헬라어 문장 검색 - Σεπτύ012́017́

(70인역 성경, 열왕기 하권 17:)

ΕΝ ἔτει δωδεκάτῳ τοῦ Ἄχαζ βασιλέωσ Ἰούδα ἐβασίλευσεν Ὡσηὲ υἱὸσ Ἠλὰ ἐν Σαμαρείᾳ ἐπὶ Ἰσραὴλ ἐννέα ἔτη. καὶ ἐποίησε τὸ πονηρὸν ἐν ὀφθαλμοῖσ Κυρίου, πλὴν οὐχ ὡσ οἱ βασιλεῖσ Ἰσραήλ, οἳ ἦσαν ἔμπροσθεν αὐτοῦ. ἐπ̓ αὐτὸν ἀνέβη Σαλαμανασὰρ βασιλεὺσ Ἀσσυρίων, καὶ ἐγενήθη αὐτῷ Ὡσηὲ δοῦλοσ καὶ ἐπέστρεψεν αὐτῷ μαναά. καὶ εὗρε βασιλεὺσ Ἀσσυρίων ἐν τῷ Ὡσηὲ ἀδικίαν, ὅτι ἀπέστειλεν ἀγγέλουσ πρὸσ Σηγὼρ βασιλέα Αἰγύπτου καὶ οὐκ ἤνεγκε μαναὰ τῷ βασιλεῖ Ἀσσυρίων ἐν τῷ ἐνιαυτῷ ἐκείνῳ, καὶ ἐπολιόρκησεν αὐτὸν ὁ βασιλεὺσ Ἀσσυρίων καὶ ἔδησεν αὐτὸν ἐν οἴκῳ φυλακῆσ. καὶ ἀνέβη ὁ βασιλεὺσ Ἀσσυρίων ἐν πάσῃ τῇ γῇ καὶ ἀνέβη εἰσ Σαμάρειαν, καὶ ἐπολιόρκησεν ἐπ̓ αὐτὴν τρία ἔτη. ἐν ἔτει ἐνάτῳ Ὡσηὲ συνέλαβε βασιλεὺσ Ἀσσυρίων τὴν Σαμάρειαν καὶ ἀπῴκισεν Ἰσραὴλ εἰσ Ἀσσυρίουσ καὶ κατῴκισεν αὐτοὺσ ἐν Ἀλαὲ καὶ ἐν Ἀβὼρ ποταμοῖσ Γωζάν, καὶ ὄρη Μήδων. καὶ ἐγένετο ὅτι ἥμαρτον οἱ υἱοὶ Ἰσραὴλ τῷ Κυρίῳ Θεῷ αὐτῶν τῷ ἀναγαγόντι αὐτοὺσ ἐκ γῆσ Αἰγύπτου ὑποκάτωθεν χειρὸσ Φαραὼ βασιλέωσ Αἰγύπτου καὶ ἐφοβήθησαν θεοὺσ ἑτέρους καὶ ἐπορεύθησαν τοῖσ δικαιώμασι τῶν ἐθνῶν, ὧν ἐξῇρε Κύριοσ ἐκ προσώπου υἱῶν Ἰσραήλ, καὶ οἱ βασιλεῖσ Ἰσραήλ, ὅσοι ἐποίησαν, καὶ ὅσοι ἠμφιέσαντο οἱ υἱοὶ Ἰσραὴλ λόγουσ οὐχ οὕτωσ κατὰ Κυρίου Θεοῦ αὐτῶν. καὶ ᾠκοδόμησαν ἑαυτοῖσ ὑψηλὰ ἐν πάσαισ ταῖσ πόλεσιν αὐτῶν ἀπὸ πύργου φυλασσόντων ἕωσ πόλεωσ ὀχυρᾶς καὶ ἐστήλωσαν ἑαυτοῖσ στήλασ καὶ ἄλση ἐπὶ παντὶ βουνῷ ὑψηλῷ καὶ ὑποκάτω παντὸσ ξύλου ἀλσώδους καὶ ἐθυμίασαν ἐκεῖ ἐν πᾶσιν ὑψηλοῖσ καθὼσ τὰ ἔθνη, ἃ ἀπῴκισε Κύριοσ ἐκ προσώπου αὐτῶν, καὶ ἐποίησαν κοινωνοὺσ καὶ ἐχάραξαν τοῦ παροργίσαι τὸν Κύριον καὶ ἐλάτρευσαν τοῖσ εἰδώλοισ, οἷσ εἶπε Κύριοσ αὐτοῖσ. οὐ ποιήσετε τὸ ρῆμα τοῦτο τῷ Κυρίῳ. καὶ διεμαρτύρατο Κύριοσ ἐν τῷ Ἰσραὴλ καὶ ἐν τῷ Ἰούδᾳ καὶ ἐν χειρὶ πάντων τῶν προφητῶν αὐτοῦ, παντὸσ ὁρῶντοσ λέγων. ἀποστράφητε ἀπὸ τῶν ὁδῶν ὑμῶν τῶν πονηρῶν καὶ φυλάξατε τὰσ ἐντολάσ μου καὶ τὰ δικαιώματά μου καὶ πάντα τὸν νόμον, ὃν ἐνετειλάμην τοῖσ πατράσιν ὑμῶν, ὅσα ἀπέστειλα αὐτοῖσ ἐν χειρὶ τῶν δούλων μου τῶν προφητῶν. καὶ οὐκ ἤκουσαν καὶ ἐσκλήρυναν τὸν νῶτον αὐτῶν ὑπὲρ τὸν νῶτον τῶν πατέρων αὐτῶν καὶ τὰ μαρτύρια αὐτοῦ, ὅσα διεμαρτύρατο αὐτοῖσ, οὐκ ἐφύλαξαν καὶ ἐπορεύθησαν ὀπίσω τῶν ματαίων καὶ ἐματαιώθησαν, καὶ ὀπίσω τῶν ἐθνῶν τῶν περικύκλῳ αὐτῶν, ὧν ἐνετείλατο Κύριοσ αὐτοῖσ μὴ ποιῆσαι κατὰ ταῦτα. ἐγκατέλιπον τὰσ ἐντολὰσ Κυρίου Θεοῦ αὐτῶν καὶ ἐποίησαν ἑαυτοῖσ χώνευμα δύο δαμάλεισ καὶ ἐποίησαν ἄλση καὶ προσεκύνησαν πάσῃ τῇ δυνάμει τοῦ οὐρανοῦ καὶ ἐλάτρευσαν τῷ Βάαλ καὶ διῆγον τοὺσ υἱοὺσ αὐτῶν καὶ τὰσ θυγατέρασ αὐτῶν ἐν πυρὶ καὶ ἐμαντεύοντο μαντείασ καὶ οἰωνίζοντο καὶ ἐπράθησαν τοῦ ποιῆσαι τὸ πονηρὸν ἐν ὀφθαλμοῖσ Κυρίου παροργίσαι αὐτόν. καὶ ἐθυμώθη Κύριοσ σφόδρα ἐν τῷ Ἰσραήλ, καὶ ἀπέστησεν αὐτοὺσ ἀπὸ τοῦ προσώπου αὐτοῦ, καὶ οὐχ ὑπελείφθη πλὴν φυλὴ Ἰούδα μονωτάτη. καί γε Ἰούδασ οὐκ ἐφύλαξε τὰσ ἐντολὰσ Κυρίου τοῦ Θεοῦ αὐτῶν καὶ ἐπορεύθησαν ἐν τοῖσ δικαιώμασιν Ἰσραήλ, οἷσ ἐποίησαν, καὶ ἀπεώσαντο τὸν Κύριον, καὶ ἐθυμώθη Κύριοσ παντὶ σπέρματι Ἰσραὴλ καὶ ἐσάλευσεν αὐτοὺσ καὶ ἔδωκεν αὐτοὺσ ἐν χειρὶ διαρπαζόντων αὐτούσ, ἕωσ οὗ ἀπέρριψεν αὐτοὺσ ἀπὸ προσώπου αὐτοῦ. ὅτι πλὴν Ἰσραὴλ ἐπάνωθεν οἴκου Δαυὶδ καὶ ἐβασίλευσαν τὸν Ἱεροβοὰμ υἱὸν Ναβάτ, καὶ ἐξέωσεν Ἱεροβοὰμ τὸν Ἰσραὴλ ἐξόπισθεν Κυρίου καὶ ἐξήμαρτεν αὐτοὺσ ἁμαρτίαν μεγάλην. καὶ ἐπορεύθησαν οἱ υἱοὶ Ἰσραὴλ ἐν πάσῃ ἁμαρτίᾳ Ἱεροβοάμ, ᾗ ἐποίησεν, οὐκ ἀπέστησαν ἀπ̓ αὐτῆσ, ἕωσ οὗ μετέστησε Κύριοσ τὸν Ἰσραὴλ ἀπὸ προσώπου αὐτοῦ, καθὼσ ἐλάλησε Κύριοσ ἐν χειρὶ πάντων τῶν δούλων αὐτοῦ τῶν προφητῶν, καὶ ἀπῳκίσθη Ἰσραὴλ ἐπάνωθεν τῆσ γῆσ αὐτοῦ εἰσ Ἀσσυρίουσ ἕωσ τῆσ ἡμέρασ ταύτησ. Καὶ ἤγαγε βασιλεὺσ Ἀσσυρίων ἐκ Βαβυλῶνοσ τὸν ἐκ Χουθὰ ἀπὸ Αἰ̈ὰ καὶ ἀπὸ Αἰμὰθ καὶ Σεπφαρουαί̈μ, καὶ κατῳκίσθησαν ἐν πόλεσι Σαμαρείασ ἀντὶ τῶν υἱῶν Ἰσραὴλ καὶ ἐκληρονόμησαν τὴν Σαμάρειαν καὶ κατῴκισαν ἐν ταῖσ πόλεσιν αὐτῆσ. καὶ ἐγένετο ἐν ἀρχῇ τῆσ καθέδρασ αὐτῶν οὐκ ἐφοβήθησαν τὸν Κύριον, καὶ ἀπέστειλε Κύριοσ ἐν αὐτοῖσ τοὺσ λέοντασ, καὶ ἦσαν ἀποκτέννοντεσ ἐν αὐτοῖσ. καὶ εἶπαν τῷ βασιλεῖ Ἀσσυρίων λέγοντεσ. τὰ ἔθνη, ἃ ἀπῴκισασ καὶ ἀντεκάθισασ ἐν πόλεσι Σαμαρείασ, οὐκ ἔγνωσαν τὸ κρίμα τοῦ Θεοῦ τῆσ γῆσ, καὶ ἀπέστειλεν εἰσ αὐτοὺσ τοὺσ λέοντασ, καὶ ἰδού εἰσι θανατοῦντεσ αὐτούσ, καθότι οὐκ οἴδασι τὸ κρίμα τοῦ Θεοῦ τῆσ γῆσ, καὶ ἐνετείλατο ὁ βασιλεὺσ Ἀσσυρίων λέγων. ἀπάγετε ἐκεῖθεν καὶ πορευέσθωσαν καὶ κατοικήτωσαν ἐκεῖ καὶ φωτιοῦσιν αὐτοὺσ τὸ κρίμα τοῦ Θεοῦ τῆσ γῆσ. καὶ ἤγαγον ἕνα τῶν ἱερέων, ὧν ἀπῴκισαν ἀπὸ Σαμαρείασ, καὶ ἐκάθισεν ἐν Βαιθὴλ καὶ ἦν φωτίζων αὐτοὺσ πῶσ φοβηθῶσι τὸν Κύριον. καὶ ἦσαν ποιοῦντεσ ἔθνη ἔθνη θεοὺσ αὐτῶν καὶ ἔθηκαν ἐν οἴκῳ τῶν ὑψηλῶν, ὧν ἐποίησαν οἱ Σαμαρεῖται, ἔθνη ἔθνη ἐν ταῖσ πόλεσιν αὐτῶν, ἐν αἷσ κατῴκουν. καὶ οἱ ἄνδρεσ Βαβυλῶνοσ ἐποίησαν τὴν Σωκχὼθ Βαινίθ, καὶ οἱ ἄνδρεσ Χοὺθ ἐποίησαν τὴν Νηριγέλ, καὶ οἱ ἄνδρεσ Αἰμὰθ ἐποίησαν τὴν Ἀσιμάθ, καὶ οἱ Εὐαῖοι ἐποίησαν τὴν Ἐβλαζὲρ καὶ τὴν Θαρθάκ, καὶ οἱ Σεπφαρουαί̈μ κατέκαιον τοὺσ υἱοὺσ αὐτῶν ἐν πυρὶ τῷ Ἀδραμέλεχ καὶ Ἀνημελέχ, θεοῖσ Σεπφαρουαί̈μ. καὶ ἦσαν φοβούμενοι τὸν Κύριον καὶ κατῴκισαν τὰ βδελύγματα αὐτῶν ἐν τοῖσ οἴκοισ τῶν ὑψηλῶν, ἃ ἐποίησαν ἐν Σαμαρείᾳ, ἔθνοσ ἔθνοσ ἐν πόλει, ἐν ᾗ κατῴκουν ἐν αὐτῇ. καὶ ἦσαν φοβούμενοι τὸν Κύριον καὶ ἐποίησαν ἑαυτοῖσ ἱερεῖσ τῶν ὑψηλῶν καὶ ἐποίησαν ἐν οἴκῳ τῶν ὑψηλῶν. καὶ τὸν Κύριον ἐφοβοῦντο καὶ τοῖσ θεοῖσ αὐτῶν ἐλάτρευον κατὰ τὸ κρίμα τῶν ἐθνῶν, ὅθεν ἀπῴκισαν αὐτοὺσ ἐκεῖθεν. ἕωσ τῆσ ἡμέρασ ταύτησ αὐτοὶ ἐποίουν κατὰ τὸ κρίμα αὐτῶν. αὐτοὶ φοβοῦνται καὶ αὐτοὶ ποιοῦσι κατὰ τὰ δικαιώματα αὐτῶν καὶ κατὰ τὴν κρίσιν αὐτῶν καὶ κατὰ τὸν νόμον καὶ κατὰ τὴν ἐντολήν, ἣν ἐνετείλατο Κύριοσ τοῖσ υἱοῖσ Ἰακώβ, οὗ ἔθηκε τὸ ὄνομα αὐτοῦ Ἰσραήλ, καὶ διέθετο Κύριοσ μετ̓ αὐτῶν διαθήκην καὶ ἐνετείλατο αὐτοῖσ λέγων. οὐ φοβηθήσεσθε θεοὺσ ἑτέρουσ καὶ οὐ προσκυνήσετε αὐτοῖσ καὶ οὐ λατρεύσετε αὐτοῖσ καὶ οὐ θυσιάσετε αὐτοῖσ, ὅτι ἀλλ̓ ἢ τῷ Κυρίῳ, ὃσ ἀνήγαγεν ὑμᾶσ ἐκ γῆσ Αἰγύπτου ἐν ἰσχύϊ μεγάλῃ καὶ ἐν βραχίονι ὑψηλῷ, αὐτὸν φοβηθήσεσθε καὶ αὐτῷ προσκυνήσετε, αὐτῷ θύσετε. καὶ τὰ δικαιώματα καὶ τὰ κρίματα καὶ τὸν νόμον καὶ τὰσ ἐντολάσ, ἃσ ἔγραψεν ὑμῖν ποιεῖν, φυλάσσεσθε πάσασ τὰσ ἡμέρασ καὶ οὐ φοβηθήσεσθε θεοὺσ ἑτέρουσ. καὶ τὴν διαθήκην, ἣν διέθετο μεθ̓ ὑμῶν, οὐκ ἐπιλήσεσθε καὶ οὐ φοβηθήσεσθε θεοὺσ ἑτέρουσ, ἀλλ̓ ἢ τὸν Κύριον Θεὸν ὑμῶν φοβηθήσεσθε, καὶ αὐτὸσ ἐξελεῖται ὑμᾶσ ἐκ πάντων τῶν ἐχθρῶν ὑμῶν. καὶ οὐκ ἀκούσεσθε ἐπὶ τῷ κρίματι αὐτῶν, ὃ αὐτοὶ ποιοῦσι. καὶ ἦσαν τὰ ἔθνη ταῦτα φοβούμενοι τὸν Κύριον καὶ τοῖσ γλυπτοῖσ αὐ‐τῶν ἦσαν δουλεύοντεσ, καί γε οἱ υἱοὶ καὶ οἱ υἱοὶ τῶν υἱῶν αὐτῶν, καθὰ ἐποίησαν οἱ πατέρεσ αὐτῶν, ποιοῦσιν ἕωσ τῆσ ἡμέρασ ταύτησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Regum 17:

(70인역 성경, 열왕기 하권 17:)

목록

SEARCH

MENU NAVIGATION