Septuagint, Liber I Paralipomenon 21:

(70인역 성경, 역대기 상권 21:)

ΚΑΙ ἔστη διάβολοσ ἐν τῷ Ἰσραὴλ καὶ ἐπέσεισε τὸν Δαυὶδ τοῦ ἀριθμῆσαι τὸν Ἰσραήλ. καὶ εἶπεν ὁ βασιλεὺσ Δαυὶδ πρὸσ Ἰωὰβ καὶ πρὸσ τοὺσ ἄρχοντασ τῆσ δυνάμεωσ. πορεύθητε, ἀριθμήσατε τὸν Ἰσραὴλ ἀπὸ Βηρσαβεὲ καὶ ἕωσ Δὰν καὶ ἐνέγκατε πρόσ με, καὶ γνώσομαι τὸν ἀριθμὸν αὐτῶν. καὶ εἶπεν Ἰωάβ. προσθείη Κύριοσ ἐπὶ τὸν λαὸν αὐτοῦ, ὡσ αὐτοὶ ἑκατονταπλασίωσ, καὶ οἱ ὀφθαλμοὶ τοῦ κυρίου μου τοῦ βασιλέωσ βλέποντεσ. πάντεσ τῷ κυρίῳ μου παῖδεσ. ἱνατί ζητεῖ κύριόσ μου τοῦτο̣ ἵνα μὴ γένηται εἰσ ἁμαρτίαν τῷ Ἰσραήλ. τὸ δὲ ρῆμα τοῦ βασιλέωσ ἴσχυσεν ἐπὶ Ἰωάβ, καὶ ἐξῆλθεν Ἰωὰβ καὶ διῆλθεν ἐν παντὶ Ἰσραὴλ καὶ ἦλθεν εἰσ Ἱερουσαλήμ. καὶ ἔδωκεν Ἰωὰβ τὸν ἀριθμὸν τῆσ ἐπισκέψεωσ τοῦ λαοῦ τῷ Δαυίδ, καὶ ἦν πᾶσ Ἰσραὴλ χίλιαι χιλιάδεσ καὶ ἑκατὸν χιλιάδεσ ἀνδρῶν ἐσπασμένων μάχαιραν καὶ υἱοὶ Ἰούδα τετρακόσιαι καὶ ἑβδομήκοντα χιλιάδεσ ἀνδρῶν ἐσπασμένων μάχαιραν. καὶ τὸν Λευὶ καὶ τὸν Βενιαμὶν οὐκ ἠρίθμησεν ἐν μέσῳ αὐτῶν, ὅτι κατίσχυσε λόγοσ τοῦ βασιλέωσ τὸν Ἰωάβ. καὶ πονηρὸν ἐναντίον τοῦ Θεοῦ περὶ τοῦ πράγματοσ τούτου, καὶ ἐπάταξε τὸν Ἰσραήλ. καὶ εἶπε Δαυὶδ πρὸσ τὸν Θεόν. ἡμάρτηκα σφόδρα, ὅτι ἐποίησα τὸ πρᾶγμα τοῦτο. καὶ νῦν περίελε δὴ τὴν κακίαν παιδόσ σου, ὅτι ἐματαιώθην σφόδρα. καὶ ἐλάλησε Κύριοσ πρὸσ Γὰδ τὸν ὁρῶντα λέγων. πορεύου καὶ λάλησον πρὸσ Δαυὶδ λέγων. οὕτω λέγει Κύριοσ. τρία αἱρῶ ἐγὼ ἐπὶ σέ, ἔκλεξαι σεαυτῷ ἓν ἐξ αὐτῶν καὶ ποιήσω σοι. καὶ ἦλθε Γὰδ πρὸσ Δαυὶδ καὶ εἶπεν αὐτῷ. οὕτωσ λέγει Κύριοσ. ἔκλεξαι σεαυτῷ ἢ τρία ἔτη λιμοῦ, ἢ τρεῖσ μῆνασ φεύγειν σε ἐκ προσώπου ἐχθρῶν σου καὶ μάχαιραν ἐχθρῶν σου τοῦ ἐξολοθρεῦσαι, ἢ τρεῖσ ἡμέρασ ρομφαίαν Κυρίου καὶ θάνατον ἐν τῇ γῇ καὶ ἄγγελοσ Κυρίου ἐξολοθρεύων ἐν πάσῃ κληρονομίᾳ Ἰσραήλ. καὶ νῦν ἰδὲ τί ἀποκριθῶ τῷ ἀποστείλαντί με λόγον. καὶ εἶπε Δαυὶδ πρὸσ Γάδ. στενά μοι καὶ τὰ τρία σφόδρα. ἐμπεσοῦμαι δὴ εἰσ χεῖρασ Κυρίου, ὅτι πολλοὶ οἱ οἰκτιρμοὶ αὐτοῦ σφόδρα, καὶ εἰσ χεῖρασ ἀνθρώπων οὐ μὴ ἐμπέσω. καὶ ἔδωκε Κύριοσ θάνατον ἐν Ἰσραήλ, καὶ ἔπεσον ἐξ Ἰσραὴλ ἑβδομήκοντα χιλιάδεσ ἀνδρῶν. καὶ ἀπέστειλεν ὁ Θεὸσ ἄγγελον εἰσ Ἱερουσαλὴμ τοῦ ἐξολοθρεῦσαι αὐτήν. καὶ ὡσ ἐξωλόθρευσεν, εἶδε Κύριοσ καὶ μετεμελήθη ἐπὶ τῇ κακίᾳ καὶ εἶπε τῷ ἀγγέλῳ τῷ ἐξολοθρεύοντι. ἱκανούσθω σοι, ἄνεσ τὴν χεῖρά σου. καὶ ὁ ἄγγελοσ Κυρίου ἑστὼσ ἐν τῷ ἅλῳ Ὀρνὰ τοῦ Ἰεβουσαίου. καὶ ἐπῇρε Δαυὶδ τοὺσ ὀφθαλμοὺσ αὐτοῦ καὶ εἶδε τὸν ἄγγελον Κυρίου ἑστῶτα ἀνὰ μέσον τῆσ γῆσ καὶ τοῦ οὐρανοῦ, καὶ ἡ ρομφαία αὐτοῦ ἐσπασμένη ἐν τῇ χειρὶ αὐτοῦ ἐκτεταμένη ἐπὶ Ἱερουσαλήμ. καὶ ἔπεσε Δαυὶδ καὶ οἱ πρεσβύτεροι περιβεβλημένοι ἐν σάκκοισ ἐπὶ πρόσωπον αὐτῶν. καὶ εἶπε Δαυὶδ πρὸσ τὸν Θεόν. οὐκ ἐγὼ εἶπα τοῦ ἀριθμῆσαι ἐν τῷ λαῷ̣ καὶ ἐγώ εἰμι ὁ ἁμαρτών, κακοποιῶν ἐκακοποίησα, καὶ ταῦτα τὰ πρόβατα τί ἐποίησαν̣ Κύριε ὁ Θεόσ, γενηθήτω ἡ χείρ σου ἐν ἐμοὶ καὶ ἐν τῷ οἴκῳ τοῦ πατρόσ μου καὶ μὴ ἐν τῷ λαῷ σου εἰσ ἀπώλειαν, Κύριε. καὶ ἄγγελοσ Κυρίου εἶπε τῷ Γὰδ τοῦ εἰπεῖν πρὸσ Δαυίδ, ἵνα ἀναβῇ τοῦ στῆσαι θυσιαστήριον Κυρίῳ ἐν ἅλῳ Ὀρνὰ τοῦ Ἰεβουσαίου. καὶ ἀνέβη Δαυὶδ κατὰ τὸν λόγον Γάδ, ὃν ἐλάλησεν ἐν ὀνόματι Κυρίου. καὶ ἐπέστρεψεν Ὀρνὰ καὶ εἶδε τὸν βασιλέα καὶ τέσσαρασ υἱοὺσ αὐτοῦ μετ̓ αὐτοῦ μεθαχαβίν. καὶ Ὀρνὰ ἦν ἁλοῶν πυρούσ. καὶ ἦλθε Δαυὶδ πρὸσ Ὀρνά, καὶ Ὀρνὰ ἐξῆλθεν ἐκ τῆσ ἅλω καὶ προσεκύνησε τῷ Δαυὶδ τῷ προσώπῳ ἐπὶ τὴν γῆν. καὶ εἶπε Δαυὶδ πρὸσ Ὀρνά. δόσ μοι τὸν τόπον σου τῆσ ἅλω, καὶ οἰκοδομήσω ἐπ̓ αὐτῷ θυσιαστήριον τῷ Κυρίῳ. ἐν ἀργυρίῳ ἀξίῳ δόσ μοι αὐτόν, καὶ παύσεται ἡ πληγὴ ἐκ τοῦ λαοῦ. καὶ εἶπεν Ὀρνὰ πρὸσ Δαυίδ. λαβὲ σεαυτῷ, καὶ ποιησάτω ὁ κύριόσ μου ὁ βασιλεὺσ τὸ ἀγαθὸν ἐναντίον ἑαυτοῦ. ἰδὲ δέδωκα τοὺσ μόσχουσ εἰσ ὁλοκαύτωσιν καὶ τὸ ἄροτρον εἰσ ξύλα καὶ τὸν σῖτον εἰσ θυσίαν, τὰ πάντα δέδωκα. καὶ εἶπεν ὁ βασιλεὺσ Δαυὶδ τῷ Ὀρνά. οὐχί, ὅτι ἀγοράζων ἀγοράσω ἐν ἀργυρίῳ ἀξίῳ, ὅτι οὐ μὴ λάβω ἅ ἐστί σοι Κυρίῳ τοῦ ἀνανέγκαι ὁλοκαύτωσιν δωρεὰν Κυρίῳ. καὶ ἔδωκε Δαυὶδ τῷ Ὀρνὰ ἐν τῷ τόπῳ αὐτοῦ σίκλουσ χρυσίου ὁλκῆσ ἑξακοσίουσ. καὶ ᾠκοδόμησεν ἐκεῖ Δαυὶδ θυσιαστήριον Κυρίῳ καὶ ἀνήνεγκεν ὁλοκαυτώματα καὶ σωτηρίου. καὶ ἐβόησε πρὸσ Κύριον, καὶ ἐπήκουσεν αὐτῷ ἐν πυρὶ ἐκ τοῦ οὐρανοῦ ἐπὶ τὸ θυσιαστήριον τῆσ ὁλοκαυτώσεωσ καὶ κατηνάλωσε τὴν ὁλοκαύτωσιν. καὶ εἶπε Κύριοσ πρὸσ τὸν ἄγγελον, καὶ κατέθηκε τὴν ρομφαίαν εἰσ τὸν κολεὸν αὐτῆσ. ἐν τῷ καιρῷ ἐκείνῳ ἐν τῷ ἰδεῖν τὸν Δαυὶδ ὅτι ἐπήκουσεν αὐτῷ Κύριοσ ἐν ἅλῳ Ὀρνὰ τοῦ Ἰεβουσαίου, καὶ ἐθυσίασεν ἐκεῖ. καὶ σκηνὴ Κυρίου, ἣν ἐποίησε Μωυσῆσ ἐν τῇ ἐρήμῳ, καὶ θυσιαστήριον τῶν ὁλοκαυτωμάτων ἐν τῷ καιρῷ ἐκείνῳ ἐν Βαμὰ ἐν Γαβαών. καὶ οὐκ ἐδύνατο Δαυὶδ τοῦ πορευθῆναι ἔμπροσθεν αὐτοῦ τοῦ ζητῆσαι τὸν Θεόν, ὅτι οὐ κατέσπευσεν ἀπὸ προσώπου τῆσ ρομφαίασ ἀγγέλου Κυρίου.

목록

일치하는 문장이 없습니다.

SEARCH

MENU NAVIGATION