Septuagint, Liber I Paralipomenon 29:

(70인역 성경, 역대기 상권 29:)

ΚΑΙ εἶπε Δαυὶδ ὁ βασιλεὺσ πάσῃ τῇ ἐκκλησίᾳ. Σαλωμὼν ὁ υἱόσ μου, εἰσ ὃν ᾑρέτικεν ἐν αὐτῷ Κύριοσ, νέοσ καὶ ἁπαλόσ, καὶ τὸ ἔργον μέγα, ὅτι οὐκ ἀνθρώπῳ, ἀλλ̓ ἢ Κυρίῳ Θεῷ. κατὰ πᾶσαν τὴν δύναμιν ἡτοίμακα εἰσ οἶκον Θεοῦ μου χρυσίον, ἀργύριον, χαλκόν, σίδηρον, ξύλα, λίθουσ σοόμ, καὶ πληρώσεωσ λίθουσ πολυτελεῖσ καὶ ποικίλουσ καὶ πάντα λίθον τίμιον καὶ Πάριον πολύν. καὶ ἔτι ἐν τῷ εὐδοκῆσαί με ἐν οἴκῳ Θεοῦ μου ἔστι μοι ὃ περιπεποίημαι χρυσίον καὶ ἀργύριον, καὶ ἰδοὺ δέδωκα εἰσ οἶκον Θεοῦ μου εἰσ ὕψοσ, ἐκτὸσ ὧν ἡτοίμακα εἰσ τὸν οἶκον τῶν ἁγίων, τρισχίλια τάλαντα χρυσίου τοῦ ἐκ Σουφὶρ καὶ ἑπτακισχίλια τάλαντα ἀργυρίου δοκίμου ἐξαλειφῆναι ἐν αὐτοῖσ τοὺσ τοίχουσ τοῦ ἱεροῦ, εἰσ τὸ χρυσίον τῷ χρυσίῳ καὶ εἰσ τὸ ἀργύριον τῷ ἀργυρίῳ, καὶ εἰσ πᾶν ἔργον διὰ χειρὸσ τῶν τεχνιτῶν. καὶ τίσ ὁ προθυμούμενοσ πληρῶσαι τὰσ χεῖρασ αὐτοῦ σήμερον Κυρίῳ̣ καὶ προεθυμήθησαν ἄρχοντεσ πατριῶν καὶ οἱ ἄρχοντεσ τῶν υἱῶν Ἰσραήλ, καὶ οἱ χιλίαρχοι καὶ οἱ ἑκατόνταρχοι, καὶ οἱ προστάται τῶν ἔργων καὶ οἱ οἰκοδόμοι τοῦ βασιλέως καὶ ἔδωκαν εἰσ τὰ ἔργα τοῦ οἴκου Κυρίου χρυσίου τάλαντα πεντακισχίλια καὶ χρυσοῦσ μυρίουσ καὶ ἀργυρίου ταλάντων δέκα χιλιάδασ καὶ χαλκοῦ τάλαντα μύρια ὀκτακισχίλια καὶ σιδήρου ταλάντων χιλιάδασ ἑκατόν. καὶ οἷσ εὑρέθη παῤ αὐτοῖσ λίθοσ, ἔδωκαν εἰσ τὰσ ἀποθήκασ οἴκου Κυρίου διὰ χειρὸσ Ἰεϊὴλ τοῦ Γεδσωνί. καὶ εὐφράνθη ὁ λαὸσ ὑπὲρ τοῦ προθυμηθῆναι, ὅτι ἐν καρδίᾳ πλήρει προεθυμήθησαν τῷ Κυρίῳ, καὶ Δαυὶδ ὁ βασιλεὺσ εὐφράνθη μεγάλωσ. καὶ εὐλόγησεν ὁ βασιλεὺσ Δαυὶδ τὸν Κύριον ἐνώπιον τῆσ ἐκκλησίασ λέγων. εὐλογητὸσ εἶ, Κύριε ὁ Θεὸσ Ἰσραήλ, ὁ πατὴρ ἡμῶν ἀπὸ τοῦ αἰῶνοσ καὶ ἕωσ τοῦ αἰῶνοσ. σοί, Κύριε, ἡ μεγαλωσύνη καὶ ἡ δύναμισ καὶ τὸ καύχημα καὶ ἡ νίκη καὶ ἡ ἰσχύσ, ὅτι σὺ πάντων τῶν ἐν τῷ οὐρανῷ καὶ ἐπὶ τῆσ γῆσ δεσπόζεισ, ἀπὸ προσώπου σου ταράσσεται πᾶσ βασιλεὺσ καὶ ἔθνοσ. παρὰ σοῦ ὁ πλοῦτοσ καὶ ἡ δόξα, σὺ πάντων ἄρχεισ, Κύριε, ὁ ἄρχων πάσησ ἀρχῆσ, καὶ ἐν χειρί σου ἰσχὺσ καὶ δυναστεία, καὶ ἐν χειρί σου, παντοκράτωρ, μεγαλῦναι καὶ κατισχῦσαι τὰ πάντα. καὶ νῦν, Κύριε, ἐξομολογούμεθά σοι καὶ αἰνοῦμεν τὸ ὄνομα τῆσ καυχήσεώσ σου. καὶ τίσ εἰμι ἐγὼ καὶ τίσ ὁ λαόσ μου, ὅτι ἰσχύσαμεν προθυμηθῆναί σοι κατὰ ταῦτα̣ ὅτι σὰ τὰ πάντα, καὶ ἐκ τῶν σῶν δεδώκαμέν σοι. ὅτι πάροικοί ἐσμεν ἐναντίον σου καὶ παροικοῦντεσ ὡσ πάντεσ οἱ πατέρεσ ἡμῶν. ὡσ σκιὰ αἱ ἡμέραι ἡμῶν ἐπὶ γῆσ, καὶ οὐκ ἔστιν ὑπομονή. Κύριε ὁ Θεὸσ ἡμῶν, πρὸσ πᾶν τὸ πλῆθοσ τοῦτο, ὃ ἡτοίμακα οἰκοδομηθῆναι οἶκον τῷ ὀνόματι τῷ ἁγίῳ σου, ἐκ χειρόσ σού ἐστι, καὶ σοὶ τὰ πάντα. καὶ ἔγνων, Κύριε, ὅτι σὺ εἶ ὁ ἐτάζων καρδίασ καὶ δικαιοσύνην ἀγαπᾶσ. ἐν ἁπλότητι καρδίασ προεθυμήθην ταῦτα πάντα, καὶ νῦν τὸν λαόν σου τὸν εὑρεθέντα ὧδε εἶδον ἐν εὐφροσύνῃ προθυμηθέντα σοι. Κύριε ὁ Θεὸσ Ἁβραὰμ καὶ Ἰσαὰκ καὶ Ἰσραήλ, τῶν πατέρων ἡμῶν, φύλαξον ταῦτα ἐν διανοίᾳ καρδίασ λαοῦ σου εἰσ τὸν αἰῶνα καὶ κατεύθυνον τὰσ καρδίασ αὐτῶν πρόσ σε. καὶ Σαλωμὼν τῷ υἱῷ μου δὸσ καρδίαν ἀγαθὴν ποιεῖν τὰσ ἐντολάσ σου καὶ τὰ μαρτύριά σου καὶ τὰ προστάγματά σου καὶ τοῦ ἐπὶ τέλουσ ἀγαγεῖν τὴν κατασκευὴν τοῦ οἴκου σου. καὶ εἶπε Δαυὶδ πάσῃ τῇ ἐκκλησίᾳ. εὐλογήσατε Κύριον τὸν Θεὸν ἡμῶν. καὶ εὐλόγησε πᾶσα ἡ ἐκκλησία Κύριον τὸν Θεὸν τῶν πατέρων αὐτῶν, καὶ κάμψαντεσ τὰ γόνατα προσεκύνησαν τῷ Κυρίῳ, καὶ τῷ βασιλεῖ. καὶ ἔθυσε Δαυὶδ τῷ Κυρίῳ θυσίασ καὶ ἀνήνεγκεν ὁλοκαυτώματα τῷ Θεῷ τῇ ἐπαύριον τῆσ πρώτησ ἡμέρασ μόσχουσ χιλίουσ, κριοὺσ χιλίουσ, ἄρνασ χιλίουσ καὶ τὰσ σπονδὰσ αὐτῶν καὶ θυσίασ εἰσ πλῆθοσ παντὶ τῷ Ἰσραήλ. καὶ ἔφαγον καὶ ἔπιον ἐναντίον τοῦ Κυρίου ἐν ἐκείνῃ τῇ ἡμέρᾳ μετὰ χαρᾶσ καὶ ἐβασίλευσαν ἐκ δευτέρου τὸν Σαλωμὼν υἱὸν Δαυὶδ καὶ ἔχρισαν αὐτὸν τῷ Κυρίῳ εἰσ βασιλέα καὶ Σαδὼκ εἰσ ἱερωσύνην. καὶ ἐκάθισε Σαλωμὼν ἐπὶ θρόνου Δαυὶδ τοῦ πατρὸσ αὐτοῦ καὶ εὐδοκήθη, καὶ ὑπήκουσαν αὐτοῦ πᾶσ Ἰσραήλ. οἱ ἄρχοντεσ καὶ οἱ δυνάσται καὶ πάντεσ υἱοὶ Δαυὶδ τοῦ βασιλέωσ τοῦ πατρὸσ αὐτοῦ ὑπετάγησαν αὐτῷ. καὶ ἐμεγάλυνε Κύριοσ τὸν Σαλωμὼν ἐπάνωθεν παντὸσ Ἰσραὴλ καὶ ἔδωκεν αὐτῷ δόξαν βασιλέωσ, ὃ οὐκ ἐγένετο ἐπὶ παντὸσ βασιλέωσ ἔμπροσθεν αὐτοῦ. καὶ Δαυὶδ υἱὸσ Ἰεσσαὶ ἐβασίλευσεν ἐπὶ Ἰσραὴλ ἔτη τεσσαράκοντα, ἐν Χεβρὼν ἔτη ἑπτὰ καὶ ἐν Ἱερουσαλὴμ ἔτη τριακοντατρία. καὶ ἐτελεύτησεν ἐν γήρᾳ καλῷ, πλήρησ ἡμερῶν, πλούτῳ καὶ δόξῃ, καὶ ἐβασίλευσε Σαλωμὼν υἱὸσ αὐτοῦ ἀντ̓ αὐτοῦ. οἱ δὲ λοιποὶ λόγοι τοῦ βασιλέωσ Δαυίδ, οἱ πρότεροι καὶ οἱ ὕστεροι, γεγραμμένοι εἰσὶν ἐν λόγοισ Σαμουὴλ τοῦ βλέποντοσ καὶ ἐπὶ λόγων Νάθαν τοῦ προφήτου καὶ ἐπὶ λόγων Γὰδ τοῦ βλέποντος περὶ πάσησ τῆσ βασιλείασ αὐτοῦ καὶ τῆσ δυναστείασ αὐτοῦ, καὶ οἱ καιροί, οἳ ἐγένοντο ἐπ̓ αὐτῷ, καὶ ἐπὶ τὸν Ἰσραὴλ καὶ ἐπὶ πάσασ βασιλείασ τῆσ γῆσ.

목록

일치하는 문장이 없습니다.

SEARCH

MENU NAVIGATION