Septuagint, Liber I Paralipomenon 16:

(70인역 성경, 역대기 상권 16:)

ΚΑΙ εἰσήνεγκαν τὴν κιβωτὸν τοῦ Θεοῦ καὶ ἀπηρείσαντο αὐτὴν ἐν μέσῳ τῆσ σκηνῆσ, ἧσ ἔπηξεν αὐτῇ Δαυίδ, καὶ προσήνεγκαν ὁλοκαυτώματα καὶ σωτηρίου ἐναντίον τοῦ Θεοῦ. καὶ συνετέλεσε Δαυὶδ ἀναφέρων ὁλοκαυτώματα καὶ σωτηρίου καὶ εὐλόγησε τὸν λαὸν ἐν ὀνόματι Κυρίου. καὶ διεμέρισε παντὶ ἀνδρὶ Ἰσραὴλ ἀπὸ ἀνδρὸσ καὶ ἕωσ γυναικόσ, τῷ ἀνδρὶ ἄρτον ἕνα ἀρτοκοπικὸν καὶ ἀμορίτην. καὶ ἔταξε κατὰ πρόσωπον τῆσ κιβωτοῦ διαθήκησ Κυρίου ἐκ τῶν Λευιτῶν λειτουργοῦντασ ἀναφωνοῦντασ καὶ ἐξομολογεῖσθαι καὶ αἰνεῖν Κύριον τὸν Θεὸν Ἰσραήλ. Ἀσὰφ ὁ ἡγούμενοσ, καὶ δευτερεύων αὐτῷ Ζαχαρίασ, Ἰεϊήλ, Σεμιραμώθ, Ἰεϊήλ, Ματταθίασ, Ἐλιὰβ καὶ Βαναίασ, καὶ Ἀβδεδὸμ καὶ Ἰεϊὴλ ἐν ὀργάνοισ, νάβλαισ, κινύραισ, καὶ Ἀσὰφ ἐν κυμβάλοισ ἀναφωνῶν. καὶ Βαναίασ καὶ Ὀζιὴλ οἱ ἱερεῖσ ἐν ταῖσ σάλπιγξι διαπαντὸσ ἐναντίον τῆσ κιβωτοῦ τῆσ διαθήκησ τοῦ Θεοῦ. Ἐν τῇ ἡμέρᾳ ἐκείνη τότε ἔταξε Δαυὶδ ἐν ἀρχῇ τοῦ αἰνεῖν τὸν Κύριον ἐν χειρὶ Ἀσὰφ καὶ τῶν ἀδελφῶν αὐτοῦ. ῼΔΗ. Ἐξομολογεῖσθε τῷ Κυρίῳ, ἐπικαλεῖσθε αὐτὸν ἐν ὀνόματι αὐτοῦ, γνωρίσατε ἐν λαοῖσ τὰ ἐπιτηδεύματα αὐτοῦ. ᾄσατε αὐτῷ καὶ ὑμνήσατε αὐτῷ, διηγήσασθε πᾶσι τὰ θαυμάσια αὐτοῦ, ἃ ἐποίησε Κύριοσ. αἰνεῖτε ἐν ὀνόματι ἁγίῳ αὐτοῦ, εὐφρανθήσεται καρδία ζητοῦσα τὴν εὐδοκίαν αὐτοῦ. ζητήσατε τὸν Κύριον καὶ ἰσχύσατε, ζητήσατε τὸ πρόσωπον αὐτοῦ διαπαντόσ. μνημονεύετε τὰ θαυμάσια αὐτοῦ, ἃ ἐποίησε, τέρατα καὶ κρίματα τοῦ στόματοσ αὐτοῦ. σπέρμα Ἰσραὴλ παῖδεσ αὐτοῦ, υἱοὶ Ἰακὼβ ἐκλεκτοὶ αὐτοῦ. αὐτὸσ Κύριοσ ὁ Θεὸσ ἡμῶν, ἐν πάσῃ τῇ γῇ τὰ κρίματα αὐτοῦ. μνημονεύων εἰσ αἰῶνα διαθήκησ αὐτοῦ, λόγον αὐτοῦ, ὃν ἐνετείλατο εἰσ χιλίασ γενεάσ, ὃν διέθετο τῷ Ἁβραὰμ καὶ τὸν ὅρκον αὐτοῦ τῷ Ἰσαάκ. ἔστησεν αὐτὸν τῷ Ἰακὼβ εἰσ πρόσταγμα, τῷ Ἰσραὴλ διαθήκην αἰώνιον λέγων. σοὶ δώσω τὴν γῆν Χαναὰν σχοίνισμα κληρονομίασ ὑμῶν. ἐν τῷ γενέσθαι αὐτοὺσ ὀλιγοστοὺσ ἀριθμῷ ὡσ ἐσμικρύνθησαν καὶ παρῴκησαν ἐν αὐτῇ. καὶ ἐπορεύθησαν ἀπὸ ἔθνουσ εἰσ ἔθνοσ καὶ ἀπὸ βασιλείασ εἰσ λαὸν ἕτερον. οὐκ ἀφῆκεν ἄνδρα τοῦ δυναστεῦσαι αὐτοὺσ καὶ ἤλεγξε περὶ αὐτῶν βασιλεῖσ. μὴ ἅψησθε τῶν χριστῶν μου καὶ ἐν τοῖσ προφήταισ μου μὴ πονηρεύεσθε. ᾄσατε τῷ Κυρίῳ, πᾶσα ἡ γῆ, ἀναγγείλατε ἐξ ἡμέρασ εἰσ ἡμέραν σωτηρίαν αὐτοῦ. ἐξηγεῖσθε ἐν τοῖσ ἔθνεσι τὴν δόξαν αὐτοῦ, ἐν πᾶσι τοῖσ λαοῖσ τὰ θαυμάσια αὐτοῦ. ὅτι μέγασ Κύριοσ καὶ αἰνετὸσ σφόδρα, φοβερόσ ἐστιν ἐπὶ πάντασ τοὺσ θεούσ. ὅτι πάντεσ οἱ θεοὶ τῶν ἐθνῶν εἴδωλα, καὶ ὁ Θεὸσ ἡμῶν οὐρανοὺσ ἐποίησε. δόξα καὶ ἔπαινοσ κατὰ πρόσωπον αὐτοῦ, ἰσχὺσ καὶ καύχημα ἐν τόπῳ αὐτοῦ. δότε τῷ Κυρίῳ αἱ πατριαὶ τῶν ἐθνῶν, δότε τῷ Κυρίῳ δόξαν καὶ ἰσχύν. δότε τῷ Κυρίῳ δόξαν ὀνόματοσ αὐτοῦ, λάβετε δῶρα καὶ ἐνέγκατε κατὰ πρόσωπον αὐτοῦ καὶ προσκυνήσατε Κυρίῳ ἐν αὐλαῖσ ἁγίαισ αὐτοῦ. φοβηθήτω ἀπὸ προσώπου αὐτοῦ πᾶσα ἡ γῆ, κατορθωθήτω ἡ γῆ καὶ μὴ σαλευθήτω. εὐφρανθήτω ὁ οὐρανὸσ καὶ ἀγαλλιάσθω ἡ γῆ, καὶ εἰπάτωσαν ἐν τοῖσ ἔθνεσι. Κύριοσ βασιλεύων. βομβήσει ἡ θάλασσα σὺν τῷ πληρώματι καὶ ξύλον ἀγροῦ καὶ πάντα τὰ ἐν αὐτῷ. τότε εὐφρανθήσεται τὰ ξύλα τοῦ δρυμοῦ ἀπὸ προσώπου Κυρίου, ὅτι ἦλθε κρῖναι τὴν γῆν. ἐξομολογεῖσθε τῷ Κυρίῳ, ὅτι ἀγαθόν, ὅτι εἰσ τὸν αἰῶνα τὸ ἔλεοσ αὐτοῦ. καὶ εἴπατε. σῶσον ἡμᾶσ, ὁ Θεὸσ τῆσ σωτηρίασ ἡμῶν, καὶ ἄθροισον ἡμᾶσ, καὶ ἐξελοῦ ἡμᾶσ ἐκ τῶν ἐθνῶν τοῦ αἰνεῖν τὸ ὄνομα τὸ ἅγιόν σου καὶ καυχᾶσθαι ἐν ταῖσ αἰνέσεσί σου. εὐλογημένοσ Κύριοσ ὁ Θεὸσ Ἰσραὴλ ἀπὸ τοῦ αἰῶνοσ καὶ ἕωσ τοῦ αἰῶνοσ. καὶ ἐρεῖ πᾶσ ὁ λαόσ. ἀμήν. καὶ ᾔνεσαν τῷ Κυρίῳ. Καὶ κατέλιπον ἐκεῖ ἔναντι τῆσ κιβωτοῦ διαθήκησ Κυρίου τὸν Ἀσὰφ καὶ τοὺσ ἀδελφοὺσ αὐτοῦ τοῦ λειτουργεῖν ἐναντίον τῆσ κιβωτοῦ διαπαντὸσ τὸ τῆσ ἡμέρασ εἰσ ἡμέραν. καὶ Ἀβδεδὸμ καὶ οἱ ἀδελφοὶ αὐτοῦ, ἑξήκοντα καὶ ὀκτώ, καὶ Ἀβδεδὸμ υἱὸσ Ἰδιθοὺν καὶ Ὀσσὰ εἰσ πυλωρούσ. καὶ τὸν Σαδὼκ τὸν ἱερέα καὶ τοὺσ ἀδελφοὺσ αὐτοῦ τοὺσ ἱερεῖσ ἐναντίον τῆσ σκηνῆσ Κυρίου ἐν Βαμὰ τῇ ἐν Γαβαὼν τοῦ ἀναφέρειν ὁλοκαυτώματα τῷ Κυρίῳ ἐπὶ τοῦ θυσιαστηρίου τῶν ὁλοκαυτωμάτων διαπαντὸσ τὸ πρωί̈ καὶ τὸ ἑσπέρασ καὶ κατὰ πάντα τὰ γεγραμμένα ἐν νόμῳ Κυρίου ὅσα ἐνετείλατο ἐφ̓ υἱοῖσ Ἰσραὴλ ἐν χειρὶ Μωυσῆ τοῦ θεράποντοσ τοῦ Θεοῦ. καὶ μετ̓ αὐτοῦ Αἰμὰν καὶ Ἰδιθοὺν καὶ οἱ λοιποὶ ἐκλεγέντεσ ἐπ̓ ὀνόματοσ τοῦ αἰνεῖν τὸν Κύριον, ὅτι εἰσ τὸν αἰῶνα τὸ ἔλεοσ αὐτοῦ, καὶ μετ̓ αὐτῶν σάλπιγγεσ καὶ κύμβαλα τοῦ ἀναφωνεῖν καὶ ὄργανα τῶν ᾠδῶν τοῦ Θεοῦ, οἱ δὲ υἱοὶ Ἰδιθοὺν εἰσ τὴν πύλην. καὶ ἐπορεύθη πᾶσ ὁ λαὸσ ἕκαστοσ εἰσ τὸν οἶκον αὐτοῦ, καὶ ἐπέστρεψε Δαυὶδ τοῦ εὐλογῆσαι τὸν οἶκον αὐτοῦ.

목록

일치하는 문장이 없습니다.

SEARCH

MENU NAVIGATION