Septuagint, Liber II Regum 16:

(70인역 성경, 열왕기 하권 16:)

ΕΝ ἔτει ἑπτακαιδεκάτῳ Φακεὲ υἱοῦ Ρομελίου ἐβασίλευσεν Ἄχαζ υἱὸσ Ἰωάθαμ βασιλέωσ Ἰούδα. υἱὸσ εἴκοσιν ἐτῶν ἦν Ἄχαζ ἐν τῷ βασιλεύειν αὐτὸν καὶ ἑκκαίδεκα ἔτη ἐβασίλευσεν ἐν Ἱερουσαλήμ. καὶ οὐκ ἐποίησε τὸ εὐθὲσ ἐν ὀφθαλμοῖσ Κυρίου Θεοῦ αὐτοῦ πιστῶσ, ὡσ Δαυὶδ ὁ πατὴρ αὐτοῦ καὶ ἐπορεύθη, ἐν ὁδῷ βασιλέων Ἰσραήλ, καί γε τὸν υἱὸν αὐτοῦ διῆγεν ἐν πυρὶ κατὰ τὰ βδελύγματα τῶν ἐθνῶν, ὧν ἐξῇρε Κύριοσ ἀπὸ προσώπου τῶν υἱῶν Ἰσραήλ, καὶ ἐθυσίαζε καὶ ἐθυμία ἐν τοῖσ ὑψηλοῖσ καὶ ἐπὶ τῶν βουνῶν καὶ ὑποκάτω παντὸσ ξύλου ἀλσώδουσ. τότε ἀνέβη Ραασσὼν βασιλεὺσ Συρίασ καὶ Φακεὲ υἱὸσ Ρομελίου βασιλεὺσ Ἰσραὴλ εἰσ Ἱερουσαλὴμ εἰσ πόλεμον καὶ ἐπολιόρκουν ἐπὶ Ἄχαζ καὶ οὐκ ἠδύναντο πολεμεῖν. ἐν τῷ καιρῷ ἐκείνῳ ἐπέστρεψε Ραασσὼν βασιλεὺσ Συρίασ τὴν Αἰλὰθ τῇ Συρίᾳ καὶ ἐξέβαλε τοὺσ Ἰουδαίουσ ἐξ Αἰλὰθ καὶ Ἰδουμαῖοι ἦλθον εἰσ Αἰλὰθ καὶ κατῴκησαν ἐκεῖ ἕωσ τῆσ ἡμέρασ ταύτησ. καὶ ἀπέστειλεν Ἄχαζ ἀγγέλουσ πρὸσ Θαγλαθφελλασὰρ βασιλέα Ἀσσυρίων λέγων. δοῦλόσ σου καὶ υἱόσ σου ἐγώ, ἀνάβηθι καὶ σῶσόν με ἐκ χειρὸσ βασιλέωσ Συρίασ καὶ ἐκ χειρὸσ βασιλέωσ Ἰσραὴλ τῶν ἐπανισταμένων ἐπ̓ ἐμέ. καὶ ἔλαβεν Ἄχαζ ἀργύριον καὶ χρυσίον τὸ εὑρεθὲν ἐν θησαυροῖσ οἴκου Κυρίου καὶ οἴκου βασιλέωσ καὶ ἀπέστειλε τῷ βασιλεῖ δῶρα. καὶ ἤκουσεν αὐτοῦ βασιλεὺσ Ἀσσυρίων, καὶ ἀνέβη βασιλεὺσ Ἀσσυρίων εἰσ Δαμασκὸν καὶ συνέλαβεν αὐτὴν καὶ ἀπῴκισεν αὐτὴν καὶ τὸν Ραασσὼν βασιλέα ἐθανάτωσε. καὶ ἐπορεύθη βασιλεὺσ Ἄχαζ εἰσ Δαμασκὸν εἰσ ἀπαντὴν Θαγλαθφελλασὰρ βασιλεῖ Ἀσσυρίων εἰσ Δαμασκόν. καὶ εἶδε τὸ θυσιαστήριον ἐν Δαμασκῶ, καὶ ἀπέστειλεν ὁ βασιλεὺσ Ἄχαζ πρὸσ Οὐρίαν τὸν ἱερέα τὸ ὁμοίωμα τοῦ θυσιαστηρίου καὶ τὸν ρυθμὸν αὐτοῦ καὶ πᾶσαν ποίησιν αὐτοῦ. καὶ ᾠκοδόμησεν Οὐρίασ ὁ ἱερεὺσ τὸ θυσιαστήριον κατὰ πάντα, ὅσα ἀπέστειλεν ὁ βασιλεὺσ Ἄχαζ ἐκ Δαμασκοῦ. καὶ εἶδεν ὁ βασιλεὺσ τὸ θυσιαστήριον καὶ ἀνέβη ἐπ̓ αὐτὸ καὶ ἐθυμίασε τὴν ὁλοκαύτωσιν αὐτοῦ καὶ τὴν θυσίαν αὐτοῦ καὶ τὴν σπονδὴν αὐτοῦ καὶ προσέχεε τὸ αἷμα τῶν εἰρηνικῶν τῶν αὐτοῦ ἐπὶ τὸ θυσιαστήριον τὸ χαλκοῦν τὸ ἀπέναντι Κυρίου. καὶ προσήγαγε ἀπὸ προσώπου τοῦ οἴκου Κυρίου ἀπὸ τοῦ ἀνὰ μέσον τοῦ θυσιαστηρίου καὶ ἀπὸ τοῦ ἀνὰ μέσον τοῦ οἴκου Κυρίου καὶ ἔδειξεν αὐτὸ ἐπὶ μηρὸν τοῦ θυσιαστηρίου κατὰ βορρᾶν. καὶ ἐνετείλατο ὁ βασιλεὺσ Ἄχαζ τῷ Οὐρίᾳ τῷ ἱερεῖ λέγων. ἐπὶ τὸ θυσιαστήριον τὸ μέγα πρόσφερε τὴν ὁλοκαύτωσιν τὴν πρωϊνὴν καὶ τὴν θυσίαν τὴν ἑσπερινήν, καὶ τὴν ὁλοκαύτωσιν τοῦ βασιλέωσ καὶ τὴν θυσίαν αὐτοῦ καὶ τὴν ὁλοκαύτωσιν παντὸσ τοῦ λαοῦ καὶ τὴν θυσίαν αὐτῶν καὶ τὴν σπονδὴν αὐτῶν καὶ πᾶν αἷμα ὁλοκαυτώσεωσ καὶ πᾶν αἷμα θυσίασ ἐπ̓ αὐτῷ ἐκχεεῖσ. καὶ τὸ θυσιαστήριον τὸ χαλκοῦν ἔσται μοι εἰσ τὸ πρωί̈. καὶ ἐποίησεν Οὐρίασ ὁ ἱερεὺσ κατὰ πάντα, ὅσα ἐνετείλατο αὐτῷ ὁ βασιλεὺσ Ἄχαζ. καὶ συνέκοψεν ὁ βασιλεὺσ Ἄχαζ τὰ συγκλείσματα τῶν μεχωνὼθ καὶ μετῇρεν ἀπ̓ αὐτῶν τὸν λουτῆρα καὶ τὴν θάλασσαν καθεῖλεν ἀπὸ τῶν βοῶν τῶν χαλκῶν τῶν ὑποκάτω αὐτῆσ καὶ ἔδωκεν αὐτὴν ἐπὶ βάσιν λιθίνην. καὶ τὸν θεμέλιον τῆσ καθέδρασ ᾠκοδόμησεν ἐν οἴκῳ Κυρίου καὶ τὴν εἴσοδον τοῦ βασιλέωσ τὴν ἔξω ἐπέστρεψεν ἐν οἴκῳ Κυρίου ἀπὸ προσώπου βασιλέωσ Ἀσσυρίων. καὶ τὰ λοιπὰ τῶν λόγων Ἄχαζ, ὅσα ἐποίησεν, οὐχὶ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰούδα̣ καὶ ἐκοιμήθη Ἄχαζ μετὰ τῶν πατέρων αὐτοῦ καὶ ἐτάφη ἐν πόλει Δαυίδ, καὶ ἐβασίλευσεν Ἐζεκίασ υἱὸσ αὐτοῦ ἀντ̓ αὐτοῦ.

목록

일치하는 문장이 없습니다.

SEARCH

MENU NAVIGATION