헬라어 문장 검색 - Σεπτύ012́002́

(70인역 성경, 열왕기 하권 2:)

ΚΑΙ ἐγένετο ἐν τῷ ἀνάγειν Κύριον ἐν συσσεισμῷ τὸν Ἠλιοὺ ὡσ εἰσ τὸν οὐρανὸν καὶ ἐπορεύθη Ἠλιοὺ καὶ Ἑλισαιὲ ἐκ Γαλγάλων. καὶ εἶπεν Ἠλιοὺ πρὸσ Ἑλισαιέ. κάθου δὴ ἐνταῦθα, ὅτι Κύριοσ ἀπέσταλκέ με ἕωσ Βαιθήλ. καὶ εἶπεν Ἑλισαιέ. ζῇ Κύριοσ καὶ ζῇ ἡ ψυχή σου, εἰ ἐγκαταλείψω σε. καὶ ἦλθον εἰσ Βαιθήλ. καὶ ἦλθον οἱ υἱοὶ τῶν προφητῶν οἱ ἐν Βαιθὴλ πρὸσ Ἑλισαιὲ καὶ εἶπον πρὸσ αὐτόν. εἰ ἔγνωσ, ὅτι Κύριοσ σήμερον λαμβάνει τὸν κύριόν σου ἐπάνωθεν τῆσ κεφαλῆσ σου̣ καὶ εἶπε. κἀγὼ ἔγνωκα, σιωπᾶτε. καὶ εἶπεν Ἠλιοὺ πρὸσ Ἑλισαιέ. κάθου δὴ ἐνταῦθα, ὅτι Κύριοσ ἀπέσταλκέ με εἰσ Ἱεριχώ. καὶ εἶπεν Ἑλισαιέ. ζῇ Κύριοσ καὶ ζῇ ἡ ψυχή σου, εἰ ἐγκαταλείψω σε. καὶ ἦλθον εἰσ Ἱεριχώ. καὶ ἤγγισαν οἱ υἱοὶ τῶν προφητῶν οἱ ἐν Ἱεριχὼ πρὸσ Ἑλισαιὲ καὶ εἶπαν πρὸσ αὐτόν. εἰ ἔγνωσ ὅτι σήμερον λαμβάνει Κύριοσ τὸν κύριόν σου ἐπάνωθεν τῆσ κεφαλῆσ σου̣ καὶ εἶπε. καί γε ἐγὼ ἔγνων, σιωπᾶτε. καὶ εἶπεν αὐτῷ Ἠλιού. κάθου δὴ ὧδε, ὅτι Κύριοσ ἀπέσταλκέ με ἕωσ εἰσ τὸν Ἰορδάνην. καὶ εἶπεν Ἑλισαιέ. ζῇ Κύριοσ καὶ ζῇ ἡ ψυχή σου, εἰ ἐγκαταλείψω σε. καὶ ἐπορεύθησαν ἀμφότεροι. καὶ πεντήκοντα ἄνδρεσ υἱοὶ τῶν προφητῶν καὶ ἔστησαν ἐξεναντίασ μακρόθεν. καὶ ἀμφότεροι ἔστησαν ἐπὶ τοῦ Ἰορδάνου. καὶ ἔλαβεν Ἠλιοὺ τὴν μηλωτὴν αὐτοῦ καὶ εἵλησε καὶ ἐπάταξε τὸ ὕδωρ, καὶ διῃρέθη τὸ ὕδωρ ἔνθα καὶ ἔνθα, καὶ διέβησαν ἀμφότεροι ἐν ἐρήμῳ. καὶ ἐγένετο ἐν τῷ διαβῆναι αὐτοὺσ καὶ Ἠλιοὺ εἶπε πρὸσ Ἑλισαιέ. αἴτησαι τί ποιήσω σοι πρὶν ἢ ἀναληφθῆναί με ἀπὸ σοῦ. καὶ εἶπεν Ἑλισαιέ. γενηθήτω δὴ διπλᾶ ἐν πνεύματί σου ἐπ̓ ἐμέ. καὶ εἶπεν Ἠλιού. ἐσκλήρυνασ τοῦ αἰτήσασθαι. ἐὰν ἴδῃσ με ἀναλαμβανόμενον ἀπὸ σοῦ, καὶ ἔσται σοι οὕτωσ. καὶ ἐὰν μή, οὐ μὴ γένηται. καὶ ἐγένετο αὐτῶν πορευομένων, ἐπορεύοντο καὶ ἐλάλουν. καὶ ἰδοὺ ἅρμα πυρὸσ καὶ ἵπποι πυρὸσ καὶ διέστειλαν ἀνὰ μέσον ἀμφοτέρων, καὶ ἀνελήφθη Ἠλιοὺ ἐν συσσεισμῷ ὡσ εἰσ τὸν οὐρανόν. καὶ Ἑλισαιὲ ἑώρα καὶ ἐβόα. πάτερ, πάτερ, ἅρμα Ἰσραὴλ καὶ ἱππεὺσ αὐτοῦ. καὶ οὐκ εἶδεν αὐτὸν ἔτι καὶ ἐπελάβετο τῶν ἱματίων αὐτοῦ καὶ διέρρηξεν αὐτὰ εἰσ δύο ρήγματα. καὶ ὕψωσε τὴν μηλωτὴν Ἠλιού, ἣ ἔπεσεν ἐπάνωθεν Ἑλισαιέ, καὶ ἐπέστρεψεν Ἑλισαιὲ καὶ ἔστη ἐπὶ τοῦ χείλουσ τοῦ Ἰορδάνου. καὶ ἔλαβε τὴν μηλωτὴν Ἠλιού, ἣ ἔπεσεν ἐπάνωθεν αὐτοῦ, καὶ ἐπάταξε τὸ ὕδωρ καὶ οὐ διέστη. καὶ εἶπε. ποῦ ὁ Θεὸσ Ἠλιοὺ ἀφφώ̣ καὶ ἐπάταξε τὰ ὕδατα, καὶ διερράγησαν ἔνθα καὶ ἔνθα, καὶ διέβη Ἑλισαιέ. καὶ εἶδον αὐτὸν οἱ υἱοὶ τῶν προφητῶν οἱ ἐν Ἱεριχὼ ἐξεναντίασ καὶ εἶπον. ἐπαναπέπαυται τὸ πνεῦμα Ἠλιοὺ ἐπὶ Ἑλισαιέ. καὶ ἦλθον εἰσ συναντὴν αὐτοῦ καὶ προσεκύνησαν αὐτῷ ἐπὶ τὴν γῆν. καὶ εἶπον πρὸσ αὐτόν. ἰδοὺ δὴ μετὰ τῶν παίδων σου πεντήκοντα ἄνδρεσ υἱοὶ δυνάμεωσ. πορευθέντεσ δὴ ζητησάτωσαν τὸν κύριόν σου, μή ποτε ᾖρεν αὐτὸν πνεῦμα Κυρίου καὶ ἔρριψεν αὐτὸν ἐν τῷ Ἰορδάνῃ ἢ ἐφ̓ ἓν τῶν ὀρέων ἢ ἐφ̓ ἕνα τῶν βουνῶν. καὶ εἶπεν Ἑλισαιέ. οὐκ ἀποστελεῖτε. καὶ παρεβιάσαντο αὐτὸν ἕωσ οὗ ᾐσχύνετο. καὶ εἶπεν. ἀποστείλατε. καὶ ἀπέστειλαν πεντήκοντα ἄνδρασ, καὶ ἐζήτησαν τρεῖσ ἡμέρασ καὶ οὐχ εὗρον αὐτόν. καὶ ἀνέστρεψαν πρὸσ αὐτόν, καὶ αὐτὸσ ἐκάθητο ἐν Ἱεριχώ, καὶ εἶπεν Ἑλισαιέ. οὐκ εἶπον πρὸσ ὑμᾶσ, μὴ πορευθῆτε̣ καὶ εἶπον οἱ ἄνδρεσ τῆσ πόλεωσ πρὸσ Ἑλισαιέ. ἰδοὺ ἡ κατοίκησισ τῆσ πόλεωσ ἀγαθή, καθὼσ ὁ κύριοσ βλέπει, καὶ τὰ ὕδατα πονηρὰ καὶ ἡ γῆ ἀτεκνουμένη. καὶ εἶπεν Ἑλισαιέ. λάβετέ μοι ὑδρίσκην καινὴν καὶ θέτε ἐκεῖ ἅλα. καὶ ἔλαβον καὶ ἤνεγκαν πρὸσ αὐτόν. καὶ ἐξῆλθεν Ἑλισαιὲ εἰσ τὴν διέξοδον τῶν ὑδάτων καὶ ἔρριψεν ἐκεῖ ἅλα καὶ εἶπε. τάδε λέγει Κύριοσ. ἴαμαι τὰ ὕδατα, οὐκ ἔσται ἔτι ἐκεῖθεν θάνατοσ καὶ ἀτεκνουμένη. καὶ ἰάθησαν τὰ ὕδατα ἕωσ τῆσ ἡμέρασ ταύτησ κατὰ τὸ ρῆμα Ἑλισαιέ, ὃ ἐλάλησε. καὶ ἀνέβη ἐκεῖθεν εἰσ Βαιθήλ. καὶ ἀναβαίνοντοσ αὐτοῦ ἐν τῇ ὁδῷ καὶ παιδάρια μικρὰ ἐξῆλθον ἐκ τῆσ πόλεωσ καὶ κατέπαιζον αὐτοῦ καὶ εἶπον αὐτῷ. ἀνάβαινε, φαλακρέ, ἀνάβαινε. καὶ ἐξένευσεν ὀπίσω αὐτῶν καὶ εἶδεν αὐτά, καὶ κατηράσατο αὐτοῖσ ἐν ὀνόματι Κυρίου. καὶ ἰδοὺ ἐξῆλθον δύο ἄρκοι ἐκ τοῦ δρυμοῦ καὶ ἀνέρρηξαν ἀπ̓ αὐτῶν τεσσαράκοντα καὶ δύο παῖδασ. καὶ ἐπορεύθη ἐκεῖθεν εἰσ τὸ ὄροσ τὸ Καρμήλιον κἀκεῖθεν ἐπέστρεψεν εἰσ Σαμάρειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Regum 2:

(70인역 성경, 열왕기 하권 2:)

목록

SEARCH

MENU NAVIGATION