헬라어 문장 검색 - Σεπτύ014́008́

(70인역 성경, 역대기 하권 8:)

ΚΑΙ ἐγένετο μετὰ εἴκοσιν ἔτη, ἐν οἷσ ᾠκοδόμησε Σαλωμὼν τὸν οἶκον Κυρίου καὶ τὸν οἶκον αὐτοῦ, καὶ τὰσ πόλεισ, ἃσ ἔδωκε Χιρὰμ τῷ Σαλωμών, ᾠκοδόμησεν αὐτὰσ Σαλωμών καὶ κατῴκισεν ἐκεῖ τοὺσ υἰοὺσ Ἰσραήλ. καὶ ἦλθε Σαλωμὼν εἰσ Βαισωβὰ καὶ κατίσχυσεν αὐτήν. καὶ ᾠκοδόμησε τὴν Θοεδμὸρ ἐν τῇ ἐρήμῳ καὶ πάσασ τὰσ πόλεισ τὰσ ὀχυράσ, ἃσ ᾠκοδόμησεν ἐν Ἡμάθ. καὶ ᾠκοδόμησε τὴν Βαιθωρὼν τὴν ἄνω καὶ τὴν Βαιθωρὼν τὴν κάτω, πόλεισ ὀχυράσ, τείχη, πύλαι καὶ μοχλοί, καὶ τὴν Βααλὰθ καὶ πάσασ τὰσ πόλεισ τὰσ ὀχυράσ, αἳ ἦσαν τῷ Σαλωμών, καὶ πάσασ τὰσ πόλεισ τῶν ἁρμάτων καὶ τὰσ πόλεισ τῶν ἱππέων καὶ ὅσα ἐπεθύμησε Σαλωμὼν κατὰ τὴν ἐπιθυμίαν τοῦ οἰκοδομῆσαι ἐν Ἱερουσαλὴμ καὶ ἐν τῷ Λιβάνῳ καὶ ἐν πάσῃ τῇ βασιλείᾳ αὐτοῦ. πᾶσ ὁ λαὸσ ὁ καταλειφθεὶσ ἀπὸ τοῦ Χετταίου καὶ τοῦ Ἀμορραίου καὶ τοῦ Φερεζαίου καὶ τοῦ Εὐαίου καὶ τοῦ Ἰεβουσαίου, οἳ οὐκ εἰσὶν ἐκ τοῦ Ἰσραήλ, ἀλλ’ ἦσαν ἐκ τῶν υἱῶν αὐτῶν τῶν καταλειφθέντων μετ’ αὐτοὺσ ἐν τῇ γῇ, οὓσ οὐκ ἐξωλόθρευσαν οἱ υἱοὶ Ἰσραήλ, καὶ ἀνήγαγεν αὐτοὺσ Σαλωμὼν εἰσ φόρον ἕωσ τῆσ ἡμέρασ ταύτησ. καὶ ἐκ τῶν υἱῶν Ἰσραὴλ οὐκ ἔδωκε Σαλωμὼν εἰσ παῖδασ τῇ βασιλείᾳ αὐτοῦ, ὅτι αὐτοὶ ἄνδρεσ πολεμισταὶ καὶ ἄρχοντεσ καὶ δυνατοὶ καὶ ἄρχοντεσ ἁρμάτων καὶ ἱππέων. καὶ οὗτοι ἄρχοντεσ τῶν προστατῶν βασιλέωσ Σαλωμών. πεντήκοντα καὶ διακόσιοι ἐργοδιωκτοῦντεσ ἐν τῷ λαῷ. Καὶ τὴν θυγατέρα Φαραὼ ἀνήγαγε Σαλωμὼν ἐκ πόλεωσ Δαυὶδ εἰσ τὸν οἶκον, ὃν ᾠκοδόμησεν αὐτῇ, ὅτι εἶπεν. οὐ κατοικήσει ἡ γυνή μου ἐν πόλει Δαυὶδ τοῦ βασιλέωσ Ἰσραήλ, ὅτι ἅγιόσ ἐστιν οὗ εἰσῆλθεν ἐκεῖ κιβωτὸσ Κυρίου. Τότε ἀνήνεγκε Σαλωμὼν ὁλοκαυτώματα τῷ Κυρίῳ ἐπὶ τὸ θυσιαστήριον, ὃ ᾠκοδόμησε Κυρίῳ ἀπέναντι τοῦ ναοῦ, κατὰ τὸν λόγον ἡμέρασ ἐν ἡμέρᾳ τοῦ ἀναφέρειν κατὰ τὰσ ἐντολὰσ Μωυσῆ ἐν τοῖσ σαββάτοισ καὶ ἐν τοῖσ μησὶ καὶ ἐν ταῖσ ἑορταῖσ τρεῖσ καιροὺσ τοῦ ἐνιαυτοῦ, ἐν τῇ ἑορτῇ τῶν ἀζύμων καὶ ἐν τῇ ἑορτῇ τῶν ἑβδομάδων καὶ ἐν τῇ ἑορτῇ τῶν σκηνῶν. καὶ ἔστησε κατὰ τὴν κρίσιν Δαυὶδ τοῦ πατρὸσ αὐτοῦ τὰσ διαιρέσεισ τῶν ἱερέων, κατὰ τὰσ λειτουργίασ αὐτῶν, καὶ οἱ Λευῖται ἐπὶ τὰσ φυλακὰσ αὐτῶν τοῦ αἰνεῖν καὶ λειτουργεῖν κατέναντι τῶν ἱερέων κατὰ τὸν λόγον ἡμέρασ ἐν τῇ ἡμέρᾳ, καὶ οἱ πυλωροὶ κατὰ τὰσ διαιρέσεισ αὐτῶν εἰσ πύλην καὶ πύλην, ὅτι οὕτωσ ἐντολαὶ Δαυὶδ ἀνθρώπου τοῦ Θεοῦ. οὐ παρῆλθον τὰσ ἐντολὰσ τοῦ βασιλέωσ περὶ τῶν ἱερέων καὶ τῶν Λευιτῶν εἰσ πάντα λόγον καὶ εἰσ τοὺσ θησαυρούσ. καὶ ἡτοιμάσθη πᾶσα ἡ ἐργασία, ἀφ’ ἧσ ἡμέρασ ἐθεμελιώθη, ἕωσ οὗ ἐτελείωσε Σαλωμὼν τὸν οἶκον Κυρίου. Τότε ᾤχετο Σαλωμὼν εἰσ Γασιὼν Γαβὲρ καὶ εἰσ τὴν Αἰλὰθ τὴν παραθαλασσίαν ἐν γῇ Ἰδουμαίᾳ. καὶ ἀπέστειλε Χιρὰμ ἐν χειρὶ παίδων αὐτοῦ πλοῖα καὶ παῖδασ εἰδότασ θάλασσαν, καὶ ᾤχοντο μετὰ τῶν παίδων Σαλωμὼν εἰσ Σωφιρὰ καὶ ἔλαβον ἐκεῖθεν τετρακόσια καὶ πεντήκοντα τάλαντα χρυσίου καὶ ἦλθον πρὸσ τὸν βασιλέα Σαλωμών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Paralipomenon 8:

(70인역 성경, 역대기 하권 8:)

목록

SEARCH

MENU NAVIGATION