헬라어 문장 검색 - Σεπτύ012́010́

(70인역 성경, 열왕기 하권 10:)

Καὶ τῷ Αχααβ ἑβδομήκοντα υἱοὶ ἐν Σαμαρείᾳ. καὶ ἔγραψεν Ιου βιβλίον καὶ ἀπέστειλεν ἐν Σαμαρείᾳ πρὸσ τοὺσ ἄρχοντασ Σαμαρείασ καὶ πρὸσ τοὺσ πρεσβυτέρουσ καὶ πρὸσ τοὺσ τιθηνοὺσ υἱῶν Αχααβ λέγων Καὶ νῦν ὡσ ἐὰν ἔλθῃ τὸ βιβλίον τοῦτο πρὸσ ὑμᾶσ, μεθ’ ὑμῶν οἱ υἱοὶ τοῦ κυρίου ὑμῶν καὶ μεθ’ ὑμῶν τὸ ἅρμα καὶ οἱ ἵπποι καὶ πόλεισ ὀχυραὶ καὶ τὰ ὅπλα, καὶ ὄψεσθε τὸν ἀγαθὸν καὶ τὸν εὐθῆ ἐν τοῖσ υἱοῖσ τοῦ κυρίου ὑμῶν καὶ καταστήσετε αὐτὸν ἐπὶ τὸν θρόνον τοῦ πατρὸσ αὐτοῦ καὶ πολεμεῖτε ὑπὲρ τοῦ οἴκου τοῦ κυρίου ὑμῶν. καὶ ἐφοβήθησαν σφόδρα καὶ εἶπον Ἰδοὺ οἱ δύο βασιλεῖσ οὐκ ἔστησαν κατὰ πρόσωπον αὐτοῦ, καὶ πῶσ στησόμεθα ἡμεῖσ; καὶ ἀπέστειλαν οἱ ἐπὶ τοῦ οἴκου καὶ οἱ ἐπὶ τῆσ πόλεωσ καὶ οἱ πρεσβύτεροι καὶ οἱ τιθηνοὶ πρὸσ Ιου λέγοντεσ Παῖδέσ σου ἡμεῖσ, καὶ ὅσα ἐὰν εἴπῃσ πρὸσ ἡμᾶσ, ποιήσομεν. οὐ βασιλεύσομεν ἄνδρα, τὸ ἀγαθὸν ἐν ὀφθαλμοῖσ σου ποιήσομεν. καὶ ἔγραψεν πρὸσ αὐτοὺσ βιβλίον δεύτερον λέγων Εἰ ἐμοὶ ὑμεῖσ καὶ τῆσ φωνῆσ μου ὑμεῖσ εἰσακούετε, λάβετε τὴν κεφαλὴν ἀνδρῶν τῶν υἱῶν τοῦ κυρίου ὑμῶν καὶ ἐνέγκατε πρόσ με ὡσ ἡ ὥρα αὔριον εἰσ Ιεζραελ. καὶ οἱ υἱοὶ τοῦ βασιλέωσ ἦσαν ἑβδομήκοντα ἄνδρεσ. οὗτοι ἁδροὶ τῆσ πόλεωσ ἐξέτρεφον αὐτούσ. καὶ ἐγένετο ὡσ ἦλθεν τὸ βιβλίον πρὸσ αὐτούσ, καὶ ἔλαβον τοὺσ υἱοὺσ τοῦ βασιλέωσ καὶ ἔσφαξαν αὐτούσ, ἑβδομήκοντα ἄνδρασ, καὶ ἔθηκαν τὰσ κεφαλὰσ αὐτῶν ἐν καρτάλλοισ καὶ ἀπέστειλαν αὐτὰσ πρὸσ αὐτὸν εἰσ Ιεζραελ. καὶ ἦλθεν ὁ ἄγγελοσ καὶ ἀπήγγειλεν λέγων Ἤνεγκαν τὰσ κεφαλὰσ τῶν υἱῶν τοῦ βασιλέωσ. καὶ εἶπεν Θέτε αὐτὰσ βουνοὺσ δύο παρὰ τὴν θύραν τῆσ πύλησ εἰσ πρωί. καὶ ἐγένετο πρωὶ̈ καὶ ἐξῆλθεν καὶ ἔστη ἐν τῷ πυλῶνι τῆσ πόλεωσ καὶ εἶπεν πρὸσ πάντα τὸν λαόν Δίκαιοι ὑμεῖσ, ἰδοὺ ἐγώ εἰμι συνεστράφην ἐπὶ τὸν κύριόν μου καὶ ἀπέκτεινα αὐτόν. καὶ τίσ ἐπάταξεν πάντασ τούτουσ; ἴδετε αφφω ὅτι οὐ πεσεῖται ἀπὸ τοῦ ῥήματοσ κυρίου εἰσ τὴν γῆν, οὗ ἐλάλησεν κύριοσ ἐπὶ τὸν οἶκον Αχααβ. καὶ κύριοσ ἐποίησεν ὅσα ἐλάλησεν ἐν χειρὶ δούλου αὐτοῦ Ηλιου. – καὶ ἐπάταξεν Ιου πάντασ τοὺσ καταλειφθέντασ ἐν τῷ οἴκῳ Αχααβ ἐν Ιεζραελ καὶ πάντασ τοὺσ ἁδροὺσ αὐτοῦ καὶ τοὺσ γνωστοὺσ αὐτοῦ καὶ τοὺσ ἱερεῖσ αὐτοῦ ὥστε μὴ καταλιπεῖν αὐτοῦ κατάλειμμα. Καὶ ἀνέστη καὶ ἐπορεύθη εἰσ Σαμάρειαν. αὐτὸσ ἐν Βαιθακαδ τῶν ποιμένων ἐν τῇ ὁδῷ, καὶ Ιου εὗρεν τοὺσ ἀδελφοὺσ Οχοζιου βασιλέωσ Ιουδα καὶ εἶπεν Τίνεσ ὑμεῖσ; καὶ εἶπον Οἱ ἀδελφοὶ Οχοζιου ἡμεῖσ καὶ κατέβημεν εἰσ εἰρήνην τῶν υἱῶν τοῦ βασιλέωσ καὶ τῶν υἱῶν τῆσ δυναστευούσησ. καὶ εἶπεν Συλλάβετε αὐτοὺσ ζῶντασ. καὶ συνέλαβον αὐτοὺσ ζῶντασ. καὶ ἔσφαξαν αὐτοὺσ εἰσ Βαιθακαδ, τεσσαράκοντα καὶ δύο ἄνδρασ, οὐ κατέλιπεν ἄνδρα ἐξ αὐτῶν. – καὶ ἐπορεύθη ἐκεῖθεν καὶ εὗρεν τὸν Ιωναδαβ υἱὸν Ρηχαβ ἐν τῇ ὁδῷ εἰσ ἀπαντὴν αὐτοῦ, καὶ εὐλόγησεν αὐτόν. καὶ εἶπεν πρὸσ αὐτὸν Ιου Εἰ ἔστιν καρδία σου μετὰ καρδίασ μου εὐθεῖα καθὼσ ἡ καρδία μου μετὰ τῆσ καρδίασ σου; καὶ εἶπεν Ιωναδαβ Ἔστιν. καὶ εἶπεν Ιου Καὶ εἰ ἔστιν, δὸσ τὴν χεῖρά σου. καὶ ἔδωκεν τὴν χεῖρα αὐτοῦ, καὶ ἀνεβίβασεν αὐτὸν πρὸσ αὐτὸν ἐπὶ τὸ ἅρμα καὶ εἶπεν πρὸσ αὐτόν Δεῦρο μετ’ ἐμοῦ καὶ ἰδὲ ἐν τῷ ζηλῶσαί με τῷ κυρίῳ Σαβαωθ. καὶ ἐπεκάθισεν αὐτὸν ἐν τῷ ἅρματι αὐτοῦ. – καὶ εἰσῆλθεν εἰσ Σαμάρειαν καὶ ἐπάταξεν πάντασ τοὺσ καταλειφθέντασ τοῦ Αχααβ ἐν Σαμαρείᾳ ἕωσ τοῦ ἀφανίσαι αὐτὸν κατὰ τὸ ῥῆμα κυρίου, ὃ ἐλάλησεν πρὸσ Ηλιου. Καὶ συνήθροισεν Ιου πάντα τὸν λαὸν καὶ εἶπεν πρὸσ αὐτούσ Αχααβ ἐδούλευσεν τῷ Βααλ ὀλίγα, καί γε Ιου δουλεύσει αὐτῷ πολλά. καὶ νῦν, πάντεσ οἱ προφῆται τοῦ Βααλ, πάντασ τοὺσ δούλουσ αὐτοῦ καὶ τοὺσ ἱερεῖσ αὐτοῦ καλέσατε πρόσ με, ἀνὴρ μὴ ἐπισκεπήτω, ὅτι θυσία μεγάλη μοι τῷ Βααλ. πᾶσ, ὃσ ἐὰν ἐπισκεπῇ, οὐ ζήσεται. καὶ Ιου ἐποίησεν ἐν πτερνισμῷ, ἵνα ἀπολέσῃ τοὺσ δούλουσ τοῦ Βααλ. καὶ εἶπεν Ιου Ἁγιάσατε ἱερείαν τῷ Βααλ. καὶ ἐκήρυξαν. καὶ ἀπέστειλεν Ιου ἐν παντὶ Ισραηλ λέγων Καὶ νῦν πάντεσ οἱ δοῦλοι τοῦ Βααλ καὶ πάντεσ οἱ ἱερεῖσ αὐτοῦ καὶ πάντεσ οἱ προφῆται αὐτοῦ, μηδεὶσ ἀπολειπέσθω, ὅτι θυσίαν μεγάλην ποιῶ. ὃσ ἂν ἀπολειφθῇ, οὐ ζήσεται. καὶ ἦλθον πάντεσ οἱ δοῦλοι τοῦ Βααλ καὶ πάντεσ οἱ ἱερεῖσ αὐτοῦ καὶ πάντεσ οἱ προφῆται αὐτοῦ. οὐ κατελείφθη ἀνήρ, ὃσ οὐ παρεγένετο. καὶ εἰσῆλθον εἰσ τὸν οἶκον τοῦ Βααλ, καὶ ἐπλήσθη ὁ οἶκοσ τοῦ Βααλ στόμα εἰσ στόμα. καὶ εἶπεν Ιου τῷ ἐπὶ τοῦ οἴκου μεσθααλ Ἐξάγαγε ἐνδύματα πᾶσι τοῖσ δούλοισ τοῦ Βααλ. καὶ ἐξήνεγκεν αὐτοῖσ ὁ στολιστήσ. καὶ εἰσῆλθεν Ιου καὶ Ιωναδαβ υἱὸσ Ρηχαβ εἰσ οἶκον τοῦ Βααλ καὶ εἶπεν τοῖσ δούλοισ τοῦ Βααλ Ἐρευνήσατε καὶ ἴδετε εἰ ἔστιν μεθ’ ὑμῶν τῶν δούλων κυρίου, ὅτι ἀλλ’ ἢ οἱ δοῦλοι τοῦ Βααλ μονώτατοι. καὶ εἰσῆλθεν τοῦ ποιῆσαι τὰ θύματα καὶ τὰ ὁλοκαυτώματα. καὶ Ιου ἔταξεν ἑαυτῷ ἔξω ὀγδοήκοντα ἄνδρασ καὶ εἶπεν Ἀνήρ, ὃσ ἐὰν διασωθῇ ἀπὸ τῶν ἀνδρῶν, ὧν ἐγὼ ἀνάγω ἐπὶ χεῖρασ ὑμῶν, ἡ ψυχὴ αὐτοῦ ἀντὶ τῆσ ψυχῆσ αὐτοῦ. καὶ ἐγένετο ὡσ συνετέλεσεν ποιῶν τὴν ὁλοκαύτωσιν, καὶ εἶπεν Ιου τοῖσ παρατρέχουσιν καὶ τοῖσ τριστάταισ Εἰσελθόντεσ πατάξατε αὐτούσ, ἀνὴρ μὴ ἐξελθάτω ἐξ αὐτῶν. καὶ ἐπάταξαν αὐτοὺσ ἐν στόματι ῥομφαίασ, καὶ ἔρριψαν οἱ παρατρέχοντεσ καὶ οἱ τριστάται καὶ ἐπορεύθησαν ἕωσ πόλεωσ οἴκου τοῦ Βααλ. καὶ ἐξήνεγκαν τὴν στήλην τοῦ Βααλ καὶ ἐνέπρησαν αὐτήν. καὶ κατέσπασαν τὰσ στήλασ τοῦ Βααλ καὶ καθεῖλον τὸν οἶκον τοῦ Βααλ καὶ ἔταξαν αὐτὸν εἰσ λυτρῶνασ ἕωσ τῆσ ἡμέρασ ταύτησ. Καὶ ἠφάνισεν Ιου τὸν Βααλ ἐξ Ισραηλ. πλὴν ἁμαρτιῶν Ιεροβοαμ υἱοῦ Ναβατ, ὃσ ἐξήμαρτεν τὸν Ισραηλ, οὐκ ἀπέστη Ιου ἀπὸ ὄπισθεν αὐτῶν, αἱ δαμάλεισ αἱ χρυσαῖ ἐν Βαιθηλ καὶ ἐν Δαν. καὶ εἶπεν κύριοσ πρὸσ Ιου Ἀνθ ὧν ὅσα ἠγάθυνασ ποιῆσαι τὸ εὐθὲσ ἐν ὀφθαλμοῖσ μου καὶ πάντα, ὅσα ἐν τῇ καρδίᾳ μου, ἐποίησασ τῷ οἴκῳ Αχααβ, υἱοὶ τέταρτοι καθήσονταί σοι ἐπὶ θρόνου Ισραηλ. καὶ Ιου οὐκ ἐφύλαξεν πορεύεσθαι ἐν νόμῳ κυρίου θεοῦ Ισραηλ ἐν ὅλῃ καρδίᾳ αὐτοῦ, οὐκ ἀπέστη ἐπάνωθεν ἁμαρτιῶν Ιεροβοαμ υἱοῦ Ναβατ, ὃσ ἐξήμαρτεν τὸν Ισραηλ. – ἐν ταῖσ ἡμέραισ ἐκείναισ ἤρξατο κύριοσ συγκόπτειν ἐν τῷ Ισραηλ, καὶ ἐπάταξεν αὐτοὺσ Αζαηλ ἐν παντὶ ὁρίῳ Ισραηλ ἀπὸ τοῦ Ιορδάνου κατ’ ἀνατολὰσ ἡλίου, πᾶσαν τὴν γῆν Γαλααδ τοῦ Γαδδι καὶ τοῦ Ρουβην καὶ τοῦ Μανασση ἀπὸ Αροηρ, ἥ ἐστιν ἐπὶ τοῦ χείλουσ χειμάρρου Αρνων, καὶ τὴν Γαλααδ καὶ τὴν Βασαν. καὶ τὰ λοιπὰ τῶν λόγων Ιου καὶ πάντα, ὅσα ἐποίησεν, καὶ πᾶσα ἡ δυναστεία αὐτοῦ καὶ τὰσ συνάψεισ, ἃσ συνῆψεν, οὐχὶ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ισραηλ; καὶ ἐκοιμήθη Ιου μετὰ τῶν πατέρων αὐτοῦ, καὶ ἔθαψαν αὐτὸν ἐν Σαμαρείᾳ. καὶ ἐβασίλευσεν Ιωαχασ υἱὸσ αὐτοῦ ἀντ αὐτοῦ. καὶ αἱ ἡμέραι, ἃσ ἐβασίλευσεν Ιου ἐπὶ Ισραηλ, εἴκοσι ὀκτὼ ἔτη ἐν Σαμαρείᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Regum 10:

(70인역 성경, 열왕기 하권 10:)

목록

SEARCH

MENU NAVIGATION