Septuagint, Liber II Regum 19:

(70인역 성경, 열왕기 하권 19:)

ΚΑΙ ἐγένετο ὡσ ἤκουσεν ὁ βασιλεὺσ Ἐζεκίασ, καὶ διέρρηξε τὰ ἱμάτια αὐτοῦ, καὶ περιεβάλετο σάκκον καὶ εἰσῆλθεν εἰσ οἶκον Κυρίου. καὶ ἀπέστειλεν Ἑλιακὶμ τὸν οἰκονόμον καὶ Σωμνὰν τὸν γραμματέα καὶ τοὺσ πρεσβυτέρουσ τῶν ἱερέων περιβεβλημένουσ σάκκουσ πρὸσ Ἡσαί̈αν τὸν προφήτην, υἱὸν Ἀμώσ, καὶ εἶπον πρὸσ αὐτόν. τάδε λέγει Ἐζεκίασ. ἡμέρα θλίψεωσ καὶ ἐλεγμοῦ καὶ παροργισμοῦ ἡ ἡμέρα αὕτη. ὅτι ἦλθον υἱοὶ ἕωσ ὠδίνων, καὶ ἰσχὺσ οὐκ ἔστι τῇ τικτούσῃ. εἴ πωσ εἰσακούσεται Κύριοσ ὁ Θεόσ σου πάντασ τοὺσ λόγουσ Ραψάκου, ὃν ἀπέστειλεν αὐτὸν βασιλεὺσ Ἀσσυρίων ὁ κύριοσ αὐτοῦ ὀνειδίζειν Θεὸν ζῶντα καὶ βασφημεῖν ἐν λόγοισ, οἷσ ἤκουσε Κύριοσ ὁ Θεόσ σου, καὶ λήψῃ προσευχὴν περὶ τοῦ λείμματοσ τοῦ εὑρισκομένου. καὶ ἦλθον οἱ παῖδεσ τοῦ βασιλέωσ Ἐζεκίου πρὸσ Ἡσαί̈αν, καὶ εἶπεν αὐτοῖσ Ἡσαί̈ασ. τάδε ἐρεῖτε πρὸσ τὸν κύριον ὑμῶν. τάδε λέγει Κύριοσ. μὴ φοβηθῇσ ἀπὸ τῶν λόγων, ὧν ἤκουσασ, ὧν ἐβλασφήμησαν τὰ παιδάρια βασιλέωσ Ἀσσυρίων. ἰδοὺ ἐγὼ δίδωμι ἐν αὐτῷ πνεῦμα, καὶ ἀκούσεται ἀγγελίαν καὶ ἀποστραφήσεται εἰσ τὴν γῆν αὐτοῦ, καὶ καταβαλῶ αὐτὸν ἐν ρομφαίᾳ ἐν τῇ γῇ αὐτοῦ. Καὶ ἐπέστρεψε Ραψάκησ, καὶ εὗρε τὸν βασιλέα Ἀσσυρίων πολεμοῦντα ἐπὶ Λοβνά, ὅτι ἤκουσεν ὅτι ἀπῇρεν ἐκ Λαχίσ. καὶ ἤκουσε περὶ Θαρακὰ βασιλέωσ Αἰθιόπων λέγων. ἰδοὺ ἐξῆλθε πολεμεῖν μετὰ σοῦ. καὶ ἐπέστρεψε καὶ ἀπέστειλεν ἀγγέλουσ πρὸσ Ἐζεκίαν λέγων. μὴ ἐπαιρέτω σε ὁ Θεόσ σου, ἐφ̓ ᾧ σὺ πέποιθασ ἐπ̓ αὐτῷ λέγων. οὐ μὴ παραδοθῇ Ἱερουσαλὴμ εἰσ χεῖρασ βασιλέωσ Ἀσσυρίων. ἰδοὺ σὺ ἤκουσασ πάντα ὅσα ἐποίησαν βασιλεῖσ Ἀσσυρίων πάσαισ ταῖσ γαίαισ τοῦ ἀναθεματίσαι αὐτάσ, καὶ σὺ ρυσθήσῃ̣ μὴ ἐξαιρούμενοι ἐξείλαντο αὐτοὺσ οἱ θεοὶ τῶν ἐθνῶν, οὓσ διέφθειραν οἱ πατέρεσ μου, τήν τε Γωζὰν καὶ τὴν Χαρρὰν καὶ τὴν Ραφὶσ καὶ υἱοὺσ Ἐδὲμ τοὺσ ἐν Θαεσθέν̣ ποῦ ἐστιν ὁ βασιλεὺσ Αἰμὰθ καὶ ὁ βασιλεὺσ Ἀρφάδ̣ καὶ ποῦ ἐστι βασιλεὺσ τῆσ πόλεωσ Σεπφαρουαί̈ν Ἀνὰ καὶ Ἀβά̣ καὶ ἔλαβεν Ἐζεκίασ τὰ βιβλία ἐκ χειρὸσ τῶν ἀγγέλων καὶ ἀνέγνω αὐτά. καὶ ἀνέβη εἰσ οἶκον Κυρίου καὶ ἀνέπτυξεν αὐτὰ Ἐζεκίασ ἐναντίον Κυρίου καὶ εἶπε. Κύριε ὁ Θεὸσ Ἰσραὴλ ὁ καθήμενοσ ἐπὶ τῶν Χερουβίμ, σὺ εἶ ὁ Θεὸσ μόνοσ ἐν πάσαισ ταῖσ βασιλείαισ τῆσ γῆσ, σὺ ἐποίησασ τὸν οὐρανὸν καὶ τὴν γῆν. κλῖνον, Κύριε, τὸ οὖσ σου καὶ ἄκουσον. ἄνοιξον, Κύριε, τοὺσ ὀφθαλμούσ σου καὶ ἰδὲ καὶ ἄκουσον τοὺσ λόγουσ Σενναχηρίμ, οὓσ ἀπέστειλεν ὀνειδίζειν Θεὸν ζῶντα. ὅτι ἀληθείᾳ, Κύριε, ἠρήμωσαν βασιλεῖσ Ἀσσυρίων τὰ ἔθνη καὶ ἔδωκαν τοὺσ θεοὺσ αὐτῶν εἰσ τὸ πῦρ, ὅτι οὐ θεοί εἰσιν, ἀλλ̓ ἢ ἔργα χειρῶν ἀνθρώπων, ξύλα καὶ λίθοι, καὶ ἀπώλεσαν αὐτούσ. καὶ νῦν, Κύριε ὁ Θεὸσ ἡμῶν, σῶσον ἡμᾶσ ἐκ χειρὸσ αὐτοῦ καὶ γνώσονται πᾶσαι αἱ βασιλεῖαι τῆσ γῆσ, ὅτι σὺ Κύριοσ ὁ Θεὸσ μόνοσ. Καὶ ἀπέστειλεν Ἡσαί̈ασ υἱὸσ Ἀμὼσ πρὸσ Ἐζεκίαν λέγων. τάδε λέγει Κύριοσ ὁ Θεὸσ τῶν δυνάμεων Θεὸσ Ἰσραήλ. ἃ προσηύξω πρόσ με περὶ Σενναχηρὶμ βασιλέωσ Ἀσσυρίων, ἤκουσα. οὖτοσ ὁ λόγοσ, ὃν ἐλάλησε Κύριοσ ἐπ̓ αὐτόν. ἐξουδένωσέ σε καὶ ἐμυκτήρισέ σε παρθένοσ θυγάτηρ Σιών, ἐπὶ σοὶ κεφαλὴν αὐτῆσ ἐκίνησε θυγάτηρ Ἱερουσαλήμ. τίνα ὠνείδισασ καὶ τίνα ἐβλασφήμησασ̣ καὶ ἐπὶ τίνα ὕψωσασ φωνήν̣ καὶ ᾖρασ εἰσ ὕψοσ τοὺσ ὀφθαλμούσ σου εἰσ τὸν ἅγιον τοῦ Ἰσραήλ. ἐν χειρὶ ἀγγέλων σου ὠνείδισασ Κύριον καὶ εἶπασ. ἐν τῷ πλήθει τῶν ἁρμάτων μου ἐγὼ ἀναβήσομαι εἰσ ὕψοσ ὀρέων, μηροὺσ τοῦ Λιβάνου, καὶ ἔκοψα τὸ μέγεθοσ τῆσ κέδρου αὐτοῦ, τὰ ἐκλεκτὰ κυπαρίσσων αὐτοῦ, καὶ ἦλθον εἰσ μέσον δρυμοῦ καὶ Καρμήλου. ἐγὼ ἔψυξα καὶ ἔπιον ὕδατα ἀλλότρια καὶ ἐξηρήμωσα τῷ ἴχνει τοῦ ποδόσ μου πάντασ ποταμοὺσ περιοχῆσ. ἔπλασα αὐτήν, συνήγαγον αὐτήν, καὶ ἐγενήθη εἰσ ἐπάρσεισ ἀποικεσιῶν μαχίμων, πόλεισ ὀχυράσ. καὶ οἱ ἐνοικοῦντεσ ἐν αὐταῖσ ἠσθένησαν τῇ χειρί, ἔπτηξαν καὶ κατῃσχύνθησαν, ἐγένοντο χόρτοσ ἀγροῦ ἢ χλωρὰ βοτάνη, χλόη δωμάτων καὶ πάτημα ἀπέναντι ἑστηκότοσ. καὶ τὴν καθέδραν σου καὶ τὴν ἔξοδόν σου ἔγνων καὶ τὸν θυμόν σου ἐπ̓ ἐμέ, διὰ τὸ ὀργισθῆναί σε ἐπ̓ ἐμὲ καὶ τὸ στρῆνόσ σου ἀνέβη ἐν τοῖσ ὠσί μου καὶ θήσω τὰ ἄγκιστρά μου ἐν τοῖσ μυκτῆρσί σου καὶ χαλινὸν ἐν τοῖσ χείλεσί σου καὶ ἀποστρέψω σε ἐν τῇ ὁδῷ, ᾗ ἦλθεσ ἐν αὐτῇ. καὶ τοῦτόν σοι τὸ σημεῖον. φάγε τοῦτον τὸν ἐνιαυτὸν αὐτόματα καὶ τῷ ἔτει τῷ δευτέρῳ τὰ ἀνατέλλοντα. καὶ ἔτει τῷ τρίτῳ σπορὰ καὶ ἄμητοσ καὶ φυτεία ἀμπελώνων, καὶ φάγεσθε τὸν καρπὸν αὐτῶν. καὶ προσθήσει τὸν διασεσωσμένον οἴκου Ἰούδα τὸ ὑπολειφθὲν ρίζαν κάτω καὶ ποιήσει καρπὸν ἄνω. ὅτι ἐξ Ἱερουσαλὴμ ἐξελεύσεται κατάλειμμα καὶ ἀνασῳζόμενοσ ἐξ ὄρουσ Σιών. ὁ ζῆλοσ Κυρίου τῶν δυνάμεων ποιήσει τοῦτο. οὐχ οὕτωσ̣ τάδε λέγει Κύριοσ πρὸσ βασιλέα Ἀσσυρίων. οὐκ εἰσελεύσεται εἰσ τὴν πόλιν ταύτην καὶ οὐ τοξεύσει ἐκεῖ βέλοσ, καὶ οὐ προφθάσει αὐτὴν θυρεόσ, καὶ οὐ μὴ ἐκχέῃ πρὸσ αὐτὴν πρόσχωμα. τῇ ὁδῷ, ᾗ ἦλθεν, ἐν αὐτῇ ἀποστραφήσεται καὶ εἰσ τὴν πόλιν ταύτην οὐκ εἰσελεύσεται, λέγει Κύριοσ, καὶ ὑπερασπιῶ ὑπὲρ τῆσ πόλεωσ ταύτησ δἰ ἐμὲ καὶ διὰ Δαυὶδ τὸν δοῦλόν μου. Καὶ ἐγένετο ἕωσ νυκτὸσ καὶ ἐξῆλθεν ἄγγελοσ Κυρίου καὶ ἐπάταξεν ἐν τῇ παρεμβολῇ Ἀσσυρίων ἑκατὸν ὀγδοηκονταπέντε χιλιάδασ. καὶ ὤρθρισαν τὸ πρωί̈, καὶ ἰδοὺ πάντεσ σώματα νεκρά. καὶ ἀπῇρε καὶ ἐπορεύθη καὶ ἀπέστρεψε Σενναχηρὶμ βασιλεὺσ Ἀσσυρίων καὶ ᾤκησεν ἐν Νινευῆ. καὶ ἐγένετο αὐτοῦ προσκυνοῦντοσ ἐν οἴκῳ Νεσερὰχ θεοῦ αὐτοῦ καὶ Ἀδραμέλεχ καὶ Σαρασάρ, οἱ υἱοὶ αὐτοῦ ἐπάταξαν αὐτὸν ἐν μαχαίρᾳ, καὶ αὐτοὶ ἐσώθησαν εἰσ γῆν Ἀραράθ. καὶ ἐβασίλευσεν Ἀσορδὰν ὁ υἱὸσ αὐτοῦ ἀντ̓ αὐτοῦ.

목록

일치하는 문장이 없습니다.

SEARCH

MENU NAVIGATION