헬라어 문장 검색 - Σεπτύ014́028́

(70인역 성경, 역대기 하권 28:)

ΥΙΟΣ εἴκοσι καὶ πέντε ἐτῶν ἦν Ἄχαζ ἐν τῷ βασιλεύειν αὐτὸν καὶ ἑκκαίδεκα ἔτη ἐβασίλευσεν ἐν Ἱερουσαλήμ. καὶ οὐκ ἐποίησε τὸ εὐθὲσ ἐνώπιον Κυρίου, ὡσ Δαυὶδ ὁ πατὴρ αὐτοῦ. καὶ ἐπορεύθη κατὰ τὰσ ὁδοὺσ βασιλέων Ἰσραήλ. καὶ γὰρ γλυπτὰ ἐποίησε τοῖσ εἰδώλοισ αὐτῶν καὶ ἔθυεν ἐν Βενεννὸμ καὶ διῆγε τὰ τέκνα αὐτοῦ διὰ πυρὸσ κατὰ τὰ βδελύγματα τῶν ἐθνῶν, ὧν ἐξωλόθρευσε Κύριοσ ἀπὸ προσώπου υἱῶν Ἰσραήλ, καὶ ἐθυμία ἐπὶ τῶν ὑψηλῶν καὶ ἐπὶ τῶν δωμάτων καὶ ὑποκάτω παντὸσ ξύλου ἀλσώδουσ. καὶ παρέδωκεν αὐτὸν Κύριοσ ὁ Θεὸσ αὐτοῦ διὰ χειρὸσ βασιλέωσ Συρίασ, καὶ ἐπάταξεν ἐν αὐτῷ καὶ ᾐχμαλώτευσεν ἐξ αὐτῶν αἰχμαλωσίαν πολλὴν καὶ ἤγαγεν εἰσ Δαμασκόν. καὶ γὰρ εἰσ χεῖρασ βασιλέωσ Ἰσραὴλ παρέδωκεν αὐτόν, καὶ ἐπάταξεν ἐν αὐτῷ πληγὴν μεγάλην. καὶ ἀπέκτεινε Φακεὲ ὁ τοῦ Ρομελία βασιλεὺσ Ἰσραὴλ ἐν Ἰούδᾳ ἐν μιᾷ ἡμέρᾳ ἑκατὸν εἴκοσι χιλιάδασ ἀνδρῶν δυνατῶν ἰσχύϊ ἐν τῷ καταλιπεῖν αὐτοὺσ Κύριον τὸν Θεὸν τῶν πατέρων αὐτῶν. καὶ ἀπέκτεινε Ζεχρὶ ὁ δυνατὸσ τοῦ Ἐφραὶμ τὸν Μαασὰ τὸν υἱὸν τοῦ βασιλέωσ καὶ τὸν Ἐζρικὰν ἡγούμενον τοῦ οἴκου αὐτοῦ καὶ τὸν Ἑλκανὰ τὸν διάδοχον τοῦ βασιλέωσ. καὶ ᾐχμαλώτισαν οἱ υἱοὶ Ἰσραὴλ ἀπὸ τῶν ἀδελφῶν αὐτῶν τριακοσίασ χιλιάδασ, γυναῖκασ καὶ υἱοὺσ καὶ θυγατέρασ, καὶ σκῦλα πολλὰ ἐσκύλευσαν ἐξ αὐτῶν καὶ ἤνεγκαν τὰ σκῦλα εἰσ Σαμάρειαν. καὶ ἐκεῖ ἦν ὁ προφήτησ τοῦ Κυρίου, Ὠδὴδ ὄνομα αὐτῷ, καὶ ἐξῆλθεν εἰσ ἀπάντησιν τῆσ δυνάμεωσ τῶν ἐρχομένων εἰσ Σαμάρειαν καὶ εἶπεν αὐτοῖσ. ἰδοὺ ὀργὴ Κυρίου Θεοῦ τῶν πατέρων ὑμῶν ἐπὶ Ἰούδαν, καὶ παρέδωκεν αὐτοὺσ εἰσ τὰσ χεῖρασ ὑμῶν, καὶ ἀπεκτείνατε ἐν αὐτοῖσ ἐν ὀργῇ. καὶ ἕωσ τῶν οὐρανῶν ἔφθακε. καὶ νῦν υἱοὺσ Ἰούδα καὶ Ἱερουσαλὴμ ὑμεῖσ λέγετε κατακτήσασθαι εἰσ δούλουσ καὶ δούλασ. οὐκ ἰδού εἰμι μεθ’ ὑμῶν μαρτυρῆσαι Κυρίῳ Θεῷ ὑμῶν̣ καὶ νῦν ἀκούσατέ μου καὶ ἀποστρέψατε τὴν αἰχμαλωσίαν, ἣν ᾐχμαλωτεύσατε τῶν ἀδελφῶν ὑμῶν, ὅτι ὀργὴ θυμοῦ Κυρίου ἐφ’ ὑμῖν. καὶ ἀνέστησαν ἄρχοντεσ ἀπὸ τῶν υἱῶν Ἐφραίμ, Οὐδείασ ὁ τοῦ Ἰωανοῦ καὶ Βαραχίασ ὁ τοῦ Μωσολαμὼθ καὶ Ἐζεκίασ ὁ τοῦ Σελλὴμ καὶ Ἀμασίασ ὁ τοῦ Ἐλδαί̈, ἐπὶ τοὺσ ἐρχομένουσ ἀπὸ τοῦ πολέμου, καὶ εἶπαν αὐτοῖσ. οὐ μὴ εἰσαγάγητε τὴν αἰχμαλωσίαν ὧδε πρὸσ ἡμᾶσ, ὅτι εἰσ τὸ ἁμαρτάνειν τῷ Κυρίῳ ἐφ’ ἡμᾶσ ὑμεῖσ λέγετε, προσθεῖναι ἐπὶ ταῖσ ἁμαρτίαισ ἡμῶν καὶ ἐπὶ τὴν ἄγνοιαν ἡμῶν, ὅτι πολλὴ ἡ ἁμαρτία ἡμῶν καὶ ὀργὴ θυμοῦ Κυρίου ἐπὶ τὸν Ἰσραήλ. καὶ ἀφῆκαν οἱ πολεμισταὶ τὴν αἰχμαλωσίαν καὶ τὰ σκῦλα ἐναντίον τῶν ἀρχόντων καὶ πάσησ τῆσ ἐκκλησίασ. καὶ ἀνέστησαν ἄνδρεσ, οἳ ἐπεκλήθησαν ἐν ὀνόματι, καὶ ἀντελάβοντο τῆσ αἰχμαλωσίασ καὶ πάντασ τοὺσ γυμνοὺσ περιέβαλον ἀπὸ τῶν σκύλων καὶ ἐνέδυσαν αὐτοὺσ καὶ ὑπέδυσαν αὐτοὺσ καὶ ἔδωκαν φαγεῖν καὶ ἀλείψασθαι καὶ ἀντελάβοντο καὶ ἐν ὑποζυγίοισ παντὸσ ἀσθενοῦντοσ καὶ κατέστησαν αὐτοὺσ εἰσ Ἱεριχὼ πόλιν Φοινίκων πρὸσ τοὺσ ἀδελφοὺσ αὐτῶν, καὶ ἐπέστρεψαν εἰσ Σαμάρειαν. Ἐν τῷ καιρῷ ἐκείνῳ ἀπέστειλεν ὁ βασιλεὺσ Ἄχαζ πρὸσ βασιλέα Ἀσσοὺρ βοηθῆσαι αὐτῷ καὶ ἐν τούτῳ, ὅτι οἱ Ἰδουμαῖοι ἐπέθεντο καὶ ἐπάταξαν ἐν Ἰούδᾳ καὶ ᾐχμαλώτισαν αἰχμαλωσίαν καὶ οἱ ἀλλόφυλοι ἐπέθεντο ἐπὶ τὰσ πόλεισ τῆσ πεδινῆσ καὶ ἀπὸ λιβὸσ τοῦ Ἰούδα καὶ ἔλαβον τὴν Βαιθσαμὺσ καὶ τὴν Αἰ̈λὼν καὶ τὴν Γαδηρὼθ καὶ τὴν Σωχὼ καὶ τὰσ κώμασ αὐτῆσ καὶ τὴν Θαμνὰ καὶ τὰσ κώμασ αὐτῆσ καὶ τὴν Γαμζὼ καὶ τὰσ κώμασ αὐτῆσ καὶ κατῴκησαν ἐκεῖ. ὅτι ἐταπείνωσε Κύριοσ τὸν Ἰούδαν διὰ Ἄχαζ βασιλέα Ἰούδα, ὅτι ἀπέστη ἀποστάσει ἀπὸ Κυρίου. καὶ ἦλθεν ἐπ’ αὐτὸν Θαγλαθφελλασὰρ βασιλεὺσ Ἀσσοὺρ καὶ ἐπάταξεν αὐτόν. καὶ ἔλαβεν Ἄχαζ τὰ ἐν οἴκῳ Κυρίου καὶ τὰ ἐν οἴκῳ τοῦ βασιλέωσ καὶ τῶν ἀρχόντων καὶ ἔδωκε τῷ βασιλεῖ Ἀσσοὺρ καὶ οὐκ εἰσ βοήθειαν αὐτῷ ἦν, ἀλλ’ ἢ τῷ θλιβῆναι αὐτόν. καὶ προσέθηκε τοῦ ἀποστῆναι ἀπὸ Κυρίου. καὶ εἶπεν ὁ βασιλεὺσ Ἄχαζ. ἐκζητήσω τοὺσ θεοὺσ Δαμασκοῦ τοὺσ τύπτοντάσ με. καὶ εἶπεν ὅτι θεοὶ βασιλέωσ Συρίασ αὐτοὶ κατισχύσουσιν αὐτούσ, αὐτοῖσ τοίνυν θύσω, καὶ ἀντιλήψονταί μου. καὶ αὐτοὶ ἐγένοντο αὐτῷ εἰσ σκῶλον καὶ παντὶ Ἰσραήλ. καὶ ἀπέστησεν Ἄχαζ τὰ σκεύη οἴκου Κυρίου καὶ κατέκοψεν αὐτὰ καὶ ἔκλεισε τὰσ θύρασ οἴκου Κυρίου καὶ ἐποίησεν ἑαυτῷ θυσιαστήρια ἐν πάσῃ γωνίᾳ ἐν Ἱερουσαλήμ. καὶ ἐν πάσῃ πόλει καὶ πόλει ἐν Ἰούδᾳ ἐποίησεν ὑψηλὰ θυμιᾶν θεοῖσ ἀλλοτρίοισ, καὶ παρώργισαν Κύριον τὸν Θεὸν τῶν πατέρων αὐτῶν. καὶ οἱ λοιποὶ λόγοι αὐτοῦ καὶ αἱ πράξεισ αὐτοῦ αἱ πρῶται καὶ ἔσχαται ἰδοὺ γεγραμμέναι ἐπὶ βιβλίῳ βασιλέων Ἰούδα καὶ Ἰσραήλ. καὶ ἐκοιμήθη Ἄχαζ μετὰ τῶν πατέρων αὐτοῦ καὶ ἐτάφη ἐν πόλει Δαυίδ, ὅτι οὐκ εἰσήνεγκαν αὐτὸν εἰσ τοὺσ τάφουσ τῶν βασιλέων Ἰσραήλ. καὶ ἐβασίλευσεν Ἐζεκίασ υἱὸσ αὐτοῦ ἀντ’ αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Paralipomenon 28:

(70인역 성경, 역대기 하권 28:)

목록

SEARCH

MENU NAVIGATION