Septuagint, Liber I Paralipomenon 28:

(70인역 성경, 역대기 상권 28:)

ΚΑΙ ἐξεκκλησίασε Δαυὶδ πάντασ τοὺσ ἄρχοντασ Ἰσραήλ, ἄρχοντασ τῶν κριτῶν, καὶ πάντασ τοὺσ ἄρχοντασ τῶν ἐφημεριῶν τῶν περὶ τὸ σῶμα τοῦ βασιλέωσ καὶ ἄρχοντασ τῶν χιλιάδων καὶ τῶν ἑκατοντάδων καὶ τοὺσ γαζοφύλακασ καὶ τοὺσ ἐπὶ τῶν ὑπαρχόντων αὐτοῦ καὶ πάσησ τῆσ κτήσεωσ τοῦ βασιλέωσ καὶ τῶν υἱῶν αὐτοῦ σὺν τοῖσ εὐνούχοισ καὶ τοὺσ δυνάστασ καὶ τοὺσ μαχητὰσ τῆσ στρατιᾶσ ἐν Ἱερουσαλήμ. καὶ ἔστη Δαυὶδ ἐν μέσῳ τῆσ ἐκκλησίασ καὶ εἶπεν. ἀκούσατέ μου, ἀδελφοί μου καὶ λαόσ μου. ἐμοὶ ἐγένετο ἐπὶ καρδίαν οἰκοδομῆσαι οἶκον ἀναπαύσεωσ τῆσ κιβωτοῦ διαθήκησ Κυρίου καὶ στάσιν ποδῶν Κυρίου ἡμῶν, καὶ ἡτοίμασα τὰ εἰσ τὴν κατασκήνωσιν ἐπιτήδεια. καὶ ὁ Θεὸσ εἶπεν. οὐκ οἰκοδομήσεισ ἐμοὶ οἶκον τοῦ ἐπονομάσαι τὸ ὄνομά μου ἐπ̓ αὐτῷ, ὅτι ἄνθρωποσ πολεμιστὴσ εἶ σὺ καὶ αἷμα ἐξέχεασ. καὶ ἐξελέξατο Κύριοσ ὁ Θεὸσ Ἰσραὴλ ἐν ἐμοὶ ἀπὸ παντὸσ οἴκου πατρόσ μου εἶναι βασιλέα ἐπὶ Ἰσραὴλ εἰσ τὸν αἰῶνα. καὶ ἐν Ἰούδᾳ ᾑρέτικε τὸ βασίλειον καὶ ἐξ οἴκου Ἰούδα τὸν οἶκον τοῦ πατρόσ μου, καὶ ἐν τοῖσ υἱοῖσ τοῦ πατρόσ μου ἐν ἐμοὶ ἠθέλησε τοῦ γενέσθαι με εἰσ βασιλέα ἐπὶ παντὶ Ἰσραήλ. καὶ ἀπὸ πάντων τῶν υἱῶν μου ἐξελέξατο ἐν Σαλωμὼν τῷ υἱῷ μου καθίσαι αὐτὸν ἐπὶ θρόνου βασιλείασ Κυρίου ἐπὶ τὸν Ἰσραήλ. καὶ εἶπέ μοι ὁ Θεόσ. Σαλωμὼν ὁ υἱόσ σου οἰκοδομήσει τὸν οἶκόν μου καὶ τὴν αὐλήν μου, ὅτι ᾑρέτικα ἐν αὐτῷ εἶναί μου υἱόν, κἀγὼ ἔσομαι αὐτῷ εἰσ πατέρα καὶ κατορθώσω τὴν βασιλείαν αὐτοῦ ἕωσ αἰῶνοσ, ἐὰν ἰσχύσῃ τοῦ φυλάξασθαι τὰσ ἐντολάσ μου καὶ τὰ κρίματά μου ὡσ ἡ ἡμέρα αὕτη. καὶ νῦν κατὰ πρόσωπον πάσησ ἐκκλησίασ Κυρίου καὶ ἐν ὠσὶ Θεοῦ ἡμῶν φυλάξασθε καὶ ζητήσατε πάσασ τὰσ ἐντολὰσ Κυρίου τοῦ Θεοῦ ἡμῶν, ἵνα κληρονομήσητε τὴν γῆν τὴν ἀγαθὴν καὶ κατακληρονομήσητε τοῖσ υἱοῖσ ὑμῶν μεθ̓ ὑμᾶσ ἕωσ αἰῶνοσ. καὶ νῦν, Σαλωμὼν υἱέ μου, γνῶθι τὸν Θεὸν τῶν πατέρων σου καὶ δούλευε αὐτῷ ἐν καρδίᾳ τελείᾳ καὶ ψυχῇ θελούσῃ, ὅτι πάσασ καρδίασ ἐτάζει Κύριοσ καὶ πᾶν ἐνθύμημα γινώσκει. ἐὰν ζητήσῃσ αὐτόν, εὑρεθήσεταί σοι, καὶ ἐὰν καταλείψῃσ αὐτόν, καταλείψει σε εἰσ τέλοσ. ἰδὲ νῦν ὅτι Κύριοσ ᾑρέτικέ σε οἰκοδομῆσαι αὐτῷ οἶκον εἰσ ἁγίασμα. ἴσχυε καὶ ποίει. καὶ ἔδωκε Δαυὶδ Σαλωμὼν τῷ υἱῷ αὐτοῦ τὸ παράδειγμα τοῦ ναοῦ καὶ τῶν οἴκων αὐτοῦ καὶ τῶν ζακχῶν αὐτοῦ καὶ τῶν ὑπερῴων καὶ τῶν ἀποθηκῶν τῶν ἐσωτέρων καὶ τοῦ οἴκου τοῦ ἐξιλασμοῦ. καὶ τὸ παράδειγμα, ὃ εἶχεν ἐν πνεύματι αὐτοῦ, τῶν αὐλῶν οἴκου Κυρίου καὶ πάντων τῶν παστοφορίων τῶν κύκλῳ τῶν εἰσ τὰσ ἀποθήκασ οἴκου Κυρίου καὶ τῶν ἀποθηκῶν τῶν ἁγίων καὶ τῶν καταλυμάτων καὶ τῶν ἐφημεριῶν τῶν ἱερέων καὶ τῶν Λευιτῶν εἰσ πᾶσαν ἐργασίαν λειτουργίασ οἴκου Κυρίου καὶ τῶν ἀποθηκῶν τῶν λειτουργησίμων σκευῶν τῆσ λατρείασ οἴκου Κυρίου, καὶ τὸν σταθμὸν τῆσ ὁλκῆσ αὐτῶν τῶν τε χρυσῶν καὶ ἀργυρῶν, λυχνιῶν τὴν ὁλκὴν ἔδωκεν αὐτῷ καὶ τῶν λύχνων. ἔδωκεν αὐτῷ ὁμοίωσ τὸν σταθμὸν τῶν τραπεζῶν τῆσ προθέσεωσ, ἑκάστησ τραπέζησ χρυσῆσ καὶ ὡσαύτωσ τῶν ἀργυρῶν, καὶ τῶν κρεαγρῶν καὶ σπονδείων καὶ τῶν φιαλῶν τῶν χρυσῶν καὶ τὸν σταθμὸν τῶν χρυσῶν καὶ ἀργυρῶν, καὶ θυί̈σκων κεφφουρὲ ἑκάστου σταθμοῦ. καὶ τὸν τοῦ θυσιαστηρίου τῶν θυμιαμάτων ἐκ χρυσίου δοκίμου σταθμὸν ὑπέδειξεν αὐτῷ καὶ τὸ παράδειγμα τοῦ ἅρματοσ τῶν Χερουβὶμ τῶν διαπεπετασμένων ταῖσ πτέρυξι καὶ σκιαζόντων ἐπὶ τῆσ κιβωτοῦ διαθήκησ Κυρίου. πάντα ἐν γραφῇ χειρὸσ Κυρίου ἔδωκε Δαυὶδ Σαλωμὼν κατὰ τὴν περιγενηθεῖσαν αὐτῷ σύνεσιν τῆσ κατεργασίασ τοῦ παραδείγματοσ. καὶ εἶπε Δαυὶδ Σαλωμὼν τῷ υἱῷ αὐτοῦ. ἴσχυε καὶ ἀνδρίζου καὶ ποίει, μὴ φοβοῦ μηδὲ πτοηθῇσ, ὅτι Κύριοσ ὁ Θεόσ μου μετὰ σοῦ, οὐ ἀνήσει σε καὶ οὐ μή σε ἐγκαταλίπῃ ἕωσ τοῦ συντελέσαι σε πᾶσαν ἐργασίαν λειτουργίασ οἴκου Κυρίου. καὶ ἰδοὺ τὸ παράδειγμα τοῦ ναοῦ καὶ τοῦ οἴκου αὐτοῦ καὶ ζακχὼ αὐτοῦ καὶ τὰ ὑπερῷα καὶ τὰσ ἀποθήκασ τὰσ ἐσωτέρασ καὶ τὸν οἶκον τοῦ ἱλασμοῦ καὶ τὸ παράδειγμα οἴκου Κυρίου. καὶ ἰδοὺ αἱ ἐφημερίαι τῶν ἱερέων καὶ τῶν Λευιτῶν εἰσ πᾶσαν λειτουργίαν οἴκου Κυρίου καὶ μετὰ σοῦ ἐν πάσῃ πραγματείᾳ καὶ πᾶσ πρόθυμοσ ἐν σοφίᾳ κατὰ πᾶσαν τέχνην καὶ οἱ ἄρχοντεσ καὶ πᾶσ ὁ λαὸσ εἰσ πάντασ τοὺσ λόγουσ σου.

목록

일치하는 문장이 없습니다.

SEARCH

MENU NAVIGATION