Septuagint, Liber II Regum 9:

(70인역 성경, 열왕기 하권 9:)

ΚΑΙ Ἑλισαιὲ ὁ προφήτησ ἐκάλεσεν ἕνα τῶν υἱῶν τῶν προφητῶν καὶ εἶπεν αὐτῷ. ζῶσαι τὴν ὀσφύν σου καὶ λαβὲ τὸν φακὸν τοῦ ἐλαίου τούτου ἐν τῇ χειρί σου καὶ δεῦρο εἰσ Ρεμμὼθ Γαλαάδ. καὶ εἰσελεύσῃ ἐκεῖ καὶ ὄψῃ ἐκεῖ Ἰοὺ υἱὸν Ἰωσαφὰτ υἱοῦ Ναμεσσὶ καὶ εἰσελεύσῃ καὶ ἀναστήσεισ αὐτὸν ἐκ μέσου τῶν ἀδελφῶν αὐτοῦ καὶ εἰσάξεισ αὐτὸν εἰσ τὸ ταμιεῖον ἐν ταμιείῳ. καὶ λήψῃ τὸν φακὸν τοῦ ἐλαίου καὶ ἐπιχεεῖσ ἐπὶ τὴν κεφαλὴν αὐτοῦ καὶ εἰπόν. τάδε λέγει Κύριοσ. κέχρικά σε εἰσ βασιλέα ἐπὶ Ἰσραήλ. καὶ ἀνοίξεισ τὴν θύρα καὶ φεύξῃ καὶ οὐ μενεῖσ. καὶ ἐπορεύθη τὸ παιδάριον ὁ προφήτησ εἰσ Ρεμμὼθ Γαλαὰδ καὶ εἰσῆλθε, καὶ ἰδοὺ οἱ ἄρχοντεσ τῆσ δυνάμεωσ ἐκάθηντο, καὶ εἶπε. λόγοσ μοι πρὸσ σέ, ὁ ἄρχων. καὶ εἶπεν Ἰού. πρὸσ τίνα ἐκ πάντων ἡμῶν̣ καὶ εἶπε. πρὸσ σέ, ὁ ἄρχων. καὶ ἀνέστη καὶ εἰσῆλθεν εἰσ τὸν οἶκον, καὶ ἐπέχεε τὸ ἔλαιον ἐπὶ τὴν κεφαλὴν αὐτοῦ καὶ εἶπεν αὐτῷ. τάδε λέγει Κύριοσ ὁ Θεὸσ Ἰσραήλ. κέχρικά σε εἰσ βασιλέα ἐπὶ λαὸν Κυρίου ἐπὶ τὸν Ἰσραήλ, καὶ ἐξολοθρεύσεισ τὸν οἶκον Ἀχαὰβ τοῦ κυρίου σου ἐκ προσώπου μου καὶ ἐκδικήσεισ τὰ αἵματα τῶν δούλων μου τῶν προφητῶν καὶ τὰ αἵματα πάντων τῶν δούλων Κυρίου ἐκ χειρὸσ Ἰεζάβελ καὶ ἐκ χειρὸσ ὅλου τοῦ οἴκου Ἀχαὰβ καὶ ἐξολοθρεύσεισ τῷ οἴκῳ Ἀχαὰβ οὐροῦντα πρὸσ τοῖχον καὶ συνεχόμενον καὶ ἐγκαταλελειμμένον ἐν Ἰσραήλ. καὶ δώσω τὸν οἶκον Ἀχαὰβ ὡσ τὸν οἶκον Ἱεροβοὰμ υἱοῦ Ναβὰτ καὶ ὡσ τὸν οἶκον Βαασὰ υἱοῦ Ἀχιά. καὶ τὴν Ἰεζάβελ καταφάγονται οἱ κύνεσ ἐν τῇ μερίδι Ἰεζράελ, καὶ οὐκ ἔστιν ὁ θάπτων. καὶ ἤνοιξε τὴν θύραν καὶ ἔφυγε. καὶ Ἰοὺ ἐξῆλθε πρὸσ τοὺσ παῖδασ τοῦ κυρίου αὐτοῦ, καὶ εἶπαν αὐτῷ. εἰρήνη̣ τί ὅτι εἰσῆλθεν ὁ ἐπίληπτοσ οὗτοσ πρὸσ σέ̣ καὶ εἶπεν αὐτοῖσ. ὑμεῖσ οἴδατε τὸν ἄνδρα καὶ τὴν ἀδολεσχίαν αὐτοῦ. καὶ εἶπον. ἄδικον. ἀπάγγειλον δὴ ἡμῖν. καὶ εἶπεν Ἰοὺ πρὸσ αὐτούσ. οὕτω καὶ οὕτω ἐλάλησε πρόσ με λέγων. τάδε λέγει Κύριοσ. κέχρικά σε εἰσ βασιλέα ἐπὶ Ἰσραήλ. καὶ ἀκούσαντεσ ἔσπευσαν καὶ ἔλαβεν ἕκαστοσ τὸ ἱμάτιον αὐτοῦ καὶ ἔθηκαν ὑποκάτω αὐτοῦ ἐπὶ τὸ γαρὲμ τῶν ἀναβαθμῶν καὶ ἐσάλπισαν ἐν κερατίνῃ καὶ εἶπαν. ἐβασίλευσεν Ἰού. καὶ συνεστράφη Ἰοὺ υἱὸσ Ἰωσαφὰτ υἱοῦ Ναμεσσὶ πρὸσ Ἰωρὰμ καὶ Ἰωρὰμ αὐτὸσ ἐφύλασσεν ἐν Ρεμμὼθ Γαλαάδ, αὐτὸσ καὶ πᾶσ Ἰσραὴλ ἀπὸ προσώπου Ἀζαὴλ βασιλέωσ Συρίασ, καὶ ἀπέστρεψεν Ἰωρὰμ ὁ βασιλεὺσ ἰατρευθῆναι ἐν Ἰεζράελ ἀπὸ τῶν πληγῶν, ὧν ἔπαισαν αὐτὸν οἱ Σύριοι ἐν τῷ πολεμεῖν αὐτὸν μετὰ Ἀζαὴλ βασιλέωσ Συρίασ. καὶ εἶπεν Ἰού. εἰ ἔστι ψυχὴ ὑμῶν μετ̓ ἐμοῦ, μὴ ἐξελθέτω ἐκ τῆσ πόλεωσ διαπεφευγὼσ τοῦ πορευθῆναι καὶ ἀπαγγεῖλαι ἐν Ἰεζράελ. καὶ ἵππευσε καὶ ἐπορεύθη Ἰοὺ καὶ κατέβη εἰσ Ἰεζράελ, ὅτι Ἰωρὰμ βασιλεὺσ Ἰσραὴλ ἐθαραπεύετο ἐν τῷ Ἰεζράελ ἀπὸ τῶν τοξευμάτων, ὧν κατετόξευσαν αὐτὸν οἱ Ἀραμὶν ἐν τῇ Ραμμὰθ ἐν τῷ πολέμῳ μετὰ Ἀζαὴλ βασιλέωσ Συρίασ, ὅτι αὐτὸσ δυνατὸσ καὶ ἀνὴρ δυνάμεωσ, καὶ Ὀχοζίασ βασιλεὺσ Ἰούδα κατέβη ἰδεῖν τὸν Ἰωράμ. καὶ ὁ σκοπὸσ ἀνέβη ἐπὶ τὸν πύργον Ἰεζράελ καὶ εἶδε τὸν κονιορτὸν Ἰοὺ ἐν τῷ παραγίνεσθαι αὐτὸν καὶ εἶπε. κονιορτὸν ἐγὼ βλέπω. καὶ εἶπεν Ἰωράμ. λαβὲ ἐπιβάτην καὶ ἀπόστειλον ἔμπροσθεν αὐτῶν, καὶ εἰπάτω, εἰ εἰρήνη. καὶ ἐπορεύθη ἐπιβάτησ ἵππου εἰσ ἀπαντὴν αὐτῶν καὶ εἶπε. τάδε λέγει ὁ βασιλεύσ, εἰ εἰρήνη. καὶ εἶπεν Ἰού. τί σοι καὶ εἰρήνη̣ ἐπίστρεφε εἰσ τὰ ὀπίσω μου. καὶ ἀπήγγειλεν ὁ σκοπὸσ λέγων. ἦλθεν ὁ ἄγγελοσ ἕωσ αὐτῶν καὶ οὐκ ἀνέστρεψε. καὶ ἀπέστειλεν ἐπιβάτην ἵππου δεύτερον, καὶ ἦλθε πρὸσ αὐτὸν καὶ εἶπε. τάδε λέγει ὁ βασιλεύσ. εἰ εἰρήνη. καὶ εἶπεν Ἰού. τί σοι καὶ εἰρήνη̣ ἐπιστρέφου εἰσ τὰ ὀπίσω μου. καὶ ἀπήγγειλεν ὁ σκοπὸσ λέγων. ἦλθεν ἕωσ αὐτῶν καὶ οὐκ ἀνέστρεψε. καὶ ὁ ἄγων ἦγε τὸν Ἰοὺ υἱὸν Ναμεσσί, ὅτι ἐν παραλλαγῇ ἐγένετο. καὶ εἶπεν Ἰωράμ. ζεῦξον. καὶ ἔζευξεν ἅρμα. καὶ ἐξῆλθεν Ἰωρὰμ βασιλεὺσ Ἰσραὴλ καὶ Ὀχοζίασ βασιλεὺσ Ἰούδα, ἀνὴρ ἐν τῷ ἅρματι αὐτοῦ, καὶ ἐξῆλθον εἰσ ἀπαντὴν Ἰοὺ καὶ εὗρον αὐτὸν ἐν τῇ μερίδι Ναβουθαὶ τοῦ Ἰεζραηλίτου. καὶ ἐγένετο ὡσ εἶδεν Ἰωρὰμ τὸν Ἰού, καὶ εἶπεν. εἰ εἰρήνη Ἰού̣ καὶ εἶπεν Ἰού. τί εἰρήνη̣ ἔτι αἱ πορνεῖαι Ἰεζάβελ τῆσ μητρόσ σου καὶ τὰ φάρμακα αὐτῆσ τὰ πολλά. καὶ ἐπέστρεψεν Ἰωρὰμ τὰσ χεῖρασ αὐτοῦ τοῦ φυγεῖν καὶ εἶπε πρὸσ Ὀχοζίαν. δόλοσ, Ὀχοζία. καὶ ἔπλησεν Ἰοὺ τὴν χεῖρα αὐτοῦ ἐν τῷ τόξῳ καὶ ἐπάταξε τὸν Ἰωρὰμ ἀνὰ μέσον τῶν βραχιόνων αὐτοῦ, καὶ ἐξῆλθε τὸ βέλοσ αὐτοῦ διὰ τῆσ καρδίασ αὐτοῦ, καὶ ἔκαμψεν ἐπὶ τὰ γόνατα αὐτοῦ. καὶ εἶπε πρὸσ Βαδεκὰρ τὸν τριστάτην αὐτοῦ. ρῖψον αὐτὸν ἐν τῇ μερίδι ἀγροῦ Ναβουθαὶ τοῦ Ἰεζραηλίτου. ὅτι μνημονεύω, ἐγὼ καὶ σὺ ἐπιβεβηκότεσ ἐπὶ ζεύγη ὀπίσω Ἀχαὰβ τοῦ πατρὸσ αὐτοῦ, καὶ Κύριοσ ἔλαβεν ἐπ̓ αὐτὸν τὸ λῆμμα τοῦτο λέγων. εἰ μὴ τὰ αἵματα Ναβουθαὶ καὶ τὰ αἵματα τῶν υἱῶν αὐτοῦ εἶδον ἐχθέσ, φησὶ Κύριοσ, καὶ ἀνταποδώσω αὐτῷ ἐν τῇ μερίδι ταύτῃ, φησὶ Κύριοσ. καὶ νῦν ἄρασ δὴ ρῖψον αὐτὸν ἐν τῇ μερίδι κατὰ τὸ ρῆμα Κυρίου. καὶ Ὀχοζίασ βασιλεὺσ Ἰούδα εἶδε καὶ ἔφυγεν ὁδὸν Βαιθαγγάν, καὶ ἐδίωξεν ὀπίσω αὐτοῦ Ἰοὺ καὶ εἶπε. καί γε αὐτόν. καὶ ἐπάταξεν αὐτὸν πρὸσ τῷ ἅρματι ἐν τῷ ἀναβαίνειν Γαί̈, ἥ ἐστιν Ἰεβλαάμ, καὶ ἔφυγεν εἰσ Μαγεδδὼ καὶ ἀπέθανεν ἐκεῖ. καὶ ἐπεβίβασαν αὐτὸν οἱ παῖδεσ αὐτοῦ ἐπὶ τὸ ἅρμα καὶ ἤγαγον αὐτὸν εἰσ Ἱερουσαλὴμ καὶ ἔθαψαν αὐτὸν ἐν τῷ τάφῳ αὐτοῦ ἐν πόλει Δαυίδ. καὶ ἐν ἔτει ἑνδεκάτῳ Ἰωρὰμ βασιλέωσ Ἰσραὴλ ἐβασίλευσεν Ὀχοζίασ ἐπὶ Ἰούδαν. καὶ ἦλθεν Ἰοὺ ἐπὶ Ἰεζράελ. καὶ Ἰεζάβελ ἤκουσε καὶ ἐστιμίσατο τοὺσ ὀφθαλμοὺσ αὐτῆσ καὶ ἠγάθυνε τὴν κεφαλὴν αὐτῆσ καὶ διέκυψε διὰ τῆσ θυρίδοσ. καὶ Ἰοὺ εἰσεπορεύετο ἐν τῇ πόλει καὶ εἶπεν. εἰ εἰρήνη, Ζαμβρὶ ὁ φονευτὴσ τοῦ κυρίου αὐτοῦ̣ καὶ ἐπῆρε τὸ πρόσωπον αὐτοῦ εἰσ τὴν θυρίδα καὶ εἶδεν αὐτὴν καὶ εἶπε. τί εἶ σύ̣ κατάβηθι μετ̓ ἐμοῦ. καὶ κατέκυψαν πρὸσ αὐτὸν δύο εὐνοῦχοι. καὶ εἶπε. κυλίσατε αὐτήν, καὶ ἐκύλισαν αὐτήν, καὶ ἐρραντίσθη τοῦ αἵματοσ αὐτῆσ πρὸσ τὸν τοῖχον καὶ πρὸσ τοὺσ ἵππουσ, καὶ συνεπάτησαν αὐτήν. καὶ εἰσῆλθε καὶ ἔφαγε καὶ ἔπιε καὶ εἶπεν. ἐπισκέψασθε δὴ τὴν κατηραμένην ταύτην καὶ θάψατε αὐτήν, ὅτι θυγάτηρ βασιλέωσ ἐστί. καὶ ἐπορεύθησαν θάψαι αὐτὴν καὶ οὐχ εὗρον ἐν αὐτῇ ἄλλο τι ἢ τὸ κρανίον καὶ οἱ πόδεσ καὶ τὰ ἴχνη τῶν χειρῶν. καὶ ἐπέστρεψαν καὶ ἀνήγγειλαν αὐτῷ, καὶ εἶπε. λόγοσ Κυρίου, ὃν ἐλάλησεν ἐν χειρὶ Ἠλιοὺ τοῦ Θεσβίτου λέγων. ἐν τῇ μερίδι Ἰεζράελ καταφάγονται οἱ κύνεσ τὰσ σάρκασ Ἰεζάβελ, καὶ ἔσται τὸ θνησιμαῖον Ἰεζάβελ ὡσ κοπρία ἐπὶ προσώπου τοῦ ἀγροῦ ἐν τῇ μερίδι Ἰεζράελ, ὥστε μὴ εἰπεῖν αὐτοὺσ Ἰεζάβελ.

목록

일치하는 문장이 없습니다.

SEARCH

MENU NAVIGATION