헬라어 문장 검색 - Σεπτύ014́029́

(70인역 성경, 역대기 하권 29:)

ΚΑΙ Ἐζεκίασ ἐβασίλευσεν ὢν εἴκοσι καὶ πέντε ἐτῶν καὶ εἴκοσιν ἐννέα ἔτη ἐβασίλευσεν ἐν Ἱερουσαλήμ, καὶ ὄνομα τῇ μητρὶ αὐτοῦ Ἀββὰ θυγάτηρ Ζαχαρίου. καὶ ἐποίησε τὸ εὐθὲσ ἐνώπιον Κυρίου κατὰ πάντα, ὅσα ἐποίησε Δαυὶδ ὁ πατὴρ αὐτοῦ. καὶ ἐγένετο ὡσ ἔστη ἐπὶ τῆσ βασιλείασ αὐτοῦ, ἐν τῷ μηνὶ τῷ πρώτῳ ἀνέῳξε τὰσ θύρασ οἴκου Κυρίου καὶ ἐπεσκεύασεν αὐτάσ. καὶ εἰσήγαγε τοὺσ ἱερεῖσ καὶ τοὺσ Λευίτασ καὶ κατέστησεν αὐτοὺσ εἰσ τὸ κλῖτοσ τὸ πρὸσ ἀνατολὰσ καὶ εἶπεν αὐτοῖσ. ἀκούσατε, οἱ Λευῖται, νῦν ἁγνίσθητε καὶ ἁγνίσατε τὸν οἶκον Κυρίου Θεοῦ τῶν πατέρων ὑμῶν καὶ ἐκβάλετε τὴν ἀκαθαρσίαν ἐκ τῶν ἁγίων. ὅτι ἀπέστησαν οἱ πατέρεσ ἡμῶν καὶ ἐποίησαν τὸ πονηρὸν ἐναντίον Κυρίου Θεοῦ ἡμῶν καὶ ἐγκατέλιπαν αὐτὸν καὶ ἀπέστρεψαν τὸ πρόσωπον αὐτῶν ἀπὸ τῆσ σκηνῆσ Κυρίου καὶ ἔδωκαν αὐχένα καὶ ἀπέκλεισαν τὰσ θύρασ τοῦ ναοῦ καὶ ἔσβεσαν τοὺσ λύχνουσ καὶ θυμίαμα οὐκ ἐθυμίασαν καὶ ὁλοκαυτώματα οὐ προσήνεγκαν ἐν τῷ ἁγίῳ Θεῷ Ἰσραήλ. καὶ ὠργίσθη ὀργῇ Κύριοσ ἐπὶ τὸν Ἰούδαν καὶ τὴν Ἱερουσαλὴμ καὶ ἔδωκεν αὐτοὺσ εἰσ ἔκστασιν καὶ εἰσ ἀφανισμὸν καὶ εἰσ συρισμόν, ὡσ ὑμεῖσ ὁρᾶτε τοῖσ ὀφθαλμοῖσ ὑμῶν. καὶ ἰδοὺ πεπλήγασιν οἱ πατέρεσ ὑμῶν ἐν μαχαίρᾳ, καὶ οἱ υἱοὶ ὑμῶν καὶ αἱ θυγατέρεσ ὑμῶν καὶ αἱ γυναῖκεσ ὑμῶν ἐν αἰχμαλωσίᾳ ἐν γῇ οὐκ αὐτῶν, ὃ καὶ νῦν ἐστιν. ἐπὶ τούτοισ νῦν ἐστιν ἐπὶ καρδίασ διαθέσθαι διαθήκην Κυρίου Θεοῦ Ἰσραήλ, καὶ ἀποστρέψει τὴν ὀργὴν τοῦ θυμοῦ αὐτοῦ ἀφ’ ἡμῶν. καὶ νῦν μὴ διαλίπητε, ὅτι ἐν ὑμῖν ᾑρέτικε Κύριοσ στῆναι ἐναντίον αὐτοῦ λειτουργεῖν καὶ εἶναι αὐτῷ λειτουργοῦντασ καὶ θυμιῶντασ. καὶ ἀνέστησαν οἱ Λευῖται, Μαὰθ ὁ τοῦ Ἀμασὶ καὶ Ἰωὴλ ὁ τοῦ Ἀζαρίου ἐκ τῶν υἱῶν Καὰθ καὶ ἐκ τῶν υἱῶν Μεραρὶ Κὶσ ὁ τοῦ Ἀβδὶ καὶ Ἀζαρίασ ὁ τοῦ Ἰαλλελήλ, καὶ ἀπὸ τῶν υἱῶν Γεδσωνὶ Ἰωδαὰδ ὁ τοῦ Ζεμμὰθ καὶ Ἰωαδὰμ ὁ τοῦ Ἰωαχά, καὶ τῶν υἱῶν Ἐλισαφὰν Ζαμβρὶ καὶ Ἰεϊήλ, καὶ τῶν υἱῶν Ἀσὰφ Ζαχαρίασ καὶ Ματθανίασ, καὶ τῶν υἱῶν Αἰμὰν Ἰεϊὴλ καὶ Σεμεί̈, καὶ τῶν υἱῶν Ἰδιθοὺν Σαμαίασ καὶ Ὀζιήλ, καὶ συνήγαγον τοὺσ ἀδελφοὺσ αὐτῶν καὶ ἡγνίσθησαν κατὰ τὴν ἐντολὴν τοῦ βασιλέωσ διὰ προστάγματοσ Κυρίου καθαρίσαι τὸν οἶκον Κυρίου. καὶ εἰσῆλθον οἱ ἱερεῖσ ἔσω εἰσ τὸν οἶκον Κυρίου ἁγνίσαι καὶ ἐξέβαλον πᾶσαν τὴν ἀκαθαρσίαν τὴν εὑρεθεῖσαν ἐν τῷ οἴκῳ Κυρίου καὶ εἰσ τὴν αὐλὴν οἴκου Κυρίου, καὶ ἐδέξαντο οἱ Λευῖται ἐκβαλεῖν εἰσ τὸν χειμάρρουν Κέδρων ἔξω. καὶ ἤρξαντο τῇ ἡμέρᾳ τῇ πρώτῃ νουμηνίᾳ τοῦ πρώτου μηνὸσ ἁγνίσαι καὶ τῇ ἡμέρᾳ τῇ ὀγδόῃ τοῦ μηνὸσ εἰσῆλθαν εἰσ τὸν ναὸν Κυρίου καὶ ἥγνισαν τὸν οἶκον Κυρίου ἐν ἡμέραισ ὀκτὼ καὶ τῇ ἡμέρᾳ τῇ τρισκαιδεκάτῃ τοῦ μηνὸσ τοῦ πρώτου συνετέλεσαν. καὶ εἰσῆλθαν ἔσω πρὸσ Ἐζεκίαν τὸν βασιλέα καὶ εἶπαν. ἡγνίσαμεν πάντα τὰ ἐν οἴκῳ Κυρίου, τὸ θυσιαστήριον τῆσ ὁλοκαυτώσεωσ καὶ τὰ σκεύη αὐτοῦ καὶ τὴν τράπεζαν τῆσ προθέσεωσ καὶ τὰ σκεύη αὐτῆσ. καὶ πάντα τὰ σκεύη, ἃ ἐμίανεν ὁ βασιλεὺσ Ἄχαζ ἐν τῇ βασιλείᾳ αὐτοῦ ἐν τῇ ἀποστασίᾳ αὐτοῦ, ἡτοιμάκαμεν καὶ ἡγνίκαμεν, ἰδού ἐστιν ἐναντίον τοῦ θυσιαστηρίου Κυρίου. καὶ ὤρθρισεν Ἐζεκίασ ὁ βασιλεὺσ καὶ συνήγαγε τοὺσ ἄρχοντασ τῆσ πόλεωσ καὶ ἀνέβη εἰσ οἶκον Κυρίου καὶ ἀνήνεγκε μόσχουσ ἑπτά, κριοὺσ ἑπτά, ἀμνοὺσ ἑπτά, χιμάρουσ αἰγῶν ἑπτὰ περὶ ἁμαρτίασ, περὶ τῆσ βασιλείασ καὶ περὶ τῶν ἁγίων καὶ περὶ Ἰσραὴλ καὶ εἶπε τοῖσ υἱοῖσ Ἀαρὼν τοῖσ ἱερεῦσιν ἀναβαίνειν ἐπὶ τὸ θυσιαστήριον Κυρίου. καὶ ἔθυσαν τοὺσ μόσχουσ, καὶ ἐδέξαντο οἱ ἱερεῖσ τὸ αἷμα καὶ προσέχεαν ἐπὶ τὸ θυσιαστήριον. καὶ ἔθυσαν τοὺσ κριούσ, καὶ προσέχεαν τὸ αἷμα ἐπὶ τὸ θυσιαστήριον. καὶ ἔθυσαν τοὺσ ἀμνούσ, καὶ περιέχεον τὸ αἷμα τῷ θυσιαστηρίῳ. καὶ προσήγαγον τοὺσ χιμάρουσ τοὺσ περὶ ἁμαρτίασ ἐναντίον τοῦ βασιλέωσ καὶ τῆσ ἐκκλησίασ, καὶ ἐπέθηκαν τὰσ χεῖρασ αὐτῶν ἐπ’ αὐτούσ, καὶ ἔθυσαν αὐτοὺσ οἱ ἱερεῖσ καί ἐξιλάσαντο τὸ αἷμα αὐτῶν πρὸσ τὸ θυσιαστήριον καὶ ἐξιλάσαντο περὶ παντὸσ Ἰσραήλ, ὅτι εἶπεν ὁ βασιλεύσ, περὶ παντὸσ Ἰσραὴλ ἡ ὁλοκαύτωσισ καὶ τὰ περὶ ἁμαρτίασ. καὶ ἔστησε τοὺσ Λευίτασ ἐν οἴκῳ Κυρίου ἐν κυμβάλοισ καί ἐν νάβλαισ καὶ ἐν κινύραισ κατὰ τὴν ἐντολὴν Δαυὶδ τοῦ βασιλέωσ καὶ Γὰδ τοῦ ὁρῶντοσ τῷ βασιλεῖ καὶ Νάθαν τοῦ προφήτου, ὅτι διὰ ἐντολῆσ Κυρίου τὸ πρόσταγμα ἐν χειρὶ τῶν προφητῶν. καὶ ἔστησαν οἱ Λευῖται ἐν ὀργάνοισ Δαυὶδ καὶ οἱ ἱερεῖσ ταῖσ σάλπιγξι. καὶ εἶπεν Ἐζεκίασ ἀνενέγκαι τὴν ὁλοκαύτωσιν ἐπὶ τὸ θυσιαστήριον. καὶ ἐν τῷ ἄρξασθαι ἀναφέρειν τὴν ὁλοκαύτωσιν ἤρξαντο ᾄδειν Κυρίῳ, καὶ σάλπιγγεσ πρὸσ τὰ ὄργανα Δαυὶδ βασιλέωσ Ἰσραήλ. καὶ πᾶσα ἡ ἐκκλησία προσεκύνει, καὶ οἱ ψαλτῳδοὶ ᾄδοντεσ, καὶ σάλπιγγεσ σαλπίζουσαι, ἕωσ οὗ συνετελέσθη ἡ ὁλοκαύτωσισ. καὶ ὡσ συνετέλεσαν ἀναφέροντεσ, ἔκαμψεν ὁ βασιλεὺσ καὶ πάντεσ οἱ εὑρεθέντεσ καὶ προσεκύνησαν. καὶ εἶπεν Ἐζεκίασ ὁ βασιλεὺσ καὶ οἱ ἄρχοντεσ τοῖσ Λευίταισ ὑμνεῖν τὸν Κύριον ἐν λόγοισ Δαυὶδ καὶ Ἀσὰφ τοῦ προφήτου. καὶ ὕμνουν ἐν εὐφροσύνῃ καὶ ἔπεσον καὶ προσεκύνησαν. καὶ ἀπεκρίθη Ἐζεκίασ καὶ εἶπε. νῦν ἐπληρώσατε τὰσ χεῖρασ ὑμῶν Κυρίῳ, προσαγάγετε καί φέρετε θυσίασ αἰνέσεωσ εἰσ οἶκον Κυρίου. καὶ ἀνήνεγκεν ἡ ἐκκλησία θυσίασ καὶ αἰνέσεισ εἰσ οἶκον Κυρίου καὶ πᾶσ πρόθυμοσ τῇ καρδίᾳ ὁλοκαυτώσεισ. καὶ ἐγένετο ὁ ἀριθμὸσ τῆσ ὁλοκαυτώσεωσ, ἧσ ἀνήνεγκεν ἡ ἐκκλησία, μόσχοι ἑβδομήκοντα, κριοὶ ἑκατόν, ἀμνοὶ διακόσιοι. εἰσ ὁλοκαύτωσιν Κυρίῳ πάντα ταῦτα. καὶ οἱ ἡγιασμένοι μόσχοι ἑξακόσιοι, πρόβατα τρισχίλια. ἀλλ’ ἢ οἱ ἱερεῖσ ἦσαν ὀλίγοι καὶ οὐκ ἠδύναντο ἐκδεῖραι τὴν ὁλοκαύτωσιν, καὶ ἀντελάβοντο αὐτῶν οἱ ἀδελφοὶ αὐτῶν οἱ Λευῖται, ἕωσ οὗ συνετελέσθη τὸ ἔργον καὶ ἕωσ οὗ ἡγνίσθησαν οἱ ἱερεῖσ, ὅτι οἱ Λευῖται προθύμωσ ἥγνισαν παρὰ τοὺσ ἱερεῖσ. καὶ ἡ ὁλοκαύτωσισ πολλὴ ἐν τοῖσ στέασι τῆσ τελειώσεωσ τοῦ σωτηρίου καὶ τῶν σπονδῶν τῆσ ὁλοκαυτώσεωσ. καὶ κατωρθώθη τὸ ἔργον ἐν οἴκῳ Κυρίου. καὶ ηὐφράνθη Ἐζεκίασ καὶ πᾶσ ὁ λαὸσ διὰ τὸ ἡτοιμακέναι τὸν Θεὸν τῷ λαῷ, ὅτι ἐξάπινα ἐγένετο ὁ λόγοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Paralipomenon 29:

(70인역 성경, 역대기 하권 29:)

목록

SEARCH

MENU NAVIGATION