헬라어 문장 검색 - Σεπτύ014́020́

(70인역 성경, 역대기 하권 20:)

ΚΑΙ μετὰ ταῦτα ἦλθον οἱ υἱοὶ Μωάβ, καὶ υἱοὶ Ἀμμὼν καὶ μετ’ αὐτῶν ἐκ τῶν Μιναίων πρὸσ Ἰωσαφὰτ εἰσ πόλεμον. καὶ ἦλθον καὶ ὑπέδειξαν τῷ Ἰωσαφὰτ λέγοντεσ. ἥκει ἐπὶ σὲ πλῆθοσ πολὺ ἐκ πέραν τῆσ θαλάσσησ ἀπὸ Συρίασ, καὶ ἰδού εἰσιν ἐν Ἀσασὰν Θαμὰρ . καὶ ἐφοβήθη καὶ ἔδωκεν Ἰωσαφὰτ πρόσωπον αὐτοῦ ἐκζητῆσαι τὸν Κύριον καὶ ἐκήρυξε νηστείαν ἐν παντὶ Ἰούδᾳ. καὶ συνήχθη Ἰούδασ ἐκζητῆσαι τὸν Κύριον, καὶ ἀπὸ πασῶν τῶν πόλεων Ἰούδα ἦλθον ζητῆσαι τὸν Κύριον. καὶ ἀνέστη Ἰωσαφὰτ ἐν ἐκκλησίᾳ Ἰούδα ἐν Ἱερουσαλὴμ ἐν οἴκῳ Κυρίου κατὰ πρόσωπον τῆσ αὐλῆσ τῆσ καινῆς καὶ εἶπε. Κύριε ὁ Θεὸσ τῶν πατέρων μου, οὐχὶ σὺ εἶ Θεὸσ ἐν οὐρανῷ ἄνω καὶ σὺ κυριεύεισ πασῶν τῶν βασιλειῶν τῶν ἐθνῶν καὶ ἐν τῇ χειρί σου ἰσχὺσ δυναστείασ καὶ οὐκ ἔστι πρόσ σε ἀντιστῆναι̣ οὐχὶ σὺ ὁ Κύριοσ ὁ ἐξολοθρεύσασ τοὺσ κατοικοῦντασ τὴν γῆν ταύτην ἀπὸ προσώπου τοῦ λαοῦ σου Ἰσραὴλ καὶ ἔδωκασ αὐτὴν σπέρματι Ἁβραὰμ τῷ ἠγαπημένῳ σου εἰσ τὸν αἰῶνα̣ καὶ κατῴκησαν ἐν αὐτῇ καὶ ᾠκοδόμησαν ἐν αὐτῇ ἁγίασμα τῷ ὀνόματί σου λέγοντεσ. ἐὰν ἐπέλθῃ ἐφ’ ἡμᾶσ κακά, ρομφαία, κρίσισ, θάνατοσ, λιμόσ, στησόμεθα ἐναντίον τοῦ οἴκου τούτου καὶ ἐναντίον σου, ὅτι τὸ ὄνομά σου ἐπὶ τῷ οἴκῳ τούτῳ, καὶ βοησόμεθα πρὸσ σὲ ἀπὸ τῆσ θλίψεωσ, καὶ ἀκούσῃ καὶ σώσεισ. καὶ νῦν ἰδοὺ οἱ υἱοὶ Ἀμμὼν καὶ Μωὰβ καὶ ὄροσ Σηείρ, εἰσ οὓσ οὐκ ἔδωκασ τῷ Ἰσραὴλ διελθεῖν δι’ αὐτῶν, ἐξελθόντων αὐτῶν ἐκ γῆσ Αἰγύπτου, ὅτι ἐξέκλιναν ἀπ’ αὐτῶν καὶ οὐκ ἐξωλόθρευσαν αὐτούσ. καὶ νῦν ἰδοὺ αὐτοὶ ἐπιχειροῦσιν ἐφ’ ἡμᾶσ ἐξελθεῖν ἐκβαλεῖν ἡμᾶσ ἀπὸ τῆσ κληρονομίασ ἡμῶν, ἧσ ἔδωκασ ἡμῖν. Κύριε ὁ Θεὸσ ἡμῶν, οὐ κρινεῖσ ἐν αὐτοῖσ̣ ὅτι οὐκ ἔστιν ἡμῖν ἰσχὺσ τοῦ ἀντιστῆναι πρὸσ τὸ πλῆθοσ τὸ πολὺ τοῦτο τὸ ἐλθὸν ἐφ’ ἡμᾶσ, καὶ οὐκ οἴδαμεν τί ποιήσωμεν αὐτοῖσ, ἀλλ’ ἢ ἐπὶ σοὶ οἱ ὀφθαλμοὶ ἡμῶν. καὶ πᾶσ Ἰούδασ ἑστηκὼσ ἔναντι Κυρίου, καὶ τὰ παιδία αὐτῶν καὶ αἱ γυναῖκεσ αὐτῶν. καὶ τῷ Ὀζιὴλ τῷ τοῦ Ζαχαρίου τῶν υἱῶν Βαναίου τῶν υἱῶν Ἐλεϊὴλ τοῦ Ματθανίου τοῦ Λευίτου ἀπὸ τῶν υἱῶν Ἀσάφ, ἐγένετο ἐπ’ αὐτὸν πνεῦμα Κυρίου ἐν τῇ ἐκκλησίᾳ καὶ εἶπεν. ἀκούσατε πᾶσ Ἰούδα καὶ οἱ κατοικοῦντεσ ἐν Ἱερουσαλὴμ καὶ ὁ βασιλεὺσ Ἰωσαφάτ. τάδε λέγει Κύριοσ ὑμῖν αὐτοῖσ. μὴ φοβεῖσθε μηδὲ πτοηθῆτε ἀπὸ προσώπου τοῦ ὄχλου τοῦ πολλοῦ τούτου, ὅτι οὐχ ὑμῖν ἐστιν ἡ παράταξισ, ἀλλ’ ἢ τῷ Θεῷ. αὔριον κατάβητε ἐπ’ αὐτούσ. ἰδοὺ ἀναβαίνουσι κατὰ τὴν ἀνάβασιν Ἀσάσ, καὶ εὑρήσετε αὐτοὺσ ἐπ’ ἄκρου ποταμοῦ τῆσ ἐρήμου Ἰεριήλ. οὐχ ὑμῖν ἐστι πολεμῆσαι. ταῦτα σύνετε καὶ ἴδετε τὴν σωτηρίαν Κυρίου μεθ’ ὑμῶν, Ἰούδα καὶ Ἱερουσαλήμ. μὴ φοβηθῆτε μηδὲ πτοηθῆτε αὔριον ἐξελθεῖν εἰσ ἀπάντησιν αὐτοῖσ, καὶ Κύριοσ μεθ’ ὑμῶν. καὶ κύψασ Ἰωσαφὰτ ἐπὶ πρόσωπον αὐτοῦ καὶ πᾶσ Ἰούδα καὶ οἱ κατοικοῦντεσ Ἱερουσαλὴμ ἔπεσαν ἔναντι Κυρίου προσκυνῆσαι Κυρίῳ. καὶ ἀνέστησαν οἱ Λευῖται ἀπὸ τῶν υἱῶν Καὰθ καὶ ἀπὸ τῶν υἱῶν Κορὲ αἰνεῖν Κυρίῳ Θεῷ Ἰσραὴλ ἐν φωνῇ μεγάλῃ εἰσ ὕψοσ. Καὶ ὤρθρισαν πρωί̈ καὶ ἐξῆλθον εἰσ τὴν ἔρημον Θεκωέ, καὶ ἐν τῷ ἐξελθεῖν αὐτοὺσ ἔστη Ἰωσαφὰτ καὶ ἐβόησε καὶ εἶπεν. ἀκούσατέ μου Ἰούδα καὶ οἱ κατοικοῦντεσ ἐν Ἱερουσαλήμ. ἐμπιστεύσατε ἐν Κυρίῳ Θεῷ ἡμῶν, καὶ ἐμπιστευθήσεσθε. ἐμπιστεύσατε ἐν προφήτῃ αὐτοῦ, καὶ εὐοδωθήσεσθε. καὶ ἐβουλεύσατο μετὰ τοῦ λαοῦ καὶ ἔστησε ψαλτῳδοὺσ καὶ αἰνοῦντασ ἐξομολογεῖσθαι καὶ αἰνεῖν τὰ ἅγια ἐν τῷ ἐξελθεῖν ἔμπροσθεν τῆσ δυνάμεωσ, καὶ ἔλεγον. ἐξομολογεῖσθε τῷ Κυρίῳ, ὅτι εἰσ τὸν αἰῶνα τὸ ἔλεοσ αὐτοῦ. καὶ ἐν τῷ ἄρξασθαι αὐτοὺσ τῆσ αἰνέσεωσ καὶ τῆσ ἐξομολογήσεωσ ἔδωκε Κύριοσ πολεμεῖν τοὺσ υἱοὺσ Ἀμμὼν ἐπὶ Μωὰβ καὶ ὄροσ Σηεὶρ τοὺσ ἐξελθόντασ ἐπὶ Ἰούδαν, καὶ ἐτροπώθησαν. καὶ ἀνέστησαν οἱ υἱοὶ Ἀμμὼν καὶ Μωὰβ ἐπὶ τοὺσ κατοικοῦντασ ὄροσ Σηεὶρ ἐξολοθρεῦσαι καὶ ἐκτρῖψαι αὐτούσ. καὶ ὡσ συνετέλεσαν τοὺσ κατοικοῦντασ Σηείρ, ἀνέστησαν εἰσ ἀλλήλουσ τοῦ ἐξολοθρευθῆναι. καὶ Ἰούδασ ἦλθεν ἐπὶ τὴν σκοπιὰν τῆσ ἐρήμου καὶ ἐπέβλεψε καὶ εἶδε τὸ πλῆθοσ, καὶ ἰδοὺ πάντεσ νεκροὶ πεπτωκότεσ ἐπὶ τῆσ γῆσ, οὐκ ἦν σωζόμενοσ. καὶ ἐξῆλθεν Ἰωσαφὰτ καὶ ὁ λαὸσ αὐτοῦ σκυλεῦσαι τὰ σκῦλα αὐτῶν καὶ εὗρον κτήνη πολλὰ καὶ ἀποσκευὴν καὶ σκῦλα καὶ σκεύη ἐπιθυμητὰ καὶ ἐσκύλευσαν ἐν αὐτοῖσ. καὶ ἐγένοντο ἡμέραι τρεῖσ σκυλευόντων αὐτῶν τὰ σκῦλα, ὅτι πολλὰ ἦν. καὶ ἐγένετο τῇ ἡμέρᾳ τῇ τετάρτῃ ἐπισυνήχθησαν εἰσ τὸν αὐλῶνα τῆσ εὐλογίασ, ἐκεῖ γὰρ ηὐλόγησαν τὸν Κύριον. διὰ τοῦτο ἐκάλεσαν τὸ ὄνομα τοῦ τόπου ἐκείνου Κοιλὰσ εὐλογίασ ἕωσ τῆσ ἡμέρασ ταύτησ. καὶ ἐπέστρεψε πᾶσ ἀνὴρ Ἰούδα εἰσ Ἱερουσαλὴμ καὶ Ἰωσαφὰτ ἡγούμενοσ αὐτῶν ἐν εὐφροσύνῃ μεγάλῃ, ὅτι εὔφρανεν αὐτοὺσ Κύριοσ ἀπὸ τῶν ἐχθρῶν αὐτῶν, καὶ εἰσῆλθον εἰσ Ἱερουσαλὴμ ἐν νάβλαισ καὶ κινύραισ καὶ ἐν σάλπιγξιν εἰσ οἶκον Κυρίου. καὶ ἐγένετο ἔκστασισ Κυρίου ἐπὶ πάσασ τὰσ βασιλείασ τῆσ γῆσ ἐν τῷ ἀκοῦσαι αὐτοὺσ ὅτι Κύριοσ ἐπολέμησε πρὸσ τοὺσ ὑπεναντίουσ Ἰσραήλ. καὶ εἰρήνευσεν ἡ βασιλεία Ἰωσαφάτ, καὶ κατέπαυσεν αὐτῷ ὁ Θεὸσ αὐτοῦ κυκλόθεν. Καὶ ἐβασίλευσεν Ἰωσαφὰτ ἐπὶ τὸν Ἰούδαν, ὢν ἐτῶν τριακονταπέντε ἐν τῷ βασιλεῦσαι αὐτόν, καὶ εἴκοσι καὶ πέντε ἔτη ἐβασίλευσεν ἐν Ἱερουσαλήμ, καὶ ὄνομα τῇ μητρὶ αὐτοῦ Ἀζουβὰ θυγάτηρ Σαλί. καὶ ἐπορεύθη ἐν ταῖσ ὁδοῖσ τοῦ πατρὸσ αὐτοῦ Ἀσὰ καὶ οὐκ ἐξέκλινε τοῦ ποιῆσαι τὸ εὐθὲσ ἐνώπιον Κυρίου. ἀλλὰ τὰ ὑψηλὰ ἔτι ὑπῆρχε, καὶ ἔτι ὁ λαὸσ οὐ κατεύθυνε τὴν καρδίαν αὐτῶν πρὸσ Κύριον τὸν Θεὸν τῶν πατέρων αὐτῶν. καὶ οἱ λοιποὶ λόγοι Ἰωσαφὰτ οἱ πρῶτοι καὶ οἱ ἔσχατοι ἰδοὺ γεγραμμένοι ἐν λόγοισ Ἰοὺ τοῦ Ἀνανί, ὃσ κατέγραψε βιβλίον βασιλέων Ἰσραήλ. Καὶ μετὰ ταῦτα ἐκοινώνησεν Ἰωσαφὰτ βασιλεὺσ Ἰούδα πρὸσ Ὀχοζίαν βασιλέα Ἰσραήλ ἐν τῷ ποιῆσαι καὶ πορευθῆναι πρὸσ αὐτὸν τοῦ ποιῆσαι πλοῖα τοῦ πορευθῆναι εἰσ Θαρσεῖσ καὶ ἐποίησε πλοῖα ἐν Γασιὼν Γαβέρ. καὶ ἐπροφήτευσεν Ἐλιέζερ ὁ τοῦ Δωδία ἀπὸ Μαρισῆσ ἐπὶ Ἰωσαφὰτ λέγων. ὡσ ἐφιλίασασ τῷ Ὀχοζίᾳ, ἔθραυσε Κύριοσ τὸ ἔργον σου, καὶ συνετρίβη τὰ πλοῖά σου. καὶ οὐκ ἐδυνάσθη πορευθῆναι εἰσ Θαρσεῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Paralipomenon 20:

(70인역 성경, 역대기 하권 20:)

목록

SEARCH

MENU NAVIGATION