Septuagint, Liber II Regum 21:

(70인역 성경, 열왕기 하권 21:)

ΥΙΟΣ δώδεκα ἐτῶν Μανασσῆσ ἐν τῷ βασιλεύειν αὐτὸν καὶ πεντήκοντα καὶ πέντε ἔτη ἐβασίλευσεν ἐν Ἱερουσαλήμ, καὶ ὄνομα τῇ μητρὶ αὐτοῦ Ὀψιβά. καὶ ἐποίησε τὸ πονηρὸν ἐν ὀφθαλμοῖσ Κυρίου κατὰ τὰ βδελύγματα τῶν ἐθνῶν, ὧν ἐξῇρε Κύριοσ ἀπὸ προσώπου τῶν υἱῶν Ἰσραήλ, καὶ ἐπέστρεψε καὶ ᾠκοδόμησε τὰ ὑψηλά, ἃ κατέσπασεν Ἐζεκίασ ὁ πατὴρ αὐτοῦ, καὶ ἀνέστησε θυσιαστήριον τῇ Βάαλ καὶ ἐποίησε τὰ ἄλση, καθὼσ ἐποίησε Ἀχαὰβ βασιλεὺσ Ἰσραήλ, καὶ προσεκύνησε πάσῃ τῇ δυνάμει τοῦ οὐρανοῦ καὶ ἐδούλευσεν αὐτοῖσ. καὶ ᾠκοδόμησε θυσιαστήριον ἐν οἴκῳ Κυρίου, ὡσ εἶπεν. ἐν Ἱερουσαλὴμ θήσω τὸ ὄνομά μου, καὶ ᾠκοδόμησε θυσιαστήριον πάσῃ τῇ δυνάμει τοῦ οὐρανοῦ ἐν ταῖσ δυσὶν αὐλαῖσ οἴκου Κυρίου καὶ διῆγε τοὺσ υἱοὺσ αὐτοῦ ἐν πυρὶ καὶ ἐκληδονίζετο καὶ οἰωνίζετο καὶ ἐποίησε τεμένη καὶ γνώστασ ἐπλήθυνε τοῦ ποιεῖν τὸ πονηρὸν ἐν ὀφθαλμοῖσ Κυρίου παροργίσαι αὐτόν. καὶ ἔθηκε τὸ γλυπτὸν τοῦ ἄλσουσ ἐν τῷ οἴκῳ, ᾧ εἶπε Κύριοσ πρὸσ Δαυὶδ καὶ πρὸσ Σαλωμὼν τὸν υἱὸν αὐτοῦ. ἐν τῷ οἴκῳ τούτῳ καὶ ἐν Ἱερουσαλήμ, ᾗ ἐξελεξάμην ἐκ πασῶν φυλῶν τοῦ Ἰσραήλ, καὶ θήσω τὸ ὄνομά μου εἰσ τὸν αἰῶνα καὶ οὐ προσθήσω τοῦ σαλεῦσαι τὸν πόδα Ἰσραὴλ ἀπὸ τῆσ γῆσ, ἧσ ἔδωκα τοῖσ πατράσιν αὐτῶν, οἵτινεσ φυλάξουσι πάντα ὅσα ἐνετειλάμην κατὰ πᾶσαν τὴν ἐντολήν, ἣν ἐνετείλατο αὐτοῖσ ὁ δοῦλόσ μου Μωυσῆσ. καὶ οὐκ ἤκουσαν, καὶ ἐπλάνησεν αὐτοὺσ Μανασσῆσ τοῦ ποιῆσαι τὸ πονηρὸν ἐν ὀφθαλμοῖσ Κυρίου ὑπὲρ τὰ ἔθνη, ἃ ἠφάνισε Κύριοσ ἐκ προσώπου υἱῶν Ἰσραήλ. καὶ ἐλάλησε Κύριοσ ἐν χειρὶ δούλων αὐτοῦ τῶν προφητῶν λέγων. ἀνθ̓ ὧν ὅσα ἐποίησε Μανασσῆσ ὁ βασιλεὺσ Ἰούδα τὰ βδελύγματα ταῦτα τὰ πονηρὰ ἀπὸ πάντων, ὧν ἐποίησεν ὁ Ἀμορραῖοσ ὁ ἔμπροσθεν, καὶ ἐξήμαρτε καί γε τὸν Ἰούδαν ἐν τοῖσ εἰδώλοισ αὐτῶν, οὐχ οὕτωσ, τάδε λέγει Κύριοσ ὁ Θεὸσ Ἰσραήλ. ἰδοὺ ἐγὼ φέρω κακὰ ἐπὶ Ἱερουσαλὴμ καὶ Ἰούδαν, ὥστε παντὸσ ἀκούοντοσ ἠχήσει ἀμφότερα τὰ ὦτα αὐτοῦ, καὶ ἐκτενῶ ἐπὶ Ἱερουσαλὴμ τὸ μέτρον Σαμαρείασ καὶ τὸ στάθμιον οἴκου Ἀχαάβ. καὶ ἀπαλείψω τὴν Ἱερουσαλήμ, καθὼσ ἀπαλείφεται ὁ ἀλάβαστροσ ἀπαλειφόμενοσ καὶ καταστρέφεται ἐπὶ πρόσωπον αὐτοῦ, καὶ ἀπώσομαι τὸ ὑπόλειμμα τῆσ κληρονομίασ μου καὶ παραδώσω αὐτοὺσ εἰσ χεῖρασ ἐχθρῶν αὐτῶν, καὶ ἔσονται εἰσ διαρπαγὴν καὶ εἰσ προνομὴν πᾶσι τοῖσ ἐχθροῖσ αὐτῶν, ἀνθ̓ ὧν ὅσα ἐποίησαν τὸ πονηρὸν ἐν ὀφθαλμοῖσ μου καὶ ἦσαν παροργίζοντέσ με ἀπὸ τῆσ ἡμέρασ, ἧσ ἐξήγαγον τοὺσ πατέρασ αὐτῶν ἐξ Αἰγύπτου καὶ ἕωσ τῆσ ἡμέρασ ταύτησ. καί γε αἷμα ἀθῷον ἐξέχεε Μανασσῆσ πολὺ σφόδρα, ἕωσ οὗ ἔπλησε τὴν Ἱερουσαλὴμ στόμα εἰσ στόμα, πλὴν ἀπὸ τῶν ἁμαρτιῶν αὐτοῦ, ὧν ἐξήμαρτε τὸν Ἰούδαν τοῦ ποιῆσαι τὸ πονηρὸν ἐν ὀφθαλμοῖσ Κυρίου. καὶ τὰ λοιπὰ τῶν λόγων Μανασσῆ καὶ πάντα, ὅσα ἐποίησε, καὶ ἡ ἁμαρτία αὐτοῦ, ἣν ἥμαρτεν, οὐχὶ ταῦτα γεγραμμένα ἐπὶ τῷ βιβλίῳ λόγων τῶν ἡμερῶν τοῖσ βασιλεῦσιν Ἰούδα̣ καὶ ἐκοιμήθη Μανασσῆσ μετὰ τῶν πατέρων αὐτοῦ καὶ ἐτάφη ἐν τῷ κήπῳ τοῦ οἴκου αὐτοῦ, ἐν κήπω Ὀζά, καὶ ἐβασίλευσεν Ἀμὼν υἱὸσ αὐτοῦ ἀντ̓ αὐτοῦ. Υἱὸσ εἴκοσι καὶ δύο ἐτῶν Ἀμὼν ἐν τῷ βασιλεύειν αὐτὸν καὶ δύο ἔτη ἐβασίλευσεν ἐν Ἱερουσαλήμ, καὶ ὄνομα τῇ μητρὶ αὐτοῦ Μεσολλὰμ θυγάτηρ Ἀροῦσ ἐξ Ἰετέβα. καὶ ἐποίησε τὸ πονηρὸν ἐν ὀφθαλμοῖσ Κυρίου, καθὼσ ἐποίησε Μανασσῆσ ὁ πατὴρ αὐτοῦ. καὶ ἐπορεύθη ἐν πάσῃ ὁδῷ, ᾗ ἐπορεύθη ὁ πατὴρ αὐτοῦ, καὶ ἐλάτρευσε τοῖσ εἰδώλοισ, οἷσ ἐλάτρευσεν ὁ πατὴρ αὐτοῦ, καὶ προσεκύνησεν αὐτοῖς καὶ ἐγκατέλιπε τὸν Κύριον Θεὸν τῶν πατέρων αὐτοῦ καὶ οὐκ ἐπορεύθη ἐν ὁδῷ Κυρίου. καὶ συνεστράφησαν οἱ παῖδεσ Ἀμὼν πρὸσ αὐτὸν καὶ ἐθανάτωσαν τὸν βασιλέα ἐν τῷ οἴκῳ αὐτοῦ. καὶ ἐπάταξεν ὁ λαὸσ τῆσ γῆσ πάντασ τοὺσ συστραφέντασ ἐπὶ τὸν βασιλέα Ἀμὼν καὶ ἐβασίλευσεν ὁ λαὸσ τῆσ γῆσ τὸν Ἰωσίαν υἱὸν αὐτοῦ ἀντ̓ αὐτοῦ. καὶ τὰ λοιπὰ τῶν λόγων Ἀμών, ὅσα ἐποίησεν, οὐκ ἰδοὺ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰούδα̣ καὶ ἔθαψαν αὐτὸν ἐν τῷ τάφῳ αὐτοῦ ἐν τῷ κήπῳ Ὀζά, καὶ ἐβασίλευσεν Ἰωσίασ υἱὸσ αὐτοῦ ἀντ̓ αὐτοῦ.

목록

일치하는 문장이 없습니다.

SEARCH

MENU NAVIGATION