Septuagint, Liber II Regum 8:

(70인역 성경, 열왕기 하권 8:)

ΚΑΙ Ἑλισαιὲ ἐλάλησε πρὸσ τὴν γυναῖκα, ἧσ ἐζωπύρησε τὸν υἱόν, λέγων. ἀνάστηθι καὶ δεῦρο σὺ καὶ ὁ οἶκόσ σου καὶ παροίκει, οὗ ἐὰν παροικήσῃσ, ὅτι κέκληκε Κύριοσ λιμὸν ἐπὶ τὴν γῆν, καί γε ἦλθεν ἐπὶ τὴν γῆν ἑπτὰ ἔτη. καὶ ἀνέστη ἡ γυνὴ καὶ ἐποίησε κατὰ τὸ ρῆμα Ἑλισαιὲ καὶ αὐτὴ καὶ ὁ οἶκοσ αὐτῆσ καὶ παρῴκει ἐν γῇ ἀλλοφύλων ἑπτὰ ἔτη. καὶ ἐγένετο μετὰ τὸ τέλοσ τῶν ἑπτὰ ἐτῶν καὶ ἐπέστρεψεν ἡ γυνὴ ἐκ γῆσ ἀλλοφύλων εἰσ τὴν πόλιν καὶ ἦλθε βοῆσαι πρὸσ τὸν βασιλέα περὶ τοῦ οἴκου ἑαυτῆσ καὶ περὶ τῶν ἀγρῶν αὐτῆσ. καὶ ὁ βασιλεὺσ ἐλάλει πρὸσ Γιεζὶ τὸ παιδάριον Ἑλισαιὲ τοῦ ἀνθρώπου τοῦ Θοεῦ λέγων. διήγησαι δὴ ἐμοὶ πάντα τὰ μεγάλα, ἃ ἐποίησεν Ἑλισαιέ. καὶ ἐγένετο αὐτοῦ ἐξηγουμένου τῷ βασιλεῖ, ὡσ ἐζωπύρησεν υἱὸν τεθνηκότα, καὶ ἰδοὺ ἡ γυνή, ἧσ ἐζωπύρησε τὸν υἱὸν αὐτῆσ Ἑλισαιέ, βοῶσα πρὸσ τὸν βασιλέα περὶ τοῦ οἴκου ἑαυτῆσ καὶ περὶ τῶν ἀγρῶν ἑαυτῆσ. καὶ εἶπε Γιεζί. κύριε βασιλεῦ, αὕτη ἡ γυνὴ καὶ οὖτοσ ὁ υἱὸσ αὐτῆσ, ὃν ἐζωπύρησεν Ἑλισαιέ. καὶ ἐπηρώτησεν ὁ βασιλεὺσ τὴν γυναῖκα καὶ διηγήσατο αὐτῷ. καὶ ἔδωκεν αὐτῇ ὁ βασιλεὺσ εὐνοῦχον ἕνα λέγων. ἐπίστρεψον πάντα τὰ αὐτῆσ καὶ πάντα τὰ γενήματα τοῦ ἀγροῦ ἀπὸ τῆσ ἡμέρασ, ἧσ κατέλιπε τὴν γῆν ἕωσ τοῦ νῦν. Καὶ ἦλθεν Ἑλισαιὲ εἰσ Δαμασκόν, καὶ υἱὸσ Ἄδερ βασιλεὺσ Συρίασ ἠρρώστει, καὶ ἀνήγγειλαν αὐτῷ λέγοντεσ. ἥκει ὁ ἄνθρωποσ τοῦ Θεοῦ ἕωσ ὧδε. καὶ εἶπεν ὁ βασιλεὺσ πρὸσ Ἀζαήλ. λάβε ἐν τῇ χειρί σου μαναὰ καὶ δεῦρο εἰσ ἀπαντὴν τοῦ ἀνθρώπου τοῦ Θεοῦ καὶ ἐπιζήτησον τὸν Κύριον παῤ αὐτοῦ λέγων. εἰ ζήσομαι ἐκ τῆσ ἀρρωστίασ μου ταύτησ̣ καὶ ἐπορεύθη Ἀζαὴλ εἰσ ἀπαντὴν αὐτοῦ καὶ ἔλαβε μαναὰ ἐν τῇ χειρὶ αὐτοῦ καὶ πάντα τὰ ἀγαθὰ Δαμασκοῦ, ἄρσιν τεσσαράκοντα καμήλων, καὶ ἦλθε καὶ ἔστη ἐνώπιον αὐτοῦ καὶ εἶπε πρὸσ Ἑλισαιέ. υἱόσ σου υἱὸσ Ἄδερ βασιλεὺσ Συρίασ ἀπέστειλέ με πρόσ σε ἐπερωτῆσαι λέγων. εἰ ζήσομαι ἐκ τῆσ ἀρρωστίασ μου ταύτησ̣ καὶ καὶ εἶπεν Ἑλισαιέ. δεῦρο εἰπὸν αὐτῷ. ζωῇ ζήσῃ. καὶ ἔδειξέ μοι Κύριοσ ὅτι θανάτῳ ἀποθανῇ. καὶ παρέστη τῷ προσώπῳ αὐτοῦ καὶ ἔθηκεν ἕωσ αἰσχύνησ, καὶ ἔκλαυσεν ὁ ἄνθρωποσ τοῦ Θεοῦ. καὶ εἶπεν Ἀζαήλ. τί ὅτι ὁ κύριόσ μου κλαίει̣ καὶ εἶπεν. ὅτι οἶδα ὅσα ποιήσεισ τοῖσ υἱοῖσ Ἰσραὴλ κακά. τὰ ὀχυρώματα αὐτῶν ἐξαποστελεῖσ ἐν πυρὶ καὶ τοὺσ ἐκλεκτοὺσ αὐτῶν ἐν ρομφαίᾳ ἀποκτενεῖσ καὶ τὰ νήπια αὐτῶν ἐνσείσεισ καὶ τὰσ ἐν γαστρὶ ἐχούσασ αὐτῶν ἀναρρήξεισ. καὶ εἶπεν Ἀζαήλ. τίσ ἐστιν ὁ δοῦλόσ σου ὁ κύων ὁ τεθνηκώσ, ὅτι ποιήσει τὸ ρῆμα τοῦτο̣ καὶ εἶπεν Ἑλισαιέ. ἔδειξέ μοι Κύριόσ σε βασιλεύοντα ἐπὶ Συρίαν. καὶ ἀπῆλθεν ἀπὸ Ἑλισαιὲ καὶ εἰσῆλθε πρὸσ τὸν κύριον αὐτοῦ καὶ εἶπεν αὐτῷ. τί εἶπέ σοι Ἑλισαιέ̣ καὶ εἶπεν. εἶπέ μοι, ζωῇ ζήσῃ. καὶ ἐγένετο τῇ ἐπαύριον, καὶ ἔλαβε τὸ μαχμὰ καὶ ἔβαψεν ἐν τῷ ὕδατι καὶ περιέβαλεν ἐπὶ τὸ πρόσωπον αὐτοῦ καὶ ἀπέθανε, καὶ ἐβασίλευσεν Ἀζαὴλ ἀντ̓ αὐτοῦ. Ἐν ἔτει πέμπτῳ τῷ Ἰωρὰμ υἱῷ Ἀχαὰβ βασιλεῖ Ἰσραὴλ καὶ Ἰωσαφὰτ βασιλεῖ Ἰούδα ἐβασίλευσεν Ἰωρὰμ υἱὸσ Ἰωσαφὰτ βασιλεὺσ Ἰούδα. υἱὸσ τριάκοντα καὶ δύο ἐτῶν ἦν ἐν τῷ βασιλεύειν αὐτὸν καὶ ὀκτὼ ἔτη ἐβασίλευσεν ἐν Ἱερουσαλήμ. καὶ ἐπορεύθη ἐν ὁδῷ βασιλέων Ἰσραήλ, καθὼσ ἐποίησεν οἶκοσ Ἀχαάβ, ὅτι θυγάτηρ Ἀχαὰβ ἦν αὐτῷ εἰσ γυναῖκα. καὶ ἐποίησε τὸ πονηρὸν ἐνώπιον Κυρίου. καὶ οὐκ ἠθέλησε Κύριοσ διαφθεῖραι τὸν Ἰούδαν διὰ Δαυὶδ τὸν δοῦλον αὐτοῦ, καθὼσ εἶπε δοῦναι αὐτῷ λύχνον καὶ τοῖσ υἱοῖσ αὐτοῦ πάσασ τὰσ ἡμέρασ. ἐν ταῖσ ἡμέραισ αὐτοῦ ἠθέτησεν Ἐδὼμ ὑποκάτωθεν χειρὸσ Ἰούδα καὶ ἐβασίλευσαν ἐφ̓ ἑαυτοὺσ βασιλέα. καὶ ἀνέβη Ἰωρὰμ εἰσ Σιὼρ καὶ πάντα τὰ ἅρματα τὰ μετ̓ αὐτοῦ, καὶ ἐγένετο αὐτοῦ ἀναστάντοσ καὶ ἐπάταξε τὸν Ἐδὼμ τὸν κυκλώσαντα ἐπ̓ αὐτὸν καὶ τοὺσ ἄρχοντασ τῶν ἁρμάτων, καὶ ἔφυγεν ὁ λαὸσ εἰσ τὰ σκηνώματα αὐτῶν. καὶ ἠθέτησεν Ἐδὼμ ὑποκάτω τῆσ χειρὸσ Ἰούδα ἕωσ τῆσ ἡμέρασ ταύτησ. τότε ἠθέτησε Λοβενὰ ἐν τῷ καιρῷ ἐκείνῳ. καὶ τὰ λοιπὰ τῶν λόγων Ἰωρὰμ καὶ πάντα, ὅσα ἐποίησεν, οὐκ ἰδοὺ ταῦτα γέγραπται ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰούδα̣ καὶ ἐκοιμήθη Ἰωρὰμ μετὰ τῶν πατέρων αὐτοῦ καὶ ἐτάφη μετὰ τῶν πατέρων αὐτοῦ ἐν πόλει Δαυὶδ τοῦ πατρὸσ αὐτοῦ. καὶ ἐβασίλευσεν Ὀχοζίασ υἱὸσ αὐτοῦ ἀντ̓ αὐτοῦ. Ἐν ἔτει δωδεκάτῳ τῷ Ἰωρὰμ υἱῷ Ἀχαὰβ βασιλεῖ Ἰσραὴλ ἐβασίλευσεν Ὀχοζίασ υἱὸσ Ἰωράμ. υἱὸσ εἴκοσι καὶ δύο ἐτῶν Ὀχοζίασ ἐν τῷ βασιλεύειν αὐτὸν καὶ ἐνιαυτὸν ἕνα ἐβασίλευσεν ἐν Ἱερουσαλήμ, καὶ ὄνομα τῆσ μητρὸσ αὐτοῦ Γοθολία θυγάτηρ Ἀμβρὶ βασιλέωσ Ἰσραήλ. καὶ ἐπορεύθη ἐν ὁδῷ οἴκου Ἀχαὰβ καὶ ἐποίησε τὸ πονηρὸν ἐνώπιον Κυρίου καθὼσ ὁ οἶκοσ Ἀχαάβ. καὶ ἐπορεύθη μετὰ Ἰωρὰμ υἱοῦ Ἀχαὰβ εἰσ πόλεμον μετὰ Ἀζαὴλ βασιλέωσ ἀλλοφύλων ἐν Ρεμμὼθ Γαλαάδ, καὶ ἐπάταξαν οἱ Σύροι τὸν Ἰωράμ. καὶ ἐπέστρεψεν ὁ βασιλεὺσ Ἰωρὰμ τοῦ ἰατρευθῆναι ἐν Ἰεζράελ ἀπὸ τῶν πληγῶν, ὧν ἐπάταξαν αὐτὸν ἐν Ρεμμὼθ ἐν τῷ πολεμεῖν αὐτὸν μετὰ Ἀζαὴλ βασιλέωσ Συρίασ. καὶ Ὀχοζίασ υἱὸσ Ἰωρὰμ κατέβη τοῦ ἰδεῖν τὸν Ἰωρὰμ υἱὸν Ἀχαὰβ ἐν Ἰεζράελ, ὅτι ἠρρώστει αὐτόσ.

목록

일치하는 문장이 없습니다.

SEARCH

MENU NAVIGATION