헬라어 문장 검색 - Σεπτύ013́029́

(70인역 성경, 역대기 상권 29:)

ΚΑΙ εἶπε Δαυὶδ ὁ βασιλεὺσ πάσῃ τῇ ἐκκλησίᾳ. Σαλωμὼν ὁ υἱόσ μου, εἰσ ὃν ᾑρέτικεν ἐν αὐτῷ Κύριοσ, νέοσ καὶ ἁπαλόσ, καὶ τὸ ἔργον μέγα, ὅτι οὐκ ἀνθρώπῳ, ἀλλ̓ ἢ Κυρίῳ Θεῷ. κατὰ πᾶσαν τὴν δύναμιν ἡτοίμακα εἰσ οἶκον Θεοῦ μου χρυσίον, ἀργύριον, χαλκόν, σίδηρον, ξύλα, λίθουσ σοόμ, καὶ πληρώσεωσ λίθουσ πολυτελεῖσ καὶ ποικίλουσ καὶ πάντα λίθον τίμιον καὶ Πάριον πολύν. καὶ ἔτι ἐν τῷ εὐδοκῆσαί με ἐν οἴκῳ Θεοῦ μου ἔστι μοι ὃ περιπεποίημαι χρυσίον καὶ ἀργύριον, καὶ ἰδοὺ δέδωκα εἰσ οἶκον Θεοῦ μου εἰσ ὕψοσ, ἐκτὸσ ὧν ἡτοίμακα εἰσ τὸν οἶκον τῶν ἁγίων, τρισχίλια τάλαντα χρυσίου τοῦ ἐκ Σουφὶρ καὶ ἑπτακισχίλια τάλαντα ἀργυρίου δοκίμου ἐξαλειφῆναι ἐν αὐτοῖσ τοὺσ τοίχουσ τοῦ ἱεροῦ, εἰσ τὸ χρυσίον τῷ χρυσίῳ καὶ εἰσ τὸ ἀργύριον τῷ ἀργυρίῳ, καὶ εἰσ πᾶν ἔργον διὰ χειρὸσ τῶν τεχνιτῶν. καὶ τίσ ὁ προθυμούμενοσ πληρῶσαι τὰσ χεῖρασ αὐτοῦ σήμερον Κυρίῳ̣ καὶ προεθυμήθησαν ἄρχοντεσ πατριῶν καὶ οἱ ἄρχοντεσ τῶν υἱῶν Ἰσραήλ, καὶ οἱ χιλίαρχοι καὶ οἱ ἑκατόνταρχοι, καὶ οἱ προστάται τῶν ἔργων καὶ οἱ οἰκοδόμοι τοῦ βασιλέως καὶ ἔδωκαν εἰσ τὰ ἔργα τοῦ οἴκου Κυρίου χρυσίου τάλαντα πεντακισχίλια καὶ χρυσοῦσ μυρίουσ καὶ ἀργυρίου ταλάντων δέκα χιλιάδασ καὶ χαλκοῦ τάλαντα μύρια ὀκτακισχίλια καὶ σιδήρου ταλάντων χιλιάδασ ἑκατόν. καὶ οἷσ εὑρέθη παῤ αὐτοῖσ λίθοσ, ἔδωκαν εἰσ τὰσ ἀποθήκασ οἴκου Κυρίου διὰ χειρὸσ Ἰεϊὴλ τοῦ Γεδσωνί. καὶ εὐφράνθη ὁ λαὸσ ὑπὲρ τοῦ προθυμηθῆναι, ὅτι ἐν καρδίᾳ πλήρει προεθυμήθησαν τῷ Κυρίῳ, καὶ Δαυὶδ ὁ βασιλεὺσ εὐφράνθη μεγάλωσ. καὶ εὐλόγησεν ὁ βασιλεὺσ Δαυὶδ τὸν Κύριον ἐνώπιον τῆσ ἐκκλησίασ λέγων. εὐλογητὸσ εἶ, Κύριε ὁ Θεὸσ Ἰσραήλ, ὁ πατὴρ ἡμῶν ἀπὸ τοῦ αἰῶνοσ καὶ ἕωσ τοῦ αἰῶνοσ. σοί, Κύριε, ἡ μεγαλωσύνη καὶ ἡ δύναμισ καὶ τὸ καύχημα καὶ ἡ νίκη καὶ ἡ ἰσχύσ, ὅτι σὺ πάντων τῶν ἐν τῷ οὐρανῷ καὶ ἐπὶ τῆσ γῆσ δεσπόζεισ, ἀπὸ προσώπου σου ταράσσεται πᾶσ βασιλεὺσ καὶ ἔθνοσ. παρὰ σοῦ ὁ πλοῦτοσ καὶ ἡ δόξα, σὺ πάντων ἄρχεισ, Κύριε, ὁ ἄρχων πάσησ ἀρχῆσ, καὶ ἐν χειρί σου ἰσχὺσ καὶ δυναστεία, καὶ ἐν χειρί σου, παντοκράτωρ, μεγαλῦναι καὶ κατισχῦσαι τὰ πάντα. καὶ νῦν, Κύριε, ἐξομολογούμεθά σοι καὶ αἰνοῦμεν τὸ ὄνομα τῆσ καυχήσεώσ σου. καὶ τίσ εἰμι ἐγὼ καὶ τίσ ὁ λαόσ μου, ὅτι ἰσχύσαμεν προθυμηθῆναί σοι κατὰ ταῦτα̣ ὅτι σὰ τὰ πάντα, καὶ ἐκ τῶν σῶν δεδώκαμέν σοι. ὅτι πάροικοί ἐσμεν ἐναντίον σου καὶ παροικοῦντεσ ὡσ πάντεσ οἱ πατέρεσ ἡμῶν. ὡσ σκιὰ αἱ ἡμέραι ἡμῶν ἐπὶ γῆσ, καὶ οὐκ ἔστιν ὑπομονή. Κύριε ὁ Θεὸσ ἡμῶν, πρὸσ πᾶν τὸ πλῆθοσ τοῦτο, ὃ ἡτοίμακα οἰκοδομηθῆναι οἶκον τῷ ὀνόματι τῷ ἁγίῳ σου, ἐκ χειρόσ σού ἐστι, καὶ σοὶ τὰ πάντα. καὶ ἔγνων, Κύριε, ὅτι σὺ εἶ ὁ ἐτάζων καρδίασ καὶ δικαιοσύνην ἀγαπᾶσ. ἐν ἁπλότητι καρδίασ προεθυμήθην ταῦτα πάντα, καὶ νῦν τὸν λαόν σου τὸν εὑρεθέντα ὧδε εἶδον ἐν εὐφροσύνῃ προθυμηθέντα σοι. Κύριε ὁ Θεὸσ Ἁβραὰμ καὶ Ἰσαὰκ καὶ Ἰσραήλ, τῶν πατέρων ἡμῶν, φύλαξον ταῦτα ἐν διανοίᾳ καρδίασ λαοῦ σου εἰσ τὸν αἰῶνα καὶ κατεύθυνον τὰσ καρδίασ αὐτῶν πρόσ σε. καὶ Σαλωμὼν τῷ υἱῷ μου δὸσ καρδίαν ἀγαθὴν ποιεῖν τὰσ ἐντολάσ σου καὶ τὰ μαρτύριά σου καὶ τὰ προστάγματά σου καὶ τοῦ ἐπὶ τέλουσ ἀγαγεῖν τὴν κατασκευὴν τοῦ οἴκου σου. καὶ εἶπε Δαυὶδ πάσῃ τῇ ἐκκλησίᾳ. εὐλογήσατε Κύριον τὸν Θεὸν ἡμῶν. καὶ εὐλόγησε πᾶσα ἡ ἐκκλησία Κύριον τὸν Θεὸν τῶν πατέρων αὐτῶν, καὶ κάμψαντεσ τὰ γόνατα προσεκύνησαν τῷ Κυρίῳ, καὶ τῷ βασιλεῖ. καὶ ἔθυσε Δαυὶδ τῷ Κυρίῳ θυσίασ καὶ ἀνήνεγκεν ὁλοκαυτώματα τῷ Θεῷ τῇ ἐπαύριον τῆσ πρώτησ ἡμέρασ μόσχουσ χιλίουσ, κριοὺσ χιλίουσ, ἄρνασ χιλίουσ καὶ τὰσ σπονδὰσ αὐτῶν καὶ θυσίασ εἰσ πλῆθοσ παντὶ τῷ Ἰσραήλ. καὶ ἔφαγον καὶ ἔπιον ἐναντίον τοῦ Κυρίου ἐν ἐκείνῃ τῇ ἡμέρᾳ μετὰ χαρᾶσ καὶ ἐβασίλευσαν ἐκ δευτέρου τὸν Σαλωμὼν υἱὸν Δαυὶδ καὶ ἔχρισαν αὐτὸν τῷ Κυρίῳ εἰσ βασιλέα καὶ Σαδὼκ εἰσ ἱερωσύνην. καὶ ἐκάθισε Σαλωμὼν ἐπὶ θρόνου Δαυὶδ τοῦ πατρὸσ αὐτοῦ καὶ εὐδοκήθη, καὶ ὑπήκουσαν αὐτοῦ πᾶσ Ἰσραήλ. οἱ ἄρχοντεσ καὶ οἱ δυνάσται καὶ πάντεσ υἱοὶ Δαυὶδ τοῦ βασιλέωσ τοῦ πατρὸσ αὐτοῦ ὑπετάγησαν αὐτῷ. καὶ ἐμεγάλυνε Κύριοσ τὸν Σαλωμὼν ἐπάνωθεν παντὸσ Ἰσραὴλ καὶ ἔδωκεν αὐτῷ δόξαν βασιλέωσ, ὃ οὐκ ἐγένετο ἐπὶ παντὸσ βασιλέωσ ἔμπροσθεν αὐτοῦ. καὶ Δαυὶδ υἱὸσ Ἰεσσαὶ ἐβασίλευσεν ἐπὶ Ἰσραὴλ ἔτη τεσσαράκοντα, ἐν Χεβρὼν ἔτη ἑπτὰ καὶ ἐν Ἱερουσαλὴμ ἔτη τριακοντατρία. καὶ ἐτελεύτησεν ἐν γήρᾳ καλῷ, πλήρησ ἡμερῶν, πλούτῳ καὶ δόξῃ, καὶ ἐβασίλευσε Σαλωμὼν υἱὸσ αὐτοῦ ἀντ̓ αὐτοῦ. οἱ δὲ λοιποὶ λόγοι τοῦ βασιλέωσ Δαυίδ, οἱ πρότεροι καὶ οἱ ὕστεροι, γεγραμμένοι εἰσὶν ἐν λόγοισ Σαμουὴλ τοῦ βλέποντοσ καὶ ἐπὶ λόγων Νάθαν τοῦ προφήτου καὶ ἐπὶ λόγων Γὰδ τοῦ βλέποντος περὶ πάσησ τῆσ βασιλείασ αὐτοῦ καὶ τῆσ δυναστείασ αὐτοῦ, καὶ οἱ καιροί, οἳ ἐγένοντο ἐπ̓ αὐτῷ, καὶ ἐπὶ τὸν Ἰσραὴλ καὶ ἐπὶ πάσασ βασιλείασ τῆσ γῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Paralipomenon 29:

(70인역 성경, 역대기 상권 29:)

목록

SEARCH

MENU NAVIGATION