Septuagint, Liber I Paralipomenon 23:

(70인역 성경, 역대기 상권 23:)

ΚΑΙ Δαυὶδ πρεσβύτησ καὶ πλήρησ ἡμερῶν καὶ ἐβασίλευσε Σαλωμὼν τὸν υἱὸν αὐτοῦ ἀντ̓ αὐτοῦ ἐπὶ Ἰσραήλ. καὶ συνήγαγε τοὺσ πάντασ ἄρχοντασ Ἰσραὴλ καὶ τοὺσ ἱερεῖσ καὶ τοὺσ Λευίτασ. καὶ ἠρίθμησαν οἱ Λευῖται ἀπὸ τριακονταετοῦσ καὶ ἐπάνω, καὶ ἐγένετο ὁ ἀριθμὸσ αὐτῶν κατὰ κεφαλὴν αὐτῶν εἰσ ἄνδρασ τριάκοντα καὶ ὀκτὼ χιλιάδασ. ἀπὸ τῶν ἐργοδιωκτῶν ἐπὶ τὰ ἔργα οἴκου Κυρίου εἰκοσιτέσσαρεσ χιλιάδεσ καὶ γραμματεῖσ καὶ κριταὶ ἑξακισχίλιοι καὶ τέσσαρεσ χιλιάδεσ πυλωροὶ καὶ τέσσαρεσ χιλιάδεσ αἰνοῦντεσ τῷ Κυρίῳ ἐν ὀργάνοισ, οἷσ ἐποίησε τοῦ αἰνεῖν τῷ Κυρίῳ. καὶ διεῖλεν αὐτοὺσ Δαυὶδ ἐφημερίασ τοῖσ υἱοῖσ Λευί, τῷ Γεδσών, Καὰθ καὶ Μεραρί. καὶ τῷ Γεδσών. Ἐδὰν καὶ Σεμεί̈. υἱοὶ τῷ Ἐδάν. ἄρχων Ἰεϊὴλ καὶ Ζηθὰν καὶ Ἰωήλ, τρεῖσ. υἱοὶ Σεμεί̈. Σαλωμίθ, Ἰεϊὴλ καὶ Δάν, τρεῖσ. οὗτοι ἄρχοντεσ πατριῶν τῶν Ἐδάν. καὶ τοῖσ υἱοῖσ Σεμεί̈. Ἰὲθ καὶ Ζιζὰ καὶ Ἰωὰσ καὶ Βεριά. οὗτοι υἱοὶ Σεμεί̈ τέσσαρεσ. καὶ ἦν Ἰὲθ ὁ ἄρχων καὶ Ζιζὰ ὁ δεύτεροσ. καὶ Ἰωὰσ καὶ Βεριὰ οὐκ ἐπλήθυναν υἱοὺσ καὶ ἐγένοντο εἰσ οἶκον πατριᾶσ εἰσ ἐπίσκεψιν μίαν. υἱοὶ Καάθ. Ἀμβράμ, Ἰσαάρ, Χεβρών, Ὀζιήλ, τέσσαρεσ. υἱοὶ Ἀμβράμ, Ἀαρὼν καὶ Μωυσῆσ. καὶ διεστάλη Ἀαρὼν τοῦ ἁγιασθῆναι ἅγια ἁγίων, αὐτὸσ καὶ οἱ υἱοὶ αὐτοῦ ἕωσ αἰῶνοσ, τοῦ θυμιᾶν ἐναντίον τοῦ Κυρίου, λειτουργεῖν καὶ ἐπεύχεσθαι ἐπὶ τῷ ὀνόματι αὐτοῦ ἕωσ αἰῶνοσ. καὶ Μωυσῆσ ἄνθρωποσ τοῦ Θεοῦ, υἱοὶ αὐτοῦ ἐκλήθησαν εἰσ φυλὴν τοῦ Λευί. υἱοὶ Μωυσῆ. Γηρσὰμ καὶ Ἐλιέζερ. υἱοὶ Γηρσάμ. Σουβαὴλ ὁ ἄρχων. καὶ ἦσαν υἱοὶ τῷ Ἐλιέζερ. Ραβιὰ ὁ ἄρχων. καὶ οὐκ ἦσαν τῷ Ἐλιέζερ υἱοὶ ἕτεροι. καὶ υἱοὶ Ραβιὰ ηὐξήθησαν εἰσ ὕψοσ. υἱοὶ Ἰσαάρ. Σαλωμὼθ ὁ ἄρχων. υἱοὶ Χεβρών. Ἱεριὰ ὁ ἄρχων, Ἀμαδιὰ ὁ δεύτεροσ, Ἱεζιὴλ ὁ τρίτοσ, Ἰεκεμίασ ὁ τέταρτοσ. υἱοὶ Ὀζιήλ. Μιχὰ ὁ ἄρχων καὶ Ἰσιὰ ὁ δεύτεροσ. υἱοὶ Μεραρί. Μοολὶ καὶ Μουσί. υἱοὶ Μοολί. Ἐλεάζαρ καὶ Κίσ. καὶ ἀπέθανεν Ἐλεάζαρ, καὶ οὐκ ἦσαν αὐτῷ υἱοί, ἀλλ̓ ἢ θυγατέρεσ, καὶ ἔλαβον αὐτὰσ υἱοὶ Κὶσ ἀδελφοὶ αὐτῶν. υἱοὶ Μουσί. Μοολὶ καὶ Ἐδὲρ καὶ Ἰαριμώθ, τρεῖσ. οὗτοι υἱοὶ Λευὶ κατ̓ οἴκουσ πατριῶν αὐτῶν, ἄρχοντεσ τῶν πατριῶν αὐτῶν κατὰ τὴν ἐπίσκεψιν αὐτῶν, κατὰ τὸν ἀριθμὸν ὀνομάτων αὐτῶν, κατὰ κεφαλὴν αὐτῶν, ποιοῦντεσ τὰ ἔργα λειτουργίασ οἴκου Κυρίου ἀπὸ εἰκοσαετοῦσ καὶ ἐπάνω. ὅτι εἶπε Δαυίδ. κατέπαυσε Κύριοσ ὁ Θεὸσ Ἰσραὴλ τῷ λαῷ αὐτοῦ καὶ κατεσκήνωσεν ἐν Ἱερουσαλὴμ ἕωσ αἰῶνοσ. καὶ οἱ Λευῖται οὐκ ἦσαν αἴροντεσ τὴν σκηνὴν καὶ τὰ πάντα σκεύη αὐτῆσ εἰσ τὴν λειτουργίαν αὐτῆσ. ὅτι ἐν τοῖσ λόγοισ Δαυὶδ τοῖσ ἐσχάτοισ ἐστὶν ὁ ἀριθμὸσ υἱῶν Λευὶ ἀπὸ εἰκοσαετοῦσ καὶ ἐπάνω. ὅτι ἔστησεν αὐτοὺσ ἐπὶ χειρὶ Ἀαρὼν τοῦ λειτουργεῖν ἐν οἴκῳ Κυρίου ἐπὶ τὰσ αὐλὰσ καὶ ἐπὶ τὰ παστοφόρια καὶ ἐπὶ τὸν καθαρισμὸν τῶν πάντων ἁγίων καὶ ἐπὶ τὰ ἔργα λειτουργίασ οἴκου τοῦ Θεοῦ καὶ εἰσ τοὺσ ἄρτουσ τῆσ προθέσεωσ καὶ εἰσ τὴν σεμίδαλιν τῆσ θυσίασ καὶ εἰσ τὰ λάγανα τὰ ἄζυμα καὶ εἰσ τήγανον καὶ εἰσ τὴν πεφυραμένην καὶ εἰσ πᾶν μέτρον καὶ τοῦ στῆναι πρωί̈ τοῦ αἰνεῖν καὶ ἐξομολογεῖσθαι τῷ Κυρίῳ καὶ οὕτω τὸ ἑσπέρας καὶ ἐπὶ πάντων τῶν ἀναφερομένων ὁλοκαυτωμάτων τῷ Κυρίῳ ἐν τοῖσ σαββάτοισ καὶ ἐν ταῖσ νουμηνίαισ καὶ ἐν ταῖσ ἑορταῖσ, κατὰ ἀριθμόν, κατὰ τὴν κρίσιν ἐπ̓ αὐτοῖσ διαπαντὸσ τῷ Κυρίῳ. καὶ φυλάξουσι τὰσ φυλακὰσ σκηνῆσ τοῦ μαρτυρίου καὶ τὴν φυλακὴν τοῦ ἁγίου καὶ τὰσ φυλακὰσ υἱῶν Ἀαρὼν ἀδελφῶν αὐτῶν τοῦ λειτουργεῖν ἐν οἴκῳ Κυρίου.

목록

일치하는 문장이 없습니다.

SEARCH

MENU NAVIGATION