Septuagint, Liber I Paralipomenon 5:

(70인역 성경, 역대기 상권 5:)

ΚΑΙ υἱοὶ Ρουβὴν πρωτοτόκου Ἰσραήλ, ὅτι οὖτοσ ὁ πρωτότοκοσ, καὶ ἐν τῷ ἀναβῆναι ἐπὶ τὴν κοίτην τοῦ πατρὸσ αὐτοῦ ἔδωκε τὴν εὐλογίαν αὐτοῦ τῷ υἱῷ αὐτοῦ Ἰωσὴφ υἱῷ Ἰσραήλ, καὶ οὐκ ἐγενεαλογήθη εἰσ πρωτοτόκια. ὅτι Ἰούδασ δυνατὸσ ἰσχύϊ καὶ ἐν τοῖσ ἀδελφοῖσ αὐτοῦ καὶ εἰσ ἡγούμενον ἐξ αὐτοῦ, καὶ ἡ εὐλογία τοῦ Ἰωσήφ. υἱοὶ Ρουβὴν πρωτοτόκου Ἰσραήλ. Ἐνὼχ καὶ Φαλλούσ, Ἀσρὼμ καὶ Χαρμί. υἱοὶ Ἰωήλ. Σεμεί̈ καὶ Βαναία υἱὸσ αὐτοῦ. καὶ υἱοὶ Γοὺγ υἱοῦ Σεμεί̈. υἱὸσ αὐτοῦ Μιχά, υἱὸσ αὐτοῦ Ρηχά, υἱὸσ αὐτοῦ Ἰωήλ, υἱὸσ αὐτοῦ Βεήλ, ὃν μετῴκισε Θαγλαθφαλλασὰρ βασιλεὺσ Ἀσσούρ. οὗτοσ ἄρχων τῶν Ρουβήν. καὶ ἀδελφοὶ αὐτοῦ τῇ πατρίδι αὐτοῦ ἐν τοῖσ καταλοχισμοῖσ αὐτῶν κατὰ γενέσεισ αὐτῶν. ὁ ἄρχων Ἰωὴλ καὶ Ζαχαρία καὶ Βαλὲκ υἱὸσ Ἀζοὺζ υἱὸσ Σαμά, υἱὸσ Ἰωήλ. οὗτοσ κατῴκησεν ἐν Ἀροὴρ καὶ ἐπὶ Ναβαῦ, καὶ Βελμασσὼν καὶ πρὸσ ἀνατολὰσ κατῴκησεν ἕωσ ἐρχομένων τῆσ ἐρήμου, ἀπὸ τοῦ ποταμοῦ Εὐφράτου, ὅτι κτήνη αὐτῶν πολλὰ ἐν γῇ Γαλαάδ. καὶ ἐν ἡμέραισ Σαοὺλ ἐποίησαν πόλεμον πρὸσ τοὺσ παροίκουσ, καὶ ἔπεσον ἐν χερσὶν αὐτῶν κατοικοῦντεσ ἐν σκηναῖσ αὐτῶν πάντεσ κατ̓ ἀνατολὰσ τῆσ Γαλαάδ. υἱοὶ Γὰδ κατέναντι αὐτῶν κατῴκησαν ἐν γῇ Βασὰν ἕωσ Σελχά. Ἰωὴλ πρωτότοκοσ καὶ Σαφὰμ ὁ δεύτεροσ, καὶ Ἰανὶν ὁ γραμματεὺσ ἐν Βασάν. καὶ οἱ ἀδελφοὶ αὐτῶν κατ̓ οἴκουσ πατριῶν αὐτῶν. Μιχαήλ, Μοσολλὰμ καὶ Σεβεὲ καὶ Ἰωρεὲ καὶ Ἰωαχὰν καὶ Ζουέ, καὶ Ὠβήδ, ἑπτά. οὗτοι υἱοὶ Ἀβιχαία υἱοῦ Οὐρὶ υἱοῦ Ἰδαί̈ υἱοῦ Γαλαὰδ υἱοῦ Μιχαὴλ υἱοῦ Ἰεσαί̈ υἱοῦ Ἰεδδαί̈ υἱοῦ Ζαβουχὰμ ἀδελφοῦ υἱοῦ Ἀβδιὴλ υἱοῦ Γουνί. ἄρχων οἴκου πατριῶν. κατῴκουν ἐν Γαλαάδ, ἐν Βασὰν καὶ ἐν ταῖσ κώμαισ. αὐτῶν καὶ πάντα τὰ περίχωρα Σαρὼν ἕωσ ἐξόδου. πάντων ὁ καταλοχισμὸσ ἐν ἡμέραισ Ἰωάθαμ βασιλέωσ Ἰούδα καὶ ἐν ἡμέραισ Ἱεροβοὰμ βασιλέωσ Ἰσραήλ. υἱοὶ Ρουβὴν καὶ Γὰδ καὶ ἥμισυ φυλῆσ Μανασσῆ ἐξ υἱῶν δυνάμεωσ, ἄνδρεσ αἴροντεσ ἀσπίδασ καὶ μάχαιραν καὶ τείνοντεσ τόξον καὶ δεδιδαγμένοι πόλεμον, τεσσαράκοντα καὶ τέσσαρεσ χιλιάδεσ καὶ ἑπτακόσιοι καὶ ἑξήκοντα ἐκπορευόμενοι εἰσ παράταξιν. καὶ ἐποίουν πόλεμον μετὰ τῶν Ἀγαρηνῶν καὶ Ἰτουραίων καὶ Ναφισαίων καὶ Ναδαβαίων καὶ κατίσχυσαν ἐπ̓ αὐτῶν, καὶ ἐδόθησαν εἰσ χεῖρασ αὐτῶν οἱ Ἀγαραῖοι καὶ πάντα τὰ σκηνώματα αὐτῶν, ὅτι πρὸσ τὸν Θεὸν ἐβόησαν ἐν τῷ πολέμῳ, καὶ ἐπήκουσεν αὐτοῖσ, ὅτι ἤλπισαν ἐπ̓ αὐτόν. καὶ ᾐχμαλώτευσαν τὴν ἀποσκευὴν αὐτῶν, καμήλουσ πεντακισχιλίασ καὶ προβάτων διακοσίασ πεντήκοντα χιλιάδασ, ὄνουσ δισχιλίουσ καὶ ψυχὰσ ἀνδρῶν ἑκατὸν χιλιάδασ. ὅτι τραυματίαι πολλοὶ ἔπεσον, ὅτι παρὰ τοῦ Θεοῦ ὁ πόλεμοσ. καὶ κατῴκησαν ἀντ̓ αὐτῶν ἕωσ τῆσ μετοικεσίασ. καὶ ἡμίσεισ φυλῆσ Μανασσῆ κατῴκησαν ἐν τῇ γῇ ἀπὸ Βασὰν ἕωσ Βαὰλ Ἐρμὼν καὶ Σανὶρ καὶ ὄροσ Ἀερμών. καὶ ἐν τῷ Λιβάνῳ αὐτοὶ ἐπλεονάσθησαν. καὶ οὗτοι ἀρχηγοὶ οἴκου πατριῶν αὐτῶν. Ὀφὲρ καὶ Σεί̈ καὶ Ἐλιὴλ καὶ Ἱερμία καὶ Ὠδουί̈α καὶ Ἰεδιήλ, ἄνδρεσ ἰσχυροὶ δυνάμει, ἄνδρεσ ὀνομαστοί, ἄρχοντεσ τῶν οἴκων πατριῶν αὐτῶν. καὶ ἠθέτησαν ἐν Θεῷ πατέρων αὐτῶν καὶ ἐπόρνευσαν ὀπίσω θεῶν τῶν λαῶν τῆσ γῆσ, οὓσ ἐξῇρεν ὁ Θεὸσ ἀπὸ προσώπου αὐτῶν. καὶ ἐπήγειρεν ὁ Θεὸσ Ἰσραὴλ τὸ πνεῦμα Φαλὼχ βασιλέωσ Ἀσσοὺρ καὶ τὸ πνεῦμα Θαγλαθφαλλασὰρ βασιλέωσ Ἀσσούρ, καὶ μετῴκισε τὸν Ρουβὴν καὶ τὸν Γαδδὶ καὶ τὸ ἥμισυ φυλῆσ Μανασσῆ καὶ ἤγαγεν αὐτοὺσ εἰσ Χαλὰχ καὶ Χαβὼρ καὶ ἐπὶ ποταμὸν Γωζὰν ἕωσ τῆσ ἡμέρασ ταύτησ. Υἱοὶ Λευί. Γεδσών, Καὰθ καὶ Μεραρί. καὶ υἱοὶ Καάθ. Ἄμβραμ καὶ Ἰσσάαρ, Χεβρὼν καὶ Ὀζιήλ. καὶ υἱοὶ Ἄμβραμ. Ἀαρὼν καὶ Μωυσῆσ καὶ Μαριάμ. καὶ υἱοὶ Ἀαρών. Ναδὰβ καὶ Ἀβιούδ, Ἐλεάζαρ καὶ Ἰθάμαρ. Ἐλεάζαρ ἐγέννησε τὸν Φινεέσ, Φινεὲσ ἐγέννησε τὸν Ἀβισού, Ἀβισοὺ ἐγέννησε τὸν Βωκαί̈, Βωκαί̈ ἐγέννησε τὸν Ὀζί, Ὀζὶ ἐγέννησε τὸν Ζαραία, Ζαραία ἐγέννησε τὸν Μαριὴλ καὶ Μαριὴλ ἐγέννησε τὸν Ἀμαρία, καὶ Ἀμαρία ἐγέννησε τὸν Ἀχιτώβ, καὶ Ἀχιτὼβ ἐγέννησε τὸν Σαδώκ, καὶ Σαδὼκ ἐγέννησε τὸν Ἀχιμάασ, καὶ Ἀχιμάασ ἐγέννησε τὸν Ἀζαρίαν, καὶ Ἀζαρίασ ἐγέννησε τὸν Ἰωανάν, καὶ Ἰωανὰν ἐγέννησε τὸν Ἀζαρίαν. οὗτοσ ἱεράτευσεν ἐν τῷ οἴκῳ, ᾧ ᾠκοδόμησε Σαλωμὼν ἐν Ἱερουσαλήμ. καὶ ἐγέννησεν Ἀζαρίασ τὸν Ἀμαρία, καὶ Ἀμαρία ἐγέννησε τὸν Ἀχιτώβ, καὶ Ἀχιτὼβ ἐγέννησε τὸν Σαδώκ, καὶ Σαδὼκ ἐγέννησε τὸν Σαλώμ, καὶ Σαλὼμ ἐγέννησε τὸν Χελκίαν, καὶ Χελκίασ ἐγέννησε τὸν Ἀζαρίαν, καὶ Ἀζαρίασ ἐγέννησε τὸν Σαραία, καὶ Σαραίασ ἐγέννησε τὸν Ἰωσαδάκ, καὶ Ἰωσαδὰκ ἐπορεύθη ἐν τῇ μετοικεσίᾳ μετὰ Ἰούδα καὶ Ἱερουσαλὴμ ἐν χειρὶ Ναβουχοδονόσορ.

목록

일치하는 문장이 없습니다.

SEARCH

MENU NAVIGATION