Septuagint, Liber Esdrae II 9:

(70인역 성경, Liber Esdrae II 9:)

ΚΑΙ ὡσ ἐτελέσθη ταῦτα, ἤγγισαν πρόσ με οἱ ἄρχοντεσ λέγοντεσ. οὐκ ἐχωρίσθη ὁ λαὸσ Ἰσραὴλ καὶ οἱ ἱερεῖσ καὶ οἱ Λευῖται ἀπὸ λαῶν τῶν γαιῶν ἐν μακρύμμασιν αὐτῶν, τῷ Χανανί, ὁ Ἐθί, ὁ Φερεζί, ὁ Ἰεβουσί, ὁ Ἀμμωνί, ὁ Μωαβὶ καὶ ὁ Μοσερὶ καὶ ὁ Ἀμορί, ὅτι ἐλάβοσαν ἀπὸ θυγατέρων αὐτῶν ἑαυτοῖσ καὶ τοῖσ υἱοῖσ αὐτῶν, καὶ παρήχθη σπέρμα τὸ ἅγιον ἐν λαοῖσ τῶν γαιῶν, καὶ χεὶρ τῶν ἀρχόντων ἐν τῇ ἀσυνθεσίᾳ ταύτῃ ἐν ἀρχῇ καὶ ὡσ ἤκουσα τὸν λόγον τοῦτον, διέρρηξα τὰ ἱμάτιά μου καὶ ἐπαλλόμην καὶ ἔτιλλον ἀπὸ τῶν τριχῶν τῆσ κεφαλῆσ μου καὶ ἀπὸ τοῦ πώγωνόσ μου καὶ ἐκαθήμην ἠρεμάζων. καὶ συνήχθησαν πρόσ με πᾶσ ὁ διώκων λόγον Θεοῦ Ἰσραὴλ ἐπὶ ἀσυνθεσίᾳ τῆσ ἀποικίασ, κἀγὼ καθήμενοσ ἠρεμάζων ἕωσ τῆσ θυσίασ τῆσ ἑσπερινῆσ. καὶ ἐν θυσίᾳ τῇ ἑσπερινῇ ἀνέστην ἀπὸ ταπεινώσεώσ μου. καὶ ἐν τῷ διαρρῆξαί με τὰ ἱμάτιά μου καὶ ἐπαλλόμην καὶ κλίνω ἐπὶ τὰ γόνατά μου καὶ ἐκπετάζω τὰσ χεῖράσ μου πρὸσ Κύριον τὸν Θεὸν καὶ εἶπα. Κύριε, ᾐσχύνθην καὶ ἐνετράπην τοῦ ὑψῶσαι, Θεέ μου, τὸ πρόσωπόν μου πρόσ σε, ὅτι αἱ ἀνομίαι ἡμῶν ἐπληθύνθησαν ὑπὲρ κεφαλῆσ ἡμῶν καὶ αἱ πλημμέλειαι ἡμῶν ἐμεγαλύνθησαν ἕωσ εἰσ τὸν οὐρανόν. ἀπὸ ἡμερῶν πατέρων ἡμῶν ἐσμεν ἐν πλημμελείᾳ μεγάλῃ ἕωσ τῆσ ἡμέρασ ταύτησ. καὶ ἐν ταῖσ ἀνομίαισ ἡμῶν παρεδόθημεν ἡμεῖσ καὶ οἱ βασιλεῖσ ἡμῶν καὶ οἱ υἱοὶ ἡμῶν ἐν χειρὶ βασιλέων τῶν ἐθνῶν ἐν ρομφαίᾳ καὶ ἐν αἰχμαλωσίᾳ καὶ ἐν διαρπαγῇ καὶ ἐν αἰσχύνῃ προσώπου ἡμῶν ὡσ ἡ ἡμέρα αὕτη. καὶ νῦν ἐπιεικεύσατο ἡμῖν ὁ Θεὸσ ἡμῶν τοῦ καταλιπεῖν ἡμᾶσ εἰσ σωτηρίαν καὶ δοῦναι ἡμῖν στήριγμα ἐν τόπῳ ἁγιάσματοσ αὐτοῦ τοῦ φωτίσαι ὀφθαλμοὺσ ἡμῶν καὶ δοῦναι ζωοποίησιν μικρὰν ἐν τῇ δουλείᾳ ἡμῶν. ὅτι δοῦλοί ἐσμεν, καὶ ἐν τῇ δουλείᾳ ἡμῶν οὐκ ἐγκατέλιπεν ἡμᾶσ Κύριοσ ὁ Θεὸσ ἡμῶν καὶ ἔκλινεν ἐφ̓ ἡμᾶσ ἔλεοσ ἐνώπιον βασιλέων Περσῶν δοῦναι ἡμῖν ζωοποίησιν τοῦ ὑψῶσαι αὐτοὺσ τὸν οἶκον τοῦ Θεοῦ ἡμῶν καὶ ἀναστῆσαι τὰ ἔρημα αὐτῆσ καὶ τοῦ δοῦναι ἡμῖν φραγμὸν ἐν Ἰούδᾳ καὶ Ἱερουσαλήμ. τί εἴπωμεν, ὁ Θεὸσ ἡμῶν, μετὰ τοῦτο̣ ὅτι ἐγκατελίπομεν ἐντολάσ σου, ἃσ ἔδωκασ ἡμῖν ἐν χειρὶ δούλων σου τῶν προφητῶν λέγων. ἡ γῆ, εἰσ ἣν εἰσπορεύεσθε κληρονομῆσαι αὐτήν, γῆ μετακινουμένη ἐστὶν ἐν μετακινήσει λαῶν τῶν ἐθνῶν ἐν μακρύμμασιν αὐτῶν, ὧν ἔπλησαν αὐτὴν ἀπὸ στόματοσ ἐπὶ στόμα ἐν ἀκαθαρσίαισ αὐτῶν. καὶ νῦν τὰσ θυγατέρασ ὑμῶν μὴ δότε τοῖσ υἱοῖσ αὐτῶν καὶ ἀπὸ τῶν θυγατέρων αὐτῶν μὴ λάβητε τοῖσ υἱοῖσ ὑμῶν καὶ οὐκ ἐκζητήσετε εἰρήνην αὐτῶν καὶ ἀγαθὸν αὐτῶν ἕωσ αἰῶνοσ, ὅπωσ ἐνισχύσητε καὶ φάγητε τὰ ἀγαθὰ τῆσ γῆσ καὶ κληροδοτήσητε τοῖσ υἱοῖσ ὑμῶν ἕωσ αἰῶνοσ. καὶ μετὰ πᾶν τὸ ἐρχόμενον ἐφ̓ ἡμᾶσ ἐν ποιήμασιν ἡμῶν τοῖσ πονηροῖσ καὶ ἐν πλημμελείᾳ ἡμῶν τῇ μεγάλῃ. ὅτι οὐκ ἔστιν ὡσ ὁ Θεὸσ ἡμῶν, ὅτι ἐκούφισασ ἡμῶν τὰσ ἀνομίασ, καὶ ἔδωκασ ἡμῖν σωτηρίαν. ὅτι ἐπεστρέψαμεν διασκεδάσαι ἐντολάσ σου καὶ ἐπιγαμβρεῦσαι τοῖσ λαοῖσ τῶν γαιῶν. μὴ παροξυνθῇσ ἐν ἡμῖν ἕωσ συντελείασ, τοῦ μὴ εἶναι ἐγκατάλειμμα καὶ διασῳζόμενον. Κύριε ὁ Θεὸσ Ἰσραήλ, δίκαιοσ σύ, ὅτι κατελείφθημεν διασῳζόμενοι ὡσ ἡ ἡμέρα αὕτη. ἰδοὺ ἡμεῖσ ἐναντίον σου ἐν πλημελείαισ ἡμῶν, ὅτι οὐκ ἔστι στῆναι ἐνώπιόν σου ἐπὶ τούτῳ.

목록

일치하는 문장이 없습니다.

SEARCH

MENU NAVIGATION