Septuagint, Liber I Paralipomenon 22:

(70인역 성경, 역대기 상권 22:)

ΚΑΙ εἶπε Δαυίδ. οὗτόσ ἐστιν ὁ οἶκοσ Κυρίου τοῦ Θεοῦ καὶ τοῦτο τὸ θυσιαστήριον εἰσ ὁλοκαύτωσιν τῷ Ἰσραήλ. καὶ εἶπε Δαυὶδ συναγαγεῖν πάντασ τοὺσ προσηλύτουσ τοὺσ ἐν γῇ Ἰσραὴλ καὶ κατέστησε λατόμουσ λατομῆσαι λίθουσ ξυστοὺσ τοῦ οἰκοδομῆσαι οἶκον τῷ Θεῷ. καὶ σίδηρον πολὺν εἰσ τοὺσ ἥλουσ τῶν θυρωμάτων καὶ τῶν πυλῶν καὶ τοὺσ στροφεῖσ ἡτοίμασε Δαυὶδ καὶ χαλκὸν εἰσ πλῆθοσ, οὐκ ἦν σταθμόσ. καὶ ξύλα κέδρινα, οὐκ ἦν ἀριθμόσ, ὅτι ἐφέροσαν οἱ Σιδώνιοι καὶ οἱ Τύριοι ξύλα κέδρινα εἰσ πλῆθοσ τῷ Δαυίδ. καὶ εἶπε Δαυίδ. Σαλωμὼν ὁ υἱόσ μου παιδάριον ἁπαλόν, καὶ ὁ οἶκοσ τοῦ οἰκοδομῆσαι τῷ Κυρίῳ εἰσ μεγαλωσύνην ἄνω, εἰσ ὄνομα καὶ εἰσ δόξαν εἰσ πᾶσαν τὴν γῆν ἑτοιμάσω αὐτῷ. καὶ ἡτοίμασε Δαυὶδ εἰσ πλῆθοσ ἔμπροσθεν τῆσ τελευτῆσ αὐτοῦ. καὶ ἐκάλεσε Σαλωμὼν τὸν υἱὸν αὐτοῦ καὶ ἐνετείλατο αὐτῷ τοῦ οἰκοδομῆσαι τὸν οἶκον τῷ Κυρίῳ Θεῷ Ἰσραήλ. καὶ εἶπε Δαυὶδ Σαλωμών. τέκνον, ἐμοὶ ἐγένετο ἐπὶ ψυχῇ τοῦ οἰκοδομῆσαι οἶκον τῷ ὀνόματι Κυρίου Θεοῦ. καὶ ἐγένετό μοι λόγοσ Κυρίου λέγων. αἷμα εἰσ πλῆθοσ ἐξέχεασ καὶ πολέμουσ μεγάλουσ ἐποίησασ. οὐκ οἰκοδομήσεισ οἶκον τῷ ὀνόματί μου, ὅτι αἵματα πολλὰ ἐξέχεασ ἐπὶ τὴν γῆν ἐναντίον μου. ἰδοὺ υἱὸσ τίκτεταί σοι, οὗτοσ ἔσται ἀνὴρ ἀναπαύσεωσ, καὶ ἀναπαύσω αὐτὸν ἀπὸ πάντων τῶν ἐχθρῶν αὐτοῦ κυκλόθεν, ὅτι Σαλωμὼν ὄνομα αὐτῷ, καὶ εἰρήνην καὶ ἡσυχίαν δώσω ἐπὶ Ἰσραὴλ ἐν ταῖσ ἡμέραισ αὐτοῦ. οὗτοσ οἰκοδομήσει οἶκον τῷ ὀνόματί μου, καὶ οὗτοσ ἔσται μοι εἰσ υἱὸν κἀγὼ αὐτῷ εἰσ πατέρα, καὶ ἀνορθώσω θρόνον βασιλείασ αὐτοῦ ἐν Ἰσραὴλ ἕωσ αἰῶνοσ. καὶ νῦν, υἱέ μου, ἔσται μετὰ σοῦ Κύριοσ, καὶ εὐοδώσει, καὶ οἰκοδομήσεισ οἶκον τῷ Κυρίῳ Θεῷ σου, ὡσ ἐλάλησε περὶ σοῦ. ἀλλ̓ ἢ δῴη σοι σοφίαν καὶ σύνεσιν Κύριοσ καὶ κατισχύσαι σε ἐπὶ Ἰσραὴλ καὶ τοῦ φυλάσσεσθαι καὶ τοῦ ποιεῖν τὸν νόμον Κυρίου τοῦ Θεοῦ σου. τότε εὐοδώσει, ἐὰν φυλάξῃσ τοῦ ποιεῖν τὰ προστάγματα καὶ τὰ κρίματα, ἃ ἐνετείλατο Κύριοσ τῷ Μωυσῇ ἐπὶ Ἰσραήλ. ἀνδρίζου καὶ ἴσχυε, μὴ φοβοῦ μηδὲ πτοηθῇσ. καὶ ἰδοὺ ἐγὼ κατὰ τὴν πτωχείαν μου ἡτοίμασα εἰσ οἶκον Κυρίου χρυσίου ταλάντων ἑκατὸν χιλιάδασ καὶ ἀργυρίου ταλάντων χιλίασ χιλιάδασ καὶ χαλκὸν καὶ σίδηρον, οὗ οὐκ ἔστι σταθμόσ, ὅτι εἰσ πλῆθόσ ἐστι. καὶ ξύλα καὶ λίθουσ ἡτοίμασα, καὶ πρὸσ ταῦτα πρόσθεσ. καὶ μετὰ σοῦ εἰσ πλῆθοσ ποιούντων ἔργα, τεχνῖται καὶ οἰκοδόμοι λίθων καὶ τέκτονεσ ξύλων καὶ πᾶσ σοφὸσ ἐν παντὶ ἔργῳ, ἐν χρυσίῳ καὶ ἀργυρίῳ, ἐν χαλκῷ καὶ ἐν σιδήρῳ οὐκ ἔστιν ἀριθμόσ. ἀνάστηθι καὶ ποίει, καὶ Κύριοσ μετὰ σοῦ. καὶ ἐνετείλατο Δαυὶδ τοῖσ πᾶσιν ἄρχουσιν Ἰσραὴλ ἀντιλαβέσθαι τῷ Σαλωμὼν υἱῷ αὐτοῦ. οὐχὶ Κύριοσ μεθ̓ ὑμῶν̣ καὶ ἀνέπαυσεν ὑμᾶσ κυκλόθεν, ὅτι ἔδωκεν ἐν χερσὶν ὑμῶν τοὺσ κατοικοῦντασ τὴν γῆν, καὶ ὑπετάγη ἡ γῆ ἐναντίον Κυρίου καὶ ἐναντίον λαοῦ αὐτοῦ. νῦν δότε καρδίασ ὑμῶν καὶ ψυχὰσ ὑμῶν τοῦ ζητῆσαι τῷ Κυρίῳ Θεῷ ὑμῶν καὶ ἐγέρθητε καὶ οἰκοδομήσατε ἁγίασμα τῷ Θεῷ ὑμῶν τοῦ εἰσενέγκαι τὴν κιβωτὸν διαθήκησ Κυρίου καὶ σκεύη τὰ ἅγια τοῦ Θεοῦ εἰσ οἶκον τὸν οἰκοδομούμενον τῷ ὀνόματι Κυρίου.

목록

일치하는 문장이 없습니다.

SEARCH

MENU NAVIGATION