헬라어 문장 검색 - Σεπτύ013́017́

(70인역 성경, 역대기 상권 17:)

ΚΑΙ ἐγένετο ὡσ κατῴκησε Δαυὶδ ἐν οἴκῳ αὐτοῦ, καὶ εἶπε Δαυὶδ πρὸσ Νάθαν τὸν προφήτην. ἰδοὺ ἐγὼ κατοικῶ ἐν οἴκῳ κεδρίνῳ, καὶ ἡ κιβωτὸσ διαθήκησ Κυρίου ὑποκάτω δέρρεων. καὶ εἶπε Νάθαν πρὸσ Δαυίδ. πᾶν τὸ ἐν τῇ ψυχῇ σου ποίει, ὅτι Θεὸσ μετὰ σοῦ. καὶ ἐγένετο ἐν τῇ νυκτὶ ἐκείνῃ καὶ ἐγένετο λόγοσ Κυρίου πρὸσ Νάθαν. πορεύου καὶ εἰπὸν πρὸσ Δαυὶδ τὸν δοῦλόν μου. οὕτωσ εἶπε Κύριοσ. οὐ σὺ οἰκοδομήσεισ μοι οἶκον τοῦ κατοικῆσαί με ἐν αὐτῷ. ὅτι οὐ κατῴκησα ἐν οἴκῳ ἀπὸ τῆσ ἡμέρασ, ἧσ ἀνήγαγον τὸν Ἰσραήλ, ἕωσ τῆσ ἡμέρασ ταύτησ καὶ ἤμην ἐν σκηνῇ καὶ ἐν καλύμματι ἐν πᾶσιν, οἷσ διῆλθον ἐν παντὶ Ἰσραήλ. εἰ λαλῶν ἐλάλησα πρὸσ μίαν φυλὴν τοῦ Ἰσραήλ, οἷσ ἐνετειλάμην τοῦ ποιμαίνειν τὸν λαόν μου λέγων, ὅτι οὐκ ᾠκοδομήσατέ μοι οἶκον κέδρινον. καὶ νῦν οὕτωσ ἐρεῖσ τῷ δούλῳ μου Δαυίδ. τάδε λέγει Κύριοσ παντοκράτωρ. ἐγὼ ἔλαβόν σε ἐκ τῆσ μάνδρασ ἐξόπισθεν τῶν ποιμνίων τοῦ εἶναι εἰσ ἡγούμενον ἐπὶ τὸν λαόν μου Ἰσραήλ. καὶ ἤμην μετὰ σοῦ ἐν πᾶσιν, οἷσ ἐπορεύθησ, καὶ ἐξωλόθρευσα πάντασ τοὺσ ἐχθρούσ σου ἀπὸ προσώπου σου καὶ ἐποίησά σοι ὄνομα κατὰ τὸ ὄνομα τῶν μεγάλων τῶν ἐπὶ τῆσ γῆσ. καὶ θήσομαι τόπον τῷ λαῷ μου Ἰσραὴλ καὶ καταφυτεύσω αὐτόν, καὶ κατασκηνώσει καθ̓ ἑαυτὸν καὶ οὐ μεριμνήσει ἔτι, καὶ οὐ προσθήσει υἱὸσ ἀδικίασ τοῦ ταπεινῶσαι αὐτὸν καθὼσ ἀπ̓ ἀρχῆς καὶ ἀφ̓ ἡμερῶν, ὦν ἔταξα κριτὰσ ἐπὶ τὸν λαόν μου Ἰσραήλ, καὶ ἐταπείνωσα πάντασ τοὺσ ἐχθρούσ σου, καὶ αὐξήσω σε, καὶ οἶκον οἰκοδομήσει σοι Κύριοσ. καὶ ἔσται ὅταν πληρωθῶσιν ἡμέραι σου καὶ κοιμηθήσῃ μετὰ τῶν πατέρων σου, καὶ ἀναστήσω τὸ σπέρμα σου μετὰ σέ, ὃσ ἔσται ἐκ τῆσ κοιλίασ σου, καὶ ἑτοιμάσω τὴν βασιλείαν αὐτοῦ. αὐτὸσ οἰκοδομήσει μοι οἶκον, καὶ ἀνορθώσω τὸν θρόνον αὐτοῦ ἕωσ αἰῶνοσ. ἐγὼ ἔσομαι αὐτῷ εἰσ πατέρα, καὶ αὐτὸσ ἔσται μοι εἰσ υἱόν. καὶ τὸ ἔλεόσ μου οὐκ ἀποστήσω ἀπ̓ αὐτοῦ ὡσ ἀπέστησα ἀπὸ τῶν ὄντων ἔμπροσθέν σου. καὶ πιστώσω αὐτὸν ἐν οἴκῳ μου καὶ ἐν βασιλείᾳ αὐτοῦ ἕωσ αἰῶνοσ, καὶ ὁ θρόνοσ αὐτοῦ ἔσται ἀνωρθωμένοσ ἕωσ αἰῶνοσ. κατὰ πάντασ τοὺσ λόγουσ τούτουσ καὶ κατὰ πᾶσαν τὴν ὅρασιν ταύτην, οὕτωσ ἐλάλησε Νάθαν πρὸσ Δαυίδ. καὶ ἦλθεν ὁ βασιλεὺσ Δαυὶδ καὶ ἐκάθισεν ἀπέναντι Κυρίου καὶ εἶπε. τίσ εἰμι ἐγὼ Κύριε ὁ Θεόσ, καὶ τίσ ὁ οἶκόσ μου, ὅτι ἠγάπησάσ με ἕωσ αἰῶνοσ̣ καὶ ἐσμικρύνθη ταῦτα ἐνώπιόν σου, ὁ Θεόσ, καὶ ἐλάλησασ ἐπὶ τὸν οἶκον τοῦ παιδόσ σου ἐκ μακρῶν καὶ ἐπεῖδέσ με ὡσ ὅρασισ τοῦ ἀνθρώπου καὶ ὕψωσάσ με, Κύριε ὁ Θεόσ. τί προσθήσει ἔτι Δαυὶδ πρόσ σε τοῦ δοξάσαι̣ καὶ σὺ τὸν δοῦλόν σου οἶδασ. καὶ κατὰ τὴν καρδίαν σου ἐποίησασ τὴν πᾶσαν μεγαλωσύνην. Κύριε, οὐκ ἔστιν ὅμοιόσ σοι, καὶ οὐκ ἔστι Θεὸσ πλὴν σοῦ κατὰ πάντα, ὅσα ἠκούσαμεν ἐν ὠσὶν ἡμῶν. καὶ οὐκ ἔστιν ὡσ ὁ λαόσ σου Ἰσραὴλ ἔθνοσ ἔτι ἐπὶ τῆσ γῆσ, ὡσ ὡδήγησεν αὐτὸν ὁ Θεὸσ τοῦ λυτρώσασθαι λαὸν ἑαυτῷ, τοῦ θέσθαι ἑαυτῷ ὄνομα μέγα καὶ ἐπιφανέσ, τοῦ ἐκβαλεῖν ἀπὸ προσώπου λαοῦ σου, οὓσ ἐλυτρώσω ἐξ Αἰγύπτου, ἔθνη. καὶ ἔδωκασ τὸν λαόν σου Ἰσραὴλ σεαυτῷ λαὸν ἕωσ αἰῶνοσ, καὶ σύ, Κύριε, ἐγενήθησ αὐτοῖσ εἰσ Θεόν. καὶ νῦν, Κύριε, ὁ λόγοσ σου, ὃν ἐλάλησασ πρὸσ τὸν παῖδά σου καὶ ἐπὶ τὸν οἶκον αὐτοῦ, πιστωθήτω ἕωσ αἰῶνοσ. καὶ ποίησον καθὼσ ἐλάλησασ, καὶ πιστωθήτω καὶ μεγαλυνθήτω τὸ ὄνομά σου ἕωσ αἰῶνοσ λεγόντων. Κύριε Κύριε, παντοκράτωρ Θεὸσ Ἰσραήλ, καὶ ὁ οἶκοσ Δαυὶδ παιδόσ σου ἀνωρθωμένοσ ἐναντίον σου. ὅτι σὺ Κύριοσ ὁ Θεόσ μου ἤνοιξασ τὸ οὖσ τοῦ παιδόσ σου τοῦ οἰκοδομῆσαι αὐτῷ οἶκον. διὰ τοῦτο εὗρεν ὁ παῖσ σου τοῦ προσεύξασθαι κατὰ πρόσωπόν σου. καὶ νῦν, Κύριε, σὺ εἶ αὐτὸσ Θεὸσ καὶ ἐλάλησασ ἐπὶ τὸν δοῦλόν σου τὰ ἀγαθὰ ταῦτα. καὶ νῦν ἦρξαι τοῦ εὐλογῆσαι τὸν οἶκον τοῦ παιδόσ σου τοῦ εἶναι εἰσ τὸν αἰῶνα ἐναντίον σου. ὅτι σύ, Κύριε, εὐλόγησασ, καὶ εὐλόγησον εἰσ τὸν αἰῶνα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Paralipomenon 17:

(70인역 성경, 역대기 상권 17:)

목록

SEARCH

MENU NAVIGATION