Septuagint, Liber II Regum 10:

(70인역 성경, 열왕기 하권 10:)

Καὶ τῷ Αχααβ ἑβδομήκοντα υἱοὶ ἐν Σαμαρείᾳ. καὶ ἔγραψεν Ιου βιβλίον καὶ ἀπέστειλεν ἐν Σαμαρείᾳ πρὸσ τοὺσ ἄρχοντασ Σαμαρείασ καὶ πρὸσ τοὺσ πρεσβυτέρουσ καὶ πρὸσ τοὺσ τιθηνοὺσ υἱῶν Αχααβ λέγων Καὶ νῦν ὡσ ἐὰν ἔλθῃ τὸ βιβλίον τοῦτο πρὸσ ὑμᾶσ, μεθ’ ὑμῶν οἱ υἱοὶ τοῦ κυρίου ὑμῶν καὶ μεθ’ ὑμῶν τὸ ἅρμα καὶ οἱ ἵπποι καὶ πόλεισ ὀχυραὶ καὶ τὰ ὅπλα, καὶ ὄψεσθε τὸν ἀγαθὸν καὶ τὸν εὐθῆ ἐν τοῖσ υἱοῖσ τοῦ κυρίου ὑμῶν καὶ καταστήσετε αὐτὸν ἐπὶ τὸν θρόνον τοῦ πατρὸσ αὐτοῦ καὶ πολεμεῖτε ὑπὲρ τοῦ οἴκου τοῦ κυρίου ὑμῶν. καὶ ἐφοβήθησαν σφόδρα καὶ εἶπον Ἰδοὺ οἱ δύο βασιλεῖσ οὐκ ἔστησαν κατὰ πρόσωπον αὐτοῦ, καὶ πῶσ στησόμεθα ἡμεῖσ; καὶ ἀπέστειλαν οἱ ἐπὶ τοῦ οἴκου καὶ οἱ ἐπὶ τῆσ πόλεωσ καὶ οἱ πρεσβύτεροι καὶ οἱ τιθηνοὶ πρὸσ Ιου λέγοντεσ Παῖδέσ σου ἡμεῖσ, καὶ ὅσα ἐὰν εἴπῃσ πρὸσ ἡμᾶσ, ποιήσομεν. οὐ βασιλεύσομεν ἄνδρα, τὸ ἀγαθὸν ἐν ὀφθαλμοῖσ σου ποιήσομεν. καὶ ἔγραψεν πρὸσ αὐτοὺσ βιβλίον δεύτερον λέγων Εἰ ἐμοὶ ὑμεῖσ καὶ τῆσ φωνῆσ μου ὑμεῖσ εἰσακούετε, λάβετε τὴν κεφαλὴν ἀνδρῶν τῶν υἱῶν τοῦ κυρίου ὑμῶν καὶ ἐνέγκατε πρόσ με ὡσ ἡ ὥρα αὔριον εἰσ Ιεζραελ. καὶ οἱ υἱοὶ τοῦ βασιλέωσ ἦσαν ἑβδομήκοντα ἄνδρεσ. οὗτοι ἁδροὶ τῆσ πόλεωσ ἐξέτρεφον αὐτούσ. καὶ ἐγένετο ὡσ ἦλθεν τὸ βιβλίον πρὸσ αὐτούσ, καὶ ἔλαβον τοὺσ υἱοὺσ τοῦ βασιλέωσ καὶ ἔσφαξαν αὐτούσ, ἑβδομήκοντα ἄνδρασ, καὶ ἔθηκαν τὰσ κεφαλὰσ αὐτῶν ἐν καρτάλλοισ καὶ ἀπέστειλαν αὐτὰσ πρὸσ αὐτὸν εἰσ Ιεζραελ. καὶ ἦλθεν ὁ ἄγγελοσ καὶ ἀπήγγειλεν λέγων Ἤνεγκαν τὰσ κεφαλὰσ τῶν υἱῶν τοῦ βασιλέωσ. καὶ εἶπεν Θέτε αὐτὰσ βουνοὺσ δύο παρὰ τὴν θύραν τῆσ πύλησ εἰσ πρωί. καὶ ἐγένετο πρωὶ̈ καὶ ἐξῆλθεν καὶ ἔστη ἐν τῷ πυλῶνι τῆσ πόλεωσ καὶ εἶπεν πρὸσ πάντα τὸν λαόν Δίκαιοι ὑμεῖσ, ἰδοὺ ἐγώ εἰμι συνεστράφην ἐπὶ τὸν κύριόν μου καὶ ἀπέκτεινα αὐτόν. καὶ τίσ ἐπάταξεν πάντασ τούτουσ; ἴδετε αφφω ὅτι οὐ πεσεῖται ἀπὸ τοῦ ῥήματοσ κυρίου εἰσ τὴν γῆν, οὗ ἐλάλησεν κύριοσ ἐπὶ τὸν οἶκον Αχααβ. καὶ κύριοσ ἐποίησεν ὅσα ἐλάλησεν ἐν χειρὶ δούλου αὐτοῦ Ηλιου. – καὶ ἐπάταξεν Ιου πάντασ τοὺσ καταλειφθέντασ ἐν τῷ οἴκῳ Αχααβ ἐν Ιεζραελ καὶ πάντασ τοὺσ ἁδροὺσ αὐτοῦ καὶ τοὺσ γνωστοὺσ αὐτοῦ καὶ τοὺσ ἱερεῖσ αὐτοῦ ὥστε μὴ καταλιπεῖν αὐτοῦ κατάλειμμα. Καὶ ἀνέστη καὶ ἐπορεύθη εἰσ Σαμάρειαν. αὐτὸσ ἐν Βαιθακαδ τῶν ποιμένων ἐν τῇ ὁδῷ, καὶ Ιου εὗρεν τοὺσ ἀδελφοὺσ Οχοζιου βασιλέωσ Ιουδα καὶ εἶπεν Τίνεσ ὑμεῖσ; καὶ εἶπον Οἱ ἀδελφοὶ Οχοζιου ἡμεῖσ καὶ κατέβημεν εἰσ εἰρήνην τῶν υἱῶν τοῦ βασιλέωσ καὶ τῶν υἱῶν τῆσ δυναστευούσησ. καὶ εἶπεν Συλλάβετε αὐτοὺσ ζῶντασ. καὶ συνέλαβον αὐτοὺσ ζῶντασ. καὶ ἔσφαξαν αὐτοὺσ εἰσ Βαιθακαδ, τεσσαράκοντα καὶ δύο ἄνδρασ, οὐ κατέλιπεν ἄνδρα ἐξ αὐτῶν. – καὶ ἐπορεύθη ἐκεῖθεν καὶ εὗρεν τὸν Ιωναδαβ υἱὸν Ρηχαβ ἐν τῇ ὁδῷ εἰσ ἀπαντὴν αὐτοῦ, καὶ εὐλόγησεν αὐτόν. καὶ εἶπεν πρὸσ αὐτὸν Ιου Εἰ ἔστιν καρδία σου μετὰ καρδίασ μου εὐθεῖα καθὼσ ἡ καρδία μου μετὰ τῆσ καρδίασ σου; καὶ εἶπεν Ιωναδαβ Ἔστιν. καὶ εἶπεν Ιου Καὶ εἰ ἔστιν, δὸσ τὴν χεῖρά σου. καὶ ἔδωκεν τὴν χεῖρα αὐτοῦ, καὶ ἀνεβίβασεν αὐτὸν πρὸσ αὐτὸν ἐπὶ τὸ ἅρμα καὶ εἶπεν πρὸσ αὐτόν Δεῦρο μετ’ ἐμοῦ καὶ ἰδὲ ἐν τῷ ζηλῶσαί με τῷ κυρίῳ Σαβαωθ. καὶ ἐπεκάθισεν αὐτὸν ἐν τῷ ἅρματι αὐτοῦ. – καὶ εἰσῆλθεν εἰσ Σαμάρειαν καὶ ἐπάταξεν πάντασ τοὺσ καταλειφθέντασ τοῦ Αχααβ ἐν Σαμαρείᾳ ἕωσ τοῦ ἀφανίσαι αὐτὸν κατὰ τὸ ῥῆμα κυρίου, ὃ ἐλάλησεν πρὸσ Ηλιου. Καὶ συνήθροισεν Ιου πάντα τὸν λαὸν καὶ εἶπεν πρὸσ αὐτούσ Αχααβ ἐδούλευσεν τῷ Βααλ ὀλίγα, καί γε Ιου δουλεύσει αὐτῷ πολλά. καὶ νῦν, πάντεσ οἱ προφῆται τοῦ Βααλ, πάντασ τοὺσ δούλουσ αὐτοῦ καὶ τοὺσ ἱερεῖσ αὐτοῦ καλέσατε πρόσ με, ἀνὴρ μὴ ἐπισκεπήτω, ὅτι θυσία μεγάλη μοι τῷ Βααλ. πᾶσ, ὃσ ἐὰν ἐπισκεπῇ, οὐ ζήσεται. καὶ Ιου ἐποίησεν ἐν πτερνισμῷ, ἵνα ἀπολέσῃ τοὺσ δούλουσ τοῦ Βααλ. καὶ εἶπεν Ιου Ἁγιάσατε ἱερείαν τῷ Βααλ. καὶ ἐκήρυξαν. καὶ ἀπέστειλεν Ιου ἐν παντὶ Ισραηλ λέγων Καὶ νῦν πάντεσ οἱ δοῦλοι τοῦ Βααλ καὶ πάντεσ οἱ ἱερεῖσ αὐτοῦ καὶ πάντεσ οἱ προφῆται αὐτοῦ, μηδεὶσ ἀπολειπέσθω, ὅτι θυσίαν μεγάλην ποιῶ. ὃσ ἂν ἀπολειφθῇ, οὐ ζήσεται. καὶ ἦλθον πάντεσ οἱ δοῦλοι τοῦ Βααλ καὶ πάντεσ οἱ ἱερεῖσ αὐτοῦ καὶ πάντεσ οἱ προφῆται αὐτοῦ. οὐ κατελείφθη ἀνήρ, ὃσ οὐ παρεγένετο. καὶ εἰσῆλθον εἰσ τὸν οἶκον τοῦ Βααλ, καὶ ἐπλήσθη ὁ οἶκοσ τοῦ Βααλ στόμα εἰσ στόμα. καὶ εἶπεν Ιου τῷ ἐπὶ τοῦ οἴκου μεσθααλ Ἐξάγαγε ἐνδύματα πᾶσι τοῖσ δούλοισ τοῦ Βααλ. καὶ ἐξήνεγκεν αὐτοῖσ ὁ στολιστήσ. καὶ εἰσῆλθεν Ιου καὶ Ιωναδαβ υἱὸσ Ρηχαβ εἰσ οἶκον τοῦ Βααλ καὶ εἶπεν τοῖσ δούλοισ τοῦ Βααλ Ἐρευνήσατε καὶ ἴδετε εἰ ἔστιν μεθ’ ὑμῶν τῶν δούλων κυρίου, ὅτι ἀλλ’ ἢ οἱ δοῦλοι τοῦ Βααλ μονώτατοι. καὶ εἰσῆλθεν τοῦ ποιῆσαι τὰ θύματα καὶ τὰ ὁλοκαυτώματα. καὶ Ιου ἔταξεν ἑαυτῷ ἔξω ὀγδοήκοντα ἄνδρασ καὶ εἶπεν Ἀνήρ, ὃσ ἐὰν διασωθῇ ἀπὸ τῶν ἀνδρῶν, ὧν ἐγὼ ἀνάγω ἐπὶ χεῖρασ ὑμῶν, ἡ ψυχὴ αὐτοῦ ἀντὶ τῆσ ψυχῆσ αὐτοῦ. καὶ ἐγένετο ὡσ συνετέλεσεν ποιῶν τὴν ὁλοκαύτωσιν, καὶ εἶπεν Ιου τοῖσ παρατρέχουσιν καὶ τοῖσ τριστάταισ Εἰσελθόντεσ πατάξατε αὐτούσ, ἀνὴρ μὴ ἐξελθάτω ἐξ αὐτῶν. καὶ ἐπάταξαν αὐτοὺσ ἐν στόματι ῥομφαίασ, καὶ ἔρριψαν οἱ παρατρέχοντεσ καὶ οἱ τριστάται καὶ ἐπορεύθησαν ἕωσ πόλεωσ οἴκου τοῦ Βααλ. καὶ ἐξήνεγκαν τὴν στήλην τοῦ Βααλ καὶ ἐνέπρησαν αὐτήν. καὶ κατέσπασαν τὰσ στήλασ τοῦ Βααλ καὶ καθεῖλον τὸν οἶκον τοῦ Βααλ καὶ ἔταξαν αὐτὸν εἰσ λυτρῶνασ ἕωσ τῆσ ἡμέρασ ταύτησ. Καὶ ἠφάνισεν Ιου τὸν Βααλ ἐξ Ισραηλ. πλὴν ἁμαρτιῶν Ιεροβοαμ υἱοῦ Ναβατ, ὃσ ἐξήμαρτεν τὸν Ισραηλ, οὐκ ἀπέστη Ιου ἀπὸ ὄπισθεν αὐτῶν, αἱ δαμάλεισ αἱ χρυσαῖ ἐν Βαιθηλ καὶ ἐν Δαν. καὶ εἶπεν κύριοσ πρὸσ Ιου Ἀνθ ὧν ὅσα ἠγάθυνασ ποιῆσαι τὸ εὐθὲσ ἐν ὀφθαλμοῖσ μου καὶ πάντα, ὅσα ἐν τῇ καρδίᾳ μου, ἐποίησασ τῷ οἴκῳ Αχααβ, υἱοὶ τέταρτοι καθήσονταί σοι ἐπὶ θρόνου Ισραηλ. καὶ Ιου οὐκ ἐφύλαξεν πορεύεσθαι ἐν νόμῳ κυρίου θεοῦ Ισραηλ ἐν ὅλῃ καρδίᾳ αὐτοῦ, οὐκ ἀπέστη ἐπάνωθεν ἁμαρτιῶν Ιεροβοαμ υἱοῦ Ναβατ, ὃσ ἐξήμαρτεν τὸν Ισραηλ. – ἐν ταῖσ ἡμέραισ ἐκείναισ ἤρξατο κύριοσ συγκόπτειν ἐν τῷ Ισραηλ, καὶ ἐπάταξεν αὐτοὺσ Αζαηλ ἐν παντὶ ὁρίῳ Ισραηλ ἀπὸ τοῦ Ιορδάνου κατ’ ἀνατολὰσ ἡλίου, πᾶσαν τὴν γῆν Γαλααδ τοῦ Γαδδι καὶ τοῦ Ρουβην καὶ τοῦ Μανασση ἀπὸ Αροηρ, ἥ ἐστιν ἐπὶ τοῦ χείλουσ χειμάρρου Αρνων, καὶ τὴν Γαλααδ καὶ τὴν Βασαν. καὶ τὰ λοιπὰ τῶν λόγων Ιου καὶ πάντα, ὅσα ἐποίησεν, καὶ πᾶσα ἡ δυναστεία αὐτοῦ καὶ τὰσ συνάψεισ, ἃσ συνῆψεν, οὐχὶ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ισραηλ; καὶ ἐκοιμήθη Ιου μετὰ τῶν πατέρων αὐτοῦ, καὶ ἔθαψαν αὐτὸν ἐν Σαμαρείᾳ. καὶ ἐβασίλευσεν Ιωαχασ υἱὸσ αὐτοῦ ἀντ αὐτοῦ. καὶ αἱ ἡμέραι, ἃσ ἐβασίλευσεν Ιου ἐπὶ Ισραηλ, εἴκοσι ὀκτὼ ἔτη ἐν Σαμαρείᾳ.

목록

일치하는 문장이 없습니다.

SEARCH

MENU NAVIGATION