Septuagint, Liber I Paralipomenon 14:

(70인역 성경, 역대기 상권 14:)

ΚΑΙ ἀπέστειλε Χιρὰμ βασιλεὺσ Τύρου ἀγγέλουσ πρὸσ Δαυὶδ καὶ ξύλα κέδρινα καὶ οἰκοδόμουσ καὶ τέκτονασ ξύλων τοῦ οἰκοδομῆσαι αὐτῷ οἶκον. καὶ ἔγνω Δαυὶδ ὅτι ἡτοίμασεν αὐτὸν Κύριοσ εἰσ βασιλέα ἐπὶ Ἰσραήλ, ὅτι ηὐξήθη εἰσ ὕψοσ ἡ βασιλεία αὐτοῦ διὰ τὸν λαὸν αὐτοῦ Ἰσραήλ. Καὶ ἔλαβε Δαυὶδ ἔτι γυναῖκασ ἐν Ἱερουσαλήμ, καὶ ἐτέχθησαν Δαυὶδ ἔτι υἱοὶ καὶ θυγατέρεσ. καὶ ταῦτα τὰ ὀνόματα αὐτῶν τῶν τεχθέντων, οἳ ἦσαν αὐτῷ ἐν Ἱερουσαλήμ. Σαμαά, Σωβάβ, Νάθαν καὶ Σαλωμὼν καὶ Ἰβαὰρ καὶ Ἐλισαὲ καὶ Ἐλιφαλὲτ καὶ Ναγὲθ καὶ Ναφὰγ καὶ Ἰαφιὲ καὶ Ἐλισαμαὲ καὶ Ἐλιαδὲ καὶ Ἐλιφαλέτ. Καὶ ἤκουσαν ἀλλόφυλοι ὅτι ἐχρίσθη Δαυὶδ βασιλεὺσ ἐπὶ πάντα Ἰσραήλ, καὶ ἀνέβησαν πάντεσ οἱ ἀλλόφυλοι ζητῆσαι τὸν Δαυίδ. καὶ ἤκουσε Δαυὶδ καὶ ἐξῆλθεν εἰσ ἀπάντησιν αὐτοῖσ. καὶ ἀλλόφυλοι ἦλθον καὶ συνέπεσον ἐν τῇ κοιλάδι τῶν γιγάντων. καὶ ἐπηρώτησε Δαυὶδ διὰ τοῦ Θεοῦ λέγων. εἰ ἀναβῶ ἐπὶ τοὺσ ἀλλοφύλουσ καὶ δώσεισ αὐτοὺσ εἰσ τὰσ χεῖράσ μου̣ καὶ εἶπεν αὐτῷ Κύριοσ. ἀνάβηθι, καὶ δώσω αὐτοὺσ εἰσ τὰσ χεῖράσ σου. καὶ ἀνέβη εἰσ Βαὰλ Φαρασὶν καὶ ἐπάταξεν αὐτοὺσ ἐκεῖ Δαυίδ. καὶ εἶπε Δαυίδ. διέκοψεν ὁ Θεὸσ τοὺσ ἐχθρούσ μου ἐν χειρί μου ὡσ διακοπὴν ὕδατοσ. διὰ τοῦτο ἐκάλεσε τὸ ὄνομα τοῦ τόπου ἐκείνου Διακοπὴ Φαρασίν. καὶ ἐγκατέλιπον ἐκεῖ τοὺσ θεοὺσ αὐτῶν οἱ ἀλλόφυλοι, καὶ εἶπε Δαυὶδ κατακαῦσαι αὐτοὺσ ἐν πυρί. καὶ προσέθεντο ἔτι ἀλλόφυλοι καὶ συνέπεσαν ἔτι ἐν τῇ κοιλάδι τῶν γιγάντων. καὶ ἠρώτησε Δαυὶδ ἔτι ἐν Θεῷ, καὶ εἶπεν αὐτῷ ὁ Θεόσ. οὐ πορεύσῃ ὀπίσω αὐτῶν, ἀποστρέφου ἀπ̓ αὐτῶν καὶ παρέσῃ αὐτοῖσ πλησίον τῶν ἀπίων. καὶ ἔσται ἐν τῷ ἀκοῦσαί σε τὴν φωνὴν τοῦ συσσεισμοῦ τῶν ἄκρων τῶν ἀπίων, τότε εἰσελεύσῃ εἰσ τὸν πόλεμον, ὅτι ἐξῆλθεν ὁ Θεὸσ ἔμπροσθέν σου τοῦ πατάξαι τὴν παρεμβολὴν τῶν ἀλλοφύλων. καὶ ἐποίησε καθὼσ ἐνετείλατο αὐτῷ ὁ Θεόσ, καὶ ἐπάταξε τὴν παρεμβολὴν τῶν ἀλλοφύλων ἀπὸ Γαβαὼν ἕωσ Γαζηρά. καὶ ἐγένετο ὄνομα Δαυὶδ ἐν πάσῃ τῇ γῇ, καὶ Κύριοσ ἔδωκε τὸν φόβον αὐτοῦ ἐπὶ πάντα τὰ ἔθνη.

목록

일치하는 문장이 없습니다.

SEARCH

MENU NAVIGATION