Septuagint, Liber Esdrae II 5:

(70인역 성경, Liber Esdrae II 5:)

ΚΑΙ ἐπροφήτευσεν Ἀγγαῖοσ ὁ προφήτησ καὶ Ζαχαρίασ ὁ τοῦ Ἀδδὼ προφητείαν ἐπὶ τοὺσ Ἰουδαίουσ τοὺσ ἐν Ἰούδᾳ καὶ Ἱερουσαλὴμ ἐν ὀνόματι Θεοῦ Ἰσραὴλ ἐπ̓ αὐτούσ. τότε ἀνέστησαν Ζοροβάβελ ὁ τοῦ Σαλαθιὴλ καὶ Ἰησοῦσ υἱὸσ Ἰωσεδὲκ καὶ ἤρξαντο οἰκοδομῆσαι τὸν οἶκον τοῦ Θεοῦ τὸν ἐν Ἱερουσαλήμ, καὶ μετ̓ αὐτῶν οἱ προφῆται τοῦ Θεοῦ βοηθοῦντεσ αὐτοῖσ. ἐν αὐτῷ τῷ καιρῷ ἦλθεν ἐπ̓ αὐτοὺσ Θανθαναί̈ ἔπαρχοσ πέραν τοῦ ποταμοῦ καὶ Σαθαρβουζαναί̈ καὶ οἱ σύνδουλοι αὐτῶν καὶ τοιάδε εἶπαν αὐτοῖσ. τίσ ἔθηκεν ὑμῖν γνώμην τοῦ οἰκοδομῆσαι τὸν οἶκον τοῦτον καὶ τὴν χορηγίαν ταύτην καταρτίσασθαι̣ τότε ταῦτα εἴποσαν αὐτοῖσ. τίνα ἐστὶ τὰ ὀνόματα τῶν ἀνδρῶν τῶν οἰκοδομούντων τὴν πόλιν ταύτην̣ καὶ οἱ ὀφθαλμοὶ τοῦ Θεοῦ ἐπὶ τὴν αἰχμαλωσίαν Ἰούδα, καὶ οὐ κατήργησαν αὐτοὺσ ἕωσ γνώμη τῷ Δαρείῳ ἀπηνέχθη. καὶ τότε ἀπεστάλη τῷ φορολόγῳ ὑπὲρ τούτου. Διασάφησισ ἐπιστολῆσ, ἧσ ἀπέστειλε Θανθαναί̈ ὁ ἔπαρχοσ τοῦ πέραν τοῦ ποταμοῦ καὶ Σαθαρβουζαναί̈ καὶ οἱ σύνδουλοι αὐτῶν Ἀφαρσαχαῖοι οἱ ἐν τῷ πέραν τοῦ ποταμοῦ Δαρείῳ τῷ βασιλεῖ. ρήμασι ἀπέστειλαν πρὸσ αὐτόν, καὶ τάδε γέγραπται ἐν αὐτῶ. «Δαρείῳ τῷ βασιλεῖ εἰρήνη πᾶσα. γνωστὸν ἔστω τῷ βασιλεῖ ὅτι ἐπορεύθημεν εἰσ τὴν Ἰουδαίαν χώραν εἰσ οἶκον τοῦ Θεοῦ τοῦ μεγάλου, καὶ αὐτὸσ οἰκοδομεῖται λίθοισ ἐκλεκτοῖσ, καὶ ξύλα ἐντίθενται ἐν τοῖσ τοίχοισ, καὶ τὸ ἔργον ἐκεῖνο ἐπιδέξιον γίνεται καὶ εὐοδοῦται ἐν ταῖσ χερσὶν αὐτῶν. τότε ἠρωτήσαμεν τοὺσ πρεσβυτέρουσ ἐκείνουσ, καὶ οὕτωσ εἴπαμεν αὐτοῖσ. τίσ ἔθηκεν ὑμῖν γνώμην τὸν οἶκον τοῦτον οἰκοδομῆσαι καὶ τὴν χορηγίαν ταύτην καταρτίσασθαι̣ καὶ τὰ ὀνόματα αὐτῶν ἠρωτήσαμεν αὐτοὺσ γνωρίσαι σοι, ὥστε γράψαι σοι τὰ ὀνόματα τῶν ἀνδρῶν τῶν ἀρχόντων αὐτῶν. καὶ τοιοῦτο τὸ ρῆμα ἀπεκρίθησαν ἡμῖν λέγοντεσ. ἡμεῖσ ἐσμεν δοῦλοι τοῦ Θεοῦ τοῦ οὐρανοῦ καὶ τῆσ γῆσ καὶ οἰκοδομοῦμεν τὸν οἶκον, ὃσ ἦν ᾠκοδομημένοσ πρὸ τούτου ἔτη πολλά, καὶ βασιλεὺσ τοῦ Ἰσραὴλ μέγασ ᾠκοδόμησεν αὐτὸν καὶ κατηρτίσατο αὐτὸν αὐτοῖσ. ἀφ̓ ὅτε δὲ παρώργισαν οἱ πατέρεσ ἡμῶν τὸν Θεὸν τοῦ οὐρανοῦ, ἔδωκεν αὐτοὺσ εἰσ χεῖρασ Ναβουχοδονόσορ βασιλέωσ Βαβυλῶνοσ τοῦ Χαλδαίου καὶ τὸν οἶκον τοῦτον κατέλυσε καὶ τὸν λαὸν ἀπῴκισεν εἰσ Βαβυλῶνα. ἀλλ̓ ἐν ἔτει πρώτῳ Κύρου τοῦ βασιλέωσ Κῦροσ ὁ βασιλεὺσ ἔθετο γνώμην τὸν οἶκον τοῦ Θεοῦ τοῦτον οἰκοδομηθῆναι. καὶ τὰ σκεύη τοῦ οἴκου τοῦ Θεοῦ τὰ χρυσᾶ καὶ τὰ ἀργυρᾶ, ἃ Ναβουχοδονόσορ ἐξήνεγκεν ἀπὸ τοῦ οἴκου τοῦ ἐν Ἱερουσαλὴμ καὶ ἀπήνεγκεν αὐτὰ εἰσ τὸν ναὸν τοῦ βασιλέωσ, ἐξήνεγκεν αὐτὰ Κῦροσ ὁ βασιλεὺσ ἀπὸ τοῦ ναοῦ τοῦ βασιλέωσ καὶ ἔδωκε τῷ Σαβανασὰρ τῷ θησαυροφύλακι, τῷ ἐπὶ τοῦ θησαυροῦ καὶ εἶπεν αὐτῷ. πάντα τὰ σκεύη λάβε καὶ πορεύου, θὲσ αὐτὰ ἐν τῷ οἴκῳ τῷ ἐν Ἱερουσαλὴμ εἰσ τὸν τόπον αὐτῶν. τότε Σαβανασὰρ ἐκεῖνοσ ἦλθε καὶ ἔδωκε θεμελίουσ τοῦ οἴκου τοῦ Θεοῦ ἐν Ἱερουσαλήμ. καὶ ἀπὸ τότε ἕωσ τοῦ νῦν ᾠκοδομήθη καὶ οὐκ ἐτελέσθη. καὶ νῦν εἰ ἐπὶ τὸν βασιλέα ἀγαθόν, ἐπισκεπήτω ἐν τῷ οἴκῳ τῆσ γάζησ τοῦ βασιλέωσ Βαβυλῶνοσ, ὅπωσ γνῷσ ὅτι ἀπὸ βασιλέωσ Κύρου ἐτέθη γνώμη οἰκοδομῆσαι τὸν οἶκον τοῦ Θεοῦ ἐκεῖνον τὸν ἐν Ἱερουσαλήμ. καὶ γνοὺσ ὁ βασιλεὺσ περὶ τούτου πεμψάτω πρὸσ ἡμᾶσ».

목록

일치하는 문장이 없습니다.

SEARCH

MENU NAVIGATION