헬라어 문장 검색 - Σεπτύ013́023́

(70인역 성경, 역대기 상권 23:)

ΚΑΙ Δαυὶδ πρεσβύτησ καὶ πλήρησ ἡμερῶν καὶ ἐβασίλευσε Σαλωμὼν τὸν υἱὸν αὐτοῦ ἀντ̓ αὐτοῦ ἐπὶ Ἰσραήλ. καὶ συνήγαγε τοὺσ πάντασ ἄρχοντασ Ἰσραὴλ καὶ τοὺσ ἱερεῖσ καὶ τοὺσ Λευίτασ. καὶ ἠρίθμησαν οἱ Λευῖται ἀπὸ τριακονταετοῦσ καὶ ἐπάνω, καὶ ἐγένετο ὁ ἀριθμὸσ αὐτῶν κατὰ κεφαλὴν αὐτῶν εἰσ ἄνδρασ τριάκοντα καὶ ὀκτὼ χιλιάδασ. ἀπὸ τῶν ἐργοδιωκτῶν ἐπὶ τὰ ἔργα οἴκου Κυρίου εἰκοσιτέσσαρεσ χιλιάδεσ καὶ γραμματεῖσ καὶ κριταὶ ἑξακισχίλιοι καὶ τέσσαρεσ χιλιάδεσ πυλωροὶ καὶ τέσσαρεσ χιλιάδεσ αἰνοῦντεσ τῷ Κυρίῳ ἐν ὀργάνοισ, οἷσ ἐποίησε τοῦ αἰνεῖν τῷ Κυρίῳ. καὶ διεῖλεν αὐτοὺσ Δαυὶδ ἐφημερίασ τοῖσ υἱοῖσ Λευί, τῷ Γεδσών, Καὰθ καὶ Μεραρί. καὶ τῷ Γεδσών. Ἐδὰν καὶ Σεμεί̈. υἱοὶ τῷ Ἐδάν. ἄρχων Ἰεϊὴλ καὶ Ζηθὰν καὶ Ἰωήλ, τρεῖσ. υἱοὶ Σεμεί̈. Σαλωμίθ, Ἰεϊὴλ καὶ Δάν, τρεῖσ. οὗτοι ἄρχοντεσ πατριῶν τῶν Ἐδάν. καὶ τοῖσ υἱοῖσ Σεμεί̈. Ἰὲθ καὶ Ζιζὰ καὶ Ἰωὰσ καὶ Βεριά. οὗτοι υἱοὶ Σεμεί̈ τέσσαρεσ. καὶ ἦν Ἰὲθ ὁ ἄρχων καὶ Ζιζὰ ὁ δεύτεροσ. καὶ Ἰωὰσ καὶ Βεριὰ οὐκ ἐπλήθυναν υἱοὺσ καὶ ἐγένοντο εἰσ οἶκον πατριᾶσ εἰσ ἐπίσκεψιν μίαν. υἱοὶ Καάθ. Ἀμβράμ, Ἰσαάρ, Χεβρών, Ὀζιήλ, τέσσαρεσ. υἱοὶ Ἀμβράμ, Ἀαρὼν καὶ Μωυσῆσ. καὶ διεστάλη Ἀαρὼν τοῦ ἁγιασθῆναι ἅγια ἁγίων, αὐτὸσ καὶ οἱ υἱοὶ αὐτοῦ ἕωσ αἰῶνοσ, τοῦ θυμιᾶν ἐναντίον τοῦ Κυρίου, λειτουργεῖν καὶ ἐπεύχεσθαι ἐπὶ τῷ ὀνόματι αὐτοῦ ἕωσ αἰῶνοσ. καὶ Μωυσῆσ ἄνθρωποσ τοῦ Θεοῦ, υἱοὶ αὐτοῦ ἐκλήθησαν εἰσ φυλὴν τοῦ Λευί. υἱοὶ Μωυσῆ. Γηρσὰμ καὶ Ἐλιέζερ. υἱοὶ Γηρσάμ. Σουβαὴλ ὁ ἄρχων. καὶ ἦσαν υἱοὶ τῷ Ἐλιέζερ. Ραβιὰ ὁ ἄρχων. καὶ οὐκ ἦσαν τῷ Ἐλιέζερ υἱοὶ ἕτεροι. καὶ υἱοὶ Ραβιὰ ηὐξήθησαν εἰσ ὕψοσ. υἱοὶ Ἰσαάρ. Σαλωμὼθ ὁ ἄρχων. υἱοὶ Χεβρών. Ἱεριὰ ὁ ἄρχων, Ἀμαδιὰ ὁ δεύτεροσ, Ἱεζιὴλ ὁ τρίτοσ, Ἰεκεμίασ ὁ τέταρτοσ. υἱοὶ Ὀζιήλ. Μιχὰ ὁ ἄρχων καὶ Ἰσιὰ ὁ δεύτεροσ. υἱοὶ Μεραρί. Μοολὶ καὶ Μουσί. υἱοὶ Μοολί. Ἐλεάζαρ καὶ Κίσ. καὶ ἀπέθανεν Ἐλεάζαρ, καὶ οὐκ ἦσαν αὐτῷ υἱοί, ἀλλ̓ ἢ θυγατέρεσ, καὶ ἔλαβον αὐτὰσ υἱοὶ Κὶσ ἀδελφοὶ αὐτῶν. υἱοὶ Μουσί. Μοολὶ καὶ Ἐδὲρ καὶ Ἰαριμώθ, τρεῖσ. οὗτοι υἱοὶ Λευὶ κατ̓ οἴκουσ πατριῶν αὐτῶν, ἄρχοντεσ τῶν πατριῶν αὐτῶν κατὰ τὴν ἐπίσκεψιν αὐτῶν, κατὰ τὸν ἀριθμὸν ὀνομάτων αὐτῶν, κατὰ κεφαλὴν αὐτῶν, ποιοῦντεσ τὰ ἔργα λειτουργίασ οἴκου Κυρίου ἀπὸ εἰκοσαετοῦσ καὶ ἐπάνω. ὅτι εἶπε Δαυίδ. κατέπαυσε Κύριοσ ὁ Θεὸσ Ἰσραὴλ τῷ λαῷ αὐτοῦ καὶ κατεσκήνωσεν ἐν Ἱερουσαλὴμ ἕωσ αἰῶνοσ. καὶ οἱ Λευῖται οὐκ ἦσαν αἴροντεσ τὴν σκηνὴν καὶ τὰ πάντα σκεύη αὐτῆσ εἰσ τὴν λειτουργίαν αὐτῆσ. ὅτι ἐν τοῖσ λόγοισ Δαυὶδ τοῖσ ἐσχάτοισ ἐστὶν ὁ ἀριθμὸσ υἱῶν Λευὶ ἀπὸ εἰκοσαετοῦσ καὶ ἐπάνω. ὅτι ἔστησεν αὐτοὺσ ἐπὶ χειρὶ Ἀαρὼν τοῦ λειτουργεῖν ἐν οἴκῳ Κυρίου ἐπὶ τὰσ αὐλὰσ καὶ ἐπὶ τὰ παστοφόρια καὶ ἐπὶ τὸν καθαρισμὸν τῶν πάντων ἁγίων καὶ ἐπὶ τὰ ἔργα λειτουργίασ οἴκου τοῦ Θεοῦ καὶ εἰσ τοὺσ ἄρτουσ τῆσ προθέσεωσ καὶ εἰσ τὴν σεμίδαλιν τῆσ θυσίασ καὶ εἰσ τὰ λάγανα τὰ ἄζυμα καὶ εἰσ τήγανον καὶ εἰσ τὴν πεφυραμένην καὶ εἰσ πᾶν μέτρον καὶ τοῦ στῆναι πρωί̈ τοῦ αἰνεῖν καὶ ἐξομολογεῖσθαι τῷ Κυρίῳ καὶ οὕτω τὸ ἑσπέρας καὶ ἐπὶ πάντων τῶν ἀναφερομένων ὁλοκαυτωμάτων τῷ Κυρίῳ ἐν τοῖσ σαββάτοισ καὶ ἐν ταῖσ νουμηνίαισ καὶ ἐν ταῖσ ἑορταῖσ, κατὰ ἀριθμόν, κατὰ τὴν κρίσιν ἐπ̓ αὐτοῖσ διαπαντὸσ τῷ Κυρίῳ. καὶ φυλάξουσι τὰσ φυλακὰσ σκηνῆσ τοῦ μαρτυρίου καὶ τὴν φυλακὴν τοῦ ἁγίου καὶ τὰσ φυλακὰσ υἱῶν Ἀαρὼν ἀδελφῶν αὐτῶν τοῦ λειτουργεῖν ἐν οἴκῳ Κυρίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Paralipomenon 23:

(70인역 성경, 역대기 상권 23:)

목록

SEARCH

MENU NAVIGATION