헬라어 문장 검색 - Σεπτύ016́004́

(70인역 성경, Liber Esdrae II 4:)

ΚΑΙ ἤκουσαν οἱ θλίβοντεσ Ἰούδα καὶ Βενιαμίν, ὅτι υἱοὶ τῆσ ἀποικίασ οἰκοδομοῦσιν οἶκον τῷ Κυρίῳ Θεῷ Ἰσραήλ, καὶ ἤγγισαν πρὸσ Ζοροβάβελ καὶ πρὸσ τοὺσ ἄρχοντασ τῶν πατριῶν καὶ εἶπον αὐτοῖσ. οἰκοδομήσομεν μεθ̓ ὑμῶν, ὅτι ὡσ ὑμεῖσ ἐκζητοῦμεν τῷ Θεῷ ἡμῶν. καὶ αὐτῷ ἡμεῖσ θυσιάζομεν ἀπὸ ἡμερῶν Ἀσαραδδὼν βασιλέωσ Ἀσσοὺρ τοῦ ἐνέγκαντοσ ἡμᾶσ ὧδε. καὶ εἶπε πρὸσ αὐτοὺσ Ζοροβάβελ καὶ Ἰησοῦσ καὶ οἱ κατάλοιποι τῶν ἀρχόντων τῶν πατριῶν τοῦ Ἰσραήλ. οὐχ ἡμῖν καὶ ὑμῖν τοῦ οἰκοδομῆσαι οἶκον τῷ Θεῷ ἡμῶν, ὅτι ἡμεῖσ αὐτοὶ ἐπὶ τὸ αὐτὸ οἰκοδομήσομεν τῷ Κυρίῳ Θεῷ ἡμῶν, ὡσ ἐνετείλατο ἡμῖν Κῦροσ ὁ βασιλεὺσ Περσῶν. καὶ ἦν ὁ λαὸσ τῆσ γῆσ ἐκλύων τὰσ χεῖρασ τοῦ λαοῦ Ἰούδα καὶ ἐνεπόδιζον αὐτοὺσ οἰκοδομεῖν καὶ μισθούμενοι ἐπ̓ αὐτοὺσ βουλευόμενοι τοῦ διασκεδάσαι βουλὴν αὐτῶν πάσασ τὰσ ἡμέρασ Κύρου βασιλέωσ Περσῶν καὶ ἕωσ βασιλείασ Δαρείου βασιλέωσ Περσῶν. Καὶ ἐν βασιλείᾳ Ἀσσουήρου, ἐν ἀρχῆ βασιλείασ αὐτοῦ, ἔγραψαν ἐπιστολὴν ἐπὶ οἰκοῦντασ Ἰούδα καὶ Ἱερουσαλήμ. καὶ ἐν ἡμέραισ Ἀρθασασθὰ ἔγραψεν ἐν εἰρήνῃ Μιθραδάτῃ Ταβεὴλ καὶ τοῖσ λοιποῖσ συνδούλοισ. πρὸσ Ἀρθασασθὰ βασιλέα Περσῶν ἔγραψεν ὁ φορολόγοσ γραφὴν Συριστὶ καὶ ἡρμηνευμένην. Ραοὺμ βααλτὰμ καὶ Σαψὰ ὁ γραμματεὺσ ἔγραψαν ἐπιστολὴν μίαν κατὰ Ἱερουσαλὴμ τῷ Ἀρθασασθὰ βασιλεῖ. τάδε ἔκρινε Ραοὺμ βααλτὰμ καὶ Σαμψὰ ὁ γραμματεὺσ καὶ οἱ κατάλοιποι σύνδουλοι ἡμῶν, Δειναῖοι, Ἀφαρσαθαχαῖοι, Ταρφαλαῖοι, Ἀφασραῖοι, Ἀρχυαῖοι, Βαβυλώνιοι, Σουσαναχαῖοι, Δαυαῖοι καὶ οἱ κατάλοιποι ἐθνῶν, ὧν ἀπώκισεν Ἀσσεναφὰρ ὁ μέγασ καὶ ὁ τίμιοσ καὶ μετῴκισεν αὐτοὺσ ἐν πόλεσι τῆσ Σομόρων καὶ τὸ κατάλοιπον πέραν τοῦ ποταμοῦ. αὕτη ἡ διαταγὴ τῆσ ἐπιστολῆσ ἧσ ἀπέστειλαν πρὸσ αὐτόν. «Πρὸσ Ἀρθασασθὰ βασιλέα παῖδέσ σου ἄνδρεσ πέραν τοῦ ποταμοῦ. γνωστὸν ἔστω τῷ βασιλεῖ ὅτι οἱ Ἰουδαῖοι οἱ ἀναβάντεσ ἀπὸ σοῦ πρὸσ ἡμᾶσ ἤλθοσαν εἰσ Ἱερουσαλὴμ τὴν πόλιν τὴν ἀποστάτιν καὶ πονηράν, ἣν οἰκοδομοῦσι, καὶ τὰ τείχη αὐτῆσ κατηρτισμένα εἰσί, καὶ θεμελίουσ αὐτῆσ ἀνύψωσαν. νῦν οὖν γνωστὸν ἔστω τῷ βασιλεῖ, ὅτι ἐὰν ἡ πόλισ ἐκείνη ἀνοικοδομηθῇ καὶ τὰ τείχη αὐτῆσ καταρτισθῶσι, φόροι οὐκ ἔσονταί σοι οὐδὲ δώσουσι. καὶ τοῦτο βασιλεῖσ κακοποιεῖ. καὶ ἀσχημοσύνην βασιλέωσ οὐκ ἔξεστιν ἡμῖν ἰδεῖν. διὰ τοῦτο ἐπέμψαμεν καὶ ἐγνωρίσαμεν τῷ βασιλεῖ, ἵνα ἐπισκέψηται ἐν βίβλῳ ὑπομνηματισμοῦ τῶν πατέρων σου, καὶ εὑρήσεισ καὶ γνώσῃ ὅτι ἡ πόλισ ἐκείνη πόλισ ἀποστάτισ, κακοποιοῦσα βασιλεῖσ καὶ χώρασ, καὶ φυγαδεῖαι δούλων γίνονται ἐν μέσῳ αὐτῆσ ἀπὸ ἡμερῶν αἰῶνοσ. διὰ ταῦτα ἡ πόλισ αὕτη ἠρημώθη. γνωρίζομεν οὖν ἡμεῖσ τῷ βασιλεῖ ὅτι ἂν ἡ πόλισ ἐκείνη οἰκοδομηθῇ καὶ τὰ τείχη αὐτῆσ καταρτισθῇ, οὐκ ἔστι σοι εἰρήνη». Καὶ ἀπέστειλεν ὁ βασιλεὺσ πρὸσ Ραοὺμ βααλτὰμ καὶ Σαμψὰ γραμματέα καὶ τοὺσ καταλοίπουσ συνδούλουσ αὐτῶν τοὺσ οἰκοῦντασ ἐν Σαμαρείᾳ καὶ τοὺσ καταλοίπουσ πέραν τοῦ ποταμοῦ εἰρήνην καὶ φησίν. «ὁ φορολόγοσ, ὃν ἀπεστείλατε πρὸσ ἡμᾶσ, ἐκλήθη ἔμπροσθεν ἐμοῦ. καὶ παῤ ἐμοῦ ἐτέθη γνώμη καὶ ἐπεσκεψάμεθα καὶ εὕραμεν, ὅτι ἡ πόλισ ἐκείνη ἀφ̓ ἡμερῶν αἰῶνοσ ἐπὶ βασιλεῖσ ἐπαίρεται, καὶ ἀποστάσεισ καὶ φυγαδεῖαι γίνονται ἐν αὐτῇ. καὶ βασιλεῖσ ἰσχυροὶ ἐγένοντο ἐν Ἱερουσαλὴμ καὶ ἐπικρατοῦντεσ ὅλησ τῆσ πέραν τοῦ ποταμοῦ, καὶ φόροι πλήρεισ καὶ μέροσ δίδονται αὐτοῖσ. καὶ νῦν θέτε γνώμην καταργῆσαι τοὺσ ἄνδρασ ἐκείνουσ, καὶ ἡ πόλισ ἐκείνη οὐκ οἰκοδομηθήσεται ἔτι. ὅπωσ ἀπὸ τῆσ γνώμησ πεφυλαγμένοι ἦτε ἄνεσιν ποιῆσαι περὶ τούτου, μή ποτε πληθυνθῇ ἀφανισμὸσ εἰσ κακοποίησιν βασιλεῦσι». Τότε ὁ φορολόγοσ τοῦ Ἀρθασασθὰ βασιλέωσ ἀνέγνω ἐνώπιον Ραοὺμ βααλτὰμ καὶ Σαμψὰ γραμματέωσ καὶ συνδούλων αὐτοῦ. καὶ ἐπορεύθησαν σπουδῇ εἰσ Ἱερουσαλὴμ καὶ ἐν Ἰούδᾳ καὶ κατήργησαν αὐτοὺσ ἐν ἵπποισ καὶ δυνάμει. τότε ἤργησε τὸ ἔργον οἴκου τοῦ Θεοῦ τὸ ἐν Ἱερουσαλὴμ καὶ ἦν ἀργοῦν ἕωσ δευτέρου ἔτουσ τῆσ βασιλείασ Δαρείου βασιλέωσ Περσῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Esdrae II 4:

(70인역 성경, Liber Esdrae II 4:)

목록

SEARCH

MENU NAVIGATION