헬라어 문장 검색 - Σεπτύ012́020́

(70인역 성경, 열왕기 하권 20:)

ΕΝ ταῖσ ἡμέραισ ἐκείναισ ἠρρώστησεν Ἐζεκίασ εἰσ θάνατον. καὶ εἰσῆλθε πρὸσ αὐτὸν Ἡσαί̈ασ υἱὸσ Ἀμὼσ ὁ προφήτησ καὶ εἶπε πρὸσ αὐτόν. τάδε λέγει Κύριοσ. ἔντειλαι τῷ οἴκῳ σου, ὅτι ἀποθνήσκεισ σὺ καὶ οὐ ζήσῃ. καὶ ἀπέστρεψεν Ἐζεκίασ πρὸσ τὸν τοῖχον καὶ ηὔξατο πρὸσ Κύριον λέγων. Κύριε, μνήσθητι δὴ ὅσα περιεπάτησα ἐνώπιόν σου ἐν ἀληθείᾳ καὶ καρδίᾳ πλήρει καὶ τὸ ἀγαθὸν ἐν ὀφθαλμοῖσ σου ἐποίησα. καὶ ἔκλαυσεν Ἐζεκίασ κλαυθμῷ μεγάλῳ. καὶ ἦν Ἡσαί̈ασ ἐν τῇ αὐλῇ τῇ μέσῃ, καὶ ρῆμα Κυρίου ἐγένετο πρὸσ αὐτὸν λέγων. ἐπίστρεψον καὶ ἐρεῖσ πρὸσ Ἐζεκίαν τὸν ἡγούμενον τοῦ λαοῦ μου. τάδε λέγει Κύριοσ ὁ Θεὸσ Δαυὶδ τοῦ πατρόσ σου. ἤκουσα τῆσ προσευχῆσ σου, εἶδον τὰ δάκρυά σου. ἰδοὺ ἐγὼ ἰάσομαί σε, τῇ ἡμέρᾳ τῇ τρίτῃ ἀναβήσῃ εἰσ οἶκον Κυρίου. καὶ προσθήσω ἐπὶ τὰσ ἡμέρασ σου πεντεκαίδεκα ἔτη καὶ ἐκ χειρὸσ βασιλέωσ Ἀσσυρίων σώσω σε καὶ τὴν πόλιν ταύτην καὶ ὑπερασπιῶ ὑπὲρ τῆσ πόλεωσ ταύτησ δἰ ἐμὲ καὶ διὰ Δαυὶδ τὸν δοῦλόν μου. καὶ εἶπε. λαβέτωσαν παλάθην σύκων καὶ ἐπιθέτωσαν ἐπὶ τὸ ἕλκοσ, καὶ ὑγιάσει. καὶ εἶπεν Ἐζεκίασ πρὸσ Ἡσαί̈αν. τί τὸ σημεῖον ὅτι ἰάσεταί με Κύριοσ καὶ ἀναβήσομαι εἰσ οἶκον Κυρίου τῇ ἡμέρᾳ τῇ τρίτῃ̣ καὶ εἶπεν Ἡσαί̈ασ. τοῦτο τὸ σημεῖον παρὰ Κυρίου, ὅτι ποιήσει Κύριοσ τὸν λόγον, ὃν ἐλάλησε. πορεύσεται ἡ σκιὰ δέκα βαθμούσ, ἐὰν ἐπιστρέψῃ δέκα βαθμούσ. καὶ εἶπεν Ἐζεκίασ. κοῦφον τὴν σκιὰν κλῖναι δέκα βαθμούσ. οὐχί, ἀλλ̓ ἐπιστραφήτω ἡ σκιὰ ἐν τοῖσ ἀναβαθμοῖσ δέκα βαθμοὺσ εἰσ τὰ ὀπίσω. καὶ ἐβόησεν Ἡσαί̈ασ ὁ προφήτησ πρὸσ Κύριον, καὶ ἐπέστρεψεν ἡ σκιὰ ἐν τοῖσ ἀναβαθμοῖσ εἰσ τὰ ὀπίσω δέκα βαθμούσ. ἐν τῷ καιρῷ ἐκείνῳ ἀπέστειλε Μαρωδὰχ Βαλαδὰν υἱὸσ Βαλαδὰν βασιλεὺσ Βαβυλῶνοσ βιβλία καὶ μαναὰ πρὸσ Ἐζεκίαν, ὅτι ἤκουσεν ὅτι ἠρρώστησεν Ἐζεκίασ. καὶ ἐχάρη ἐπ̓ αὐτοῖσ Ἐζεκίασ καὶ ἔδειξεν αὐτοῖσ ὅλον τὸν οἶκον τοῦ νεχωθά, τὸ ἀργύριον καὶ τὸ χρυσίον, τὰ ἀρώματα καὶ τὸ ἔλαιον τὸ ἀγαθόν, καὶ τὸν οἶκον τῶν σκευῶν καὶ ὅσα ηὑρέθη ἐν τοῖσ θησαυροῖσ αὐτοῦ. οὐκ ἦν λόγοσ, ὃν οὐκ ἔδειξεν αὐτοῖσ Ἐζεκίασ ἐν τῷ οἴκῳ αὐτοῦ καὶ ἐν πάσῃ τῇ ἐξουσίᾳ αὐτοῦ. καὶ εἰσῆλθεν Ἡσαί̈ασ ὁ προφήτησ πρὸσ τὸν βασιλέα Ἐζεκίαν καὶ εἶπε πρὸσ αὐτόν. τί ἐλάλησαν οἱ ἄνδρεσ οὗτοι καί πόθεν ἥκασι πρόσ σε̣ καὶ εἶπεν Ἐζεκίασ. ἐκ γῆσ πόρρωθεν ἥκασι πρόσ με, ἐκ Βαβυλῶνοσ. καὶ εἶπε. τί εἶδον ἐν τῷ οἴκῳ σου̣ καὶ εἶπε. πάντα, ὅσα ἐν τῷ οἴκῳ μου εἶδον, οὐκ ἦν ἐν τῷ οἴκῳ μου, ὃ οὐκ ἔδειξα αὐτοῖσ, ἀλλὰ καὶ τὰ ἐν τοῖσ θησαυροῖσ μου. καὶ εἶπεν Ἡσαί̈ασ πρὸσ Ἐζεκίαν. ἄκουσον λόγον Κυρίου. ἰδοὺ ἡμέραι ἔρχονται καὶ ληφθήσεται πάντα τὰ ἐν οἴκῳ σου καὶ ὅσα ἐθησαύρισαν οἱ πατέρεσ σου ἕωσ τῆσ ἡμέρασ ταύτησ εἰσ Βαβυλῶνα. καὶ οὐχ ὑπολειφθήσεται ρῆμα, ὃ εἶπε Κύριοσ. καὶ οἱ υἱοί σου, οἳ ἐξελεύσονται ἐκ σοῦ, οὓσ γεννήσεισ λήψεται, καὶ ἔσονται εὐνοῦχοι ἐν τῷ οἴκῳ τοῦ βασιλέωσ Βαβυλῶνοσ. καὶ εἶπεν Ἐζεκίασ πρὸσ Ἡσαί̈αν. ἀγαθὸσ ὁ λόγοσ Κυρίου, ὃν ἐλάλησεν. ἔστω εἰρήνη ἐν ταῖσ ἡμέραισ μου. καὶ τὰ λοιπὰ τῶν λόγων Ἐζεκίου καὶ πᾶσα ἡ δυναστεία αὐτοῦ, καὶ ὅσα ἐποίησε, τὴν κρήνην καὶ τὸν ὑδραγωγὸν καὶ εἰσήγαγε τὸ ὕδωρ εἰσ τὴν πόλιν, οὐχὶ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰούδα̣ καὶ ἐκοιμήθη Ἐζεκίασ μετὰ τῶν πατέρων αὐτοῦ καὶ ἐβασίλευσε Μανασσῆσ υἱὸσ αὐτοῦ ἀντ̓ αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Regum 20:

(70인역 성경, 열왕기 하권 20:)

목록

SEARCH

MENU NAVIGATION