헬라어 문장 검색 - Σεπτύ014́005́

(70인역 성경, 역대기 하권 5:)

ΚΑΙ συνετελέσθη πᾶσα ἡ ἐργασία, ἣν ἐποίησε Σαλωμὼν ἐν οἴκῳ Κυρίου. καὶ εἰσήνεγκε Σαλωμὼν τὰ ἅγια Δαυὶδ τοῦ πατρὸσ αὐτοῦ, τὸ ἀργύριον καὶ τὸ χρυσίον καὶ τὰ σκεύη καὶ ἔδωκεν εἰσ θησαυρὸν οἴκου Κυρίου. τότε ἐξεκκλησίασε Σαλωμὼν πάντασ τοὺσ πρεσβυτέρουσ Ἰσραὴλ καὶ πάντασ τοὺσ ἄρχοντασ τῶν φυλῶν τοὺσ ἡγουμένουσ πατριῶν υἱῶν Ἰσραὴλ εἰσ Ἱερουσαλὴμ τοῦ ἀνενέγκαι κιβωτὸν διαθήκησ Κυρίου ἐκ πόλεωσ Δαυὶδ . καὶ ἐξεκκλησιάσθησαν πρὸσ τὸν βασιλέα πᾶσ Ἰσραὴλ ἐν τῇ ἑορτῇ καὶ ἦλθον πάντεσ οἱ πρεσβύτεροι Ἰσραὴλ καὶ ἔλαβον πάντεσ οἱ Λευῖται τὴν κιβωτὸν καὶ ἀνήνεγκαν τὴν κιβωτὸν καὶ τὴν σκηνὴν τοῦ μαρτυρίου καὶ πάντα τὰ σκεύη τὰ ἅγια ἐν τῇ σκηνῇ, καὶ ἀνήνεγκαν αὐτὴν οἱ ἱερεῖσ καὶ οἱ Λευῖται. καὶ ὁ βασιλεὺσ Σαλωμὼν καὶ πᾶσα συναγωγὴ Ἰσραὴλ καὶ οἱ φοβούμενοι καὶ οἱ ἐπισυνηγμένοι αὐτῶν ἔμπροσθεν τῆσ κιβωτοῦ θύοντεσ μόσχουσ καὶ πρόβατα, οἳ οὐκ ἀριθμηθήσονται καὶ οἳ οὐ λογισθήσονται ἀπὸ τοῦ πλήθουσ. καὶ εἰσήνεγκαν οἱ ἱερεῖσ τὴν κιβωτὸν διαθήκησ Κυρίου εἰσ τὸν τόπον αὐτῆσ, εἰσ τὸ δαβὶρ τοῦ οἴκου εἰσ τὰ ἅγια τῶν ἁγίων, ὑποκάτω τῶν πτερύγων τῶν Χερουβίμ. καὶ ἦν τὰ Χερουβὶμ διαπεπετακότα τὰσ πτέρυγασ αὐτῶν ἐπὶ τὸν τόπον τῆσ κιβωτοῦ, καὶ συνεκάλυπτε τὰ Χερουβὶμ ἐπὶ τὴν κιβωτὸν καὶ ἐπὶ τοὺσ ἀναφορεῖσ αὐτῆσ ἐπάνωθεν. καὶ ὑπερεῖχον οἱ ἀναφορεῖσ, καὶ ἐβλέποντο αἱ κεφαλαὶ τῶν ἀναφορέων ἐκ τῶν ἁγίων εἰσ πρόσωπον τοῦ δαβίρ, οὐκ ἐβλέποντο ἔξω. καὶ ἦσαν ἐκεῖ ἕωσ τῆσ ἡμέρασ ταύτησ. οὐκ ἦν ἐν τῇ κιβωτῷ πλὴν δύο πλάκεσ, ἃσ ἔθηκε Μωυσῆσ ἐν Χωρήβ, ἃ διέθετο Κύριοσ μετὰ τῶν υἱῶν Ἰσραὴλ ἐν τῷ ἐξελθεῖν αὐτοὺσ ἐκ γῆσ Αἰγύπτου. καὶ ἐγένετο ἐν τῷ ἐξελθεῖν τοὺσ ἱερεῖσ ἐκ τῶν ἁγίων ὅτι πάντεσ οἱ ἱερεῖσ οἱ εὑρεθέντεσ ἡγιάσθησαν, οὐκ ἦσαν διατεταγμένοι κατ’ ἐφημερίαν, καὶ οἱ Λευῖται οἱ ψαλτῳδοὶ πάντεσ τοῖσ υἱοῖσ Ἀσάφ, τῷ Αἰμάν, τῷ Ἰδιθοὺν καὶ τοῖσ υἱοῖσ αὐτῶν καὶ τοῖσ ἀδελφοῖσ αὐτῶν, τῶν ἐνδεδυμένων στολὰσ βυσσίνασ, ἐν κυμβάλοισ καὶ ἐν νάβλαισ καὶ ἐν κινύραισ, ἑστηκότεσ κατέναντι τοῦ θυσιαστηρίου καὶ μετ’ αὐτῶν ἱερεῖσ ἑκατὸν εἴκοσι σαλπίζοντεσ ταῖσ σάλπιγξι. καὶ ἐγένετο μία φωνὴ ἐν τῷ σαλπίζειν καὶ ἐν τῷ ψαλτῳδεῖν καὶ ἐν τῷ ἀναφωνεῖν φωνῇ μιᾷ τοῦ ἐξομολογεῖσθαι καὶ αἰνεῖν τῷ Κυρίῳ καὶ ὕψωσαν φωνὴν ἐν σάλπιγξι καὶ ἐν κυμβάλοισ καὶ ἐν ὀργάνοισ τῶν ᾠδῶν καὶ ἔλεγον. ἐξομολογεῖσθε τῷ Κυρίῳ, ὅτι ἀγαθόν, ὅτι εἰσ τὸν αἰῶνα τὸ ἔλεοσ αὐτοῦ. καὶ ὁ οἶκοσ ἐνεπλήσθη νεφέλησ δόξησ Κυρίου, καὶ οὐκ ἠδύναντο οἱ ἱερεῖσ τοῦ στῆναι λειτουργεῖν ἀπὸ προσώπου τῆσ νεφέλησ, ὅτι ἐνέπλησε δόξα Κυρίου τὸν οἶκον τοῦ Θεοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Paralipomenon 5:

(70인역 성경, 역대기 하권 5:)

목록

SEARCH

MENU NAVIGATION