헬라어 문장 검색 - Σεπτύ014́035́

(70인역 성경, 역대기 하권 35:)

ΚΑΙ ἐποίησεν Ἰωσίασ τὸ φασὲκ τῷ Κυρίῳ Θεῷ αὐτοῦ, καὶ ἔθυσε τὸ φασὲκ τῇ τεσσαρεσκαιδεκάτῃ ἡμέρᾳ τοῦ μηνὸσ τοῦ πρώτου. καὶ ἔστησε τοὺσ ἱερεῖσ ἐπὶ τὰσ φυλακὰσ αὐτῶν καὶ κατίσχυσεν αὐτοὺσ εἰσ τὰ ἔργα οἴκου Κυρίου. καὶ εἶπε τοῖσ Λευίταισ τοῖσ δυνατοῖσ ἐν παντὶ Ἰσραὴλ τοῦ ἁγιασθῆναι αὐτοὺσ τῷ Κυρίῳ, καὶ ἔθηκαν τὴν κιβωτὸν τὴν ἁγίαν εἰσ τὸν οἶκον, ὃν ᾠκοδόμησε Σαλωμὼν υἱὸσ Δαυὶδ τοῦ βασιλέωσ Ἰσραήλ. καὶ εἶπεν ὁ βασιλεύσ. οὐκ ἔστιν ὑμῖν ἐπ’ ὤμων ἆραι οὐδέν. νῦν οὖν λειτουργήσατε τῷ Κυρίῳ Θεῷ ὑμῶν καὶ τῷ λαῷ αὐτοῦ Ἰσραὴλ καὶ ἑτοιμάσθητε κατ’ οἴκουσ πατριῶν ὑμῶν καὶ κατὰ τὰσ ἐφημερίασ ὑμῶν κατὰ τὴν γραφὴν Δαυὶδ βασιλέωσ Ἰσραὴλ καὶ διὰ χειρὸσ Σαλωμὼν υἱοῦ αὐτοῦ καὶ στῆτε ἐν τῷ οἴκῳ κατὰ τὰσ διαιρέσεισ οἴκων πατριῶν ὑμῶν τοῖσ ἀδελφοῖσ ὑμῶν υἱοῖσ τοῦ λαοῦ, καὶ μερὶσ οἴκου πατριᾶσ τοῖσ Λευίταισ, καὶ θύσατε τὸ φασὲκ καὶ ἑτοιμάσατε τοῖσ ἀδελφοῖσ ὑμῶν τοῦ ποιῆσαι κατὰ τὸν λόγον Κυρίου διὰ χειρὸσ Μωυσῆ. καὶ ἀπήρξατο Ἰωσίασ τοῖσ υἱοῖσ τοῦ λαοῦ πρόβατα καὶ ἀμνοὺσ καὶ ἐρίφουσ ἀπὸ τῶν τέκνων τῶν αἰγῶν, πάντα εἰσ τὸ φασέκ, καὶ πάντασ τοὺσ εὑρεθέντασ εἰσ ἀριθμὸν τριάκοντα χιλιάδασ καὶ μόσχων τρεῖσ χιλιάδασ. ταῦτα ἀπὸ τῆσ ὑπάρξεωσ τοῦ βασιλέωσ. καὶ οἱ ἄρχοντεσ αὐτοῦ ἀπήρξαντο τῷ λαῷ καὶ τοῖσ ἱερεῦσι καὶ τοῖσ Λευίταισ. ἔδωκε δὲ Χελκίασ καὶ Ζαχαρίασ καὶ Ιἰὴλ οἱ ἄρχοντεσ τοῖσ ἱερεῦσιν οἴκου Θεοῦ καὶ ἔδωκεν εἰσ τὸ φασὲκ πρόβατα καὶ ἀμνοὺσ καὶ ἐρίφουσ δισχίλια ἑξακόσια καὶ μόσχουσ τριακοσίουσ. καὶ Χωνενίασ καὶ Βαναίασ καὶ Σαμαίασ καὶ Ναθαναὴλ ἀδελφὸσ αὐτοῦ καὶ Ἀσαβίασ καὶ Ιἰὴλ καὶ Ἰωζαβὰδ ἄρχοντεσ τῶν Λευιτῶν ἀπήρξαντο τοῖσ Λευίταισ εἰσ τὸ φασὲκ πρόβατα πεντακισχίλια καὶ μόσχουσ πεντακοσίουσ. καὶ κατωρθώθη ἡ λειτουργία, καὶ ἔστησαν οἱ ἱερεῖσ ἐπὶ τὴν στάσιν αὐτῶν καὶ οἱ Λευῖται ἐπὶ τὰσ διαιρέσεισ αὐτῶν κατὰ τὴν ἐντολὴν τοῦ βασιλέως καὶ ἔθυσαν τὸ φασέκ, καὶ προσέχεαν οἱ ἱερεῖσ τὸ αἷμα ἐκ χειρὸσ αὐτῶν, καὶ οἱ Λευῖται ἐξέδειραν. καὶ ἡτοίμασαν τὴν ὁλοκαύτωσιν παραδοῦναι αὐτοῖσ κατὰ τὴν διαίρεσιν κατ’ οἴκουσ πατριῶν τοῖσ υἱοῖσ τοῦ λαοῦ τοῦ προσάγειν τῷ Κυρίῳ, ὡσ γέγραπται ἐν βίβλῳ Μωυσῆ, καὶ οὕτωσ εἰσ τὸ πρωί̈. καὶ ὤπτησαν τὸ φασὲκ ἐν πυρὶ κατὰ τὴν κρίσιν καὶ τὰ ἅγια ὕψησαν ἐν τοῖσ χαλκείοισ καὶ ἐν τοῖσ λέβησι. καὶ εὐωδώθη, καὶ ἔδραμον πρὸσ πάντασ τοὺσ υἱοὺσ τοῦ λαοῦ. καὶ μετὰ τὸ ἑτοιμάσαι αὐτοῖσ καὶ τοῖσ ἱερεῦσιν, ὅτι οἱ ἱερεῖσ ἐν τῷ ἀναφέρειν τὰ ὁλοκαυτώματα καὶ τὰ στέατα ἕωσ νυκτόσ, καὶ οἱ Λευῖται ἡτοίμασαν αὐτοῖσ καὶ τοῖσ ἀδελφοῖσ αὐτῶν υἱοῖσ Ἀαρών. καὶ οἱ ψαλτῳδοὶ υἱοὶ Ἀσὰφ ἐπὶ τῆσ στάσεωσ αὐτῶν κατὰ τὰσ ἐντολὰσ Δαυὶδ καὶ Ἀσὰφ καὶ Αἰμὰν καὶ Ἰδιθὼμ οἱ προφῆται τοῦ βασιλέωσ καὶ οἱ ἄρχοντεσ καὶ οἱ πυλωροὶ πύλησ καὶ πύλησ, οὐκ ἦν αὐτοῖσ κινεῖσθαι ἀπὸ τῆσ λειτουργίασ τῶν ἁγίων, ὅτι ἀδελφοὶ αὐτῶν οἱ Λευῖται ἡτοίμασαν αὐτοῖσ. καὶ κατωρθώθη καὶ ἡτοιμάσθη πᾶσα ἡ λειτουργία Κυρίου ἐν τῇ ἡμέρᾳ ἐκείνῃ τοῦ ποιῆσαι τὸ φασὲκ καὶ ἐνεγκεῖν τὰ ὁλοκαυτώματα ἐπὶ τὸ θυσιαστήριον Κυρίου κατὰ τὴν ἐντολὴν τοῦ βασιλέωσ Ἰωσίου. καὶ ἐποίησαν οἱ υἱοὶ Ἰσραὴλ οἱ εὑρεθέντεσ τὸ φασὲκ ἐν τῷ καιρῷ ἐκείνῳ καὶ τὴν ἑορτὴν τῶν ἀζύμων ἑπτὰ ἡμέρασ. καὶ οὐκ ἐγένετο φασὲκ ὅμοιον αὐτῷ ἐν Ἰσραὴλ ἀπὸ ἡμερῶν Σαμουὴλ τοῦ προφήτου καὶ παντὸσ βασιλέωσ Ἰσραὴλ οὐκ ἐποίησαν τὸ φασέκ, ὃ ἐποίησεν Ἰωσίασ καὶ οἱ ἱερεῖσ καὶ οἱ Λευῖται καὶ πᾶσ Ἰούδα καὶ Ἰσραὴλ ὁ εὑρεθεὶσ καὶ οἱ κατοικοῦντεσ ἐν Ἱερουσαλὴμ τῷ Κυρίῳ. τῷ ὀκτωκαιδεκάτῳ ἔτει τῆσ βασιλείασ Ἰωσίου ἐποιήθη τὸ φασὲκ τοῦτο. α καὶ τοὺσ ἐγγαστριμύθουσ καὶ τοὺσ γνώστασ καὶ τὰ θεραφὶν καὶ τὰ εἴδωλα καὶ τὰ καρησίμ, ἃ ἦν ἐν γῇ Ἰούδα καὶ ἐν Ἱερουσαλὴμ ἐνεπύρισεν ὁ βασιλεὺσ Ἰωσίασ, ἵνα στήσῃ τοὺσ λόγουσ τοῦ νόμου τοὺσ γεγραμμένουσ ἐπὶ τοῦ βιβλίου, οὗ εὗρε Χελκίασ ὁ ἱερεὺσ ἐν τῷ οἴκῳ Κυρίου. β ὅμοιοσ αὐτῷ οὐκ ἐγενήθη ἔμπροσθεν αὐτοῦ, ὃσ ἐπέστρεψε πρὸσ Κύριον ἐν ὅλῃ καρδίᾳ αὐτοῦ καὶ ἐν ὅλῃ ψυχῇ αὐτοῦ καὶ ἐν ὅλῃ τῇ ἰσχύϊ αὐτοῦ κατὰ πάντα τὸν νόμον Μωυσῆ, καὶ μετ’ αὐτὸν οὐκ ἀνέστη ὅμοιοσ αὐτῷ. γ πλὴν οὐκ ἀπεστράφη Κύριοσ ἀπὸ ὀργῆσ θυμοῦ αὐτοῦ τοῦ μεγάλου, οὗ ὠργίσθη θυμῷ Κύριοσ ἐν τῷ Ἰούδᾳ, ἐπὶ πάντα τὰ παροργίσματα αὐτοῦ, ἃ παρώργισε Μανασσῆσ. δ καὶ εἶπε Κύριοσ. καί γε τὸν Ἰούδαν ἀποστήσω ἀπὸ προσώπου μου, καθὼσ ἀπέστησα τὸν Ἰσραήλ, καὶ ἀπωσάμην τὴν πόλιν, ἣν ἐξελεξάμην τὴν Ἱερουσαλήμ, καὶ τὸν οἶκον ὃν εἶπα. ἔσται τὸ ὄνομά μου ἐκεῖ. Καὶ ἀνέβη φαραὼ Νεχαὼ βασιλεὺσ Αἰγύπτου ἐπὶ τὸν βασιλέα Ἀσσυρίων ἐπὶ τὸν ποταμὸν Εὐφράτην, καὶ ἐπορεύθη βασιλεὺσ Ἰωσίασ εἰσ συνάντησιν αὐτῷ. καὶ ἀπέστειλε πρὸσ αὐτὸν ἀγγέλουσ λέγων. τί ἐμοὶ καὶ σοί, βασιλεῦ Ἰούδα̣ οὐκ ἐπὶ σὲ ἥκω σήμερον πόλεμον πολεμῆσαι, καὶ ὁ Θεὸσ εἶπε τοῦ κατασπεῦσαί με. πρόσεχε ἀπὸ τοῦ Θεοῦ τοῦ μετ’ ἐμοῦ μὴ καταφθείρῃ σε. καὶ οὐκ ἀπέστρεψεν Ἰωσίασ τὸ πρόσωπον αὐτοῦ ἀπ’ αὐτοῦ, ἀλλ’ ἢ πολεμεῖν αὐτὸν ἐκραταιώθη καὶ οὐκ ἤκουσε τῶν λόγων Νεχαὼ διά στόματοσ Θεοῦ καὶ ἦλθε τοῦ πολεμῆσαι ἐν τῷ πεδίῳ Μαγεδδώ. καὶ ἐτόξευσαν οἱ τοξόται ἐπὶ βασιλέα Ἰωσίαν. καὶ εἶπεν ὁ βασιλεὺσ τοῖσ παισὶν αὐτοῦ. ἐξαγάγετέ με, ὅτι ἐπόνεσα σφόδρα. καὶ ἐξήγαγον αὐτὸν οἱ παῖδεσ αὐτοῦ ἀπὸ τοῦ ἅρματοσ καὶ ἀνεβίβασαν αὐτὸν ἐπὶ τὸ ἅρμα τὸ δευτεραῖον, ὃ ἦν αὐτῷ, καὶ ἤγαγον αὐτὸν εἰσ Ἱερουσαλήμ. καὶ ἀπέθανε καὶ ἐτάφη μετὰ τῶν πατέρων αὐτοῦ. καὶ πᾶσ Ἰούδα καὶ Ἱερουσαλὴμ ἐπένθησαν ἐπὶ Ἰωσίαν, καὶ ἐθρήνησεν Ἱερεμίασ ἐπὶ Ἰωσίαν, καὶ εἶπαν πάντεσ οἱ ἄρχοντεσ καὶ αἱ ἄρχουσαι θρῆνον ἐπὶ Ἰωσίαν ἕωσ τῆσ σήμερον. καὶ ἔδωκαν αὐτὸν εἰσ πρόσταγμα ἐπὶ Ἰσραήλ, καὶ ἰδοὺ γέγραπται ἐπὶ τῶν θρήνων. καὶ ἦσαν οἱ λοιποὶ λόγοι Ἰωσίου καὶ ἡ ἐλπὶσ αὐτοῦ γεγραμμένα ἐν νόμῳ Κυρίου. καὶ οἱ λόγοι αὐτοῦ οἱ πρῶτοι καὶ οἱ ἔσχατοι ἰδοὺ γεγραμμένοι ἐπὶ βιβλίῳ βασιλέων Ἰσραὴλ καὶ Ἰούδα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Paralipomenon 35:

(70인역 성경, 역대기 하권 35:)

목록

SEARCH

MENU NAVIGATION