헬라어 문장 검색 - Σεπτύ012́011́

(70인역 성경, 열왕기 하권 11:)

ΚΑΙ Γοθολία ἡ μήτηρ Ὀχοζίου εἶδεν ὅτι ἀπέθανεν ὁ υἱὸσ αὐτῆσ, καὶ ἀπώλεσε πᾶν τὸ σπέρμα τῆσ βασιλείασ. καὶ ἔλαβεν Ἰωσαβεὲ θυγάτηρ τοῦ βασιλέωσ Ἰωρὰμ ἀδελφὴ Ὀχοζίου τὸν Ἰωὰσ υἱὸν ἀδελφοῦ αὐτῆσ καὶ ἔκλεψεν αὐτὸν ἐκ μέσου τῶν υἱῶν τοῦ βασιλέωσ τῶν θανατουμένων, αὐτὸν καὶ τὴν τροφὸν αὐτοῦ, ἐν τῷ ταμείῳ τῶν κλινῶν, καὶ ἔκρυψεν αὐτὸν ἀπὸ προσώπου Γοθολίασ καὶ οὐκ ἐθανατώθη. καὶ ἦν μετ̓ αὐτῆσ κρυβόμενοσ ἐν οἴκῳ Κυρίου ἕξ ἔτη. καὶ Γοθολία βασιλεύουσα ἐπὶ τῆσ γῆσ. καὶ ἐν τῷ ἔτει τῷ ἑβδόμῳ ἀπέστειλεν Ἰωδαὲ ὁ ἱερεὺσ καὶ ἔλαβε τοὺσ ἑκατοντάρχουσ τῶν Χορρὶ καὶ τῶν Ρασίμ, καὶ ἀπήγαγεν αὐτοὺσ πρὸσ αὐτὸν εἰσ οἶκον Κυρίου καὶ διέθετο αὐτοῖσ διαθήκην Κυρίου καὶ ὥρκωσεν αὐτοὺσ ἐνώπιον Κυρίου καὶ ἔδειξεν αὐτοῖσ Ἰωδαὲ τὸν υἱὸν τοῦ βασιλέως καὶ ἐνετείλατο αὐτοῖσ λέγων. οὗτοσ ὁ λόγοσ, ὃν ποιήσετε. τὸ τρίτον ἐξ ὑμῶν εἰσελθέτω τὸ σάββατον καὶ φυλάξατε φυλακὴν οἴκου τοῦ βασιλέωσ ἐν τῷ πυλῶνι καὶ τὸ τρίτον ἐν τῇ πύλῃ τῶν ὁδῶν καὶ τὸ τρίτον τῆσ πύλησ ὀπίσω τῶν παρατρεχόντων. καὶ φυλάξατε τὴν φυλακὴν τοῦ οἴκου. καὶ δύο χεῖρεσ ἐν ὑμῖν, πᾶσ ὁ ἐκπορευόμενοσ τὸ σάββατον, καὶ φυλάξουσι τὴν φυλακὴν οἴκου Κυρίου πρὸσ τὸν βασιλέα. καὶ κυκλώσατε ἐπὶ τὸν βασιλέα κύκλῳ, ἀνὴρ καὶ τὸ σκεῦοσ αὐτοῦ ἐν χειρὶ αὐτοῦ, καὶ ὁ εἰσπορευόμενοσ εἰσ τὰσ σαδηρὼθ ἀποθανεῖται. καὶ ἔσονται μετὰ τοῦ βασιλέωσ ἐν τῷ ἐκπορεύεσθαι αὐτὸν καὶ ἐν τῷ εἰσπορεύεσθαι αὐτόν. καὶ ἐποίησαν οἱ ἑκατόνταρχοι πάντα, ὅσα ἐνετείλατο Ἰωδαὲ ὁ συνετόσ, καὶ ἔλαβεν ἀνὴρ τοὺσ ἄνδρασ αὐτοῦ καὶ τοὺσ εἰσπορευομένουσ τὸ σάββατον μετὰ τῶν ἐκπορευομένων τὸ σάββατον καὶ εἰσῆλθον πρὸσ Ἰωδαὲ τὸν ἱερέα. καὶ ἔδωκεν ὁ ἱερεὺσ τοῖσ ἑκατοντάρχοισ τοὺσ σειρομάστασ καὶ τοὺσ τρισσοὺσ τοῦ βασιλέωσ Δαυὶδ τοῦ ἐν οἴκῳ Κυρίου. καὶ ἔστησαν οἱ παρατρέχοντεσ, ἀνὴρ καὶ τὸ σκεῦοσ αὐτοῦ ἐν τῇ χειρὶ αὐτοῦ, ἀπὸ τῆσ ὠμίασ τοῦ οἴκου τῆσ δεξιᾶσ ἕωσ τῆσ ὠμίασ τοῦ οἴκου τῆσ εὐωνύμου τοῦ θυσιαστηρίου καὶ τοῦ οἴκου ἐπὶ τὸν βασιλέα κύκλῳ. καὶ ἐξαπέστειλε τὸν υἱὸν τοῦ βασιλέωσ καὶ ἔδωκεν ἐπ̓ αὐτὸν τὸ νεζὲρ καὶ τὸ μαρτύριον καὶ ἐβασίλευσεν αὐτὸν καὶ ἔχρισεν αὐτόν, καὶ ἐκρότησαν τῇ χειρὶ καὶ εἶπαν. ζήτω ὁ βασιλεύσ. καὶ ἤκουσε Γοθολία τὴν φωνὴν τῶν τρεχόντων τοῦ λαοῦ καὶ εἰσῆλθε πρὸσ τὸν λαὸν εἰσ οἶκον Κυρίου. καὶ εἶδε καὶ ἰδοὺ ὁ βασιλεὺσ εἱστήκει ἐπὶ τοῦ στύλου κατὰ τὸ κρίμα, καὶ οἱ ᾠδοὶ καὶ αἱ σάλπιγγεσ πρὸσ τὸν βασιλέα, καὶ πᾶσ ὁ λαὸσ τῆσ γῆσ χαίρων καὶ σαλπίζων ἐν σάλπιγξι. καὶ διέρρηξε Γοθολία τὰ ἱμάτια ἑαυτῆσ καὶ ἐβόησε. σύνδεσμοσ σύνδεσμοσ. καὶ ἐνετείλατο Ἰωδαὲ ὁ ἱερεὺσ τοῖσ ἑκατοντάρχοισ τοῖσ ἐπισκόποισ τῆσ δυνάμεωσ καὶ εἶπε πρὸσ αὐτούσ. ἐξαγάγετε αὐτὴν ἔσωθεν τῶν σαδηρώθ. ὁ εἰσπορευόμενοσ ὀπίσω αὐτῆσ θανάτῳ θανατωθήσεται ἐν ρομφαίᾳ. ὅτι εἶπεν ὁ ἱερεύσ. καὶ μὴ ἀποθάνῃ ἐν οἴκῳ Κυρίου. καὶ ἐπέθηκαν αὐτῇ χεῖρασ, καὶ εἰσῆλθεν ὁδὸν εἰσόδου τῶν ἵππων οἴκου τοῦ βασιλέωσ καὶ ἀπέθανεν ἐκεῖ. καὶ διέθετο Ἰωδαὲ διαθήκην ἀνὰ μέσον Κυρίου καὶ ἀνὰ μέσον τοῦ βασιλέωσ καὶ ἀνὰ μέσον τοῦ λαοῦ τοῦ εἶναι εἰσ λαὸν τῷ Κυρίῳ, καὶ ἀνὰ μέσον τοῦ βασιλέωσ καὶ ἀνὰ μέσον τοῦ λαοῦ. καὶ εἰσῆλθε πᾶσ ὁ λαὸσ τῆσ γῆσ εἰσ οἶκον τοῦ Βάαλ καὶ κατέσπασαν αὐτὸν καὶ τὰ θυσιαστήρια αὐτοῦ καὶ τὰσ εἰκόνασ αὐτοῦ συνέτριψαν ἀγαθῶσ καὶ τὸν Μαθὰν τὸν ἱερέα τοῦ Βάαλ ἀπέκτειναν κατὰ πρόσωπον τῶν θυσιαστηρίων, καὶ ἔθηκεν ὁ ἱερεὺσ ἐπισκόπουσ εἰσ τὸν οἶκον Κυρίου. καὶ ἔλαβε τοὺσ ἑκατοντάρχουσ καὶ τὸν Χορρὶ καὶ τὸν Ρασὶμ καὶ πάντα τὸν λαὸν τῆσ γῆσ, καὶ κατήγαγον τὸν βασιλέα ἐξ οἴκου Κυρίου, καὶ εἰσῆλθον ὁδὸν πύλησ τῶν παρατρεχόντων οἴκου τοῦ βασιλέωσ, καὶ ἐκάθισαν αὐτὸν ἐπὶ θρόνου τῶν βασιλέων. καὶ ἐχάρη πᾶσ ὁ λαὸσ τῆσ γῆσ, καὶ ἡ πόλισ ἡσύχασε. καὶ τὴν Γοθολίαν ἐθανάτωσαν ἐν ρομφαίᾳ ἐν οἴκῳ τοῦ βασιλέωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Regum 11:

(70인역 성경, 열왕기 하권 11:)

목록

SEARCH

MENU NAVIGATION