Septuagint, Liber Esdrae II 4:

(70인역 성경, Liber Esdrae II 4:)

ΚΑΙ ἤκουσαν οἱ θλίβοντεσ Ἰούδα καὶ Βενιαμίν, ὅτι υἱοὶ τῆσ ἀποικίασ οἰκοδομοῦσιν οἶκον τῷ Κυρίῳ Θεῷ Ἰσραήλ, καὶ ἤγγισαν πρὸσ Ζοροβάβελ καὶ πρὸσ τοὺσ ἄρχοντασ τῶν πατριῶν καὶ εἶπον αὐτοῖσ. οἰκοδομήσομεν μεθ̓ ὑμῶν, ὅτι ὡσ ὑμεῖσ ἐκζητοῦμεν τῷ Θεῷ ἡμῶν. καὶ αὐτῷ ἡμεῖσ θυσιάζομεν ἀπὸ ἡμερῶν Ἀσαραδδὼν βασιλέωσ Ἀσσοὺρ τοῦ ἐνέγκαντοσ ἡμᾶσ ὧδε. καὶ εἶπε πρὸσ αὐτοὺσ Ζοροβάβελ καὶ Ἰησοῦσ καὶ οἱ κατάλοιποι τῶν ἀρχόντων τῶν πατριῶν τοῦ Ἰσραήλ. οὐχ ἡμῖν καὶ ὑμῖν τοῦ οἰκοδομῆσαι οἶκον τῷ Θεῷ ἡμῶν, ὅτι ἡμεῖσ αὐτοὶ ἐπὶ τὸ αὐτὸ οἰκοδομήσομεν τῷ Κυρίῳ Θεῷ ἡμῶν, ὡσ ἐνετείλατο ἡμῖν Κῦροσ ὁ βασιλεὺσ Περσῶν. καὶ ἦν ὁ λαὸσ τῆσ γῆσ ἐκλύων τὰσ χεῖρασ τοῦ λαοῦ Ἰούδα καὶ ἐνεπόδιζον αὐτοὺσ οἰκοδομεῖν καὶ μισθούμενοι ἐπ̓ αὐτοὺσ βουλευόμενοι τοῦ διασκεδάσαι βουλὴν αὐτῶν πάσασ τὰσ ἡμέρασ Κύρου βασιλέωσ Περσῶν καὶ ἕωσ βασιλείασ Δαρείου βασιλέωσ Περσῶν. Καὶ ἐν βασιλείᾳ Ἀσσουήρου, ἐν ἀρχῆ βασιλείασ αὐτοῦ, ἔγραψαν ἐπιστολὴν ἐπὶ οἰκοῦντασ Ἰούδα καὶ Ἱερουσαλήμ. καὶ ἐν ἡμέραισ Ἀρθασασθὰ ἔγραψεν ἐν εἰρήνῃ Μιθραδάτῃ Ταβεὴλ καὶ τοῖσ λοιποῖσ συνδούλοισ. πρὸσ Ἀρθασασθὰ βασιλέα Περσῶν ἔγραψεν ὁ φορολόγοσ γραφὴν Συριστὶ καὶ ἡρμηνευμένην. Ραοὺμ βααλτὰμ καὶ Σαψὰ ὁ γραμματεὺσ ἔγραψαν ἐπιστολὴν μίαν κατὰ Ἱερουσαλὴμ τῷ Ἀρθασασθὰ βασιλεῖ. τάδε ἔκρινε Ραοὺμ βααλτὰμ καὶ Σαμψὰ ὁ γραμματεὺσ καὶ οἱ κατάλοιποι σύνδουλοι ἡμῶν, Δειναῖοι, Ἀφαρσαθαχαῖοι, Ταρφαλαῖοι, Ἀφασραῖοι, Ἀρχυαῖοι, Βαβυλώνιοι, Σουσαναχαῖοι, Δαυαῖοι καὶ οἱ κατάλοιποι ἐθνῶν, ὧν ἀπώκισεν Ἀσσεναφὰρ ὁ μέγασ καὶ ὁ τίμιοσ καὶ μετῴκισεν αὐτοὺσ ἐν πόλεσι τῆσ Σομόρων καὶ τὸ κατάλοιπον πέραν τοῦ ποταμοῦ. αὕτη ἡ διαταγὴ τῆσ ἐπιστολῆσ ἧσ ἀπέστειλαν πρὸσ αὐτόν. «Πρὸσ Ἀρθασασθὰ βασιλέα παῖδέσ σου ἄνδρεσ πέραν τοῦ ποταμοῦ. γνωστὸν ἔστω τῷ βασιλεῖ ὅτι οἱ Ἰουδαῖοι οἱ ἀναβάντεσ ἀπὸ σοῦ πρὸσ ἡμᾶσ ἤλθοσαν εἰσ Ἱερουσαλὴμ τὴν πόλιν τὴν ἀποστάτιν καὶ πονηράν, ἣν οἰκοδομοῦσι, καὶ τὰ τείχη αὐτῆσ κατηρτισμένα εἰσί, καὶ θεμελίουσ αὐτῆσ ἀνύψωσαν. νῦν οὖν γνωστὸν ἔστω τῷ βασιλεῖ, ὅτι ἐὰν ἡ πόλισ ἐκείνη ἀνοικοδομηθῇ καὶ τὰ τείχη αὐτῆσ καταρτισθῶσι, φόροι οὐκ ἔσονταί σοι οὐδὲ δώσουσι. καὶ τοῦτο βασιλεῖσ κακοποιεῖ. καὶ ἀσχημοσύνην βασιλέωσ οὐκ ἔξεστιν ἡμῖν ἰδεῖν. διὰ τοῦτο ἐπέμψαμεν καὶ ἐγνωρίσαμεν τῷ βασιλεῖ, ἵνα ἐπισκέψηται ἐν βίβλῳ ὑπομνηματισμοῦ τῶν πατέρων σου, καὶ εὑρήσεισ καὶ γνώσῃ ὅτι ἡ πόλισ ἐκείνη πόλισ ἀποστάτισ, κακοποιοῦσα βασιλεῖσ καὶ χώρασ, καὶ φυγαδεῖαι δούλων γίνονται ἐν μέσῳ αὐτῆσ ἀπὸ ἡμερῶν αἰῶνοσ. διὰ ταῦτα ἡ πόλισ αὕτη ἠρημώθη. γνωρίζομεν οὖν ἡμεῖσ τῷ βασιλεῖ ὅτι ἂν ἡ πόλισ ἐκείνη οἰκοδομηθῇ καὶ τὰ τείχη αὐτῆσ καταρτισθῇ, οὐκ ἔστι σοι εἰρήνη». Καὶ ἀπέστειλεν ὁ βασιλεὺσ πρὸσ Ραοὺμ βααλτὰμ καὶ Σαμψὰ γραμματέα καὶ τοὺσ καταλοίπουσ συνδούλουσ αὐτῶν τοὺσ οἰκοῦντασ ἐν Σαμαρείᾳ καὶ τοὺσ καταλοίπουσ πέραν τοῦ ποταμοῦ εἰρήνην καὶ φησίν. «ὁ φορολόγοσ, ὃν ἀπεστείλατε πρὸσ ἡμᾶσ, ἐκλήθη ἔμπροσθεν ἐμοῦ. καὶ παῤ ἐμοῦ ἐτέθη γνώμη καὶ ἐπεσκεψάμεθα καὶ εὕραμεν, ὅτι ἡ πόλισ ἐκείνη ἀφ̓ ἡμερῶν αἰῶνοσ ἐπὶ βασιλεῖσ ἐπαίρεται, καὶ ἀποστάσεισ καὶ φυγαδεῖαι γίνονται ἐν αὐτῇ. καὶ βασιλεῖσ ἰσχυροὶ ἐγένοντο ἐν Ἱερουσαλὴμ καὶ ἐπικρατοῦντεσ ὅλησ τῆσ πέραν τοῦ ποταμοῦ, καὶ φόροι πλήρεισ καὶ μέροσ δίδονται αὐτοῖσ. καὶ νῦν θέτε γνώμην καταργῆσαι τοὺσ ἄνδρασ ἐκείνουσ, καὶ ἡ πόλισ ἐκείνη οὐκ οἰκοδομηθήσεται ἔτι. ὅπωσ ἀπὸ τῆσ γνώμησ πεφυλαγμένοι ἦτε ἄνεσιν ποιῆσαι περὶ τούτου, μή ποτε πληθυνθῇ ἀφανισμὸσ εἰσ κακοποίησιν βασιλεῦσι». Τότε ὁ φορολόγοσ τοῦ Ἀρθασασθὰ βασιλέωσ ἀνέγνω ἐνώπιον Ραοὺμ βααλτὰμ καὶ Σαμψὰ γραμματέωσ καὶ συνδούλων αὐτοῦ. καὶ ἐπορεύθησαν σπουδῇ εἰσ Ἱερουσαλὴμ καὶ ἐν Ἰούδᾳ καὶ κατήργησαν αὐτοὺσ ἐν ἵπποισ καὶ δυνάμει. τότε ἤργησε τὸ ἔργον οἴκου τοῦ Θεοῦ τὸ ἐν Ἱερουσαλὴμ καὶ ἦν ἀργοῦν ἕωσ δευτέρου ἔτουσ τῆσ βασιλείασ Δαρείου βασιλέωσ Περσῶν.

목록

일치하는 문장이 없습니다.

SEARCH

MENU NAVIGATION