Septuagint, Liber I Paralipomenon 12:

(70인역 성경, 역대기 상권 12:)

ΚΑΙ οὗτοι οἱ ἐλθόντεσ πρὸσ Δαυὶδ εἰσ Σικελάγ, ἔτι συνεχομένου ἀπὸ προσώπου Σαοὺλ υἱοῦ Κίσ, καὶ οὗτοι ἐν τοῖσ δυνατοῖσ βοηθοῦντεσ ἐν πολέμῳ καὶ τόξῳ ἐκ δεξιῶν καὶ ἐξ ἀριστερῶν καὶ σφενδονῆται ἐν λίθοισ καὶ τόξοισ. ἐκ τῶν ἀδελφῶν Σαοὺλ ἐκ Βενιαμίν. ὁ ἄρχων Ἀχιέζερ καὶ Ἰωὰσ υἱὸσ Ἀσμὰ τοῦ Γαβαθίτου καὶ Ἰωὴλ καὶ Ἰωφαλὴτ υἱοὶ Ἀσμὼθ καὶ Βερχία καὶ Ἰηοὺλ ὁ Ἀναθωθὶ καὶ Σαμαί̈ασ ὁ Γαβαωνίτησ δυνατὸσ ἐν τοῖσ τριάκοντα καὶ ἐπὶ τῶν τριάκοντα Ἱερεμία καὶ Ἰεζιὴλ καὶ Ἰωανὰν καὶ Ἰωζαβὰθ ὁ Γαδαραθιίμ, Ἀζαί̈ καὶ Ἰαριμοὺθ καὶ Βααλιὰ καὶ Σαμαραί̈α καὶ Σαφατίασ ὁ Χαραιφιήλ, Ἡλκανὰ καὶ Ἰησουνὶ καὶ Ὀζριὴλ καὶ Ἰωζαρὰ καὶ Σοβοκὰμ καὶ οἱ Κορῖται καὶ Ἰελία καὶ Ζαβαδία υἱοὶ Ἰραὰμ καὶ οἱ τοῦ Γεδώρ. καὶ ἀπὸ τοῦ Γαδδὶ ἐχωρίσθησαν πρὸσ Δαυὶδ ἀπὸ τῆσ ἐρήμου ἰσχυροὶ δυνατοὶ ἄνδρεσ παρατάξεωσ πολέμου αἴροντεσ θυρεοὺσ καὶ δόρατα, καὶ πρόσωπον λέοντοσ τὰ πρόσωπα αὐτῶν, καὶ κοῦφοι ὡσ δορκάδεσ ἐπὶ τῶν ὀρέων τῷ τάχει. Ἀζὲρ ὁ ἄρχων, Ἀβδία ὁ δεύτεροσ, Ἐλιὰβ ὁ τρίτοσ, Μασμανὰ ὁ τέταρτοσ, Ἱερμιὰ ὁ πέμπτοσ, Ἰεθὶ ὁ ἕκτοσ, Ἐλιὰβ ὁ ἕβδομοσ, Ἰωανὰν ὁ ὄγδοοσ, Ἐλιαζὲρ ὁ ἔνατοσ, Ἱερμιὰ ὁ δέκατοσ, Μελχαβαναὶ ὁ ἑνδέκατοσ. οὗτοι ἐκ τῶν υἱῶν Γὰδ ἄρχοντεσ τῆσ στρατιᾶσ, εἷσ τοῖσ ἑκατὸν μικρὸσ καὶ μέγασ τοῖσ χιλίοισ. οὗτοι οἱ διαβάντεσ τὸν Ἰορδάνην ἐν τῷ μηνὶ τῷ πρώτῳ, καὶ οὗτοσ πεπληρωκὼσ ἐπὶ πᾶσαν κρηπῖδα αὐτοῦ, καὶ ἐξεδίωξαν πάντασ τοὺσ κατοικοῦντασ αὐλῶνασ ἀπὸ ἀνατολῶν ἕωσ δυσμῶν. καὶ ἦλθον ἀπὸ τῶν υἱῶν Βενιαμὶν καὶ Ἰούδα εἰσ βοήθειαν τοῦ Δαυίδ, καὶ Δαυὶδ ἐξῆλθεν εἰσ ἀπάντησιν αὐτῶν καὶ εἶπεν αὐτοῖσ. εἰ εἰσ εἰρήνην ἥκατε πρόσ με, εἴη μοι καρδία καθ̓ ἑαυτὴν ἐφ̓ ὑμᾶσ. καὶ εἰ τοῦ παραδοῦναί με τοῖσ ἐχθροῖσ μου οὐκ ἐν ἀληθείᾳ χειρόσ, ἴδοι ὁ Θεὸσ τῶν πατέρων ὑμῶν καὶ ἐλέγξαιτο. καὶ πνεῦμα ἐνέδυσε τὸν Ἀμασαὶ ἄρχοντα τῶν τριάκοντα, καὶ εἶπε. πορεύου καὶ ὁ λαόσ σου Δαυὶδ υἱὸσ Ἰεσσαί. εἰρήνη εἰρήνη σοι, καὶ εἰρήνη τοῖσ βοηθοῖσ σου, ὅτι ἐβοήθησέ σοι ὁ Θεὸσ σου. καὶ προσεδέξατο αὐτοὺσ Δαυὶδ καὶ κατέστησεν αὐτοὺσ ἄρχοντασ τῶν δυνάμεων. καὶ ἀπὸ Μανασσῆ προσεχώρησαν πρὸσ Δαυὶδ ἐν τῷ ἐλθεῖν τοὺσ ἀλλοφύλουσ ἐπὶ Σαοὺλ εἰσ πόλεμον. καὶ οὐκ ἐβοήθησεν αὐτοῖσ, ὅτι ἐν βουλῇ ἐγένετο παρὰ τῶν στρατηγῶν τῶν ἀλλοφύλων λεγόντων. ἐν ταῖσ κεφαλαῖσ τῶν ἀνδρῶν ἐκείνων ἐπιστρέψει πρὸσ κύριον αὐτοῦ Σαούλ. ἐν τῷ πορευθῆναι τὸν Δαυὶδ εἰσ Σικελὰγ προσεχώρησαν αὐτῷ ἀπὸ Μανασσῆ Ἐδνὰ καὶ Ἰωζαβὰθ καὶ Ρωδιὴλ καὶ Μιχαὴλ καὶ Ἰωσαβαὶθ καὶ Ἐλιμοὺθ καὶ Σεμαθί, ἀρχηγοὶ χιλιάδων εἰσὶ τοῦ Μανασσῆ. καὶ αὐτοὶ συνεμάχησαν τῷ Δαυὶδ ἐπὶ τὸν γεδδούρ, ὅτι δυνατοὶ ἰσχύοσ πάντεσ καὶ ἦσαν ἡγούμενοι ἐν τῇ στρατιᾷ ἐν τῇ δυνάμει. ὅτι ἡμέραν ἐξ ἡμέρασ ἤρχοντο πρὸσ Δαυὶδ εἰσ δύναμιν μεγάλην ὡσ δύναμισ τοῦ Θεοῦ. καὶ ταῦτα τὰ ὀνόματα τῶν ἀρχόντων τῆσ στρατιᾶσ, οἱ ἐλθόντεσ πρὸσ Δαυὶδ εἰσ Χεβρὼν τοῦ ἀποστρέψαι τὴν βασιλείαν Σαοὺλ πρὸσ αὐτὸν κατὰ τὸν λόγον Κυρίου. υἱοὶ Ἰούδα θυρεοφόροι καὶ δορατοφόροι ἓξ χιλιάδεσ καὶ ὀκτακόσιοι δυνατοὶ παρατάξεωσ. τῶν υἱῶν Συμεὼν δυνατοὶ ἰσχύοσ εἰσ παράταξιν ἑπτὰ χιλιάδεσ καὶ ἑκατόν. τῶν υἱῶν Λευὶ τετρακισχίλιοι καὶ ἑξακόσιοι. καὶ Ἰωδαὲ ὁ ἡγούμενοσ τῷ Ἀαρὼν καὶ μετ̓ αὐτοῦ τρεῖσ χιλιάδεσ καὶ ἑπτακόσιοι. καὶ Σαδὼκ νέοσ δυνατὸσ ἰσχύϊ καὶ τῆσ πατρικῆσ οἰκίασ αὐτοῦ ἄρχοντεσ εἰκοσιδύο. καὶ τῶν υἱῶν Βενιαμὶν τῶν ἀδελφῶν Σαοὺλ τρεῖσ χιλιάδεσ. καὶ ἔτι τὸ πλεῖστον αὐτῶν ἀπεσκόπει τὴν φυλακὴν οἴκου Σαούλ. καὶ ἀπὸ υἱῶν Ἐφραὶμ εἴκοσι χιλιάδεσ καὶ ὀκτακόσιοι, δυνατοὶ ἰσχύϊ, ἄνδρεσ ὀνομαστοὶ κατ̓ οἴκουσ πατριῶν αὐτῶν. καὶ ἀπὸ τοῦ ἡμίσουσ φυλῆσ Μανασσῆ δεκαοκτὼ χιλιάδεσ, οἳ ὠνομάσθησαν ἐν ὀνόματι τοῦ βασιλεῦσαι τὸν Δαυίδ. καὶ ἀπὸ τῶν υἱῶν Ἰσσάχαρ γινώσκοντεσ σύνεσιν εἰσ τοὺσ καιρούσ, γινώσκοντεσ τί ποιήσαι Ἰσραὴλ εἰσ τὰσ ἀρχὰσ αὐτῶν, διακόσιοι, καὶ πάντεσ ἀδελφοὶ αὐτῶν μετ̓ αὐτῶν. καὶ ἀπὸ Ζαβουλὼν ἐκπορευόμενοι εἰσ παράταξιν πολέμου ἐν πᾶσι σκεύεσι πολεμικοῖσ πεντήκοντα χιλιάδεσ βοηθῆσαι τῷ Δαυὶδ οὐ χεροκένωσ. καὶ ἀπὸ Νεφθαλὶ ἄρχοντεσ χίλιοι καὶ μετ̓ αὐτῶν ἐν θυρεοῖσ καὶ δόρασι τριακονταεπτὰ χιλιάδεσ. καὶ ἀπὸ τῶν Δανιτῶν παρατασσόμενοι εἰσ πόλεμον εἰκοσιοκτὼ χιλιάδεσ καὶ ὀκτακόσιοι. καὶ ἀπὸ τοῦ Ἀσὴρ ἐκπορευόμενοι βοηθῆσαι εἰσ πόλεμον τεσσαράκοντα χιλιάδεσ. καὶ ἐκ πέραν τοῦ Ἰορδάνου ἀπὸ Ρουβὴν καὶ Γαδδὶ καὶ ἀπὸ τοῦ ἡμίσουσ φυλῆσ Μανασσῆ ἐν πᾶσι σκεύεσι πολεμικοῖσ ἑκατὸν εἴκοσι χιλιάδεσ. πάντεσ οὗτοι ἄνδρεσ πολεμισταὶ παρατασσόμενοι παράταξιν ἐν ψυχῇ εἰρηνικῇ καὶ ἦλθον εἰσ Χεβρὼν τοῦ βασιλεῦσαι τὸν Δαυὶδ ἐπὶ πάντα Ἰσραήλ. καὶ ὁ κατάλοιποσ Ἰσραὴλ ψυχὴ μία τοῦ βασιλεῦσαι τὸν Δαυίδ. καὶ ἦσαν ἐκεῖ ἡμέρασ τρεῖσ ἐσθίοντεσ καὶ πίνοντεσ, ὅτι ἡτοίμασαν οἰ ἀδελφοὶ αὐτῶν. καὶ οἱ ὁμοροῦντεσ αὐτοῖσ ἕωσ Ἰσσάχαρ καὶ Ζαβουλὼν καὶ Νεφθαλὶ ἔφερον αὐτοῖσ ἐπὶ τῶν καμήλων καὶ τῶν ὄνων καὶ τῶν ἡμιόνων καὶ ἐπὶ τῶν μόσχων βρώματα, ἄλευρα, παλάθασ, σταφίδασ, οἶνον καὶ ἔλαιον, μόσχουσ καὶ πρόβατα εἰσ πλῆθοσ, ὅτι εὐφροσύνη ἐν Ἰσραήλ.

목록

일치하는 문장이 없습니다.

SEARCH

MENU NAVIGATION