헬라어 문장 검색 - Σεπτύ013́015́

(70인역 성경, 역대기 상권 15:)

ΚΑΙ ἐποίησεν αὐτῷ οἰκίασ ἐν πόλει Δαυίδ, καὶ ἡτοίμασε τὸν τόπον τῇ κιβωτῷ τοῦ Θεοῦ καὶ ἐποίησεν αὐτῇ σκηνήν. τότε εἶπε Δαυίδ. οὐκ ἔστιν ἆραι τὴν κιβωτὸν τοῦ Θεοῦ, ἀλλ̓ ἢ τοὺσ Λευίτασ, ὅτι αὐτοὺσ ἐξελέξατο Κύριοσ αἴρειν τὴν κιβωτὸν Κυρίου καὶ λειτουργεῖν αὐτῷ ἕωσ αἰῶνοσ. καὶ ἐξεκκλησίασε Δαυὶδ τὸν πάντα Ἰσραὴλ ἐν Ἱερουσαλὴμ τοῦ ἀνενέγκαι τὴν κιβωτὸν Κυρίου εἰσ τὸν τόπον, ὃν ἡτοίμασεν αὐτῇ. καὶ συνήγαγε Δαυὶδ τοὺσ υἱοὺσ Ἀαρὼν τοὺσ Λευίτασ. τῶν υἱῶν Καάθ. Οὐριὴλ ὁ ἄρχων καὶ οἱ ἀδελφοὶ αὐτοῦ, ἑκατὸν εἴκοσι. τῶν υἱῶν Μεραρί. Ἀσαί̈α ὁ ἄρχων καὶ οἱ ἀδελφοὶ αὐτοῦ, διακόσιοι εἴκοσι. τῶν υἱῶν Γηρσάμ. Ἰωὴλ ὁ ἄρχων καὶ οἱ ἀδελφοὶ αὐτοῦ, ἑκατὸν τριάκοντα. τῶν υἱῶν Ἐλισαφάν. Σεμεί̈ ὁ ἄρχων καὶ οἱ ἀδελφοὶ αὐτοῦ, διακόσιοι. τῶν υἱῶν Χεβρών. Ἐλιὴλ ὁ ἄρχων καὶ οἱ ἀδελφοὶ αὐτοῦ, ὀγδοήκοντα. τῶν υἱῶν Ὀζιήλ. Ἀμιναδὰβ ὁ ἄρχων καὶ οἱ ἀδελφοὶ αὐτοῦ, ἑκατὸν δεκαδύο. καὶ ἐκάλεσε Δαυὶδ τὸν Σαδὼκ καὶ Ἀβιάθαρ, τοὺσ ἱερεῖσ, καὶ τοὺσ Λευίτασ, τὸν Οὐριήλ, Ἀσαί̈αν καὶ Ἰωὴλ καὶ Σαμαίαν καὶ Ἐλιὴλ καὶ Ἀμιναδάβ, καὶ εἶπεν αὐτοῖσ. ὑμεῖσ ἄρχοντεσ πατριῶν τῶν Λευιτῶν, ἁγνίσθητε ὑμεῖσ καὶ οἱ ἀδελφοὶ ὑμῶν καὶ ἀνοίσετε τὴν κιβωτὸν τοῦ Θεοῦ Ἰσραήλ, οὗ ἡτοίμασα αὐτῇ. ὅτι οὐκ ἐν τῷ πρότερον ὑμᾶσ εἶναι διέκοψεν ὁ Θεὸσ ἡμῶν ἐν ἡμῖν, ὅτι οὐκ ἐξεζητήσαμεν ἐν κρίματι. καὶ ἡγνίσθησαν οἱ ἱερεῖσ καὶ οἱ Λευῖται τοῦ ἀνενέγκαι τὴν κιβωτὸν Θεοῦ Ἰσραήλ. καὶ ἔλαβον οἱ υἱοὶ τῶν Λευιτῶν τὴν κιβωτὸν τοῦ Θεοῦ, ὡσ ἐνετείλατο Μωυσῆσ ἐν λόγῳ Θεοῦ κατὰ τὴν γραφήν, ἐν ἀναφορεῦσιν ἐπ̓ αὐτούσ. καὶ εἶπε Δαυὶδ τοῖσ ἄρχουσι τῶν Λευιτῶν. στήσατε τοὺσ ἀδελφοὺσ αὐτῶν τοὺσ ψαλτῳδοὺσ ἐν ὀργάνοισ, νάβλαισ, κινύραισ καὶ κυμβάλοισ τοῦ φωνῆσαι εἰσ ὕψοσ ἐν φωνῇ εὐφροσύνησ. καὶ ἔστησαν οἱ Λευῖται τὸν Αἰμὰν υἱὸν Ἰωήλ. ἐκ τῶν ἀδελφῶν αὐτοῦ Ἀσὰφ υἱὸσ Βαραχία. καὶ ἐκ τῶν υἱῶν Μεραρὶ ἀδελφῶν αὐτοῦ Αἰθὰν υἱὸσ Κισαίου. καὶ μετ̓ αὐτῶν οἱ ἀδελφοὶ αὐτῶν οἱ δεύτεροι Ζαχαρίασ καὶ Ὀζιὴλ καὶ Σεμιραμὼθ καὶ Ἰεϊὴλ καὶ Ἐλιωὴλ καὶ Ἐλιὰβ καὶ Βαναία καὶ Μαασαί̈α καὶ Ματταθία καὶ Ἐλιφαλία καὶ Μακενία καὶ Ἀβδεδὸμ καὶ Ἰεϊὴλ καὶ Ὀζίασ, οἱ πυλωροί. καὶ οἱ ψαλτῳδοί, Αἰμάν, Ἀσὰφ καὶ Αἰθὰν ἐν κυμβάλοισ χαλκοῖσ τοῦ ἀκουσθῆναι ποιῆσαι. Ζαχαρίασ καὶ Ὀζιήλ, Σεμιραμώθ, Ἰεϊήλ, Ὠνί, Ἐλιάβ, Μασαίασ, Βαναίασ ἐν νάβλαισ ἐπὶ ἀλαιμώθ. καὶ Ματταθίασ καὶ Ἐλιφαλίασ καὶ Μακενίασ καὶ Ἀβδεδὸμ καὶ Ἰεϊὴλ καὶ Ὀζίασ ἐν κινύραισ ἀμασενὶθ τοῦ ἐνισχῦσαι. καὶ Χωνενία ἄρχων τῶν Λευιτῶν ἄρχων τῶν ᾠδῶν, ὅτι συνετὸσ ἦν. καὶ Βαραχία καὶ Ἐλκανὰ πυλωροὶ τῆσ κιβωτοῦ. καὶ Σοβνία καὶ Ἰωσαφὰτ καὶ Ναθαναὴλ καὶ Ἀμασαί̈ καὶ Ζαχαρία καὶ Βαναί̈ καὶ Ἐλιέζερ οἱ ἱερεῖσ σαλπίζοντεσ ταῖσ σάλπιγξιν ἔμπροσθεν τῆσ κιβωτοῦ τοῦ Θεοῦ. καὶ Ἀβδεδὸμ καὶ Ἰεί̈α πυλωροὶ τῆσ κιβωτοῦ τοῦ Θεοῦ. καὶ ἦν Δαυὶδ καὶ οἱ πρεσβύτεροι Ἰσραὴλ καὶ οἱ χιλίαρχοι οἱ πορευόμενοι τοῦ ἀναγαγεῖν τὴν κιβωτὸν τῆσ διαθήκησ ἐξ οἴκου Ἀβδεδὸμ ἐν εὐφροσύνῃ. καὶ ἐγένετο ἐν τῷ κατισχῦσαι τὸν Θεὸν τοὺσ Λευίτασ αἴροντασ τὴν κιβωτὸν τῆσ διαθήκησ Κυρίου καὶ ἔθυσαν ἑπτὰ μόσχουσ καὶ ἑπτὰ κριούσ. καὶ Δαυὶδ περιεζωσμένοσ ἐν στολῇ βυσσίνῃ καὶ πάντεσ οἱ Λευῖται αἴροντεσ τὴν κιβωτὸν διαθήκησ Κυρίου καὶ οἱ ψαλτῳδοὶ καὶ Χωνενίασ ὁ ἄρχων τῶν ᾠδῶν τῶν ἆδόντων, καὶ ἐπὶ Δαυὶδ στολὴ βυσσίνη. καὶ πᾶσ Ἰσραὴλ ἀνάγοντεσ τὴν κιβωτὸν διαθήκησ Κυρίου ἐν σημασίᾳ καὶ ἐν φωνῇ σωφὲρ καὶ ἐν σάλπιγξι καὶ ἐν κυμβάλοισ, ἀναφωνοῦντεσ ἐν νάβλαισ καὶ ἐν κινύραισ. καὶ ἐγένετο ἡ κιβωτὸσ διαθήκησ Κυρίου καὶ ἦλθεν ἕωσ πόλεωσ Δαυίδ, καὶ Μελχὸλ ἡ θυγάτηρ Σαοὺλ παρέκυψε διὰ τῆσ θυρίδοσ καὶ εἶδε τὸν βασιλέα Δαυὶδ ὀρχούμενον καὶ παίζοντα, καὶ ἐξουδένωσεν αὐτὸν ἐν τῇ ψυχῇ αὐτῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Paralipomenon 15:

(70인역 성경, 역대기 상권 15:)

목록

SEARCH

MENU NAVIGATION