Septuagint, Liber II Regum 14:

(70인역 성경, 열왕기 하권 14:)

ΕΝ ἔτει δευτέρῳ τῷ Ἰωὰσ υἱῷ Ἰωάχαζ βασιλεῖ Ἰσραὴλ καὶ ἐβασίλευσεν Ἀμεσσίασ υἱὸσ Ἰωὰσ βασιλεὺσ Ἰούδα. υἱὸσ εἴκοσι καὶ πέντε ἐτῶν ἦν ἐν τῷ βασιλεύειν αὐτὸν καὶ εἴκοσι καὶ ἐννέα ἔτη ἐβασίλευσεν ἐν Ἱερουσαλήμ, καὶ ὄνομα τῆσ μητρὸσ αὐτοῦ Ἰωαδὶμ ἐξ Ἱερουσαλήμ. καὶ ἐποίησε τὸ εὐθὲσ ἐν ὀφθαλμοῖσ Κυρίου, πλὴν οὐχ ὡσ Δαυὶδ ὁ πατὴρ αὐτοῦ. κατὰ πάντα ὅσα ἐποίησεν Ἰωὰσ ὁ πατὴρ αὐτοῦ, ἐποίησε. πλὴν τὰ ὑψηλὰ οὐκ ἐξῇρεν, ἔτι ὁ λαὸσ ἐθυσίαζε καὶ ἐθυμίων ἐν τοῖσ ὑψηλοῖσ. καὶ ἐγένετο ὅτε κατίσχυεν ἡ βασιλεία ἐν χειρὶ αὐτοῦ, καὶ ἐπάταξε τοὺσ δούλουσ αὐτοῦ τοὺσ πατάξαντασ τὸν πατέρα αὐτοῦ. καὶ τοὺσ υἱοὺσ τῶν παταξάντων οὐκ ἐθανάτωσε, καθὼσ γέγραπται ἐν βιβλίῳ νόμων Μωυσῆ, ὡσ ἐνετείλατο Κύριοσ λέγων. οὐκ ἀποθανοῦνται πατέρεσ ὑπὲρ υἱῶν, καὶ υἱοὶ οὐκ ἀποθανοῦνται ὑπὲρ πατέρων, ὅτι ἀλλ̓ ἢ ἕκαστοσ ἐν ταῖσ ἁμαρτίαισ αὐτοῦ ἀποθανεῖται. αὐτὸσ ἐπάταξε τὴν Ἐδὼμ ἐν Γαιμελὲ δέκα χιλιάδασ καὶ συνέλαβε τὴν Πέτραν ἐν τῷ πολέμῳ καὶ ἐκάλεσε τὸ ὄνομα αὐτῆσ Καθοὴλ ἕωσ τῆσ ἡμέρασ ταύτησ. τότε ἀπέστειλεν Ἀμεσσίασ ἀγγέλουσ πρὸσ Ἰωὰσ υἱὸν Ἰωάχαζ υἱοῦ Ἰοὺ βασιλέωσ Ἰσραὴλ λέγων. δεῦρο ὀφθῶμεν προσώποισ. καὶ ἀπέστειλεν Ἰωὰσ βασιλεὺσ Ἰσραὴλ πρὸσ Ἀμεσσίαν βασιλέα Ἰούδα λέγων. ὁ ἄκαν ὁ ἐν τῷ Λιβάνῳ ἀπέστειλε πρὸσ τὴν κέδρον τὴν ἐν τῷ Λιβάνῳ λέγων. δὸσ τὴν θυγατέρα σου τῷ υἱῷ μου εἰσ γυναῖκα. καὶ διῆλθον τὰ θηρία τοῦ ἀγροῦ τὰ ἐν τῷ Λιβάνῳ καὶ συνεπάτησαν τὴν ἄκανα. τύπτων ἐπάταξασ τὴν Ἰδουμαίαν, καὶ ἐπῇρέ σε καρδία σου. ἐνδοξάσθητι καθήμενοσ ἐν τῷ οἴκῳ σου, καὶ ἱνατί ἐρίζεισ ἐν κακίᾳ σου̣ καὶ πεσῇ σὺ καὶ Ἰούδασ μετὰ σοῦ. καὶ οὐκ ἤκουσεν Ἀμεσσίασ. καὶ ἀνέβη Ἰωὰσ βασιλεὺσ Ἰσραήλ, καὶ ὤφθησαν προσώποισ αὐτὸσ καὶ Ἀμεσσίασ βασιλεὺσ Ἰούδα ἐν Βαιθσαμὺσ τῇ τοῦ Ἰούδα. καὶ ἔπταισεν Ἰούδασ ἀπὸ προσώπου Ἰσραήλ, καὶ ἔφυγεν ἀνὴρ εἰσ τὸ σκήνωμα αὐτοῦ. καὶ τὸν Ἀμεσσίαν υἱὸν Ἰωὰσ υἱοῦ Ὀχοζίου συνέλαβεν Ἰωὰσ βασιλεὺσ Ἰσραὴλ ἐν Βαιθσαμύσ. καὶ ἦλθεν εἰσ Ἱερουσαλὴμ καὶ καθεῖλεν ἐν τῷ τείχει Ἱερουσαλὴμ ἐν τῇ πύλῃ Ἐφραὶμ ἕωσ πύλησ τῆσ γωνίασ τετρακοσίουσ πήχεισ. καὶ ἔλαβεν τὸ χρυσίον καὶ τὸ ἀργύριον καὶ πάντα τὰ σκεύη τὰ εὑρεθέντα ἐν οἴκῳ Κυρίου καὶ ἐν θησαυροῖσ οἴκου τοῦ βασιλέωσ καὶ τοὺσ υἱοὺσ τῶν συμμίξεων καὶ ἀπέστρεψεν εἰσ Σαμάρειαν. καὶ τὰ λοιπὰ τῶν λόγων Ἰωάσ, ὅσα ἐποίησεν ἐν δυναστείᾳ αὐτοῦ, ἃ ἐπολέμησε μετὰ Ἀμεσσίου βασιλέωσ Ἰούδα, οὐχὶ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰσραήλ̣ καὶ ἐκοιμήθη Ἰωὰσ μετὰ τῶν πατέρων αὐτοῦ καὶ ἐτάφη ἐν Σαμαρείᾳ μετὰ τῶν βασιλέων Ἰσραήλ, καὶ ἐβασίλευσεν Ἱεροβοὰμ υἱὸσ αὐτοῦ ἀντ̓ αὐτοῦ. καὶ ἔζησεν Ἀμεσσίασ υἱὸσ Ἰωὰσ βασιλεὺσ Ἰούδα μετὰ τὸ ἀποθανεῖν Ἰωὰσ υἱὸν Ἰωάχαζ βασιλέα Ἰσραὴλ πεντεκαίδεκα ἔτη. καὶ τὰ λοιπὰ τῶν λόγων Ἀμεσσίου καὶ πάντα, ὅσα ἐποίησεν, οὐχὶ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰούδα̣ καὶ συνεστράφησαν ἐπ̓ αὐτὸν σύστρεμμα ἐν Ἱερουσαλήμ, καὶ ἔφυγεν εἰσ Λαχίσ. καὶ ἀπέστειλαν ὀπίσω αὐτοῦ εἰσ Λαχὶσ καὶ ἐθανάτωσαν αὐτὸν ἐκεῖ. καὶ ᾖραν αὐτὸν ἐφ̓ ἵππων, καὶ ἐτάφη ἐν Ἱερουσαλὴμ μετὰ τῶν πατέρων αὐτοῦ ἐν πόλει Δαυίδ. καὶ ἔλαβε πᾶσ ὁ λαὸσ Ἰούδα τὸν Ἀζαρίαν —καὶ αὐτὸσ υἱὸσ ἑκκαίδεκα ἐτῶν— καὶ ἐβασίλευσαν αὐτὸν ἀντὶ τοῦ πατρὸσ αὐτοῦ Ἀμεσσίου. αὐτὸσ ᾠκοδόμησε τὴν Αἰλὼθ καὶ ἐπέστρεψεν αὐτὴν τῷ Ἰούδᾳ μετὰ τὸ κοιμηθῆναι τὸν βασιλέα μετὰ τῶν πατέρων αὐτοῦ. Ἐν ἔτει πεντεκαιδεκάτῳ τοῦ Ἀμεσσίου υἱῷ Ἰωὰσ βασιλεῖ Ἰούδα ἐβασίλευσεν Ἱεροβοὰμ υἱὸσ Ἰωὰσ ἐπὶ Ἰσραὴλ ἐν Σαμαρείᾳ τεσσαράκοντα καὶ ἓν ἔτοσ. καὶ ἐποίησε τὸ πονηρὸν ἐνώπιον Κυρίου. οὐκ ἀπέστη ἀπὸ πασῶν ἁμαρτιῶν Ἱεροβοὰμ υἱοῦ Ναβάτ, ὃσ ἐξήμαρτε τὸν Ἰσραήλ. αὐτὸσ ἀπέστησε τὸ ὅριον Ἰσραὴλ ἀπὸ εἰσόδου Αἰμὰθ ἕωσ τῆσ θαλάσσησ τῆσ Ἄραβα κατὰ τὸ ρῆμα Κυρίου Θεοῦ Ἰσραήλ, ὃ ἐλάλησεν ἐν χειρὶ δούλου αὐτοῦ Ἰωνᾶ υἱοῦ Ἀμαθὶ τοῦ προφήτου τοῦ ἐν Γεθχοφέρ. ὅτι εἶδε Κύριοσ τὴν ταπείνωσιν Ἰσραὴλ πικρὰν σφόδρα καὶ ὀλιγοστοὺσ συνεχομένουσ καὶ ἐσπανισμένουσ καὶ ἐγκαταλελειμμένουσ, καὶ οὐκ ἦν ὁ βοηθῶν τῷ Ἰσραήλ. καὶ οὐκ ἐλάλησε Κύριοσ ἐξαλεῖψαι τὸ σπέρμα Ἰσραὴλ ὑποκάτωθεν τοῦ οὐρανοῦ καὶ ἔσωσεν αὐτοὺσ διὰ χειρὸσ Ἱεροβοὰμ υἱοῦ Ἰωάσ. καὶ τὰ λοιπὰ τῶν λόγων Ἱεροβοὰμ καὶ πάντα, ὅσα ἐποίησε, καὶ αἱ δυναστεῖαι αὐτοῦ, ὅσα ἐπολέμησε καὶ ὅσα ἐπέστρεψε τὴν Δαμασκὸν καὶ τὴν Αἰμὰθ τῷ Ἰούδᾳ ἐν Ἰσραήλ, οὐχὶ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰσραήλ̣ καὶ ἐκοιμήθη Ἱεροβοὰμ μετὰ τῶν πατέρων αὐτοῦ μετὰ βασιλέων Ἰσραήλ, καὶ ἐβασίλευσε Ζαχαρίασ υἱὸσ αὐτοῦ ἀντ̓ αὐτοῦ.

목록

일치하는 문장이 없습니다.

SEARCH

MENU NAVIGATION