Septuagint, Liber I Paralipomenon 20:

(70인역 성경, 역대기 상권 20:)

ΚΑΙ ἐγένετο ἐν τῷ ἐπιόντι ἔτει ἐν τῇ ἐξόδῳ τῶν βασιλέων καὶ ἤγαγεν Ἰωὰβ πᾶσαν τὴν δύναμιν τῆσ στρατιᾶσ, καὶ ἔφθειραν τὴν χώραν υἱῶν Ἀμμών. καὶ ἦλθε καὶ περιεκάθισε τὴν Ραββά. καὶ Δαυὶδ ἐκάθισεν ἐν Ἱερουσαλήμ. καὶ ἐπάταξεν Ἰωὰβ τὴν Ραββὰ καὶ κατέσκαψεν αὐτήν. καὶ ἔλαβε Δαυὶδ τὸν στέφανον Μολχὸμ τοῦ βασιλέωσ αὐτῶν ἀπὸ τῆσ κεφαλῆσ αὐτοῦ, καὶ εὑρέθη ὁ σταθμὸσ αὐτοῦ τάλαντον χρυσίου, καὶ ἐν αὐτῷ λίθοσ τίμιοσ, καὶ ἦν ἐπὶ τὴν κεφαλὴν Δαυίδ. καὶ σκῦλα τῆσ πόλεωσ ἐξήνεγκε πολλὰ σφόδρα. καὶ τὸν λαὸν τὸν ἐν αὐτῇ ἐξήγαγε καὶ διέπρισε πρίοσι καὶ ἐν σκεπάρνοισ σιδηροῖσ καὶ ἐν διασχίζουσι. καὶ οὕτωσ ἐποίησε Δαυὶδ τοῖσ πᾶσιν υἱοῖσ Ἀμμών. καὶ ἀνέστρεψε Δαυὶδ καὶ πᾶσ ὁ λαὸσ αὐτοῦ εἰσ Ἱερουσαλήμ. καὶ ἐγένετο μετὰ ταῦτα καὶ ἐγένετο ἔτι πόλεμοσ ἐν Γαζὲρ μετὰ τῶν ἀλλοφύλων. τότε ἐπάταξε Σοβοχαὶ ὁ Οὐσαθὶ τὸν Σαφοὺ ἀπὸ τῶν υἱῶν τῶν γιγάντων, καὶ ἐταπείνωσεν αὐτόν. καὶ ἐγένετο ἔτι πόλεμοσ μετὰ τῶν ἀλλοφύλων. καὶ ἐπάταξεν Ἐλλανὰν υἱὸσ Ἰαί̈ρ τὸν Λαχμὶ ἀδελφὸν Γολιὰθ τοῦ Γεθθαίου, καὶ ξύλον δόρατοσ αὐτοῦ ὡσ ἀντίον ὑφαινόντων. καὶ ἐγένετο ἔτι πόλεμοσ ἐν Γέθ, καὶ ἦν ἀνὴρ ὑπερμεγέθησ, καὶ δάκτυλοι αὐτοῦ ἓξ καὶ ἕξ, εἰκοσιτέσσαρεσ, καὶ οὗτοσ ἦν ἀπόγονοσ γιγάντων. καὶ ὠνείδισε τὸν Ἰσραήλ, καὶ ἐπάταξεν αὐτὸν Ἰωνάθαν υἱὸσ Σαμαὰ ἀδελφοῦ Δαυίδ. οὗτοι ἐγένοντο Ραφὰ ἐν Γέθ. πάντεσ ἦσαν τέσσαρεσ γίγαντεσ, καὶ ἔπεσον ἐν χειρὶ Δαυὶδ καὶ ἐν χειρὶ παίδων αὐτοῦ.

목록

일치하는 문장이 없습니다.

SEARCH

MENU NAVIGATION