Septuagint, Liber II Regum 23:

(70인역 성경, 열왕기 하권 23:)

ΚΑΙ ἀπέστειλεν ὁ βασιλεὺσ καὶ συνήγαγε πρὸσ ἑαυτὸν πάντασ τοὺσ πρεσβυτέρουσ Ἰούδα καὶ Ἱερουσαλήμ. καὶ ἀνέβη ὁ βασιλεὺσ εἰσ οἶκον Κυρίου καὶ πᾶσ ἀνὴρ Ἰούδα καὶ πάντεσ οἱ κατοικοῦντεσ ἐν Ἱερουσαλὴμ μετ̓ αὐτοῦ καὶ οἱ ἱερεῖσ καὶ οἱ προφῆται καὶ πᾶσ ὁ λαὸσ ἀπὸ μικροῦ καὶ ἕωσ μεγάλου, καὶ ἀνέγνω ἐν ὠσὶν αὐτῶν πάντασ τοὺσ λόγουσ τοῦ βιβλίου τῆσ διαθήκησ τοῦ εὑρεθέντοσ ἐν οἴκῳ Κυρίου. καὶ ἔστη ὁ βασιλεὺσ πρὸσ τὸν στύλον καὶ διέθετο διαθήκην ἐνώπιον Κυρίου τοῦ πορεύεσθαι ὀπίσω Κυρίου καὶ τοῦ φυλάσσειν τὰσ ἐντολὰσ αὐτοῦ καὶ τὰ μαρτύρια αὐτοῦ καὶ τὰ δικαιώματα αὐτοῦ ἐν πάσῃ καρδίᾳ καὶ ἐν πάσῃ ψυχῇ τοῦ ἀναστῆσαι τοὺσ λόγουσ τῆσ διαθήκησ ταύτησ, τὰ γεγραμμένα ἐπὶ τὸ βιβλίον τοῦτο. καὶ ἔστη πᾶσ ὁ λαὸσ ἐν τῇ διαθήκῃ. καὶ ἐνετείλατο ὁ βασιλεὺσ τῷ Χελκίᾳ τῷ ἱερεῖ τῷ μεγάλῳ καὶ τοῖσ ἱερεῦσι τῆσ δευτερώσεωσ καὶ τοῖσ φυλάσσουσιν τὸν σταθμὸν τοῦ ἐξαγαγεῖν ἐκ τοῦ ναοῦ Κυρίου πάντα τὰ σκεύη τὰ πεποιημένα τῷ Βάαλ καὶ τῷ ἄλσει καὶ πάσῃ τῇ δυνάμει τοῦ οὐρανοῦ καὶ κατέκαυσεν αὐτὰ ἔξω Ἱερουσαλὴμ ἐν σαδημὼθ Κέδρων καὶ ἔβαλε τὸν χοῦν αὐτῶν εἰσ Βαιθήλ. καὶ κατέκαυσε τοὺσ χωμαρίμ, οὓσ ἔδωκαν βασιλεῖσ Ἰούδα καὶ ἐθυμίων ἐν τοῖσ ὑψηλοῖσ καὶ ἐν ταῖσ πόλεσιν Ἰούδα καὶ τοῖσ περικύκλῳ Ἱερουσαλήμ, καὶ τοὺσ θυμιῶντασ τῷ Βάαλ καὶ τῷ ἡλίῳ καὶ τῇ σελήνῃ καὶ τοῖσ μαζουρὼθ καὶ πάσῃ τῇ δυνάμει τοῦ οὐρανοῦ. καὶ ἐξήνεγκε τὸ ἄλσοσ ἐξ οἴκου Κυρίου ἔξωθεν Ἱερουσαλὴμ εἰσ τὸν χειμάρρουν Κέδρων καὶ κατέκαυσεν αὐτὸν ἐν τῷ χειμάρρῳ Κέδρων καὶ ἐλέπτυνεν εἰσ χοῦν καὶ ἔρριψεν τὸν χοῦν αὐτοῦ εἰσ τὸν τάφον τῶν υἱῶν τοῦ λαοῦ. καὶ καθεῖλε τὸν οἶκον τῶν καδησὶμ τῶν ἐν τῷ οἴκῳ Κυρίου, οὗ αἱ γυναῖκεσ ὕφαινον ἐκεῖ Χεττιί̈μ τῷ ἄλσει. καὶ ἀνήγαγε πάντασ τοὺσ ἱερεῖσ ἐκ πόλεων Ἰούδα καὶ ἐμίανε τὰ ὑψηλά, οὗ ἐθυμίασαν ἐκεῖ οἱ ἱερεῖσ ἀπὸ Γαβαὰ καὶ ἕωσ Βηρσαβεέ. καὶ καθεῖλε τὸν οἶκον τῶν πυλῶν τὸν παρὰ τὴν θύραν τῆσ πύλησ Ἰησοῦ ἄρχοντοσ τῆσ πόλεωσ, τῶν ἐξ ἀριστερῶν ἀνδρὸσ ἐν τῇ πύλῃ τῆσ πόλεωσ. πλὴν οὐκ ἀνέβησαν οἱ ἱερεῖσ τῶν ὑψηλῶν πρὸσ τὸ θυσιαστήριον Κυρίου ἐν Ἱερουσαλήμ, ὅτι εἰ μὴ ἔφαγον ἄζυμα ἐν μέσῳ τῶν ἀδελφῶν αὐτῶν. καὶ ἐμίανε τὸν Ταφὲθ τὸν ἐν φάραγγι υἱοῦ Ἐννὸμ τοῦ διαγαγεῖν ἄνδρα τὸν υἱὸν αὐτοῦ καὶ ἄνδρα τὴν θυγατέρα αὐτοῦ τῷ Μολὸχ ἐν πυρί. καὶ κατέκαυσε τοὺσ ἵππουσ, οὓσ ἔδωκαν βασιλεῖσ Ἰούδα τῷ ἡλίῳ ἐν τῇ εἰσόδῳ οἴκου Κυρίου εἰσ τὸ γαζοφυλάκιον Νάθαν βασιλέωσ τοῦ εὐνούχου ἐν φαρουρίμ, καὶ τὸ ἅρμα τοῦ ἡλίου κατέκαυσε πυρί. καὶ τὰ θυσιαστήρια τὰ ἐπὶ τοῦ δώματοσ τοῦ ὑπερῴου Ἄχαζ, ἃ ἐποίησαν βασιλεῖσ Ἰούδα, καὶ τὰ θυσιαστήρια, ἃ ἐποίησε Μανασσῆσ ἐν ταῖσ δυσὶν αὐλαῖσ οἴκου Κυρίου, καθεῖλεν ὁ βασιλεὺσ καὶ κατέσπασεν ἐκεῖθεν καὶ ἔρριψε τὸν χοῦν αὐτῶν εἰσ τὸν χειμάρρουν Κέδρων. καὶ τὸν οἶκον τὸν ἐπὶ πρόσωπον Ἱερουσαλὴμ τὸν ἐκ δεξιῶν τοῦ ὄρουσ τοῦ Μοσοάθ, ὃν ᾠκοδόμησε Σαλωμὼν βασιλεὺσ Ἰσραὴλ τῇ Ἀστάρτῃ προσοχθίσματι Σιδωνίων καὶ τῷ Χαμὼσ προσοχθίσματι Μωὰβ καὶ τῷ Μολχὸλ βδελύγματι υἱῶν Ἀμών, ἐμίανεν ὁ βασιλεύσ. καὶ συνέτριψε τὰσ στήλασ καὶ ἐξωλόθρευσε τὰ ἄλση καὶ ἔπλησε τοὺσ τόπουσ αὐτῶν ὀστέων ἀνθρώπων. καί γε τὸ θυσιαστήριον τὸ ἐν Βαιθὴλ τὸ ὑψηλόν, ὃ ἐποίησεν Ἱεροβοὰμ υἱὸσ Ναβάτ, ὃσ ἐξήμαρτε τὸν Ἰσραήλ, καί γε τὸ θυσιαστήριον ἐκεῖνο τὸ ὑψηλὸν κατέσπασε καὶ συνέτριψε τοὺσ λίθουσ αὐτοῦ καὶ ἐλέπτυνεν εἰσ χοῦν καὶ κατέκαυσε τὸ ἄλσοσ. καὶ ἐξένευσεν Ἰωσίασ καὶ εἶδε τοὺσ τάφουσ τοὺσ ἐκεῖ ἐν τῇ πόλει καὶ ἀπέστειλε καὶ ἔλαβε τὰ ὀστᾶ ἐκ τῶν τάφων καὶ κατέκαυσεν ἐπὶ τὸ θυσιαστήριον καὶ ἐμίανεν αὐτὸ κατὰ τὸ ρῆμα Κυρίου, ὃ ἐλάλησεν ὁ ἄνθρωποσ τοῦ Θεοῦ ἐν τῷ ἑστάναι Ἱεροβοὰμ ἐν τῇ ἑορτῇ ἐπὶ τὸ θυσιαστήριον. καὶ ἐπιστρέψασ ᾖρε τοὺσ ὀφθαλμοὺσ αὐτοῦ ἐπὶ τὸν τάφον τοῦ ἀνθρώπου τοῦ Θεοῦ τοῦ λαλήσαντοσ τοὺσ λόγουσ τούτους καὶ εἶπε. τί τὸ σκόπελον ἐκεῖνο, ὃ ἐγὼ ὁρῶ̣ καὶ εἶπον αὐτῷ οἱ ἄνδρεσ τῆσ πόλεωσ. ὁ ἄνθρωποσ τοῦ Θεοῦ ὁ ἐξεληλυθὼσ ἐξ Ἰούδα καὶ ἐπικαλεσάμενοσ τοὺσ λόγουσ τούτουσ, οὓσ ἐπεκαλέσατο ἐπὶ τὸ θυσιαστήριον Βαιθήλ. καὶ εἶπεν. ἄφετε αὐτόν, ἀνὴρ μὴ κινησάτωσαν τὰ ὀστᾶ αὐτοῦ. καὶ ἐρρύσθησαν τὰ ὀστᾶ αὐτοῦ μετὰ τῶν ὀστῶν τοῦ προφήτου τοῦ ἥκοντοσ ἐκ Σαμαρείασ. καί γε πάντασ τοὺσ οἴκουσ τῶν ὑψηλῶν τοὺσ ἐν ταῖσ πόλεσι Σαμαρείασ, οὓσ ἐποίησαν βασιλεῖσ Ἰσραὴλ παροργίζειν Κύριον, ἀπέστησεν Ἰωσίασ καὶ ἐποίησεν ἐν αὐτοῖσ πάντα τὰ ἔργα, ἃ ἐποίησεν ἐν Βαιθήλ. καὶ ἐθυσίασε πάντασ τοὺσ ἱερεῖσ τῶν ὑψηλῶν τοὺσ ὄντασ ἐκεῖ ἐπὶ τῶν θυσιαστηρίων καὶ κατέκαυσε τὰ ὀστᾶ τῶν ἀνθρώπων ἐπ̓ αὐτά, καὶ ἐπεστράφη εἰσ Ἱερουσαλήμ. Καὶ ἐνετείλατο ὁ βασιλεὺσ παντὶ τῷ λαῷ λέγων. ποιήσατε πάσχα τῷ Κυρίῳ Θεῷ ἡμῶν, καθὼσ γέγραπται ἐπὶ βιβλίου τῆσ διαθήκησ ταύτησ. ὅτι οὐκ ἐγενήθη τὸ πάσχα τοῦτο ἀφ̓ ἡμερῶν τῶν κριτῶν, οἳ ἔκρινον τὸν Ἰσραήλ, καὶ πάσασ τὰσ ἡμέρασ βασιλέων Ἰσραὴλ καὶ βασιλέων Ἰούδα, ὅτι ἀλλ̓ ἢ τῷ ὀκτωκαιδεκάτῳ ἔτει τοῦ βασιλέωσ Ἰωσίου ἐγενήθη τὸ πάσχα τῷ Κυρίῳ ἐν Ἱερουσαλήμ. καί γε τοὺσ θελητὰσ καὶ τοὺσ γνωριστὰσ καὶ τὰ Θεραφὶν καὶ τὰ εἴδωλα καὶ πάντα τὰ προσοχθίσματα τὰ γεγονότα ἐν τῇ γῇ Ἰούδα καὶ ἐν Ἱερουσαλὴμ ἐξῇρεν Ἰωσίασ, ἵνα στήσῃ τοὺσ λόγουσ τοῦ νόμου τοὺσ γεγραμμένουσ ἐπὶ τοῦ βιβλίου, οὗ εὗρε Χελκίασ ὁ ἱερεὺσ ἐν οἴκῳ Κυρίου. ὅμοιοσ αὐτῷ οὐκ ἐγενήθη ἔμπροσθεν αὐτοῦ βασιλεύσ, ὃσ ἐπέστρεψε πρὸσ Κύριον ἐν ὅλῃ καρδίᾳ αὐτοῦ καὶ ἐν ὅλῃ ψυχῇ αὐτοῦ καὶ ἐν ὅλῃ ἰσχύϊ αὐτοῦ κατὰ πάντα τὸν νόμον Μωυσῆ, καὶ μετ̓ αὐτὸν οὐκ ἀνέστη ὅμοιοσ αὐτῷ. πλὴν οὐκ ἀπεστράφη Κύριοσ ἀπὸ θυμοῦ τῆσ ὀργῆσ αὐτοῦ τῆσ μεγάλησ, οὗ ἐθυμώθη ὀργῇ αὐτοῦ ἐν τῷ Ἰούδᾳ ἐπὶ τοὺσ παροργισμούσ, οὓσ παρώργισεν αὐτὸν Μανασσῆσ. καὶ εἶπε Κύριοσ. καί γε τὸν Ἰούδαν ἀποστήσω ἀπὸ τοῦ προσώπου μου, καθὼσ ἀπέστησα τὸν Ἰσραήλ, καὶ ἀπώσομαι τὴν πόλιν ταύτην, ἣν ἐξελεξάμην τὴν Ἱερουσαλήμ, καὶ τὸν οἶκον οὗ εἶπον. ἔσται τὸ ὄνομά μου ἐκεῖ. καὶ τὰ λοιπὰ τῶν λόγων Ἰωσίου καὶ πάντα, ὅσα ἐποίησεν, οὐχὶ ταῦτα γεγραμμένα ἐπὶ βιβλίῳ λόγων ἡμερῶν τοῖσ βασιλεῦσιν Ἰούδα̣ ἐν δὲ ταῖσ ἡμέραισ αὐτοῦ ἀνέβη φαραὼ Νεχαὼ βασιλεὺσ Αἰγύπτου ἐπὶ βασιλέα Ἀσσυρίων ἐπὶ ποταμὸν Εὐφράτην. καὶ ἐπορεύθη Ἰωσίασ εἰσ ἀπαντὴν αὐτοῦ, καὶ ἐθανάτωσεν αὐτὸν Νεχαὼ ἐν Μαγεδδὼ ἐν τῷ ἰδεῖν αὐτόν. καὶ ἐπεβίβασαν αὐτὸν οἱ παῖδεσ αὐτοῦ νεκρὸν ἐκ Μαγεδδὼ καὶ ἤγαγον αὐτὸν εἰσ Ἱερουσαλὴμ καὶ ἔθαψαν αὐτὸν ἐν τῷ τάφῳ αὐτοῦ. καὶ ἔλαβεν ὁ λαὸσ τῆσ γῆσ τὸν Ἰωάχαζ υἱὸν Ἰωσίου καὶ ἔχρισαν αὐτὸν καὶ ἐβασίλευσαν αὐτὸν ἀντὶ τοῦ πατρὸσ αὐτοῦ. Υἱὸσ εἴκοσι καὶ τριῶν ἐτῶν ἦν Ἰωάχαζ ἐν τῷ βασιλεύειν αὐτὸν καὶ τρίμηνον ἐβασίλευσεν ἐν Ἱερουσαλήμ, καὶ ὄνομα τῇ μητρὶ αὐτοῦ Ἀμιτὰλ θυγάτηρ Ἱερεμίου ἐκ Λοβνά. καὶ ἐποίησε τὸ πονηρὸν ἐν ὀφθαλμοῖσ Κυρίου κατὰ πάντα, ὅσα ἐποίησαν οἱ πατέρεσ αὐτοῦ. καὶ μετέστησεν αὐτὸν φαραὼ Νεχαὼ ἐν Δεβλαθὰ ἐν γῇ Αἰμὰθ τοῦ μὴ βασιλεύειν ἐν Ἱερουσαλὴμ καὶ ἔδωκε ζημίαν ἐπὶ τὴν γῆν ἑκατὸν τάλαντα ἀργυρίου καὶ ἑκατὸν τάλαντα χρυσίου. καὶ ἐβασίλευσε φαραὼ Νεχαὼ ἐπ̓ αὐτοὺσ τὸν Ἐλιακὶμ υἱὸν Ἰωσίου βασιλέωσ Ἰούδα ἀντὶ Ἰωσίου τοῦ πατρὸσ αὐτοῦ καὶ ἐπέστρεψε τὸ ὄνομα αὐτοῦ Ἰωακίμ. καὶ τὸν Ἰωάχαζ ἔλαβε καὶ εἰσήνεγκεν εἰσ Αἴγυπτον, καὶ ἀπέθανεν ἐκεῖ. καὶ τὸ ἀργύριον καὶ τὸ χρυσίον ἔδωκεν Ἰωακὶμ τῷ φαραώ. πλὴν ἐτιμογράφησε τὴν γῆν τοῦ δοῦναι τὸ ἀργύριον ἐπὶ στόματοσ φαραώ, ἀνὴρ κατὰ τὴν συντίμησιν αὐτοῦ ἔδωκαν τὸ ἀργύριον καὶ τὸ χρυσίον μετὰ τοῦ λαοῦ τῆσ γῆσ τοῦ δοῦναι τῷ φαραὼ Νεχαώ. υἱὸσ εἴκοσι καὶ πέντε ἐτῶν Ἰωακὶμ ἐν τῷ βασιλεύειν αὐτὸν καὶ ἕνδεκα ἔτη ἐβασίλευσεν ἐν Ἱερουσαλήμ, καὶ ὄνομα τῇ μητρὶ αὐτοῦ Ἰελδὰφ θυγάτηρ Φαδαὴλ ἐκ Ρουμά. καὶ ἐποίησε τὸ πονηρὸν ἐν ὀφθαλμοῖσ Κυρίου κατὰ πάντα, ὅσα ἐποίησαν οἱ πατέρεσ αὐτοῦ.

목록

일치하는 문장이 없습니다.

SEARCH

MENU NAVIGATION