Septuagint, Liber I Paralipomenon 17:

(70인역 성경, 역대기 상권 17:)

ΚΑΙ ἐγένετο ὡσ κατῴκησε Δαυὶδ ἐν οἴκῳ αὐτοῦ, καὶ εἶπε Δαυὶδ πρὸσ Νάθαν τὸν προφήτην. ἰδοὺ ἐγὼ κατοικῶ ἐν οἴκῳ κεδρίνῳ, καὶ ἡ κιβωτὸσ διαθήκησ Κυρίου ὑποκάτω δέρρεων. καὶ εἶπε Νάθαν πρὸσ Δαυίδ. πᾶν τὸ ἐν τῇ ψυχῇ σου ποίει, ὅτι Θεὸσ μετὰ σοῦ. καὶ ἐγένετο ἐν τῇ νυκτὶ ἐκείνῃ καὶ ἐγένετο λόγοσ Κυρίου πρὸσ Νάθαν. πορεύου καὶ εἰπὸν πρὸσ Δαυὶδ τὸν δοῦλόν μου. οὕτωσ εἶπε Κύριοσ. οὐ σὺ οἰκοδομήσεισ μοι οἶκον τοῦ κατοικῆσαί με ἐν αὐτῷ. ὅτι οὐ κατῴκησα ἐν οἴκῳ ἀπὸ τῆσ ἡμέρασ, ἧσ ἀνήγαγον τὸν Ἰσραήλ, ἕωσ τῆσ ἡμέρασ ταύτησ καὶ ἤμην ἐν σκηνῇ καὶ ἐν καλύμματι ἐν πᾶσιν, οἷσ διῆλθον ἐν παντὶ Ἰσραήλ. εἰ λαλῶν ἐλάλησα πρὸσ μίαν φυλὴν τοῦ Ἰσραήλ, οἷσ ἐνετειλάμην τοῦ ποιμαίνειν τὸν λαόν μου λέγων, ὅτι οὐκ ᾠκοδομήσατέ μοι οἶκον κέδρινον. καὶ νῦν οὕτωσ ἐρεῖσ τῷ δούλῳ μου Δαυίδ. τάδε λέγει Κύριοσ παντοκράτωρ. ἐγὼ ἔλαβόν σε ἐκ τῆσ μάνδρασ ἐξόπισθεν τῶν ποιμνίων τοῦ εἶναι εἰσ ἡγούμενον ἐπὶ τὸν λαόν μου Ἰσραήλ. καὶ ἤμην μετὰ σοῦ ἐν πᾶσιν, οἷσ ἐπορεύθησ, καὶ ἐξωλόθρευσα πάντασ τοὺσ ἐχθρούσ σου ἀπὸ προσώπου σου καὶ ἐποίησά σοι ὄνομα κατὰ τὸ ὄνομα τῶν μεγάλων τῶν ἐπὶ τῆσ γῆσ. καὶ θήσομαι τόπον τῷ λαῷ μου Ἰσραὴλ καὶ καταφυτεύσω αὐτόν, καὶ κατασκηνώσει καθ̓ ἑαυτὸν καὶ οὐ μεριμνήσει ἔτι, καὶ οὐ προσθήσει υἱὸσ ἀδικίασ τοῦ ταπεινῶσαι αὐτὸν καθὼσ ἀπ̓ ἀρχῆς καὶ ἀφ̓ ἡμερῶν, ὦν ἔταξα κριτὰσ ἐπὶ τὸν λαόν μου Ἰσραήλ, καὶ ἐταπείνωσα πάντασ τοὺσ ἐχθρούσ σου, καὶ αὐξήσω σε, καὶ οἶκον οἰκοδομήσει σοι Κύριοσ. καὶ ἔσται ὅταν πληρωθῶσιν ἡμέραι σου καὶ κοιμηθήσῃ μετὰ τῶν πατέρων σου, καὶ ἀναστήσω τὸ σπέρμα σου μετὰ σέ, ὃσ ἔσται ἐκ τῆσ κοιλίασ σου, καὶ ἑτοιμάσω τὴν βασιλείαν αὐτοῦ. αὐτὸσ οἰκοδομήσει μοι οἶκον, καὶ ἀνορθώσω τὸν θρόνον αὐτοῦ ἕωσ αἰῶνοσ. ἐγὼ ἔσομαι αὐτῷ εἰσ πατέρα, καὶ αὐτὸσ ἔσται μοι εἰσ υἱόν. καὶ τὸ ἔλεόσ μου οὐκ ἀποστήσω ἀπ̓ αὐτοῦ ὡσ ἀπέστησα ἀπὸ τῶν ὄντων ἔμπροσθέν σου. καὶ πιστώσω αὐτὸν ἐν οἴκῳ μου καὶ ἐν βασιλείᾳ αὐτοῦ ἕωσ αἰῶνοσ, καὶ ὁ θρόνοσ αὐτοῦ ἔσται ἀνωρθωμένοσ ἕωσ αἰῶνοσ. κατὰ πάντασ τοὺσ λόγουσ τούτουσ καὶ κατὰ πᾶσαν τὴν ὅρασιν ταύτην, οὕτωσ ἐλάλησε Νάθαν πρὸσ Δαυίδ. καὶ ἦλθεν ὁ βασιλεὺσ Δαυὶδ καὶ ἐκάθισεν ἀπέναντι Κυρίου καὶ εἶπε. τίσ εἰμι ἐγὼ Κύριε ὁ Θεόσ, καὶ τίσ ὁ οἶκόσ μου, ὅτι ἠγάπησάσ με ἕωσ αἰῶνοσ̣ καὶ ἐσμικρύνθη ταῦτα ἐνώπιόν σου, ὁ Θεόσ, καὶ ἐλάλησασ ἐπὶ τὸν οἶκον τοῦ παιδόσ σου ἐκ μακρῶν καὶ ἐπεῖδέσ με ὡσ ὅρασισ τοῦ ἀνθρώπου καὶ ὕψωσάσ με, Κύριε ὁ Θεόσ. τί προσθήσει ἔτι Δαυὶδ πρόσ σε τοῦ δοξάσαι̣ καὶ σὺ τὸν δοῦλόν σου οἶδασ. καὶ κατὰ τὴν καρδίαν σου ἐποίησασ τὴν πᾶσαν μεγαλωσύνην. Κύριε, οὐκ ἔστιν ὅμοιόσ σοι, καὶ οὐκ ἔστι Θεὸσ πλὴν σοῦ κατὰ πάντα, ὅσα ἠκούσαμεν ἐν ὠσὶν ἡμῶν. καὶ οὐκ ἔστιν ὡσ ὁ λαόσ σου Ἰσραὴλ ἔθνοσ ἔτι ἐπὶ τῆσ γῆσ, ὡσ ὡδήγησεν αὐτὸν ὁ Θεὸσ τοῦ λυτρώσασθαι λαὸν ἑαυτῷ, τοῦ θέσθαι ἑαυτῷ ὄνομα μέγα καὶ ἐπιφανέσ, τοῦ ἐκβαλεῖν ἀπὸ προσώπου λαοῦ σου, οὓσ ἐλυτρώσω ἐξ Αἰγύπτου, ἔθνη. καὶ ἔδωκασ τὸν λαόν σου Ἰσραὴλ σεαυτῷ λαὸν ἕωσ αἰῶνοσ, καὶ σύ, Κύριε, ἐγενήθησ αὐτοῖσ εἰσ Θεόν. καὶ νῦν, Κύριε, ὁ λόγοσ σου, ὃν ἐλάλησασ πρὸσ τὸν παῖδά σου καὶ ἐπὶ τὸν οἶκον αὐτοῦ, πιστωθήτω ἕωσ αἰῶνοσ. καὶ ποίησον καθὼσ ἐλάλησασ, καὶ πιστωθήτω καὶ μεγαλυνθήτω τὸ ὄνομά σου ἕωσ αἰῶνοσ λεγόντων. Κύριε Κύριε, παντοκράτωρ Θεὸσ Ἰσραήλ, καὶ ὁ οἶκοσ Δαυὶδ παιδόσ σου ἀνωρθωμένοσ ἐναντίον σου. ὅτι σὺ Κύριοσ ὁ Θεόσ μου ἤνοιξασ τὸ οὖσ τοῦ παιδόσ σου τοῦ οἰκοδομῆσαι αὐτῷ οἶκον. διὰ τοῦτο εὗρεν ὁ παῖσ σου τοῦ προσεύξασθαι κατὰ πρόσωπόν σου. καὶ νῦν, Κύριε, σὺ εἶ αὐτὸσ Θεὸσ καὶ ἐλάλησασ ἐπὶ τὸν δοῦλόν σου τὰ ἀγαθὰ ταῦτα. καὶ νῦν ἦρξαι τοῦ εὐλογῆσαι τὸν οἶκον τοῦ παιδόσ σου τοῦ εἶναι εἰσ τὸν αἰῶνα ἐναντίον σου. ὅτι σύ, Κύριε, εὐλόγησασ, καὶ εὐλόγησον εἰσ τὸν αἰῶνα.

목록

일치하는 문장이 없습니다.

SEARCH

MENU NAVIGATION