헬라어 문장 검색 - Σεπτύ014́011́

(70인역 성경, 역대기 하권 11:)

ΚΑΙ ἦλθε Ροβοὰμ εἰσ Ἱερουσαλὴμ καὶ ἐξεκκλησίασε τὸν Ἰούδαν καὶ Βενιαμὶν ἑκατὸν ὀγδοήκοντα χιλιάδασ νεανίσκων ποιούντων πόλεμον, καὶ ἐπολέμει πρὸσ Ἰσραὴλ τοῦ ἐπιστρέψαι τὴν βασιλείαν τῷ Ροβοάμ. καὶ ἐγένετο λόγοσ Κυρίου πρὸσ Σαμαίαν ἄνθρωπον τοῦ Θεοῦ λέγων. εἰπὸν πρὸσ Ροβοὰμ τὸν τοῦ Σαλωμὼν καὶ πάντα Ἰούδαν καὶ Βενιαμὶν λέγων. τάδε λέγει Κύριοσ. οὐκ ἀναβήσεσθε καὶ οὐ πολεμήσεσθε πρὸσ τοὺσ ἀδελφοὺσ ὑμῶν. ἀποστρέφετε ἕκαστοσ εἰσ τὸν οἶκον αὐτοῦ, ὅτι παρ’ ἐμοῦ ἐγένετο τὸ ρῆμα τοῦτο. καὶ ἐπήκουσαν τοῦ λόγου Κυρίου καὶ ἀπεστράφησαν τοῦ μὴ πορευθῆναι ἐπὶ Ἱεροβοάμ. καὶ κατῴκησε Ροβοὰμ εἰσ Ἱερουσαλὴμ καὶ ᾠκοδόμησε πόλεισ τειχήρεισ ἐν τῇ Ἰουδαίᾳ. καὶ ᾠκοδόμησε τὴν Βηθλεὲμ καὶ Αἰτὰν καὶ Θεκωὲ καὶ Βαιθσουρὰ καὶ τὴν Σοχὼθ καὶ τὴν Ὀδολλὰμ καὶ τὴν Γὲθ καὶ τὴν Μαρισὰν καὶ τὴν Ζὶφ καὶ τὴν Ἀδωραὶμ καὶ Λαχίσ, καὶ τὴν Ἀζηκὰ καὶ τὴν Σαραὰ καὶ τὴν Αἰλὼμ καὶ τὴν Χεβρών, ἥ ἐστι τοῦ Ἰούδα καὶ Βενιαμίν, πόλεισ τειχήρεισ. καὶ ὠχύρωσεν αὐτὰσ τείχεσι καὶ ἔδωκεν ἐν αὐταῖσ ἡγουμένουσ καὶ παραθέσεισ βρωμάτων, ἔλαιον καὶ οἶνον, κατὰ πόλιν καὶ κατὰ πόλιν θυρεοὺσ καὶ δόρατα, καὶ κατίσχυσεν αὐτὰσ εἰσ πλῆθοσ σφόδρα. καὶ ἦσαν αὐτῷ Ἰούδα καὶ Βενιαμίν. καὶ οἱ ἱερεῖσ καὶ οἱ Λευῖται, οἳ ἦσαν ἐν παντὶ Ἰσραὴλ συνήχθησαν πρὸσ αὐτὸν ἐκ πάντων τῶν ὁρίων. ὅτι ἐγκατέλιπον οἱ Λευῖται τὰ σκηνώματα τῆσ κατασχέσεωσ αὐτῶν καὶ ἐπορεύθησαν πρὸσ Ἰούδα εἰσ Ἱερουσαλήμ, ὅτι ἐξέβαλεν αὐτοὺσ Ἱεροβοὰμ καὶ οἱ υἱοὶ αὐτοῦ μὴ λειτουργεῖν Κυρίῳ καὶ κατέστησεν ἑαυτῷ ἱερεῖσ τῶν ὑψηλῶν καὶ τοῖσ εἰδώλοισ καὶ τοῖσ ματαίοισ καὶ τοῖσ μόσχοισ, ἃ ἐποίησεν Ἱεροβοάμ, καὶ ἐξέβαλεν αὐτοὺσ ἀπὸ φυλῶν Ἰσραήλ, οἳ ἔδωκαν καρδίαν αὐτῶν τοῦ ζητῆσαι Κύριον Θεὸν Ἰσραὴλ καὶ ἦλθον εἰσ Ἱερουσαλὴμ θῦσαι Κυρίῳ Θεῷ τῶν πατέρων αὐτῶν καὶ κατίσχυσαν τὴν βασιλείαν Ἰούδα καὶ κατίσχυσαν Ροβοὰμ τὸν τοῦ Σαλωμὼν εἰσ ἔτη τρία, ὅτι ἐπορεύθη ἐν ταῖσ ὁδοῖσ Δαυὶδ καὶ Σαλωμὼν ἔτη τρία. καὶ ἔλαβεν ἑαυτῷ Ροβοὰμ γυναῖκα τὴν Μολλὰθ θυγατέρα Ἱεριμοὺθ υἱοῦ Δαυὶδ καὶ Ἀβιγαίαν θυγατέρα Ἑλιὰβ τοῦ Ἰεσσαί, καὶ ἔτεκεν αὐτῷ υἱοὺσ τὸν Ἰαοὺσ καὶ τὸν Σαμαρίαν καὶ τὸν Ζαάμ. καὶ μετὰ ταῦτα ἔλαβεν ἑαυτῷ τὴν Μααχὰ θυγατέρα Ἀβεσσαλώμ, καὶ ἔτεκεν αὐτῷ τὸν Ἀβιὰ καὶ τὸν Ἰετθὶ καὶ τὸν Ζηζὰ καὶ τὸν Σαλημώθ. καὶ ἠγάπησε Ροβοὰμ τὴν Μααχὰ θυγατέρα Ἀβεσσαλὼμ ὑπὲρ πάσασ τὰσ γυναῖκασ αὐτοῦ καὶ τὰσ παλλακὰσ αὐτοῦ, ὅτι γυναῖκασ δεκαοκτὼ εἶχε καὶ παλλακὰσ τριάκοντα. καὶ ἐγέννησεν υἱοὺσ εἴκοσι καὶ ὀκτὼ καὶ θυγατέρασ ἑξήκοντα. καὶ κατέστησεν εἰσ ἄρχοντα Ἀβιὰ τὸν τῆσ Μααχὰ εἰσ ἡγούμενον ἐν τοῖσ ἀδελφοῖσ αὐτοῦ, ὅτι βασιλεῦσαι διενοεῖτο αὐτόν. καὶ ηὐξήθη παρὰ πάντασ τοὺσ υἱοὺσ αὐτοῦ ἐν πᾶσι τοῖσ ὁρίοισ Ἰούδα καὶ Βενιαμὶν καὶ ἐν ταῖσ πόλεσι ταῖσ ὀχυραῖσ καὶ ἔδωκεν αὐταῖσ τροφὰσ πλῆθοσ πολὺ καὶ ᾐτήσατο πλῆθοσ γυναικῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Paralipomenon 11:

(70인역 성경, 역대기 하권 11:)

목록

SEARCH

MENU NAVIGATION