헬라어 문장 검색 - Σεπτύ012́015́

(70인역 성경, 열왕기 하권 15:)

ΕΝ ἔτει εἰκοστῷ καὶ ἑβδόμῳ τῷ Ἱεροβοὰμ βασιλεῖ Ἰσραὴλ ἐβασίλευσεν Ἀζαρίασ υἱὸσ Ἀμεσσίου βασιλέωσ Ἰούδα. υἱὸσ ἑκκαίδεκα ἐτῶν ἦν ἐν τῷ βασιλεύειν αὐτὸν καὶ πεντηκονταδύο ἔτη ἐβασίλευσεν ἐν Ἱερουσαλήμ, καὶ ὄνομα τῇ μητρὶ αὐτοῦ Ἱεχελία ἐξ Ἱερουσαλήμ. καὶ ἐποίησε τὸ εὐθὲσ ἐν ὀφθαλμοῖσ Κυρίου κατὰ πάντα, ὅσα ἐποίησεν Ἀμεσσίασ ὁ πατὴρ αὐτοῦ. πλὴν τῶν ὑψηλῶν οὐκ ἐξῇρεν, ἔτι ὁ λαὸσ ἐθυσίαζε καὶ ἐθυμίων ἐν τοῖσ ὑψηλοῖσ, καὶ ἥψατο Κύριοσ τὸν βασιλέα, καὶ ἦν λελεπρωμένοσ ἕωσ ἡμέρασ θανάτου αὐτοῦ καὶ ἐβασίλευσεν ἐν οἴκῳ ἀφφουσώθ, καὶ Ἰωάθαμ υἱὸσ τοῦ βασιλέωσ ἐπὶ τῷ οἴκῳ κρίνων τὸν λαὸν τῆσ γῆσ. καὶ τὰ λοιπὰ τῶν λόγων Ἀζαρίου, καὶ πάντα, ὅσα ἐποίησεν, οὐχὶ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰούδα̣ καὶ ἐκοιμήθη Ἀζαρίασ μετὰ τῶν πατέρων αὐτοῦ, καὶ ἔθαψαν αὐτὸν μετὰ τῶν πατέρων αὐτοῦ ἐν πόλει Δαυίδ, καὶ ἐβασίλευσεν Ἰωάθαμ υἱὸσ αὐτοῦ ἀντ̓ αὐτοῦ. Ἐν ἔτει τριακοστῷ καὶ ὀγδόῳ τῷ Ἀζαρίου βασιλεῖ Ἰούδα ἐβασίλευσε Ζαχαρίασ υἱὸσ Ἱεροβοὰμ ἐπὶ Ἰσραὴλ ἐν Σαμαρείᾳ ἑξάμηνον. καὶ ἐποίησε τὸ πονηρὸν ἐν ὀφθαλμοῖσ Κυρίου, καθὰ ἐποίησαν οἱ πατέρεσ αὐτοῦ. οὐκ ἀπέστη ἀπὸ πασῶν τῶν ἁμαρτιῶν Ἱεροβοὰμ υἱοῦ Ναβάτ, ὃσ ἐξήμαρτε τὸν Ἰσραήλ. καὶ συνεστράφησαν ἐπ̓ αὐτὸν Σελλοὺμ υἱὸσ Ἰαβὶσ καὶ Κεβλαὰμ καὶ ἐπάταξαν αὐτὸν καὶ ἐθανάτωσαν αὐτόν, καὶ Σελλοὺμ ἐβασίλευσεν ἀντ̓ αὐτοῦ. καὶ τὰ λοιπὰ τῶν λόγων Ζαχαρίου ἰδού εἰσι γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰσραήλ. ὁ λόγοσ Κυρίου, ὃν ἐλάλησε πρὸσ Ἰοὺ λέγων. υἱοὶ τέταρτοι καθήσονταί σοι ἐπὶ θρόνου Ἰσραήλ. καὶ ἐγένετο οὕτωσ. Καὶ Σελλοὺμ υἱὸσ Ἰαβὶσ ἐβασίλευσε. καὶ ἐν ἔτει τριακοστῷ καὶ ἐνάτῳ Ἀζαρίᾳ βασιλεῖ Ἰούδα ἐβασίλευσε Σελλοὺμ μῆνα ἡμερῶν ἐν Σαμαρείᾳ. καὶ ἀνέβη Μαναὴμ υἱὸσ Γαδδὶ ἐκ Θαρσιλὰ καὶ ἦλθεν εἰσ Σαμάρειαν καὶ ἐπάταξε τὸν Σελλοὺμ υἱὸν Ἰαβὶσ ἐν Σαμαρείᾳ καὶ ἐθανάτωσεν αὐτόν. καὶ τὰ λοιπὰ τῶν λόγων Σελλοὺμ καὶ ἡ συστροφὴ αὐτοῦ, ἣν συνεστράφη, ἰδού εἰσι γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰσραήλ. τότε ἐπάταξε Μαναὴμ τὴν Θερσὰ καὶ πάντα τὰ ἐν αὐτῇ καὶ τὰ ὅρια αὐτῆσ ἀπὸ Θερσά, ὅτι οὐκ ἤνοιξαν αὐτῷ. καὶ ἐπάταξεν αὐτὴν καὶ τὰσ ἐν γαστρὶ ἐχούσασ ἀνέρρηξεν. Ἐν ἔτει τριακοστῷ καὶ ἐνάτῳ τῷ Ἀζαρίᾳ βασιλεῖ Ἰούδα ἐβασίλευσε Μαναὴμ υἱὸσ Γαδδὶ ἐπὶ Ἰσραὴλ ἐν Σαμαρείᾳ δέκα ἔτη. καὶ ἐποίησε τὸ πονηρὸν ἐν ὀφθαλμοῖσ Κυρίου. οὐκ ἀπέστη ἀπὸ πασῶν ἁμαρτιῶν Ἱεροβοὰμ υἱοῦ Ναβάτ, ὃσ ἐξήμαρτε τὸν Ἰσραήλ. ἐν ταῖσ ἡμέραισ αὐτοῦ ἀνέβη Φοὺλ βασιλεὺσ Ἀσσυρίων ἐπὶ τὴν γῆν, καὶ Μαναὴμ ἔδωκε τῷ Φοὺλ χίλια τάλαντα ἀργυρίου εἶναι τὴν χεῖρα αὐτοῦ μετ̓ αὐτοῦ. καὶ ἐξήνεγκε Μαναὴμ τὸ ἀργύριον ἐπὶ τὸν Ἰσραήλ, ἐπὶ πᾶν δυνατὸν ἰσχύϊ, δοῦναι τῷ βασιλεῖ τῶν Ἀσσυρίων, πεντήκοντα σίκλουσ τῷ ἀνδρὶ τῷ ἑνί. καὶ ἀπέστρεψε βασιλεὺσ Ἀσσυρίων καὶ οὐκ ἔστη ἐκεῖ ἐν τῇ γῇ. καὶ τὰ λοιπὰ τῶν λόγων Μαναὴμ καὶ πάντα ὅσα ἐποίησεν, οὐκ ἰδοὺ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰσραήλ̣ καὶ ἐκοιμήθη Μαναὴμ μετὰ τῶν πατέρων αὐτοῦ, καὶ ἐβασίλευσε Φακεσίασ υἱὸσ αὐτοῦ ἀντ̓ αὐτοῦ. Ἐν ἔτει πεντηκοστῷ τοῦ Ἀζαρίου βασιλεῖ Ἰούδα ἐβασίλευσε Φακεσίασ υἱὸσ Μαναὴμ ἐπὶ Ἰσραὴλ ἐν Σαμαρείᾳ δύο ἔτη. καὶ ἐποίησε τὸ πονηρὸν ἐν ὀφθαλμοῖσ Κυρίου. οὐκ ἀπέστη ἀπὸ ἁμαρτιῶν Ἱεροβοὰμ υἱοῦ Ναβάτ, ὃσ ἐξήμαρτε τὸν Ἰσραήλ. καὶ συνεστράφη ἐπ̓ αὐτὸν Φακεὲ υἱὸσ Ρομελίου ὁ τριστάτησ αὐτοῦ καὶ ἐπάταξεν αὐτὸν ἐν Σαμαρείᾳ ἐναντίον οἴκου τοῦ βασιλέωσ μετὰ τοͅ Ἀργόβ καὶ μετὰ τοῦ Ἀρία, καὶ μετ̓ αὐτοῦ πεντήκοντα ἄνδρεσ ἀπὸ τῶν τετρακοσίων. καὶ ἐθανάτωσεν αὐτὸν καὶ ἐβασίλευσεν ἀντ̓ αὐτοῦ. καὶ τὰ λοιπὰ τῶν λόγων Φακεσίου καὶ πάντα, ὅσα ἐποίησεν, ἰδού εἰσι γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰσραήλ. Ἐν ἔτει πεντηκοστῷ καὶ δευτέρῳ τοῦ Ἀζαρίου βασιλεῖ Ἰούδα ἐβασίλευσε Φακεὲ υἱὸσ Ρομελίου ἐπὶ Ἰσραὴλ ἐν Σαμαρείᾳ εἴκοσιν ἔτη. καὶ ἐποίησε τὸ πονηρὸν ἐν ὀφθαλμοῖσ Κυρίου. οὐκ ἀπέστη ἀπὸ πασῶν ἁμαρτιῶν Ἱεροβοὰμ υἱοῦ Ναβάτ, ὃσ ἐξήμαρτε τὸν Ἰσραήλ. ἐν ταῖσ ἡμέραισ Φακεὲ βασιλέωσ Ἰσραὴλ ἦλθε Θαγλαθφελλασὰρ βασιλεὺσ Ἀσσυρίων καὶ ἔλαβε τὴν Αἲν καὶ τὴν Ἀβελβαιθαμααχὰ καὶ τὴν Ἀνιὼχ καὶ τὴν Κενὲζ καὶ τὴν Ἀσὼρ καὶ τὴν Γαλαὰδ καὶ τὴν Γαλιλαίαν, πᾶσαν γῆν Νεφθαλί, καὶ ἀπῴκισεν αὐτοὺσ εἰσ Ἀσσυρίουσ. καὶ συνέστρεψε σύστρεμμα Ὡσηὲ υἱὸσ Ἠλὰ ἐπὶ Φακεὲ υἱὸν Ρομελίου καὶ ἐπάταξεν αὐτὸν καὶ ἐθανάτωσε καὶ ἐβασίλευσεν ἀντ̓ αὐτοῦ ἐν ἔτει εἰκοστῷ Ἰωάθαμ υἱοῦ Ἀζαρίου. καὶ τὰ λοιπὰ τῶν λόγων Φακεὲ καὶ πάντα, ὅσα ἐποίησεν, ἰδοὺ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰσραήλ. Ἐν ἔτει δευτέρῳ Φακεὲ υἱοῦ Ρομελίου βασιλεῖ Ἰσραὴλ ἐβασίλευσεν Ἰωάθαμ υἱὸσ Ἀζαρίου βασιλέωσ Ἰούδα. υἱὸσ εἴκοσι καὶ πέντε ἐτῶν ἦν ἐν τῷ βασιλεύειν αὐτὸν καὶ ἑκκαίδεκα ἔτη ἐβασίλευσεν ἐν Ἱερουσαλήμ, καὶ ὄνομα τῆσ μητρὸσ αὐτοῦ Ἱερουσὰ θυγάτηρ Σαδώκ. καὶ ἐποίησε τὸ εὐθὲσ ἐν ὀφθαλμοῖσ Κυρίου κατὰ πάντα, ὅσα ἐποίησεν Ἀζαρίασ ὁ πατὴρ αὐτοῦ. πλὴν τὰ ὑψηλὰ οὐκ ἐξῇρεν, ἔτι ὁ λαὸσ ἐθυσίαζε καὶ ἐθυμία ἐν τοῖσ ὑψηλοῖσ. αὐτὸ ᾠκοδόμησε τὴν πύλην οἴκου Κυρίου τὴν ἐπάνω. καὶ τὰ λοιπὰ τῶν λόγων Ἰωάθαμ καὶ πάντα, ὅσα ἐποίησεν, οὐχὶ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰούδα̣ ἐν ταῖσ ἡμέραισ ἐκείναισ ἤρξατο Κύριοσ ἐξαποστέλλειν ἐν Ἰούδᾳ τὸν Ραασσὼν βασιλέα Συρίασ, καὶ τὸν Φακεὲ υἱὸν Ρομελίου. καὶ ἐκοιμήθη Ἰωάθαμ μετὰ τῶν πατέρων αὐτοῦ καὶ ἐτάφη μετὰ τῶν πατέρων αὐτοῦ ἐν πόλει Δαυὶδ τοῦ πατρὸσ αὐτοῦ, καὶ ἐβασίλευσεν Ἄχαζ υἱὸσ αὐτοῦ ἀντ̓ αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Regum 15:

(70인역 성경, 열왕기 하권 15:)

목록

SEARCH

MENU NAVIGATION