헬라어 문장 검색 - Σεπτύ014́033́

(70인역 성경, 역대기 하권 33:)

ΩΝ δεκαδύο ἐτῶν Μανασσῆσ ἐν τῷ βασιλεῦσαι αὐτὸν καὶ πεντηκονταπέντε ἔτη ἐβασίλευσεν ἐν Ἱερουσαλήμ. καὶ ἐποίησε τὸ πονηρὸν ἐναντίον Κυρίου ἀπὸ πάντων τῶν βδελυγμάτων τῶν ἐθνῶν, οὓσ ἐξωλόθρευσε Κύριοσ ἀπὸ προσώπου τῶν υἱῶν Ἰσραήλ. καὶ ἐπέστρεψε καὶ ᾠκοδόμησε τὰ ὑψηλά, ἃ κατέσπασεν Ἐζεκίασ ὁ πατὴρ αὐτοῦ, καὶ ἔστησε στήλασ τοῖσ Βααλὶμ καὶ ἐποίησεν ἄλση καὶ προσεκύνησε πάσῃ τῇ στρατιᾷ τοῦ οὐρανοῦ καὶ ἐδούλευσεν αὐτοῖσ. καὶ ᾠκοδόμησε θυσιαστήρια ἐν οἴκῳ Κυρίου, οὗ εἶπε Κύριοσ. ἐν Ἱερουσαλὴμ ἔσται τὸ ὄνομά μου εἰσ τὸν αἰῶνα. καὶ ᾠκοδόμησε θυσιαστήρια πάσῃ τῇ στρατιᾷ τοῦ οὐρανοῦ ἐν ταῖσ δυσὶν αὐλαῖσ οἴκου Κυρίου. καὶ αὐτὸσ διήγαγε τὰ τέκνα αὐτοῦ ἐν πυρὶ ἐν Γεβενεννὸμ καὶ ἐκληδονίζετο καὶ οἰωνίζετο καὶ ἐφαρμακεύετο καὶ ἐποίησεν ἐγγαστριμύθουσ καὶ ἐπᾳοιδούσ. καὶ ἐπλήθυνε τοῦ ποιῆσαι τὸ πονηρὸν ἐναντίον Κυρίου τοῦ παροργίσαι αὐτόν. καὶ ἔθηκε τὸ γλυπτὸν καὶ τὸ χωνευτόν, εἰκόνα ἣν ἐποίησεν, ἐν οἴκῳ Θεοῦ, οὗ εἶπε Θεὸσ πρὸσ Δαυὶδ καὶ πρὸσ Σαλωμὼν υἱὸν αὐτοῦ. ἐν τῷ οἴκῳ τούτῳ καὶ Ἱερουσαλήμ, ἣν ἐξελεξάμην ἐκ πασῶν φυλῶν Ἰσραήλ, θήσω τὸ ὄνομά μου εἰσ τὸν αἰῶνα. καὶ οὐ προσθήσω σαλεῦσαι τὸν πόδα Ἰσραὴλ ἀπὸ τῆσ γῆσ, ἧσ ἔδωκα τοῖσ πατράσιν αὐτῶν, πλὴν ἐὰν φυλάσσωνται τοῦ ποιῆσαι πάντα, ἃ ἐνετειλάμην αὐτοῖσ, κατὰ πάντα τὸν νόμον καὶ τὰ προστάγματα καὶ τὰ κρίματα ἐν χειρὶ Μωϋσῆ. καὶ ἐπλάνησε Μανασσῆσ τὸν Ἰούδαν καὶ τοὺσ κατοικοῦντασ ἐν Ἱερουσαλὴμ τοῦ ποιῆσαι τὸ πονηρὸν ὑπὲρ πάντα τὰ ἔθνη, ἃ ἐξῇρε Κύριοσ ἀπὸ προσώπου υἱῶν Ἰσραήλ. καὶ ἐλάλησε Κύριοσ ἐπὶ Μανασσῆ καὶ ἐπὶ τὸν λαὸν αὐτοῦ, καὶ οὐκ ἐπήκουσαν. καὶ ἤγαγε Κύριοσ ἐπ’ αὐτοὺσ τοὺσ ἄρχοντασ τῆσ δυνάμεωσ τοῦ βασιλέωσ Ἀσσούρ, καὶ κατέλαβον τὸν Μανασσῆ ἐν δεσμοῖσ καὶ ἔδησαν αὐτὸν ἐν πέδαισ καὶ ἤγαγον εἰσ Βαβυλῶνα. καὶ ὡσ ἐθλίβη, ἐζήτησε τὸ πρόσωπον Θεοῦ τοῦ Κυρίου αὐτοῦ καὶ ἐταπεινώθη σφόδρα ἀπὸ προσώπου Θεοῦ πατέρων αὐτοῦ. καὶ προσηύξατο πρὸσ αὐτόν, καὶ ἐπήκουσεν αὐτοῦ. καὶ ἐπήκουσε τῆσ βοῆσ αὐτοῦ καὶ ἐπέστρεψεν αὐτὸν εἰσ Ἱερουσαλὴμ ἐπὶ τὴν βασιλείαν αὐτοῦ. καὶ ἔγνω Μανασσῆσ, ὅτι Κύριοσ αὐτόσ ἐστι Θεόσ. καὶ μετὰ ταῦτα ᾠκοδόμησε τεῖχοσ ἔξω τῆσ πόλεωσ Δαυὶδ ἀπὸ λιβὸσ κατὰ Γιὼν ἐν τῷ χειμάρρῳ καὶ κατὰ τὴν εἴσοδον τὴν διὰ τῆσ πύλησ τῆσ ἰχθυϊκῆσ ἐκπορευομένων τὴν πύλην τὴν κυκλόθεν καὶ εἰσ Ὀφλὰ καὶ ὕψωσε σφόδρα. καὶ κατέστησεν ἄρχοντασ τῆσ δυνάμεωσ ἐν πάσαισ ταῖσ πόλεσι ταῖσ τειχήρεσιν ἐν Ἰούδᾳ καὶ περιεῖλε τοὺσ θεοὺσ τοὺσ ἀλλοτρίουσ καὶ τὸ γλυπτὸν ἐξ οἴκου Κυρίου καὶ πάντα τὰ θυσιαστήρια, ἃ ᾠκοδόμησεν ἐν ὄρει οἴκου Κυρίου καὶ ἐν Ἱερουσαλὴμ καὶ ἔξωθεν τῆσ πόλεωσ. καὶ κατώρθωσε τὸ θυσιαστήριον Κυρίου καὶ ἐθυσίασεν ἐπ’ αὐτὸ θυσίαν σωτηρίου καὶ αἰνέσεωσ καὶ εἶπε τῷ Ἰούδᾳ τοῦ δουλεύειν Κυρίῳ Θεῷ Ἰσραήλ. πλὴν ἔτι ὁ λαὸσ ἐπὶ τῶν ὑψηλῶν ἐθυσίαζε, πλὴν Κύριοσ ὁ Θεὸσ αὐτῶν. καὶ τὰ λοιπὰ τῶν λόγων Μανασσῆ καὶ ἡ προσευχὴ αὐτοῦ ἡ πρὸσ τὸν Θεὸν καὶ λόγοι τῶν ὁρώντων τῶν λαλούντων πρὸσ αὐτὸν ἐπ’ ὀνόματι Θεοῦ Ἰσραὴλ ἰδοὺ ἐπὶ λόγων προσευχῆσ αὐτοῦ, ὡσ καὶ ἐπήκουσεν αὐτοῦ, καὶ πᾶσαι αἱ ἁμαρτίαι αὐτοῦ καὶ ἀποστάσεισ αὐτοῦ καὶ οἱ τόποι, ἐφ’ οἷσ ᾠκοδόμησεν ἐν αὐτοῖσ τὰ ὑψηλὰ καὶ ἔστησεν ἐκεῖ ἄλση καὶ γλυπτά, πρὸ τοῦ ἐπιστρέψαι, ἰδοὺ γέγραπται ἐπὶ τῶν λόγων τῶν ὁρώντων. καὶ ἐκοιμήθη Μανασσῆσ μετὰ τῶν πατέρων αὐτοῦ, καὶ ἔθαψαν αὐτὸν ἐν παραδείσῳ οἴκου αὐτοῦ. καὶ ἐβασίλευσεν ἀντ’ αὐτοῦ Ἀμὼν υἱὸσ αὐτοῦ. Ὢν ἐτῶν εἴκοσι καὶ δύο Ἀμὼν ἐν τῷ βασιλεύειν αὐτὸν καὶ δύο ἔτη ἐβασίλευσεν ἐν Ἱερουσαλήμ. καὶ ἐποίησε τὸ πονηρὸν ἐνώπιον Κυρίου, ὡσ ἐποίησε Μανασσῆσ ὁ πατὴρ αὐτοῦ, καὶ πᾶσι τοῖσ εἰδώλοισ, οἷσ ἐποίησε Μανασσῆσ ὁ πατὴρ αὐτοῦ, ἔθυεν Ἀμὼν καὶ ἐδούλευσεν αὐτοῖσ. καὶ οὐκ ἐταπεινώθη ἐναντίον Κυρίου, ὡσ ἐταπεινώθη Μανασσῆσ ὁ πατὴρ αὐτοῦ, ὅτι υἱὸσ αὐτοῦ Ἀμὼν ἐπλήθυνε πλημμέλειαν. καὶ ἐπέθεντο αὐτῷ οἱ παῖδεσ αὐτοῦ καὶ ἐπάταξαν αὐτὸν ἐν οἴκῳ αὐτοῦ. καὶ ἐπάταξεν ὁ λαὸσ τῆσ γῆσ τοὺσ ἐπιθεμένουσ ἐπὶ τὸν βασιλέα Ἀμών, καὶ ἐβασίλευσεν ὁ λαὸσ τῆσ γῆσ τὸν Ἰωσίαν υἱὸν αὐτοῦ ἀντ’ αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Paralipomenon 33:

(70인역 성경, 역대기 하권 33:)

목록

SEARCH

MENU NAVIGATION