Septuagint, Liber II Regum 7:

(70인역 성경, 열왕기 하권 7:)

ΚΑΙ εἶπεν Ἑλισαιέ. ἄκουσον λόγον Κυρίου. τάδε λέγει Κύριοσ. ὡσ ἡ ὥρα αὕτη αὔριον μέτρον σεμιδάλεωσ σίκλου καὶ δίμετρον κριθῶν σίκλου ἐν ταῖσ πύλαισ Σαμαρείασ. καὶ ἀπεκρίθη ὁ τριστάτησ, ἐφ̓ ὃν ὁ βασιλεὺσ ἐπανεπαύετο ἐπὶ τὴν χεῖρα αὐτοῦ, τῷ Ἑλισαιὲ καὶ εἶπεν. ἰδοὺ ποιήσει Κύριοσ καταράκτασ ἐν οὐρανῷ, μὴ ἔσται τὸ ρῆμα τοῦτο̣ καὶ Ἑλισαιὲ εἶπεν. ἰδοὺ σὺ ὄψει τοῖσ ὀφθαλμοῖσ σου καὶ ἐκεῖθεν οὐ φάγῃ. καὶ τέσσαρεσ ἄνδρεσ ἦσαν λεπροὶ παρὰ τὴν θύραν τῆσ πόλεωσ, καὶ εἶπεν ἀνὴρ πρὸσ τὸν πλησίον αὐτοῦ. τί ἡμεῖσ καθήμεθα ὧδε, ἕωσ ἀποθάνωμεν̣ ἐὰν εἴπωμεν, εἰσέλθωμεν εἰσ τὴν πόλιν, καὶ ὁ λιμὸσ ἐν τῇ πόλει καὶ ἀποθανούμεθα ἐκεῖ. καὶ ἐὰν καθίσωμεν ὧδε, καὶ ἀποθανούμεθα. καὶ νῦν δεῦτε καὶ ἐμπέσωμεν εἰσ τὴν παρεμβολὴν Συρίασ. ἐὰν ζωογονήσωσιν ἡμᾶσ, καὶ ζησόμεθα. καὶ ἐὰν θανατώσωσιν ἡμᾶσ, καὶ ἀποθανούμεθα. καὶ ἀνέστησαν ἐν τῷ σκότει εἰσελθεῖν εἰσ τὴν παρεμβολὴν Συρίασ καὶ ἦλθον εἰσ μέροσ παρεμβολῆσ Συρίασ, καὶ ἰδοὺ οὐκ ἔστιν ἀνὴρ ἐκεῖ. καὶ κύριοσ ἀκουστὴν ἐποίησε παρεμβολὴν τὴν Συρίασ φωνὴν ἅρματοσ καὶ φωνὴν ἵππου, φωνὴν δυνάμεωσ μεγάλησ, καὶ εἶπεν ἀνὴρ πρὸσ τὸν ἀδελφὸν αὐτοῦ. νῦν ἐμισθώσατο ἐφ̓ ἡμᾶσ ὁ βασιλεὺσ Ἰσραὴλ τοὺσ βασιλέασ τῶν Χετταίων καὶ τοὺσ βασιλέασ Αἰγύπτου τοῦ ἐλθεῖν ἐφ̓ ἡμᾶσ. καὶ ἀνέστησαν καὶ ἀπέδρασαν ἐν τῷ σκότει καὶ ἐγκατέλιπαν τὰσ σκηνὰσ αὐτῶν καὶ τοὺσ ἵππουσ αὐτῶν καὶ τοὺσ ὄνουσ αὐτῶν ἐν τῇ παρεμβολῇ ὥσ ἐστι καὶ ἔφυγον πρὸσ τὴν ψυχὴν ἑαυτῶν. καὶ εἰσῆλθον οἱ λεπροὶ οὗτοι ἕωσ μέρουσ τῆσ παρεμβολῆσ καὶ εἰσῆλθον εἰσ σκηνὴν μίαν καὶ ἔφαγον καὶ ἔπιον καὶ ᾖραν ἐκεῖθεν ἀργύριον καὶ χρυσίον καὶ ἱματισμὸν καὶ ἐπορεύθησαν. καὶ ἐπέστρεψαν ἐκεῖθεν καὶ εἰσῆλθον εἰσ σκηνὴν ἄλλην καὶ ἔλαβον ἐκεῖθεν καὶ ἐπορεύθησαν καὶ κατέκρυψαν. καὶ εἶπεν ἀνὴρ πρὸσ τὸν πλησίον αὐτοῦ. οὐχ οὕτωσ ἡμεῖσ ποιοῦμεν. ἡ ἡμέρα αὕτη ἡμέρα εὐαγγελίασ ἐστί, καὶ ἡμεῖσ σιωπῶμεν καὶ μένομεν ἕωσ φωτὸσ τοῦ πρωί̈ καὶ εὑρήσομεν ἀνομίαν. καὶ νῦν δεῦρο καὶ εἰσέλθωμεν καὶ ἀναγγείλωμεν εἰσ τὸν οἶκον τοῦ βασιλέωσ. καὶ εἰσῆλθον καὶ ἐβόησαν πρὸσ τὴν πύλην τῆσ πόλεωσ καὶ ἀνήγγειλαν αὐτοῖσ, λέγοντεσ. εἰσήλθομεν εἰσ τὴν παρεμβολὴν Συρίασ, καὶ ἰδοὺ οὐκ ἔστιν ἐκεῖ ἀνὴρ καὶ φωνὴ ἀνθρώπου, ὅτι εἰ μὴ ἵπποσ δεδεμένοσ καὶ ὄνοσ καὶ αἱ σκηναὶ αὐτῶν ὡσ εἰσί. καὶ ἐβόησαν οἱ θυρωροὶ καὶ ἀνήγγειλαν εἰσ τὸν οἶκον τοῦ βασιλέωσ ἔσω. καὶ ἀνέστη ὁ βασιλεὺσ νυκτὸσ καὶ εἶπε πρὸσ τοὺσ παῖδασ αὐτοῦ. ἀναγγελῶ δὴ ὑμῖν ἃ ἐποίησεν ὑμῖν Συρία. ἔγνωσαν ὅτι πεινῶμεν ἡμεῖσ, καὶ ἐξῆλθαν ἐκ τῆσ παρεμβολῆσ καὶ ἐκρύβησαν ἐν τῷ ἀγρῷ λέγοντεσ. ὅτι ἐξελεύσονται ἐκ τῆσ πόλεωσ, καὶ συλληψόμεθα αὐτοὺσ ζῶντασ καὶ εἰσ τὴν πόλιν εἰσελευσόμεθα. καὶ ἀπεκρίθη εἷσ τῶν παίδων αὐτοῦ καὶ εἶπε. λαβέτωσαν δὴ πέντε τῶν ἵππων τῶν ὑπολελειμμένων, οἳ κατελείφθησαν ὧδε, ἰδού εἰσι πρὸσ πᾶν τὸ πλῆθοσ Ἰσραὴλ τὸ ἐκλεῖπον. καὶ ἀποστελοῦμεν ἐκεῖ καὶ ὀψόμεθα. καὶ ἔλαβον δύο ἐπιβάτασ ἵππων, καὶ ἀπέστειλεν ὁ βασιλεὺσ Ἰσραὴλ ὀπίσω τοῦ βασιλέωσ Συρίασ λέγων. δεῦτε καὶ ἴδετε. καὶ ἐπορεύθησαν ὀπίσω αὐτῶν ἕωσ τοῦ Ἰορδάνου, καὶ ἰδοὺ πᾶσα ἡ ὁδὸσ πλήρησ ἱματίων καὶ σκευῶν, ὧν ἔρριψε Συρία ἐν τῷ θαμβεῖσθαι αὐτούσ. καὶ ἐπέστρεψαν οἱ ἄγγελοι καὶ ἀνήγγειλαν τῷ βασιλεῖ. καὶ ἐξῆλθεν ὁ λαὸσ καὶ διήρπασαν τὴν παρεμβολὴν Συρίασ, καὶ ἐγένετο μέτρον σεμιδάλεωσ σίκλου, κατὰ τὸ ρῆμα Κυρίου, καὶ δίμετρον κριθῶν σίκλου. καὶ ὁ βασιλεὺσ κατέστησε τὸν τριστάτην, ἐφ̓ ὃν ὁ βασιλεὺσ ἐπανεπαύσατο τῇ χειρὶ αὐτοῦ, ἐπὶ τῆσ πύλησ. καὶ συνεπάτησεν αὐτὸν ὁ λαὸσ ἐν τῇ πύλῃ, καὶ ἀπέθανε, καθὰ ἐλάλησεν ὁ ἄνθρωποσ τοῦ Θεοῦ, ὃσ ἐλάλησεν ἐν τῷ καταβῆναι τὸν ἄγγελον πρὸσ αὐτόν. καὶ ἐγένετο καθὰ ἐλάλησεν Ἑλισαιὲ πρὸσ τὸν βασιλέα λέγων. δίμετρον κριθῆσ σίκλου καὶ μέτρον σεμιδάλεωσ σίκλου καὶ ἔσται ὡσ ἡ ὥρα αὔριον ἐν τῇ πύλῃ Σαμαρείασ. καὶ ἀπεκρίθη ὁ τριστάτησ τῷ Ἑλισαιὲ καὶ εἶπεν. ἰδοὺ Κύριοσ ποιεῖ καταράκτασ ἐν τῷ οὐρανῷ, μὴ ἔσται τὸ ρῆμα τοῦτο̣ καὶ εἶπεν Ἑλισαιέ. ἰδοὺ ὄψῃ τοῖσ ὀφθαλμοῖσ σου καὶ ἐκεῖθεν οὐ μὴ φάγῃ. καὶ ἐγένετο οὕτωσ, καὶ συνεπάτησεν αὐτὸν ὁ λαὸσ ἐν τῇ πύλῃ καὶ ἀπέθανε.

목록

일치하는 문장이 없습니다.

SEARCH

MENU NAVIGATION