헬라어 문장 검색 - Σεπτύ014́030́

(70인역 성경, 역대기 하권 30:)

ΚΑΙ ἀπέστειλεν Ἐζεκίασ ἐπὶ πάντα Ἰσραὴλ καὶ Ἰούδα καὶ ἐπιστολὰσ ἔγραψαν ἐπὶ τὸν Ἐφραὶμ καὶ Μανασσῆ ἐλθεῖν εἰσ οἶκον Κυρίου εἰσ Ἱερουσαλὴμ ποιῆσαι τὸ φασὲκ τῷ Κυρίῳ Θεῷ Ἰσραήλ. καὶ ἐβουλεύσατο ὁ βασιλεὺσ καὶ οἱ ἄρχοντεσ καὶ πᾶσα ἡ ἐκκλησία ἐν Ἱερουσαλὴμ ποιῆσαι τὸ φασὲκ τῷ μηνὶ τῷ δευτέρῳ. οὐ γὰρ ἠδυνάσθησαν ποιῆσαι αὐτὸ ἐν τῷ καιρῷ ἐκείνῳ, ὅτι οἱ ἱερεῖσ οὐχ ἡγνίσθησαν ἱκανοί, καὶ ὁ λαὸσ οὐ συνήχθη εἰσ Ἱερουσαλήμ. καὶ ἤρεσεν ὁ λόγοσ ἐναντίον τοῦ βασιλέωσ καὶ ἐναντίον τῆσ ἐκκλησίασ. καὶ ἔστησαν λόγον διελθεῖν κήρυγμα ἐν παντὶ Ἰσραὴλ ἀπὸ Βηρσαβεὲ ἕωσ Δάν, ἐλθόντασ ποιῆσαι τὸ φασὲκ Κυρίῳ Θεῷ Ἰσραὴλ εἰσ Ἱερουσαλήμ, ὅτι πλῆθοσ οὐκ ἐποίησε κατά τὴν γραφήν. καὶ ἐπορεύθησαν οἱ τρέχοντεσ σὺν ταῖσ ἐπιστολαῖσ παρὰ τοῦ βασιλέωσ καὶ τῶν ἀρχόντων εἰσ πάντα Ἰσραὴλ καὶ Ἰούδαν κατὰ τὸ πρόσταγμα τοῦ βασιλέωσ λέγοντεσ. οἱ υἱοὶ Ἰσραὴλ ἐπιστρέψατε πρὸσ Κύριον Θεὸν Ἁβραὰμ καὶ Ἰσαὰκ καὶ Ἰσραήλ, καὶ ἐπιστρέψει τοὺσ ἀνασεσωσμένουσ τοὺσ καταλειφθέντασ ἀπὸ χειρὸσ βασιλέωσ Ἀσσούρ. καὶ μὴ γίνεσθε καθὼσ οἱ πατέρεσ ὑμῶν καὶ οἱ ἀδελφοὶ ὑμῶν, οἳ ἀπέστησαν ἀπὸ Κυρίου Θεοῦ πατέρων αὐτῶν, καὶ παρέδωκεν αὐτοὺσ εἰσ ἐρήμωσιν, καθὼσ ὑμεῖσ ὁρᾶτε. καὶ νῦν μὴ σκληρύνητε τὰσ καρδίασ ὑμῶν ὡσ οἱ πατέρεσ ὑμῶν. δότε δόξαν Κυρίῳ τῷ Θεῷ καὶ εἰσέλθετε εἰσ τὸ ἁγίασμα αὐτοῦ, ὃ ἡγίασεν εἰσ τὸν αἰῶνα, καὶ δουλεύσατε τῷ Κυρίῳ Θεῷ ὑμῶν, καὶ ἀποστρέψει ἀφ’ ὑμῶν θυμὸν ὀργῆσ. ὅτι ἐν τῷ ἐπιστρέφειν ὑμᾶσ πρὸσ Κύριον οἱ ἀδελφοὶ ὑμῶν καὶ τὰ τέκνα ὑμῶν ἔσονται ἐν οἰκτιρμοῖσ ἔναντι πάντων τῶν αἰχμαλωτισάντων αὐτούσ, καὶ ἀποστρέψει εἰσ τὴν γῆν ταύτην, ὅτι ἐλεήμων καὶ οἰκτίρμων Κύριοσ ὁ Θεὸσ ἡμῶν, καὶ οὐκ ἀποστρέψει τὸ πρόσωπον αὐτοῦ ἀφ’ ὑμῶν, ἐάν ἐπιστρέψωμεν πρὸσ αὐτόν. καὶ ἦσαν οἱ τρέχοντεσ διαπορευόμενοι πόλιν ἐκ πόλεωσ ἐν τῷ ὄρει Ἐφραὶμ καὶ Μανασσῆ καὶ ἕωσ Ζαβουλών, καὶ ἐγένοντο ὡσ καταγελῶντεσ αὐτῶν καὶ καταμωκώμενοι. ἀλλὰ ἄνθρωποι Ἀσὴρ καὶ ἀπὸ Μανασσῆ καὶ ἀπὸ Ζαβουλὼν ἐνετράπησαν καὶ ἦλθον εἰσ Ἱερουσαλὴμ καὶ εἰσ Ἰούδα. καὶ ἐγένετο χεὶρ Κυρίου δοῦναι αὐτοῖσ καρδίαν μίαν ἐλθεῖν τοῦ ποιῆσαι κατὰ τὰ προστάγματα τοῦ βασιλέωσ καὶ τῶν ἀρχόντων ἐν λόγῳ Κυρίου, καὶ συνήχθησαν εἰσ Ἱερουσαλὴμ λαὸσ πολὺσ τοῦ ποιῆσαι τὴν ἑορτὴν τῶν ἀζύμων ἐν τῷ μηνὶ τῷ δευτέρῳ, ἐκκλησία πολλὴ σφόδρα. καὶ ἀνέστησαν καὶ καθεῖλαν τὰ θυσιαστήρια τὰ ἐν Ἱερουσαλήμ καὶ πάντα, ἐν οἷσ ἐθυμίων τοῖσ ψευδέσι, κατέσπασαν καὶ ἔρριψαν εἰσ τὸν χειμάρρουν Κέδρων. καὶ ἔθυσαν τὸ φασὲκ τῇ τεσσαρεσκαιδεκάτῃ τοῦ μηνὸσ τοῦ δευτέρου. καὶ οἱ ἱερεῖσ καὶ οἱ Λευῖται ἐνετράπησαν καὶ ἡγνίσθησαν καὶ εἰσήνεγκαν ὁλοκαυτώματα ἐν οἴκῳ Κυρίου. καὶ ἔστησαν ἐπὶ τὴν στάσιν αὐτῶν κατὰ τὸ κρίμα αὐτῶν, κατὰ τὴν ἐντολὴν Μωυσῆ ἀνθρώπου τοῦ Θεοῦ, καὶ οἱ ἱερεῖσ ἐδέχοντο τὰ αἵματα ἐκ χειρὸσ τῶν Λευιτῶν. ὅτι πλῆθοσ τῆσ ἐκκλησίασ οὐχ ἡγνίσθη, καὶ οἱ Λευῖται ἦσαν τοῦ θύειν τὸ φασὲκ παντὶ τῷ μὴ δυναμένῳ ἁγνισθῆναι τῷ Κυρίῳ. ὅτι τὸ πλεῖστον τοῦ λαοῦ ἀπὸ Ἐφραὶμ καὶ Μανασσῆ καὶ Ἰσσάχαρ καὶ Ζαβουλὼν οὐχ ἡγνίσθησαν, ἀλλ’ ἔφαγον τὸ φασὲκ παρὰ τὴν γραφήν. καὶ προσηύξατο Ἐζεκίασ περὶ αὐτῶν λέγων. Κύριοσ ἀγαθὸσ ἐξιλασάσθω ὑπὲρ πάσησ καρδίασ κατευθυνούσησ ἐκζητῆσαι Κύριον τὸν Θεὸν τῶν πατέρων αὐτῶν καὶ οὐ κατὰ τὴν ἁγνείαν τῶν ἁγίων. καὶ ἐπήκουσε Κύριοσ τῷ Ἐζεκίᾳ καὶ ἰάσατο τὸν λαόν. καὶ ἐποίησαν οἱ υἱοὶ Ἰσραὴλ οἱ εὑρεθέντεσ ἐν Ἱερουσαλὴμ τὴν ἑορτὴν τῶν ἀζύμων ἑπτὰ ἡμέρασ ἐν εὐφροσύνῃ μεγάλῃ καὶ καθυμνοῦντεσ τῷ Κυρίῳ ἡμέραν καθ’ ἡμέραν καὶ οἱ ἱερεῖσ καὶ οἱ Λευῖται ἐν ὀργάνοισ τῷ Κυρίῳ. καὶ ἐλάλησεν Ἐζεκίασ ἐπὶ πᾶσαν καρδίαν τῶν Λευιτῶν καὶ τῶν συνιόντων σύνεσιν ἀγαθὴν τῷ Κυρίῳ. καὶ συνετέλεσαν τὴν ἑορτὴν τῶν ἀζύμων ἑπτὰ ἡμέρασ θύοντεσ θυσίαν σωτηρίου καὶ ἐξομολογούμενοι τῷ Κυρίῳ Θεῷ τῶν πατέρων αὐτῶν. καὶ ἐβουλεύσατο ἡ ἐκκλησία ἅμα ποιῆσαι ἑπτὰ ἡμέρασ ἄλλασ. καὶ ἐποίησαν ἑπτὰ ἡμέρασ ἐν εὐφροσύνῃ. ὅτι Ἐζεκίασ ἀπήρξατο τῷ Ἰούδᾳ τῇ ἐκκλησίᾳ χιλίουσ μόσχουσ καὶ ἑπτακισχίλια πρόβατα, καὶ οἱ ἄρχοντεσ ἀπήρξαντο τῷ λαῷ μόσχουσ χιλίουσ καὶ πρόβατα δέκα χιλιάδασ, καὶ τὰ ἅγια τῶν ἱερέων εἰσ πλῆθοσ. καὶ ηὐφράνθη πᾶσα ἡ ἐκκλησία, οἱ ἱερεῖσ καὶ οἱ Λευῖται καὶ πᾶσα ἡ ἐκκλησία Ἰούδα καὶ οἱ εὑρεθέντεσ ἐξ Ἱερουσαλὴμ καὶ οἱ προσήλυτοι οἱ ἐλθόντεσ ἀπὸ γῆσ Ἰσραὴλ καὶ οἱ κατοικοῦντεσ Ἰούδα. καὶ ἐγένετο εὐφροσύνη μεγάλη ἐν Ἱερουσαλήμ. ἀπὸ ἡμερῶν Σαλωμὼν υἱοῦ Δαυὶδ βασιλέωσ Ἰσραὴλ οὐκ ἐγένετο τοιαύτη ἑορτὴ ἐν Ἱερουσαλήμ. καὶ ἀνέστησαν οἱ ἱερεῖσ οἱ Λευῖται καὶ εὐλόγησαν τὸν λαόν. καὶ ἐπηκούσθη ἡ φωνὴ αὐτῶν, καὶ ἦλθεν ἡ προσευχὴ αὐτῶν εἰσ τὸ κατοικητήριον τὸ ἅγιον αὐτοῦ εἰσ τὸν οὐρανόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Paralipomenon 30:

(70인역 성경, 역대기 하권 30:)

목록

SEARCH

MENU NAVIGATION