헬라어 문장 검색 - Σεπτύ014́013́

(70인역 성경, 역대기 하권 13:)

ΕΝ τῷ ὀκτωκαιδεκάτῳ ἔτει τῆσ βασιλείασ Ἱεροβοὰμ ἐβασίλευσεν Ἀβιὰ ἐπὶ Ἰούδαν. τρία ἔτη ἐβασίλευσεν ἐν Ἱερουσαλήμ, καὶ ὄνομα τῇ μητρὶ αὐτοῦ Μααχὰ θυγάτηρ Οὐριὴλ ἀπὸ Γαβαών. καὶ πόλεμοσ ἦν ἀνὰ μέσον Ἀβιὰ καὶ ἀνὰ μέσον Ἱεροβοάμ. καὶ παρετάξατο Ἀβιὰ ἐν δυνάμει πολεμισταῖσ δυνάμεωσ τετρακοσίαισ χιλιάσιν ἀνδρῶν δυνατῶν, καὶ Ἱεροβοὰμ παρετάξατο πρὸσ αὐτὸν πόλεμον ἐν ὀκτακοσίαισ χιλιάσι, δυνατοὶ πολεμισταὶ δυνάμεωσ. καὶ ἀνέστη Ἀβιὰ ἀπὸ τοῦ ὄρουσ Σομόρων, ὅ ἐστιν ἐν τῷ ὄρει Ἐφραίμ, καὶ εἶπεν. ἀκούσατε Ἱεροβοὰμ καὶ πᾶσ Ἰσραήλ. οὐχ ὑμῖν γνῶναι ὅτι Κύριοσ ὁ Θεὸσ Ἰσραὴλ ἔδωκε βασιλέα ἐπὶ τὸν Ἰσραὴλ εἰσ τὸν αἰῶνα τῷ Δαυὶδ καὶ τοῖσ υἱοῖσ αὐτοῦ διαθήκῃ ἁλόσ̣ καὶ ἀνέστη Ἱεροβοὰμ ὁ τοῦ Ναβὰτ ὁ παῖσ Σαλωμὼν τοῦ Δαυὶδ καὶ ἀπέστη ἀπὸ τοῦ κυρίου αὐτοῦ. καὶ συνήχθησαν πρὸσ αὐτὸν ἄνδρεσ λοιμοὶ υἱοὶ παράνομοι, καὶ ἀντέστη πρὸσ Ροβοὰμ τὸν τοῦ Σαλωμών, καὶ Ροβοὰμ ἦν νεώτεροσ καὶ δειλὸσ τῇ καρδίᾳ καὶ οὐκ ἀντέστη κατὰ πρόσωπον αὐτοῦ. καὶ νῦν ὑμεῖσ λέγετε ἀντιστῆναι κατὰ πρόσωπον βασιλείασ Κυρίου διὰ χειρὸσ υἱῶν Δαυίδ. καὶ ὑμεῖσ πλῆθοσ πολὺ καὶ μεθ’ ὑμῶν μόσχοι χρυσοῖ, οὓσ ἐποίησεν ὑμῖν Ἱεροβοὰμ εἰσ θεούσ. ἦ οὐκ ἐξεβάλετε τοὺσ ἱερεῖσ Κυρίου τοὺσ υἱοὺσ Ἀαρὼν καὶ τοὺσ Λευίτασ καὶ ἐποιήσατε ἑαυτοῖσ ἱερεῖσ ἐκ τοῦ λαοῦ τῆσ γῆσ πάσησ̣ ὁ προσπορευόμενοσ πληρῶσαι τὰσ χεῖρασ ἐν μόσχῳ ἐκ βοῶν καὶ κριοῖσ ἑπτὰ καὶ ἐγίνετο εἰσ ἱερέα τῷ μὴ ὄντι θεῷ. καὶ ἡμεῖσ Κύριον τὸν Θεὸν ἡμῶν οὐκ ἐγκατελίπομεν, καὶ οἱ ἱερεῖσ αὐτοῦ λειτουργοῦσι τῷ Κυρίῳ οἱ υἱοὶ Ἀαρὼν καὶ οἱ Λευῖται, καὶ ἐν ταῖσ ἐφημερίαισ αὐτῶν. θυμιῶσι τῷ Κυρίῳ ὁλοκαύτωμα πρωί̈ καὶ δείλησ καὶ θυμίαμα συνθέσεωσ καὶ προθέσεισ ἄρτων ἐπὶ τῆσ τραπέζησ τῆσ καθαρᾶσ, καὶ ἡ λυχνία ἡ χρυσῆ καὶ οἱ λύχνοι τῆσ καύσεωσ ἀνάψαι δείλησ, ὅτι φυλάσσομεν τὰσ φυλακὰσ Κυρίου τοῦ Θεοῦ τῶν πατέρων ἡμῶν, καὶ ὑμεῖσ ἐγκατελίπετε αὐτόν. καὶ ἰδοὺ μεθ’ ἡμῶν ἐν ἀρχῇ Κύριοσ καὶ οἱ ἱερεῖσ αὐτοῦ καὶ αἱ σάλπιγγεσ τῆσ σημασίασ τοῦ σημαίνειν ἐφ’ ἡμᾶσ. οἱ υἱοὶ τοῦ Ἰσραὴλ μὴ πολεμήσητε πρὸσ Κύριον Θεὸν τῶν πατέρων ἡμῶν, ὅτι οὐκ εὐοδώσεται ὑμῖν. καὶ Ἱεροβοὰμ ἀπέστρεψε τὸ ἔνεδρον ἐλθεῖν αὐτῷ ἐκ τῶν ὄπισθεν. καὶ ἐγένετο ἔμπροσθεν Ἰούδα, καὶ τὸ ἔνεδρον ἐκ τῶν ὄπισθεν. καὶ ἀπέστρεψεν Ἰούδασ, καὶ ἰδοὺ αὐτοῖσ ὁ πόλεμοσ ἐκ τῶν ἔμπροσθεν καὶ ἐκ τῶν ὄπισθεν, καὶ ἐβόησαν πρὸσ Κύριον, καὶ οἱ ἱερεῖσ ἐσάλπισαν ταῖσ σάλπιγξι. καὶ ἐβόησαν ἄνδρεσ Ἰούδα καὶ ἐγένετο ἐν τῷ βοᾶν ἄνδρασ Ἰούδα καὶ Κύριοσ ἐπάταξε τὸν Ἱεροβοὰμ καὶ τὸν Ἰσραὴλ ἐναντίον Ἀβιὰ καὶ Ἰούδα. καὶ ἔφυγον οἱ υἱοὶ Ἰσραὴλ ἀπὸ προσώπου Ἰούδα, καὶ παρέδωκεν αὐτοὺσ Κύριοσ εἰσ τὰσ χεῖρασ αὐτῶν. καὶ ἐπάταξεν ἐν αὐτοῖσ Ἀβιὰ καὶ ὁ λαὸσ αὐτοῦ πληγὴν μεγάλην, καὶ ἔπεσον τραυματίαι ἀπὸ Ἰσραὴλ πεντακόσιαι χιλιάδεσ ἄνδρεσ δυνατοί. καὶ ἐταπεινώθησαν οἱ υἱοὶ Ἰσραὴλ ἐν τῇ ἡμέρᾳ ἐκείνῃ, καὶ κατίσχυσαν οἱ υἱοὶ Ἰούδα, ὅτι ἤλπισαν ἐπὶ Κύριον Θεὸν τῶν πατέρων αὐτῶν. καὶ κατεδίωξεν Ἀβιὰ ὀπίσω Ἱεροβοὰμ καὶ προκατελάβετο παρ’ αὐτοῦ πόλεισ, τὴν Βαιθὴλ καὶ τὰσ κώμασ αὐτῆσ καὶ τὴν Ἰσανὰ καὶ τὰσ κώμασ αὐτῆσ καὶ τὴν Ἐφρὼν καὶ τὰσ κώμασ αὐτῆσ. καὶ οὐκ ἔσχεν ἰσχὺν Ἱεροβοὰμ ἔτι πάσασ τὰσ ἡμέρασ Ἀβιά, καὶ ἐπάταξεν αὐτὸν Κύριοσ, καὶ ἐτελεύτησε. καὶ κατίσχυσεν Ἀβιὰ καὶ ἔλαβεν ἑαυτῷ γυναῖκασ δεκατέσσαρασ καὶ ἐγέννησεν υἱοὺσ εἰκοσιδύο καὶ ἑκκαίδεκα θυγατέρασ. καὶ οἱ λοιποὶ λόγοι Ἀβιὰ καὶ αἱ πράξεισ αὐτοῦ καὶ οἱ λόγοι αὐτοῦ γεγραμμένοι ἐπὶ βιβλίῳ τοῦ προφήτου Ἀδδώ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Paralipomenon 13:

(70인역 성경, 역대기 하권 13:)

목록

SEARCH

MENU NAVIGATION