼσ καὶ συνίων, ἐνίσχυον ἐπὶ τοὺσ ἀδελφοὺσ αὐτῶν καὶ κατηράσαντο αὐτοὺσ καὶ εἰσήλθοσαν ἐν ἀρᾷ καὶ ἐν ὅρκῳ τοῦ πορεύεσθαι ἐν νόμῳ τοῦ Θεοῦ, ὃσ ἐδόθη ἐν χειρὶ Μωυσῆ δούλου τοῦ Θεοῦ, φυλάσσεσθαι καὶ ποιεῖν πάσασ τὰσ ἐντολὰσ Κυρίου καὶ τὰ κρίματα αὐτοῦ καὶ τὰ προστάγματα αὐτοῦ καὶ τοῦ μὴ δοῦναι θυγατέρασ ἡμῶν τοῖσ λαοῖσ τῆσ γῆσ, καὶ τὰσ θυγατέρασ αὐτῶν οὐ ληψόμεθα τοῖσ υἱοῖσ ἡμῶν. καὶ λαοὶ τῆσ γῆσ οἱ φέροντεσ τοὺσ ἀγορασμοὺσ καὶ πᾶσαν πρᾶσιν ἐν ἡμέρᾳ τοῦ σαββάτου ἀποδόσθαι, οὐκ ἀγορῶμεν παρ’ αὐτῶν ἐν σαββάτῳ καὶ ἐν ἡμέρᾳ ἁγίᾳ. καὶ ἀνήσομεν τὸ ἔτοσ τὸ ἕβδομον καὶ ἀπαίτησιν πάσησ χειρόσ. καὶ στήσομεν ἐφ’ ἡμᾶσ ἐντολὰσ δοῦναι ἐφ’ ἡμᾶσ τρίτον τοῦ διδράχμου κατ’ ἐνιαυτὸν εἰσ δουλείαν οἴκου τοῦ Θεοῦ ἡμῶν εἰσ ἄρτουσ τοῦ προσώπου καὶ θυσίαν τοῦ ἐνδελεχισμοῦ καὶ εἰσ ὁλοκαύτωμα τοῦ ἐνδελεχισμοῦ τῶν σαββάτων, τῶν νουμηνιῶν, εἰσ τὰσ ἑορτὰσ καὶ εἰσ τὰ ἅγια, καὶ τὰ περὶ ἁμαρτίασ ἐξιλάσασθαι περὶ Ἰσραήλ, καὶ εἰσ ἔργα οἴκου τοῦ Θεοῦ ἡμῶν. καὶ κλήρουσ ἐβάλομεν περὶ κλήρου ξυλοφορίασ, οἱ ἱερεῖσ καὶ οἱ Λευῖται καὶ ὁ λαόσ, ἐνέγκαι εἰσ οἶκον Θεοῦ ἡμῶν, εἰσ οἶκον πατριῶν ἡμῶν, εἰσ καιροὺσ ἀπὸ χρόνων, ἐνιαυτὸν κατ’ ἐνιαυτόν, ἐκκαῦσαι ἐπὶ τὸ θυσιαστήριον Κυρίου Θεοῦ ἡμῶν, ὡσ γέγραπται ἐν τῷ νόμῳ, καὶ ἐνέγκαι τὰ πρωτογεννήματα τῆσ γῆσ ἡμῶν καὶ πρωτογεννήματα καρποῦ παντὸσ ξύλου ἐνιαυτὸν κατ’ ἐνιαυτὸν εἰσ οἶκον Κυρίου καὶ τὰ πρωτότοκα υἱῶν ἡμῶν καὶ κτηνῶν ἡμῶν, ὡσ γέγραπται ἐν τῷ νόμῳ, καὶ τὰ πρωτότοκα τῶν βοῶν ἡμῶν καὶ ποιμνίων ἡμῶν ἐνέγκαι εἰσ οἶκον Θεοῦ ἡμῶν τοῖσ ἱερεῦσι τοῖσ λειτουργοῦσιν ἐν οἴκῳ Θεοῦ ἡμῶν. καὶ τὴν ἀπαρχὴν σίτων ἡμῶν καὶ τὸν καρπὸν παντὸσ ξύλου, οἴνου καὶ ἐλαίου οἴσομεν τοῖσ ἱερεῦσιν εἰσ τὸ γαζοφυλάκιον οἴκου τοῦ Θεοῦ. καὶ δεκάτην γῆσ ἡμῶν τοῖσ Λευίταισ. καὶ αὐτοὶ οἱ Λευῖται δεκατοῦντεσ ἐν πάσαισ πόλεσι δουλείασ ἡμῶν. καὶ ἔσται ὁ ἱερεὺσ υἱὸσ Ἀαρὼν μετὰ τοῦ Λευίτου ἐν τῇ δεκάτῃ τοῦ Λευίτου, καὶ οἱ Λευῖται ἀνοίσουσι τὴν δεκάτην τῆσ δεκάτησ εἰσ οἶκον Θεοῦ ἡμῶν εἰσ τὰ γαζοφυλάκια εἰσ οἶκον Θεοῦ. ὅτι εἰσ τοὺσ θησαυροὺσ εἰσοίσουσιν οἱ υἱοὶ Ἰσραὴλ καὶ οἱ υἱοὶ τοῦ Λευὶ τὰσ ἀπαρχὰσ τοῦ σίτου καὶ τοῦ οἴνου καὶ τοῦ ἐλαίου, καὶ ἐκεῖ σκεύη τὰ ἅγια, καὶ οἱ ἱερεῖσ καὶ οἱ λειτουργοὶ καὶ οἱ πυλωροὶ καὶ οἱ ᾄδοντεσ, καὶ οὐκ ἐγκαταλείψομεν τὸν οἶκον τοῦ Θεοῦ ἡμῶν. ΚΑΙ ἐκάθισαν οἱ ἄρχοντεσ τοῦ λαοῦ ἐν Ἱερουσαλήμ, καὶ οἱ κατάλοιποι τοῦ λαοῦ ἐβάλοσαν κλήρουσ ἐνέγκαι ἕνα ἀπὸ τῶν δέκα καθίσαι ἐν Ἱερουσαλὴμ πόλει τῇ ἁγίᾳ καὶ ἐννέα μέρη ἐν ταῖσ πόλεσι.

καὶ εὐλόγησεν ὁ λαὸσ τοὺσ πάντασ ἄνδρασ τοὺσ ἑκουσιαζομένουσ καθίσαι ἐν Ἱερουσαλήμ. καὶ οὗτοι οἱ ἄρχοντεσ τῆσ χώρασ, οἳ ἐκάθισαν ἐν Ἱερουσαλὴμ καὶ ἐν πόλεσιν Ἰούδα. ἐκάθισαν ἀνὴρ ἐν κατασχέσει αὐτοῦ, ἐν πόλεσιν αὐτῶν Ἰσραήλ, οἱ ἱερεῖσ καὶ οἱ Λευῖται καὶ οἱ ναθιναῖοι καὶ οἱ υἱοὶ δούλων Σαλωμών. καὶ ἐν Ἱερουσαλὴμ ἐκάθισαν ἀπὸ υἱῶν Ἰούδα καὶ ἀπὸ υἱῶν Βενιαμίν. ἀπὸ υἱῶν Ἰούδα. Ἀθαί̈α υἱὸσ Ἀζία, υἱὸσ Ζαχαρία, υἱὸσ Σαμαρία, υἱὸσ Σαφατία, υἱὸσ Μαλελεὴλ καὶ ἀπὸ τῶν υἱῶν Φαρέσ, καὶ Μαασία υἱὸσ Βαρούχ, υἱὸσ Χαλαζά, υἱὸσ Ὀζία, υἱὸσ Ἀδαί̈α, υἱὸσ Ἰωαρίβ, υἱὸσ Ζαχαρίου, υἱὸσ τοῦ Σηλωνί. πάντεσ υἱοὶ Φαρὲσ οἱ καθήμενοι ἐν Ἱερουσαλὴμ τετρακόσιοι ἑξηκονταοκτὼ ἄνδρεσ δυνάμεωσ. καὶ οὗτοι υἱοὶ Βενιαμίν. Σηλὼ υἱὸσ Μεσουλάμ, υἱὸσ Ἰωάδ, υἱὸσ Φαδαί̈α, υἱὸσ Κωλεί̈α, υἱὸσ Μαασίου, υἱὸσ Ἐθιήλ, υἱὸσ Ἰεσία, καὶ ὀπίσω αὐτοῦ Γηβέ, Σηλί, ἐννακόσιοι εἰκοσιοκτώ. καὶ Ἰωὴλ υἱὸσ Ζεχρὶ ἐπίσκοποσ ἐπ’ αὐτούσ, καὶ Ἰούδα υἱὸσ Ἀσανὰ ἀπὸ τῆσ πόλεωσ δεύτεροσ. ἀπὸ τῶν ἱερέων. καὶ Ἰαδία υἱὸσ Ἰωρίβ, Ἰαχίν, Σαραία υἱὸσ Ἐλχία, υἱὸσ Μεσουλάμ, υἱὸσ Σαδδούκ, υἱὸσ Μαριώθ, υἱὸσ Αἰτὼθ ἀπέναντι οἴκου τοῦ Θεοῦ. καὶ ἀδελφοὶ αὐτῶν ποιοῦντεσ τὸ ἔργον τοῦ οἴκου ὀκτακόσιοι εἰκοσιδύο. καὶ Ἀδαί̈α υἱὸσ Ἱεροάμ, υἱοῦ Φαλαλία, υἱοῦ Ἀμασί, υἱὸσ Ζαχαρία, υἱὸσ Φασσούρ, υἱὸσ Μελχία, καὶ ἀδελφοὶ αὐτοῦ, ἄρχοντεσ πατριῶν διακόσιοι τεσσαρακονταδύο. καὶ Ἀμασία υἱὸσ Ἐσδριήλ, υἱοῦ Μεσαριμίθ, υἱοῦ Ἐμμήρ, καὶ ἀδελφοὶ αὐτοῦ δυνατοὶ παρατάξεωσ ἑκατὸν εἰκοσιοκτώ. καὶ ἐπίσκοποσ Βαδιὴλ υἱὸσ τῶν μεγάλων. καὶ ἀπὸ τῶν Λευιτῶν Σαμαί̈α υἱὸσ Ἐσρικάμ, Ματθανίασ υἰὸσ Μιχὰ καὶ Ἰωβὴβ υἱὸσ Σαμουί̈, διακόσιοι ὀγδοηκοντατέσσαρεσ. καὶ οἱ πυλωροὶ Ἀκούβ, Τελαμίν, καὶ οἱ ἀδελφοὶ αὐτῶν, ἑκατὸν ἑβδομηκονταδύο. καὶ ἐπίσκοποσ Λευιτῶν υἱὸσ Βανί, υἱὸσ Ὀζί, υἱὸσ Ἀσαβία, υἱὸσ Μιχά. ἀπὸ υἱῶν Ἀσὰφ τῶν ἆδόντων ἀπέναντι ἔργου οἴκου τοῦ Θεοῦ. ὅτι ἐντολὴ τοῦ βασιλέωσ εἰσ αὐτούσ. καὶ Φαθαί̈α υἱὸσ Βασηζὰ πρὸσ χεῖρα τοῦ βασιλέωσ εἰσ πᾶν χρῆμα τῷ λαῷ. καὶ πρὸσ τὰσ ἐπαύλεισ ἐν ἀγρῷ αὐτῶν. καὶ ἀπὸ υἱῶν Ἰούδα ἐκάθισαν ἐν Καριαθαρβὸκ καὶ ἐν Ἰησοῦ καὶ ἐν Βηρσαβεέ, καὶ ἐπαύλεισ αὐτῶν, Λαχὶσ καὶ ἀγροὶ αὐτῆσ. καὶ παρενεβάλοσαν ἐν Βηρσαβεέ. καὶ οἱ υἱοὶ Βενιαμὶν ἀπὸ Γαβαὰ Μαχμάσ. καὶ ἀπὸ τῶν Λευιτῶν μερίδεσ Ἰούδα τῷ Βενιαμίν. ΚΑΙ οὗτοι οἱ ἱερεῖσ καὶ οἱ Λευῖται οἱ ἀναβάντεσ μετὰ Ζοροβάβελ υἱοῦ Σαλαθιὴλ καὶ Ἰησοῦ. Σαραί̈α, Ἱερεμία, Ἔσδρα,

Ἀμαρία, Μαλούχ, Σεχενία. οὗτοι οἱ ἄρχοντεσ τῶν ἱερέων καὶ ἀδελφοὶ αὐτῶν ἐν ἡμέραισ Ἰησοῦ. καὶ οἱ Λευῖται, Ἰησοῦ, Βανουί̈, Καδμιήλ, Σαραβία, Ἰωδαέ, Ματθανία, ἐπὶ τῶν χειρῶν αὐτὸσ καὶ οἱ ἀδελφοὶ αὐτῶν εἰσ τὰσ ἐφημερίασ. καὶ Ἰησοῦσ ἐγέννησε τὸν Ἰωακίμ, καὶ Ἰωακὶμ ἐγέννησε τὸν Ἐλιασίβ, καὶ Ἐλιασὶβ τὸν Ἰωδαέ, καὶ Ἰωδαὲ ἐγέννησε τὸν Ἰωνάθαν, καὶ Ἰωνάθαν ἐγέννησε τὸν Ἰαδού. καὶ ἐν ἡμέραισ Ἰωακὶμ ἀδελφοὶ αὐτοῦ οἱ ἱερεῖσ καὶ οἱ ἄρχοντεσ τῶν πατριῶν. τῷ Σαραί̈α Ἀμαρία, τῷ Ἱερεμίᾳ Ἀνανία, τῷ Ἔσδρᾳ Μεσουλάμ, τῷ Ἀμαρίᾳ Ἰωανάν, τῷ Ἀμαλοὺχ Ἰωνάθαν, τῷ Σεχενίᾳ Ἰωσήφ, τῷ Ἀρὲ Μαννάσ, τῷ Μαριὼθ Ἐλκαί̈, τῷ Ἀδαδαί̈ Ζαχαρία, τῷ Γαναθὼθ Μοσολάμ, τῷ Ἀβιὰ Ζεχρί, τῷ Μιαμὶν Μααδαὶ τῷ Φελετί, τῷ Βαλγὰσ Σαμουέ, τῷ Σεμίᾳ Ἰωνάθαν, τῷ Ἰωαρὶβ Ματθαναί̈, τῷ Ἐδίῳ Ὀζί, τῷ Σαλαί̈ Καλλαί̈, τῷ Ἀμὲκ Ἀβέδ, τῷ Ἐλκίᾳ Ἀσαβίασ, τῷ Ἰεδεϊοὺ Ναθαναήλ. οἱ Λευῖται ἐν ἡμέραισ Ἐλιασίβ, Ἰωαδὰ καὶ Ἰωὰ καὶ Ἰωανὰν καὶ Ἰδούα, γεγραμμένοι ἄρχοντεσ τῶν πατριῶν, καὶ οἱ ἱερεῖσ ἐν βασιλείᾳ Δαρείου τοῦ Πέρσου. υἱοὶ δὲ Λευὶ ἄρχοντεσ τῶν πατριῶν γεγραμμένοι ἐπὶ βιβλίῳ λόγων τῶν ἡμερῶν καὶ ἕωσ ἡμερῶν Ἰωανὰν υἱοῦ Ἐλισουέ. καὶ οἱ ἄρχοντεσ τῶν Λευιτῶν Ἀσαβία καὶ Σαραβία καὶ Ἰησοῦ καὶ υἱοὶ Καδμιὴλ καὶ οἱ ἀδελφοὶ αὐτῶν κατεναντίον αὐτῶν εἰσ ὕμνον αἰνεῖν ἐν ἐντολῇ Δαυὶδ ἀνθρώπου τοῦ Θεοῦ ἐφημερία πρὸσ ἐφημερίαν ἐν τῷ συναγαγεῖν με τοὺσ πυλωροὺς ἐν ἡμέραισ Ἰωακὶμ υἱοῦ Ἰησοῦ, υἱοῦ Ἰωσεδὲκ καὶ ἐν ἡμέραισ Νεεμία, καὶ Ἔσδρασ ὁ ἱερεὺσ καὶ γραμματεύσ. Καί ἐν ἐγκαινίοισ τείχουσ Ἱερουσαλὴμ ἐζήτησαν τοὺσ Λευίτασ ἐν τοῖσ τόποισ αὐτῶν τοῦ ἐνέγκαι αὐτοὺσ εἰσ Ἱερουσαλὴμ ποιῆσαι ἐγκαίνια καὶ εὐφροσύνην ἐν Θωδαθὰ καὶ ἐν ᾠδαῖσ, κυμβαλίζοντεσ καὶ ψαλτήρια καὶ κινύραι. καὶ συνήχθησαν οἱ υἱοὶ τῶν ἆδόντων καὶ ἀπὸ τῆσ περιχώρου κυκλόθεν εἰσ Ἱερουσαλὴμ καὶ ἀπὸ ἐπαύλεων καὶ ἀπὸ ἀγρῶν. ὅτι ἐπαύλεισ ᾠκοδόμησαν ἑαυτοῖσ οἱ ᾄδοντεσ ἐν Ἱερουσαλήμ. καὶ ἐκαθαρίσθησαν οἱ ἱερεῖσ καὶ οἱ Λευῖται, καὶ ἐκαθάρισαν τὸν λαὸν καὶ τοὺσ πυλωροὺσ καὶ τὸ τεῖχοσ. καὶ ἀνήνεγκα τοὺσ ἄρχοντασ Ἰούδα ἐπάνω τοῦ τείχουσ καὶ ἔστησα δύο περὶ αἰνέσεωσ μεγάλουσ, καὶ διῆλθον ἐκ δεξιῶν ἐπάνω τοῦ τείχουσ τῆσ κοπρίασ, καὶ ἐπορεύθη ὀπίσω αὐτῶν Ὠσαί̈α καὶ ἥμισυ ἀρχόντων Ἰούδα καὶ Ἀζαρίασ καὶ Ἔσδρασ καὶ Μεσολλάμ, καὶ Ἰούδα καὶ Βενιαμὶν καὶ Σαμαί̈ασ καὶ Ἱερεμία καὶ ἀπὸ τῶν υἱῶν τῶν ἱερέων ἐν σάλπιγξι Ζαχαρίασ υἱὸσ Ἰωνάθαν, υἱὸσ Σαμαί̈α, υἱὸσ Ματθανία, υἱὸσ Μιχαία, υἱὸσ Ζακχούρ, υἱὸσ Ἀσάφ. καὶ ἀδελφοὶ αὐτοῦ Σαμαί̈α καὶ Ὀζιήλ, Γελώλ, Ἰαμά, Αἴ̈α, Ναθαναὴλ καὶ Ἰούδα, Ἀνανί, τοῦ αἰνεῖν ἐν ᾠδαῖσ Δαυὶδ ἀνθρώπου Θεοῦ, καὶ Ἔσδρασ ὁ γραμματεὺσ ἔμπροσθεν αὐτῶν. ἐπὶ πύλησ τοῦ αἲν κατέναντι αὐτῶν ἀνέβησαν ἐπὶ κλίμακασ πόλεωσ Δαυὶδ ἐν ἀναβάσει τοῦ τείχουσ ἐπάνωθεν τοῦ οἴκου Δαυὶδ καὶ ἕωσ τῆσ πύλησ τοῦ ὕδατοσ κατὰ ἀνατολάσ. καὶ περὶ αἰνέσεωσ ἡ δευτέρα ἐπορεύετο συναντῶσα αὐτοῖσ, καὶ τὸ ἥμισυ τοῦ λαοῦ ἐπάνω τοῦ τείχουσ ὑπεράνω τοῦ πύργου τῶν θεννουρὶμ καὶ ἕωσ τοῦ τείχουσ τοῦ πλατέος καὶ ὑπεράνω τῆσ πύλησ Ἐφραὶμ καὶ ἐπὶ τὴν πύλην ἰχθυρὰν καὶ πύργῳ Ἀναμεὴλ καὶ ἕωσ πύλησ τῆσ προβατικῆσ καὶ ἔστησαν ἐν πύλῃ τῆσ φυλακῆσ. καὶ ἔστησαν αἱ δύο τῆσ αἰνέσεωσ ἐν οἴκῳ τοῦ Θεοῦ, καὶ ἐγὼ καὶ τὸ ἥμισυ τῶν στρατηγῶν μετ’ ἐμοῦ καὶ οἱ ἱερεῖσ Ἐλιακίμ, Μαασίασ, Βενιαμίν, Μιχαίασ, Ἐλιωηναί, Ζαχαρίασ, Ἀνανίασ ἐν σάλπιγξι καὶ Μαασίασ καὶ Σεμεί̈ασ καὶ Ἐλεάζαρ καὶ Ὀζὶ καὶ Ἰωανὰθ καὶ Μελχίασ καὶ Αἰλὰμ καὶ Ἐζούρ, καὶ ἠκούσθησαν οἱ ᾄδοντεσ καὶ ἐπεσκέπησαν. καὶ ἔθυσαν ἐν τῇ ἡμέρᾳ ἐκείνῃ θυσιάσματα μεγάλα καὶ ηὐφράνθησαν, ὅτι ὁ Θεὸσ ηὔφρανεν αὐτοὺσ μεγάλωσ. καὶ αἱ γυναῖκεσ αὐτῶν καὶ τὰ τέκνα αὐτῶν ηὐφράνθησαν, καὶ ἠκούσθη ἡ εὐφροσύνη ἐν Ἱερουσαλὴμ ἀπὸ μακρόθεν. Καὶ κατέστησαν ἐν τῇ ἡμέρᾳ ἐκείνῃ ἄνδρασ ἐπὶ τῶν γαζοφυλακίων, τοῖσ θυσαυροῖσ, ταῖσ ἀπαρχαῖσ καὶ ταῖσ δεκάταισ καὶ τοῖσ συνηγμένοισ ἐν αὐτοῖσ ἄρχουσι τῶν πόλεων, μερίδασ τοῖσ ἱερεῦσι καὶ τοῖσ Λευίταισ, ὅτι εὐφροσύνη ἦν ἐν Ἰούδᾳ ἐπὶ τοὺσ ἱερεῖσ καὶ ἐπὶ τοὺσ Λευίτασ τοὺσ ἑστῶτασ. καὶ ἐφύλαξαν φυλακὰσ Θεοῦ αὐτῶν καὶ φυλακὰσ τοῦ καθαρισμοῦ καὶ τοὺσ ᾄδοντασ καὶ τοὺσ πυλωρούσ, ὡσ ἐντολαὶ Δαυὶδ καὶ Σαλωμὼν υἱοῦ αὐτοῦ. ὅτι ἐν ἡμέραισ Δαυὶδ Ἀσὰφ ἀπ’ ἀρχῆσ πρῶτοσ τῶν ἆδόντων καὶ ὕμνον καὶ αἴνεσιν τῷ Θεῷ. καὶ πᾶσ Ἰσραὴλ ἐν ἡμέραισ Ζοροβάβελ καὶ ἐν ταῖσ ἡμέραισ Νεεμίου διδόντεσ μερίδασ τῶν ἆδόντων καὶ τῶν πυλωρῶν, λόγον ἡμέρασ ἐν ἡμέρᾳ αὐτοῦ, καὶ ἁγιάζοντεσ τοῖσ Λευίταισ, καὶ οἱ Λευῖται ἁγιάζοντεσ τοῖσ υἱοῖσ Ἀαρών. Εν τῇ ἡμέρᾳ ἐκείνῃ ἀνεγνώσθη ἐν βιβλίῳ Μωυσῆ ἐν ὠσὶ τοῦ λαοῦ καὶ εὑρέθη γεγραμμένον ἐν αὐτῷ, ὅπωσ μὴ εἰσέλθωσιν Ἀμμανῖται καὶ Μωαβῖται ἐν ἐκκλησίᾳ Θεοῦ ἕωσ αἰῶνοσ,

ὅτι οὐ συνήντησαν τοῖσ υἱοῖσ Ἰσραὴλ ἐν ἄρτῳ καὶ ὕδατι καὶ ἐμισθώσαντο ἐπ’ αὐτὸν τὸν Βαλαὰμ καταράσασθαι, καὶ ἐπέστρεψεν ὁ Θεὸσ ἡμῶν τὴν κατάραν εἰσ εὐλογίαν. καὶ ἐγένετο ὡσ ἤκουσαν τὸν νόμον, καὶ ἐχωρίσθησαν πᾶσ ἐπίμικτοσ ἐν Ἰσραήλ. καὶ πρὸ τούτου Ἐλιασὶβ ὁ ἱερεὺσ οἰκῶν ἐν γαζοφυλακίῳ οἴκου Θεοῦ ἡμῶν ἐγγίων Τωβίᾳ καὶ ἐποίησεν ἑαυτῷ γαζοφυλάκιον μέγα, καὶ ἐκεῖ ἦσαν πρότερον διδόντεσ τὴν μαναὰν καὶ τὸν λίβανον καὶ τὰ σκεύη καὶ τὴν δεκάτην τοῦ σίτου καὶ τοῦ οἴνου καὶ τοῦ ἐλαίου, ἐντολὴν τῶν Λευιτῶν καὶ τῶν ἆδόντων καὶ τῶν πυλωρῶν καὶ ἀπαρχὰσ τῶν ἱερέων. καὶ ἐν παντὶ τούτῳ οὐκ ἤμην ἐν Ἱερουσαλήμ. ὅτι ἐν ἔτει τριακοστῷ καὶ δευτέρῳ τοῦ Ἀρθασασθὰ βασιλέωσ Βαβυλῶνοσ ἦλθον πρὸσ τὸν βασιλέα. καὶ μετὰ τὸ τέλοσ τῶν ἡμερῶν ᾐτησάμην παρὰ τοῦ βασιλέως καὶ ἦλθον εἰσ Ἱερουσαλήμ. καὶ συνῆκα ἐν τῇ πονηρίᾳ, ᾖ ἐποίησεν Ἐλιασὶβ τῷ Τωβίᾳ, ποιῆσαι αὐτῷ γαζοφυλάκιον ἐν αὐλῇ οἴκου τοῦ Θεοῦ. καὶ πονηρόν μοι ἐφάνη σφόδρα, καὶ ἔρριψα πάντα τὰ σκεύη οἴκου Τωβία ἔξω ἀπὸ τοῦ γαζοφυλακίου. καὶ εἶπα καὶ ἐκαθάρισαν τὰ γαζοφυλάκια, καὶ ἐπέστρεψα ἐκεῖ σκεύη οἴκου τοῦ Θεοῦ, τὴν μαναὰν καὶ τὸν λίβανον. καὶ ἔγνων ὅτι μερίδεσ τῶν Λευιτῶν οὐκ ἐδόθησαν, καὶ ἐφύγοσαν ἀνὴρ εἰσ ἀγρὸν αὐτοῦ, οἱ Λευῖται καὶ οἱ ᾄδοντεσ ποιοῦντεσ τὸ ἔργον. καὶ ἐμαχεσάμην τοῖσ στρατηγοῖσ καὶ εἶπα. διατί ἐγκατελείφθη ὁ οἶκοσ τοῦ Θεοῦ̣ καὶ συνήγαγον αὐτοὺσ καὶ ἔστησα αὐτοὺσ ἐπὶ τῇ στάσει αὐτῶν. καὶ πᾶσ Ἰούδα ἤνεγκαν δεκάτην τοῦ πυροῦ καὶ τοῦ οἴνου καὶ τοῦ ἐλαίου εἰσ τοὺσ θησαυροὺς ἐπὶ χεῖρα Σελεμία τοῦ ἱερέωσ καὶ Σαδδοὺκ τοῦ γραμματέωσ καὶ Φαδαί̈α ἀπὸ τῶν Λευιτῶν, καὶ ἐπὶ χεῖρα αὐτῶν Ἀνὰν υἱὸσ Ζακχούρ, υἱὸσ Ματθανίου, ὅτι πιστοὶ ἐλογίσθησαν ἐπ’ αὐτοὺσ μερίζειν τοῖσ ἀδελφοῖσ αὐτῶν. μνήσθητί μου, ὁ Θεόσ, ἐν ταύτῃ, καὶ μὴ ἐξαλειφθήτω ἔλεόσ μου, ὃ ἐποίησα ἐν οἴκῳ Κυρίου τοῦ Θεοῦ. Ἐν ταῖσ ἡμέραισ ἐκείναισ εἶδον ἐν Ἰούδᾳ πατοῦντασ ληνοὺσ ἐν τῷ σαββάτῳ καὶ φέροντασ δράγματα καὶ ἐπιγεμίζοντασ ἐπὶ τοὺσ ὄνουσ καὶ οἶνον καὶ σταφυλὴν καὶ σῦκα καὶ πᾶν βάσταγμα καὶ φέροντασ εἰσ Ἱερουσαλὴμ ἐν ἡμέρᾳ τοῦ σαββάτου. καὶ ἐπεμαρτυράμην ἐν ἡμέρᾳ πράσεωσ αὐτῶν. καὶ ἐκάθισαν ἐν αὐτῇ φέροντεσ ἰχθὺν καὶ πᾶσαν πρᾶσιν πωλοῦντεσ ἐν τῷ σαββάτῳ τοῖσ υἱοῖσ Ἰούδα καὶ ἐν Ἱερουσαλήμ. καὶ ἐμαχεσάμην τοῖσ υἱοῖσ Ἰούδα τοῖσ ἐλευθέροισ καὶ εἶπα αὐτοῖσ. τίσ ὁ λόγοσ οὗτοσ ὁ πονηρόσ, ὃν ὑμεῖσ ποιεῖτε, καὶ βεβηλοῦτε τὴν ἡμέραν τοῦ σαββάτου̣ οὐχὶ οὕτωσ ἐποίησαν οἱ πατέρεσ ὑμῶν, καὶ ἤνεγκεν ἐπ’ αὐτοὺσ ὁ Θεὸσ ἡμῶν καὶ ἐφ’ ἡμᾶσ πάντα τὰ κακὰ ταῦτα καὶ ἐπὶ τὴν πόλιν ταύτην̣ καὶ ὑμεῖσ προστίθετε ὀργὴν ἐπὶ Ἰσραὴλ βεβηλῶσαι τὸ σάββατον̣ καὶ ἐγένετο ἡνίκα κατέστησαν πύλαι ἐν Ἱερουσαλὴμ πρὸ τοῦ σαββάτου, καὶ εἶπα καὶ ἔκλεισαν τὰσ πύλασ, καὶ εἶπα ὥστε μὴ ἀνοιγῆναι αὐτὰσ ἕωσ ὀπίσω τοῦ σαββάτου. καὶ ἐκ τῶν παιδαρίων μου ἔστησα ἐπὶ τὰσ πύλασ, ὥστε μὴ αἴρειν βαστάγματα ἐν ἡμέρᾳ τοῦ σαββάτου. καὶ ηὐλίσθησαν πάντεσ καὶ ἐποίησαν πρᾶσιν ἔξω Ἱερουσαλὴμ ἅπαξ καὶ δίσ. καὶ ἐπεμαρτυράμην ἐν αὐτοῖσ καὶ εἶπα πρὸσ αὐτούσ. διατί ὑμεῖσ αὐλίζεσθε ἀπέναντι τοῦ τείχουσ̣ ἐὰν δευτερώσητε, ἐκτενῶ χεῖρά μου ἐν ὑμῖν. ἀπὸ τοῦ καιροῦ ἐκείνου οὐκ ἤλθοσαν ἐν σαββάτῳ. καὶ εἶπα τοῖσ Λευίταισ, οἳ ἦσαν καθαριζόμενοι, καὶ ἐρχόμενοι φυλάσσοντεσ τὰσ πύλασ, ἁγιάζειν τὴν ἡμέραν τοῦ σαββάτου. πρὸσ ταῦτα μνήσθητί μου, ὁ Θεόσ, καὶ φεῖσαί μου κατὰ τὸ πλῆθοσ τοῦ ἐλέουσ σου. Καὶ ἐν ταῖσ ἡμέραισ ἐκείναισ εἶδον τοὺσ Ἰουδαίουσ, οἳ ἐκάθισαν γυναῖκασ Ἀζωτίασ, Ἀμμανίτιδασ, Μωαβίτιδας καὶ οἱ υἱοὶ αὐτῶν ἥμισυ λαλοῦντεσ Ἀζωτιστὶ καὶ οὐκ εἰσὶν ἐπιγινώσκοντεσ λαλεῖν Ἰουδαϊστί, καὶ ἐμαχεσάμην μετ’ αὐτῶν καὶ κατηρασάμην αὐτοὺσ καὶ ἐπάταξα ἐν αὐτοῖσ ἄνδρασ καὶ ἐμαδάρωσα αὐτοὺσ καὶ ὥρκισα αὐτοὺσ ἐν τῷ Θεῷ. ἐὰν δῶτε τὰσ θυγατέρασ ὑμῶν τοῖσ υἱοῖσ αὐτῶν, καὶ ἐὰν λάβητε ἀπὸ τῶν θυγατέρων αὐτῶν τοῖσ υἱοῖσ ὑμῶν. οὐχ οὕτωσ ἥμαρτε Σαλωμὼν βασιλεὺσ Ἰσραήλ̣ καὶ ἐν ἔθνεσι πολλοῖσ οὐκ ἦν βασιλεὺσ ὅμοιοσ αὐτῷ. καὶ ἀγαπώμενοσ τῷ Θεῷ ἦν, καὶ ἔδωκεν αὐτὸν ὁ Θεὸσ εἰσ βασιλέα ἐπὶ πάντα Ἰσραήλ. καὶ τοῦτον ἐξέκλιναν αἱ γυναῖκεσ αἱ ἀλλότριαι. καὶ ὑμῶν μὴ ἀκουσώμεθα ποιῆσαι τὴν πᾶσαν πονηρίαν ταύτην ἀσυνθετῆσαι ἐν τῷ Θεῷ ἡμῶν καθίσαι γυναῖκασ ἀλλοτρίασ̣ καὶ ἀπὸ υἱῶν Ἰωαδὰ τοῦ Ἐλισοὺβ τοῦ ἱερέωσ τοῦ μεγάλου νυμφίου τοῦ Σαναβαλλὰτ τοῦ Οὐρανίτου καὶ ἐξέβρασα αὐτὸν ἀπ’ ἐμοῦ. μνήσθητι αὐτοῖσ, ὁ Θεόσ, ἐπὶ ἀγχιστείᾳ τῆσ ἱερατείασ καὶ διαθήκῃ τῆσ ἱερατείασ καὶ τοὺσ Λευίτασ. καὶ ἐκαθάρισα αὐτοὺσ ἀπὸ πάσησ ἀλλοτριώσεωσ καὶ ἔστησα ἐφημερίασ τοῖσ ἱερεῦσι καὶ τοῖσ Λευίταισ, ἀνὴρ ὡσ τὸ ἔργον αὐτοῦ, καὶ τὸ δῶρον τῶν ξυλοφόρων ἐν καιροῖσ ἀπὸ χρόνων καὶ ἐν τοῖσ βακχουρίοισ. μνήσθητί μου ὁ Θεὸσ ἡμῶν εἰσ ἀγαθωσύνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Septuagint, Liber Nehemiae

(70인역 성경, 느헤미야기)

목록

SEARCH

MENU NAVIGATION