헬라어 문장 검색 - Σεπτύ014́001́

(70인역 성경, 역대기 하권 1:)

ΚΑΙ ἐνίσχυσε Σαλωμὼν υἱὸσ Δαυὶδ ἐπὶ τὴν βασιλείαν αὐτοῦ, καὶ Κύριοσ ὁ Θεὸσ αὐτοῦμετ’ αὐτοῦ καὶ ἐμεγάλυνεν αὐτὸν εἰσ ὕψοσ. καὶ εἶπε Σαλωμὼν πρὸσ πάντα Ἰσραήλ, τοῖσ χιλιάρχοισ καὶ τοῖσ ἑκατοντάρχοισ καὶ τοῖσ κριταῖσ καὶ πᾶσι τοῖσ ἄρχουσιν ἐναντίον Ἰσραὴλ τοῖσ ἄρχουσι τῶν πατριῶν. καὶ ἐπορεύθη Σαλωμὼν καὶ πᾶσα ἡ ἐκκλησία εἰσ τὴν ὑψηλὴν τὴν ἐν Γαβαών, οὗ ἐκεῖ ἦν ἡ σκηνὴ τοῦ μαρτυρίου τοῦ Θεοῦ, ἣν ἐποίησε Μωυσῆσ παῖσ Κυρίου ἐν τῇ ἐρήμῳ. ἀλλὰ κιβωτὸν τοῦ Θεοῦ ἀνήνεγκε Δαυὶδ ἐκ πόλεωσ Καριαθιαρίμ, ὅτι ἡτοίμασεν αὐτῇ Δαυίδ, ὅτι ἔπηξεν αὐτῇ σκηνὴν ἐν Ἱερουσαλήμ. καὶ τὸ θυσιαστήριον τὸ χαλκοῦν, ὃ ἐποίησε Βεσελεὴλ υἱὸσ Οὐρίου, υἱοῦ Ὤρ, ἐκεῖ ἦν ἔναντι τῆσ σκηνῆσ Κυρίου, καὶ ἐξεζήτησεν αὐτὸ Σαλωμὼν καὶ ἡ ἐκκλησία, καὶ ἤνεγκε Σαλωμὼν ἐκεῖ ἐπὶ τὸ θυσιαστήριον τὸ χαλκοῦν ἐνώπιον Κυρίου τὸ ἐν τῇ σκηνῇ καὶ ἤνεγκεν ἐπ’ αὐτῷ ὁλοκαύτωσιν χιλίαν. ἐν τῇ νυκτὶ ἐκείνῃ ὤφθη Θεὸσ τῷ Σαλωμὼν καὶ εἶπεν αὐτῷ. αἴτησαι τί σοι δῶ. καὶ εἶπε Σαλωμὼν πρὸσ τὸν Θεόν. σὺ ἐποίησασ μετὰ Δαυὶδ τοῦ πατρόσ μου ἔλεοσ μέγα καί ἐβασίλευσάσ με ἀντ’ αὐτοῦ. καὶ νῦν, Κύριε ὁ Θεόσ, πιστωθήτω δὴ τὸ ὄνομά σου ἐπὶ Δαυὶδ τὸν πατέρα μου, ὅτι σὺ ἐβασίλευσάσ με ἐπὶ λαὸν πολύν, ὡσ ὁ χοῦσ τῆσ γῆσ. νῦν σοφίαν καὶ σύνεσιν δόσ μοι, καὶ ἐξελεύσομαι ἐνώπιον τοῦ λαοῦ τούτου καὶ εἰσελεύσομαι, ὅτι τίσ κρινεῖ τὸν λαόν σου τὸν μέγαν τοῦτον̣ καὶ εἶπεν ὁ Θεὸσ πρὸσ Σαλωμών. ἀνθ’ ὧν ἐγένετο τοῦτο ἐν τῇ καρδίᾳ σου καὶ οὐκ ᾐτήσω πλοῦτον χρημάτων οὐδὲ δόξαν οὐδὲ τὴν ψυχὴν τῶν ὑπεναντίων καὶ ἡμέρασ πολλὰσ οὐκ ᾐτήσω, καὶ ᾔτησασ σεαυτῷ σοφίαν καὶ σύνεσιν, ὅπωσ κρίνῃσ τὸν λαόν μου, ἐφ’ ὃν ἐβασίλευσά σε ἐπ’ αὐτόν, τὴν σοφίαν καὶ τὴν σύνεσιν δίδωμί σοι καὶ πλοῦτον καὶ χρήματα καὶ δόξαν δώσω σοι, ὡσ οὐκ ἐγενήθη ὅμοιόσ σοι ἐν τοῖσ βασιλεῦσι τοῖσ ἔμπροσθέν σου, καὶ μετὰ σὲ οὐκ ἔσται οὕτωσ. καὶ ἦλθε Σαλωμὼν ἐκ βαμὰ τῆσ ἐν Γαβαὼν εἰσ Ἱερουσαλὴμ πρὸ προσώπου τῆσ σκηνῆσ τοῦ μαρτυρίου καὶ ἐβασίλευσεν ἐπὶ Ἰσραήλ. Καὶ συνήγαγε Σαλωμὼν ἅρματα καὶ ἱππεῖσ, καὶ ἐγένοντο αὐτῷ χίλια καὶ τετρακόσια ἅρματα καὶ δώδεκα χιλιάδεσ ἱππέων. καὶ κατέλιπεν αὐτὰ ἐν πόλεσι τῶν ἁρμάτων, καὶ ὁ λαὸσ μετὰ τοῦ βασιλέωσ ἐν Ἱερουσαλήμ. καὶ ἔθηκεν ὁ βασιλεὺσ τὸ ἀργύριον καὶ τὸ χρυσίον ἐν Ἱερουσαλὴμ ὡσ λίθουσ, καὶ τὰσ κέδρουσ ἐν τῇ Ἰουδαίᾳ ὡσ συκαμίνουσ τὰσ ἐν τῇ πεδινῇ εἰσ πλῆθοσ. καὶ ἡ ἔξοδοσ τῶν ἵππων Σαλωμὼν ἐξ Αἰγύπτου, καὶ ἡ τιμὴ τῶν ἐμπόρων τοῦ βασιλέωσ. ἐμπορεύεσθαι ἠγόραζον. καὶ ἀνέβαινον καὶ ἐξῆγον ἐξ Αἰγύπτου ἅρμα ἓν ἑξακοσίων ἀργυρίου καὶ ἵππον πεντήκοντα καὶ ἑκατὸν ἀργυρίου. καὶ οὕτω πᾶσι τοῖσ βασιλεῦσι τῶν Χετταίων καὶ τοῖσ βασιλεῦσι Συρίασ ἐν χερσὶν αὐτῶν ἔφερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Paralipomenon 1:

(70인역 성경, 역대기 하권 1:)

목록

SEARCH

MENU NAVIGATION