헬라어 문장 검색 - Σεπτύ012́023́

(70인역 성경, 열왕기 하권 23:)

ΚΑΙ ἀπέστειλεν ὁ βασιλεὺσ καὶ συνήγαγε πρὸσ ἑαυτὸν πάντασ τοὺσ πρεσβυτέρουσ Ἰούδα καὶ Ἱερουσαλήμ. καὶ ἀνέβη ὁ βασιλεὺσ εἰσ οἶκον Κυρίου καὶ πᾶσ ἀνὴρ Ἰούδα καὶ πάντεσ οἱ κατοικοῦντεσ ἐν Ἱερουσαλὴμ μετ̓ αὐτοῦ καὶ οἱ ἱερεῖσ καὶ οἱ προφῆται καὶ πᾶσ ὁ λαὸσ ἀπὸ μικροῦ καὶ ἕωσ μεγάλου, καὶ ἀνέγνω ἐν ὠσὶν αὐτῶν πάντασ τοὺσ λόγουσ τοῦ βιβλίου τῆσ διαθήκησ τοῦ εὑρεθέντοσ ἐν οἴκῳ Κυρίου. καὶ ἔστη ὁ βασιλεὺσ πρὸσ τὸν στύλον καὶ διέθετο διαθήκην ἐνώπιον Κυρίου τοῦ πορεύεσθαι ὀπίσω Κυρίου καὶ τοῦ φυλάσσειν τὰσ ἐντολὰσ αὐτοῦ καὶ τὰ μαρτύρια αὐτοῦ καὶ τὰ δικαιώματα αὐτοῦ ἐν πάσῃ καρδίᾳ καὶ ἐν πάσῃ ψυχῇ τοῦ ἀναστῆσαι τοὺσ λόγουσ τῆσ διαθήκησ ταύτησ, τὰ γεγραμμένα ἐπὶ τὸ βιβλίον τοῦτο. καὶ ἔστη πᾶσ ὁ λαὸσ ἐν τῇ διαθήκῃ. καὶ ἐνετείλατο ὁ βασιλεὺσ τῷ Χελκίᾳ τῷ ἱερεῖ τῷ μεγάλῳ καὶ τοῖσ ἱερεῦσι τῆσ δευτερώσεωσ καὶ τοῖσ φυλάσσουσιν τὸν σταθμὸν τοῦ ἐξαγαγεῖν ἐκ τοῦ ναοῦ Κυρίου πάντα τὰ σκεύη τὰ πεποιημένα τῷ Βάαλ καὶ τῷ ἄλσει καὶ πάσῃ τῇ δυνάμει τοῦ οὐρανοῦ καὶ κατέκαυσεν αὐτὰ ἔξω Ἱερουσαλὴμ ἐν σαδημὼθ Κέδρων καὶ ἔβαλε τὸν χοῦν αὐτῶν εἰσ Βαιθήλ. καὶ κατέκαυσε τοὺσ χωμαρίμ, οὓσ ἔδωκαν βασιλεῖσ Ἰούδα καὶ ἐθυμίων ἐν τοῖσ ὑψηλοῖσ καὶ ἐν ταῖσ πόλεσιν Ἰούδα καὶ τοῖσ περικύκλῳ Ἱερουσαλήμ, καὶ τοὺσ θυμιῶντασ τῷ Βάαλ καὶ τῷ ἡλίῳ καὶ τῇ σελήνῃ καὶ τοῖσ μαζουρὼθ καὶ πάσῃ τῇ δυνάμει τοῦ οὐρανοῦ. καὶ ἐξήνεγκε τὸ ἄλσοσ ἐξ οἴκου Κυρίου ἔξωθεν Ἱερουσαλὴμ εἰσ τὸν χειμάρρουν Κέδρων καὶ κατέκαυσεν αὐτὸν ἐν τῷ χειμάρρῳ Κέδρων καὶ ἐλέπτυνεν εἰσ χοῦν καὶ ἔρριψεν τὸν χοῦν αὐτοῦ εἰσ τὸν τάφον τῶν υἱῶν τοῦ λαοῦ. καὶ καθεῖλε τὸν οἶκον τῶν καδησὶμ τῶν ἐν τῷ οἴκῳ Κυρίου, οὗ αἱ γυναῖκεσ ὕφαινον ἐκεῖ Χεττιί̈μ τῷ ἄλσει. καὶ ἀνήγαγε πάντασ τοὺσ ἱερεῖσ ἐκ πόλεων Ἰούδα καὶ ἐμίανε τὰ ὑψηλά, οὗ ἐθυμίασαν ἐκεῖ οἱ ἱερεῖσ ἀπὸ Γαβαὰ καὶ ἕωσ Βηρσαβεέ. καὶ καθεῖλε τὸν οἶκον τῶν πυλῶν τὸν παρὰ τὴν θύραν τῆσ πύλησ Ἰησοῦ ἄρχοντοσ τῆσ πόλεωσ, τῶν ἐξ ἀριστερῶν ἀνδρὸσ ἐν τῇ πύλῃ τῆσ πόλεωσ. πλὴν οὐκ ἀνέβησαν οἱ ἱερεῖσ τῶν ὑψηλῶν πρὸσ τὸ θυσιαστήριον Κυρίου ἐν Ἱερουσαλήμ, ὅτι εἰ μὴ ἔφαγον ἄζυμα ἐν μέσῳ τῶν ἀδελφῶν αὐτῶν. καὶ ἐμίανε τὸν Ταφὲθ τὸν ἐν φάραγγι υἱοῦ Ἐννὸμ τοῦ διαγαγεῖν ἄνδρα τὸν υἱὸν αὐτοῦ καὶ ἄνδρα τὴν θυγατέρα αὐτοῦ τῷ Μολὸχ ἐν πυρί. καὶ κατέκαυσε τοὺσ ἵππουσ, οὓσ ἔδωκαν βασιλεῖσ Ἰούδα τῷ ἡλίῳ ἐν τῇ εἰσόδῳ οἴκου Κυρίου εἰσ τὸ γαζοφυλάκιον Νάθαν βασιλέωσ τοῦ εὐνούχου ἐν φαρουρίμ, καὶ τὸ ἅρμα τοῦ ἡλίου κατέκαυσε πυρί. καὶ τὰ θυσιαστήρια τὰ ἐπὶ τοῦ δώματοσ τοῦ ὑπερῴου Ἄχαζ, ἃ ἐποίησαν βασιλεῖσ Ἰούδα, καὶ τὰ θυσιαστήρια, ἃ ἐποίησε Μανασσῆσ ἐν ταῖσ δυσὶν αὐλαῖσ οἴκου Κυρίου, καθεῖλεν ὁ βασιλεὺσ καὶ κατέσπασεν ἐκεῖθεν καὶ ἔρριψε τὸν χοῦν αὐτῶν εἰσ τὸν χειμάρρουν Κέδρων. καὶ τὸν οἶκον τὸν ἐπὶ πρόσωπον Ἱερουσαλὴμ τὸν ἐκ δεξιῶν τοῦ ὄρουσ τοῦ Μοσοάθ, ὃν ᾠκοδόμησε Σαλωμὼν βασιλεὺσ Ἰσραὴλ τῇ Ἀστάρτῃ προσοχθίσματι Σιδωνίων καὶ τῷ Χαμὼσ προσοχθίσματι Μωὰβ καὶ τῷ Μολχὸλ βδελύγματι υἱῶν Ἀμών, ἐμίανεν ὁ βασιλεύσ. καὶ συνέτριψε τὰσ στήλασ καὶ ἐξωλόθρευσε τὰ ἄλση καὶ ἔπλησε τοὺσ τόπουσ αὐτῶν ὀστέων ἀνθρώπων. καί γε τὸ θυσιαστήριον τὸ ἐν Βαιθὴλ τὸ ὑψηλόν, ὃ ἐποίησεν Ἱεροβοὰμ υἱὸσ Ναβάτ, ὃσ ἐξήμαρτε τὸν Ἰσραήλ, καί γε τὸ θυσιαστήριον ἐκεῖνο τὸ ὑψηλὸν κατέσπασε καὶ συνέτριψε τοὺσ λίθουσ αὐτοῦ καὶ ἐλέπτυνεν εἰσ χοῦν καὶ κατέκαυσε τὸ ἄλσοσ. καὶ ἐξένευσεν Ἰωσίασ καὶ εἶδε τοὺσ τάφουσ τοὺσ ἐκεῖ ἐν τῇ πόλει καὶ ἀπέστειλε καὶ ἔλαβε τὰ ὀστᾶ ἐκ τῶν τάφων καὶ κατέκαυσεν ἐπὶ τὸ θυσιαστήριον καὶ ἐμίανεν αὐτὸ κατὰ τὸ ρῆμα Κυρίου, ὃ ἐλάλησεν ὁ ἄνθρωποσ τοῦ Θεοῦ ἐν τῷ ἑστάναι Ἱεροβοὰμ ἐν τῇ ἑορτῇ ἐπὶ τὸ θυσιαστήριον. καὶ ἐπιστρέψασ ᾖρε τοὺσ ὀφθαλμοὺσ αὐτοῦ ἐπὶ τὸν τάφον τοῦ ἀνθρώπου τοῦ Θεοῦ τοῦ λαλήσαντοσ τοὺσ λόγουσ τούτους καὶ εἶπε. τί τὸ σκόπελον ἐκεῖνο, ὃ ἐγὼ ὁρῶ̣ καὶ εἶπον αὐτῷ οἱ ἄνδρεσ τῆσ πόλεωσ. ὁ ἄνθρωποσ τοῦ Θεοῦ ὁ ἐξεληλυθὼσ ἐξ Ἰούδα καὶ ἐπικαλεσάμενοσ τοὺσ λόγουσ τούτουσ, οὓσ ἐπεκαλέσατο ἐπὶ τὸ θυσιαστήριον Βαιθήλ. καὶ εἶπεν. ἄφετε αὐτόν, ἀνὴρ μὴ κινησάτωσαν τὰ ὀστᾶ αὐτοῦ. καὶ ἐρρύσθησαν τὰ ὀστᾶ αὐτοῦ μετὰ τῶν ὀστῶν τοῦ προφήτου τοῦ ἥκοντοσ ἐκ Σαμαρείασ. καί γε πάντασ τοὺσ οἴκουσ τῶν ὑψηλῶν τοὺσ ἐν ταῖσ πόλεσι Σαμαρείασ, οὓσ ἐποίησαν βασιλεῖσ Ἰσραὴλ παροργίζειν Κύριον, ἀπέστησεν Ἰωσίασ καὶ ἐποίησεν ἐν αὐτοῖσ πάντα τὰ ἔργα, ἃ ἐποίησεν ἐν Βαιθήλ. καὶ ἐθυσίασε πάντασ τοὺσ ἱερεῖσ τῶν ὑψηλῶν τοὺσ ὄντασ ἐκεῖ ἐπὶ τῶν θυσιαστηρίων καὶ κατέκαυσε τὰ ὀστᾶ τῶν ἀνθρώπων ἐπ̓ αὐτά, καὶ ἐπεστράφη εἰσ Ἱερουσαλήμ. Καὶ ἐνετείλατο ὁ βασιλεὺσ παντὶ τῷ λαῷ λέγων. ποιήσατε πάσχα τῷ Κυρίῳ Θεῷ ἡμῶν, καθὼσ γέγραπται ἐπὶ βιβλίου τῆσ διαθήκησ ταύτησ. ὅτι οὐκ ἐγενήθη τὸ πάσχα τοῦτο ἀφ̓ ἡμερῶν τῶν κριτῶν, οἳ ἔκρινον τὸν Ἰσραήλ, καὶ πάσασ τὰσ ἡμέρασ βασιλέων Ἰσραὴλ καὶ βασιλέων Ἰούδα, ὅτι ἀλλ̓ ἢ τῷ ὀκτωκαιδεκάτῳ ἔτει τοῦ βασιλέωσ Ἰωσίου ἐγενήθη τὸ πάσχα τῷ Κυρίῳ ἐν Ἱερουσαλήμ. καί γε τοὺσ θελητὰσ καὶ τοὺσ γνωριστὰσ καὶ τὰ Θεραφὶν καὶ τὰ εἴδωλα καὶ πάντα τὰ προσοχθίσματα τὰ γεγονότα ἐν τῇ γῇ Ἰούδα καὶ ἐν Ἱερουσαλὴμ ἐξῇρεν Ἰωσίασ, ἵνα στήσῃ τοὺσ λόγουσ τοῦ νόμου τοὺσ γεγραμμένουσ ἐπὶ τοῦ βιβλίου, οὗ εὗρε Χελκίασ ὁ ἱερεὺσ ἐν οἴκῳ Κυρίου. ὅμοιοσ αὐτῷ οὐκ ἐγενήθη ἔμπροσθεν αὐτοῦ βασιλεύσ, ὃσ ἐπέστρεψε πρὸσ Κύριον ἐν ὅλῃ καρδίᾳ αὐτοῦ καὶ ἐν ὅλῃ ψυχῇ αὐτοῦ καὶ ἐν ὅλῃ ἰσχύϊ αὐτοῦ κατὰ πάντα τὸν νόμον Μωυσῆ, καὶ μετ̓ αὐτὸν οὐκ ἀνέστη ὅμοιοσ αὐτῷ. πλὴν οὐκ ἀπεστράφη Κύριοσ ἀπὸ θυμοῦ τῆσ ὀργῆσ αὐτοῦ τῆσ μεγάλησ, οὗ ἐθυμώθη ὀργῇ αὐτοῦ ἐν τῷ Ἰούδᾳ ἐπὶ τοὺσ παροργισμούσ, οὓσ παρώργισεν αὐτὸν Μανασσῆσ. καὶ εἶπε Κύριοσ. καί γε τὸν Ἰούδαν ἀποστήσω ἀπὸ τοῦ προσώπου μου, καθὼσ ἀπέστησα τὸν Ἰσραήλ, καὶ ἀπώσομαι τὴν πόλιν ταύτην, ἣν ἐξελεξάμην τὴν Ἱερουσαλήμ, καὶ τὸν οἶκον οὗ εἶπον. ἔσται τὸ ὄνομά μου ἐκεῖ. καὶ τὰ λοιπὰ τῶν λόγων Ἰωσίου καὶ πάντα, ὅσα ἐποίησεν, οὐχὶ ταῦτα γεγραμμένα ἐπὶ βιβλίῳ λόγων ἡμερῶν τοῖσ βασιλεῦσιν Ἰούδα̣ ἐν δὲ ταῖσ ἡμέραισ αὐτοῦ ἀνέβη φαραὼ Νεχαὼ βασιλεὺσ Αἰγύπτου ἐπὶ βασιλέα Ἀσσυρίων ἐπὶ ποταμὸν Εὐφράτην. καὶ ἐπορεύθη Ἰωσίασ εἰσ ἀπαντὴν αὐτοῦ, καὶ ἐθανάτωσεν αὐτὸν Νεχαὼ ἐν Μαγεδδὼ ἐν τῷ ἰδεῖν αὐτόν. καὶ ἐπεβίβασαν αὐτὸν οἱ παῖδεσ αὐτοῦ νεκρὸν ἐκ Μαγεδδὼ καὶ ἤγαγον αὐτὸν εἰσ Ἱερουσαλὴμ καὶ ἔθαψαν αὐτὸν ἐν τῷ τάφῳ αὐτοῦ. καὶ ἔλαβεν ὁ λαὸσ τῆσ γῆσ τὸν Ἰωάχαζ υἱὸν Ἰωσίου καὶ ἔχρισαν αὐτὸν καὶ ἐβασίλευσαν αὐτὸν ἀντὶ τοῦ πατρὸσ αὐτοῦ. Υἱὸσ εἴκοσι καὶ τριῶν ἐτῶν ἦν Ἰωάχαζ ἐν τῷ βασιλεύειν αὐτὸν καὶ τρίμηνον ἐβασίλευσεν ἐν Ἱερουσαλήμ, καὶ ὄνομα τῇ μητρὶ αὐτοῦ Ἀμιτὰλ θυγάτηρ Ἱερεμίου ἐκ Λοβνά. καὶ ἐποίησε τὸ πονηρὸν ἐν ὀφθαλμοῖσ Κυρίου κατὰ πάντα, ὅσα ἐποίησαν οἱ πατέρεσ αὐτοῦ. καὶ μετέστησεν αὐτὸν φαραὼ Νεχαὼ ἐν Δεβλαθὰ ἐν γῇ Αἰμὰθ τοῦ μὴ βασιλεύειν ἐν Ἱερουσαλὴμ καὶ ἔδωκε ζημίαν ἐπὶ τὴν γῆν ἑκατὸν τάλαντα ἀργυρίου καὶ ἑκατὸν τάλαντα χρυσίου. καὶ ἐβασίλευσε φαραὼ Νεχαὼ ἐπ̓ αὐτοὺσ τὸν Ἐλιακὶμ υἱὸν Ἰωσίου βασιλέωσ Ἰούδα ἀντὶ Ἰωσίου τοῦ πατρὸσ αὐτοῦ καὶ ἐπέστρεψε τὸ ὄνομα αὐτοῦ Ἰωακίμ. καὶ τὸν Ἰωάχαζ ἔλαβε καὶ εἰσήνεγκεν εἰσ Αἴγυπτον, καὶ ἀπέθανεν ἐκεῖ. καὶ τὸ ἀργύριον καὶ τὸ χρυσίον ἔδωκεν Ἰωακὶμ τῷ φαραώ. πλὴν ἐτιμογράφησε τὴν γῆν τοῦ δοῦναι τὸ ἀργύριον ἐπὶ στόματοσ φαραώ, ἀνὴρ κατὰ τὴν συντίμησιν αὐτοῦ ἔδωκαν τὸ ἀργύριον καὶ τὸ χρυσίον μετὰ τοῦ λαοῦ τῆσ γῆσ τοῦ δοῦναι τῷ φαραὼ Νεχαώ. υἱὸσ εἴκοσι καὶ πέντε ἐτῶν Ἰωακὶμ ἐν τῷ βασιλεύειν αὐτὸν καὶ ἕνδεκα ἔτη ἐβασίλευσεν ἐν Ἱερουσαλήμ, καὶ ὄνομα τῇ μητρὶ αὐτοῦ Ἰελδὰφ θυγάτηρ Φαδαὴλ ἐκ Ρουμά. καὶ ἐποίησε τὸ πονηρὸν ἐν ὀφθαλμοῖσ Κυρίου κατὰ πάντα, ὅσα ἐποίησαν οἱ πατέρεσ αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Regum 23:

(70인역 성경, 열왕기 하권 23:)

목록

SEARCH

MENU NAVIGATION