Septuagint, Liber I Regum 22:

(70인역 성경, 열왕기 상권 22:)

ΚΑΙ ἐκάθισε τὰ τρία ἔτη, καὶ οὐκ ἦν πόλεμοσ ἀνὰ μέσον Συρίασ καὶ ἀνὰ μέσον Ἰσραήλ. καὶ ἐγενήθη ἐν τῷ ἐνιαυτῷ τῷ τρίτῳ καὶ κατέβη Ἰωσαφὰτ βασιλεὺσ Ἰούδα πρὸσ βασιλέα Ἰσραήλ. καὶ εἶπε βασιλεὺσ Ἰσραὴλ πρὸσ τοὺσ παῖδασ αὐτοῦ. εἰ οἴδατε ὅτι ἡμῖν Ρεμμὰθ Γαλαάδ, καὶ ἡμεῖσ σιωπῶμεν λαβεῖν αὐτὴν ἐκ χειρὸσ βασιλέωσ Συρίασ̣ καὶ εἶπε βασιλεὺσ Ἰσραὴλ πρὸσ Ἰωσαφάτ. ἀναβήσῃ μεθ̓ ἡμῶν εἰσ Ρεμμὰθ Γαλαὰδ εἰσ πόλεμον̣ καὶ εἶπεν Ἰωσαφάτ. καθὼσ ἐγὼ καὶ σὺ οὕτωσ, καθὼσ ὁ λαόσ μου ὁ λαόσ σου, καθὼσ οἱ ἵπποι μου οἱ ἵπποι σου. καὶ εἶπεν Ἰωσαφὰτ βασιλεὺσ Ἰούδα πρὸσ βασιλέα Ἰσραήλ. ἐπερωτήσατε δὴ σήμερον τὸν Κύριον. καὶ συνήθροισεν ὁ βασιλεὺσ Ἰσραὴλ πάντασ τοὺσ προφήτασ, ὡσ τετρακοσίουσ ἄνδρασ, καὶ εἶπεν αὐτοῖσ ὁ βασιλεύσ. εἰ πορευθῶ εἰσ Ρεμμὰθ Γαλαὰδ εἰσ πόλεμον ἢ ἐπίσχω̣ καὶ εἶπον. ἀνάβαινε, καὶ διδοὺσ δώσει Κύριοσ εἰσ χεῖρασ τοῦ βασιλέωσ. καὶ εἶπεν Ἰωσαφὰτ πρὸσ βασιλέα Ἰσραήλ. οὐκ ἔστιν ὧδε προφήτησ τοῦ Κυρίου καὶ ἐπερωτήσομεν τὸν Κύριον δἰ αὐτοῦ̣ καὶ εἶπεν ὁ βασιλεὺσ Ἰσραὴλ πρὸσ Ἰωσαφάτ. εἷσ ἐστιν ἀνὴρ εἰσ τὸ ἐπερωτῆσαι δἰ αὐτοῦ τὸν Κύριον, καὶ ἐγὼ μεμίσηκα αὐτόν, ὅτι οὐ λαλεῖ περὶ ἐμοῦ καλά, ἀλλ̓ ἢ κακά, Μιχαίασ υἱὸσ Ἰεμβλαά. καὶ εἶπεν Ἰωσαφὰτ βασιλεὺσ Ἰούδα. μὴ λεγέτω ὁ βασιλεὺσ οὕτωσ. καὶ ἐκάλεσεν ὁ βασιλεὺσ Ἰσραὴλ εὐνοῦχον ἕνα καὶ εἶπε. τὸ τάχοσ Μιχαίαν υἱὸν Ἰεμβλαά. καὶ ὁ βασιλεὺσ Ἰσραὴλ καὶ Ἰωσαφὰτ βασιλεὺσ Ἰούδα ἐκάθηντο ἀνὴρ ἐπὶ τοῦ θρόνου αὐτοῦ ἔνοπλοι ἐν ταῖσ πύλαισ Σαμαρείασ, καὶ πάντεσ οἱ προφῆται ἐπροφήτευον ἐνώπιον αὐτῶν. καὶ ἐποίησεν ἑαυτῷ Σεδεκίασ υἱὸσ Χανανὰ κέρατα σιδηρᾶ καὶ εἶπε. τάδε λέγει Κύριοσ. ἐν τούτοισ κερατιεῖσ τὴν Συρίαν, ἕωσ συντελεσθῇ. καὶ πάντεσ οἱ προφῆται ἐπροφήτευον οὕτωσ λέγοντεσ. ἀνάβαινε εἰσ Ρεμμὰθ Γαλαάδ, καὶ εὐοδώσει καὶ δώσει Κύριοσ εἰσ χεῖράσ σου καὶ τὸν βασιλέα Συρίασ. καὶ ὁ ἄγγελοσ ὁ πορευθεὶσ καλέσαι τὸν Μιχαίαν ἐλάλησεν αὐτῷ λέγων. ἰδοὺ δὴ λαλοῦσι πάντεσ οἱ προφῆται ἐν στόματι ἑνὶ καλὰ περὶ τοῦ βασιλέωσ. γίνου δὴ καὶ σὺ εἰσ τοὺσ λόγουσ σου κατὰ τοὺσ λόγουσ ἑνὸσ τούτων καὶ λάλησον καλά. καὶ εἶπε Μιχαίασ. ζῇ Κύριοσ, ὅτι ἃ ἐὰν εἴπῃ Κύριοσ πρόσ με, ταῦτα λαλήσω. καὶ ἦλθε πρὸσ τὸν βασιλέα καὶ εἶπεν αὐτῷ ὁ βασιλεύσ. Μιχαία, εἰ ἀναβῶ εἰσ Ρεμμὰθ Γαλαὰδ εἰσ πόλεμον, ἢ ἐπίσχω̣ καὶ εἶπεν. ἀνάβαινε, καὶ εὐοδώσει Κύριοσ εἰσ χεῖρασ τοῦ βασιλέωσ. καὶ εἶπεν αὐτῷ ὁ βασιλεύσ. ποσάκισ ἐγὼ ὁρκίζω σε ὅπωσ λαλήσῃσ πρόσ με ἀλήθειαν ἐν ὀνόματι Κυρίου̣ καὶ εἶπε Μιχαίασ. οὐχ οὕτωσ. ἑώρακα πάντα τὸν Ἰσραὴλ διεσπαρμένον ἐν τοῖσ ὄρεσιν ὡσ ποίμνιον, ᾧ οὐκ ἔστι ποιμήν, καὶ εἶπε Κύριοσ. οὐ κύριοσ τούτοισ Θεόσ̣ ἕκαστοσ εἰσ τὸν οἶκον αὐτοῦ ἐν εἰρήνῃ ἀναστρεφέτω. καὶ εἶπε βασιλεὺσ Ἰσραὴλ πρὸσ Ἰωσαφὰτ βασιλέα Ἰούδα. οὐκ εἶπα πρόσ σε ὅτι οὐ προφητεύει οὗτόσ μοι καλά, διότι ἀλλ̓ ἢ κακά̣ καὶ εἶπε Μιχαίασ. οὐχ οὕτωσ, οὐκ ἐγώ, ἄκουε ρῆμα Κυρίου, οὐχ οὕτωσ. εἶδον Θεὸν Ἰσραὴλ καθήμενον ἐπὶ θρόνου αὐτοῦ, καὶ πᾶσα ἡ στρατιὰ τοῦ οὐρανοῦ εἱστήκει περὶ αὐτὸν ἐκ δεξιῶν αὐτοῦ καὶ ἐξ εὐωνύμων. καὶ εἶπε Κύριοσ. τίσ ἀπατήσει τὸν Ἀχαὰβ βασιλέα Ἰσραὴλ καὶ ἀναβήσεται καὶ πεσεῖται ἐν Ρεμμὰθ Γαλαάδ̣ καὶ εἶπεν οὗτοσ οὕτωσ καὶ οὗτοσ οὕτωσ. καὶ ἐξῆλθε πνεῦμα καὶ ἔστη ἐνώπιον Κυρίου καὶ εἶπεν. ἐγὼ ἀπατήσω αὐτόν. καὶ εἶπε πρὸσ αὐτὸν Κύριοσ. ἐν τίνι̣ καὶ εἶπεν. ἐξελεύσομαι καὶ ἔσομαι πνεῦμα ψευδὲσ εἰσ τὸ στόμα πάντων τῶν προφητῶν αὐτοῦ. καὶ εἶπεν. ἀπατήσεισ καί γε δυνήσῃ, ἔξελθε καὶ ποίησον οὕτωσ. καὶ νῦν ἰδοὺ ἔδωκε Κύριοσ πνεῦμα ψευδὲσ ἐν στόματι πάντων τῶν προφητῶν σου τούτων, καὶ Κύριοσ ἐλάλησεν ἐπὶ σὲ κακά. καὶ προσῆλθε Σεδεκίασ υἱὸσ Χανανὰ καὶ ἐπάταξε τὸν Μιχαίαν ἐπὶ τὴν σιαγόνα καὶ εἶπε. ποῖον πνεῦμα Κυρίου τὸ λαλῆσαν ἐν σοί̣ καὶ εἶπε Μιχαίασ. ἰδοὺ σὺ ὄψῃ τῇ ἡμέρᾳ ἐκείνῃ, ὅταν εἰσέλθῃσ ταμιεῖον τοῦ ταμιείου τοῦ κρυβῆναι ἐκεῖ. καὶ εἶπεν ὁ βασιλεὺσ Ἰσραήλ. λάβετε τὸν Μιχαίαν καὶ ἀποστρέψατε αὐτὸν πρὸσ Σεμὴρ τὸν βασιλέα τῆσ πόλεωσ. καὶ τῷ Ἰωὰσ υἱῷ τοῦ βασιλέως εἰπὸν θέσθαι τοῦτον ἐν φυλακῇ καὶ ἐσθίειν αὐτὸν ἄρτον θλίψεωσ καὶ ὕδωρ θλίψεωσ ἕωσ τοῦ ἐπιστρέψαι με ἐν εἰρήνῃ. καὶ εἶπε Μιχαίασ. ἐὰν ἐπιστρέφων ἐπιστρέψῃσ ἐν εἰρήνῃ, οὐ λελάληκε Κύριοσ ἐν ἐμοί. καὶ ἀνέβη βασιλεὺσ Ἰσραὴλ καὶ Ἰωσαφὰτ βασιλεὺσ Ἰούδα μετ̓ αὐτοῦ εἰσ Ρεμμὰθ Γαλαάδ. καὶ εἶπε βασιλεὺσ Ἰσραὴλ πρὸσ Ἰωσαφὰτ βασιλέα Ἰούδα. συγκαλύψομαι καὶ εἰσελεύσομαι εἰσ τὸν πόλεμον, καὶ σὺ ἔνδυσαι τὸν ἱματισμόν μου. καὶ συνεκαλύψατο βασιλεὺσ Ἰσραὴλ καὶ εἰσῆλθεν εἰσ τὸν πόλεμον. καὶ βασιλεὺσ Συρίασ ἐνετείλατο τοῖσ ἄρχουσι τῶν ἁρμάτων αὐτοῦ τριάκοντα καὶ δυσὶ λέγων. μὴ πολεμεῖτε μικρὸν καὶ μέγαν, ἀλλ̓ ἢ τὸν βασιλέα Ἰσραὴλ μονώτατον. καὶ ἐγένετο ὡσ εἶδον οἱ ἄρχοντεσ τῶν ἁρμάτων τὸν Ἰωσαφὰτ βασιλέα Ἰούδα, καὶ αὐτοὶ εἶπαν. φαίνεται βασιλεὺσ Ἰσραὴλ οὗτοσ. καὶ ἐκύκλωσαν αὐτὸν πολεμῆσαι, καὶ ἀνέκραξεν Ἰωσαφάτ. καὶ ἐγένετο ὡσ εἶδον οἱ ἄρχοντεσ τῶν ἁρμάτων ὅτι οὐκ ἔστι βασιλεὺσ Ἰσραὴλ οὗτοσ, καὶ ἀνέστρεψαν ἀπ̓ αὐτοῦ. καὶ ἐπέτεινεν εἷσ τὸ τόξον εὐστόχωσ καὶ ἐπάταξε τὸν βασιλέα Ἰσραὴλ ἀνὰ μέσον τοῦ πνεύμονοσ καὶ ἀνὰ μέσον τοῦ θώρακοσ. καὶ εἶπε τῷ ἡνιόχῳ αὐτοῦ. ἐπίστρεψον τὰσ χεῖράσ σου καὶ ἐξάγαγέ με ἐκ τοῦ πολέμου, ὅτι τέτρωμαι. καὶ ἐτροπώθη ὁ πόλεμοσ ἐν τῇ ἡμέρᾳ ἐκείνῃ, καὶ ὁ βασιλεὺσ ἦν ἑστηκὼσ ἐπὶ τοῦ ἅρματοσ ἐξεναντίασ Συρίασ ἀπὸ πρωί̈ ἕωσ ἑσπέρασ καὶ ἐπέχυνε τὸ αἷμα ἀπὸ τῆσ πληγῆσ εἰσ τὸν κόλπον τοῦ ἅρματοσ. καὶ ἀπέθανεν ἑσπέρασ, καὶ ἐξεπορεύετο τὸ αἷμα τῆσ τροπῆσ ἕωσ τοῦ κόλπου τοῦ ἅρματοσ. καὶ ἔστη ὁ στρατοκήρυξ δύοντοσ τοῦ ἡλίου λέγων. ἕκαστοσ εἰσ τὴν ἑαυτοῦ πόλιν καὶ εἰσ τὴν ἑαυτοῦ γῆν, ὅτι τέθνηκεν ὁ βασιλεύσ. καὶ ἦλθον εἰσ Σαμάρειαν καὶ ἔθαψαν τὸν βασιλέα ἐν Σαμαρείᾳ. καὶ ἀπένιψαν τὸ αἷμα ἐπὶ τὴν κρήνην Σαμαρείασ, καὶ ἐξέλειξαν αἱ ὕεσ καὶ οἱ κύνεσ τὸ αἷμα, καὶ αἱ πόρναι ἐλούσαντο ἐν τῷ αἵματι κατὰ τὸ ρῆμα Κυρίου, ὃ ἐλάλησε. καὶ τὰ λοιπὰ τῶν λόγων Ἀχαὰβ καὶ πάντα, ἃ ἐποίησε, καὶ οἶκον ἐλεφάντινον, ὃν ᾠκοδόμησε, καὶ πάσασ τὰσ πόλεισ, ἃσ ἐποίησεν, οὐκ ἰδοὺ ταῦτα γέγραπται ἐν βιβλίῳ λόγων τῶν ἡμερῶν τῶν βασιλέων Ἰσραήλ̣ καὶ ἐκοιμήθη Ἀχαὰβ μετὰ τῶν πατέρων αὐτοῦ, καὶ ἐβασίλευσεν Ὀχοζίασ υἱὸσ αὐτοῦ ἀντ̓ αὐτοῦ. Καὶ Ἰωσαφὰτ υἱὸσ Ἀσὰ ἐβασίλευσεν ἐπὶ Ἰούδαν. ἐν ἔτει τετάρτῳ τοῦ Ἀχαὰβ βασιλέωσ Ἰσραὴλ ἐβασίλευσεν Ἰωσαφάτ. υἱὸσ τριάκοντα καὶ πέντε ἐτῶν ἐν τῷ βασιλεύειν αὐτόν, καὶ εἴκοσι καὶ πέντε ἔτη ἐβασίλευσεν ἐν Ἱερουσαλήμ, καὶ ὄνομα τῇ μητρὶ αὐτοῦ Ἀζουβὰ θυγάτηρ Σαλαί̈. καὶ ἐπορεύθη ἐν πάσῃ ὁδῷ Ἀσὰ τοῦ πατρὸσ αὐτοῦ. οὐκ ἐξέκλινεν ἀπ̓ αὐτῆσ τοῦ ποιῆσαι τὸ εὐθὲσ ἐν ὀφθαλμοῖσ Κυρίου. πλὴν τῶν ὑψηλῶν οὐκ ἐξῇρεν, ἔτι ὁ λαὸσ ἐθυσίαζε καὶ ἐθυμίων ἐν τοῖσ ὑψηλοῖσ. καὶ εἰρήνευσεν Ἰωσαφὰτ μετὰ βασιλέωσ Ἰσραήλ. καὶ τὰ λοιπὰ τῶν λόγων Ἰωσαφὰτ καὶ αἱ δυναστεῖαι αὐτοῦ, ὅσα ἐποίησεν οὐκ ἰδοὺ ταῦτα γεγραμμένα ἐν βιβλίῳ λόγων τῶν ἡμερῶν βασιλέων Ἰούδα̣ καὶ ἐκοιμήθη Ἰωσαφὰτ μετὰ τῶν πατέρων αὐτοῦ καὶ ἐτάφη παρὰ τοῖσ πατράσιν αὐτοῦ ἐν πόλει Δαυὶδ τοῦ πατρὸσ αὐτοῦ. καὶ ἐβασίλευσεν Ἰωρὰμ υἱὸσ αὐτοῦ ἀντ̓ αὐτοῦ. Καὶ Ὀχοζίασ υἱὸσ Ἀχαὰβ ἐβασίλευεν ἐπὶ Ἰσραὴλ ἐν Σαμαρείᾳ ἐν ἔτει ἑπτακαιδεκάτῳ Ἰωσαφὰτ βασιλέωσ Ἰούδα. καὶ ἐβασίλευσεν ἐν Ἰσραὴλ ἐν Σαμαρείᾳ δύο ἔτη. καὶ ἐποίησε τὸ πονηρὸν ἐναντίον Κυρίου καὶ ἐπορεύθη ἐν ὁδῷ Ἀχαὰβ τοῦ πατρὸσ αὐτοῦ καὶ ἐν ὁδῷ Ἰεζάβελ τῆσ μητρὸσ αὐτοῦ καὶ ἐν ταῖσ ἁμαρτίαισ οἴκου Ἱεροβοὰμ υἱοῦ Ναβάτ, ὃσ ἐξήμαρτε τὸν Ἰσραήλ. καὶ ἐδούλευσε τοῖσ Βααλὶμ καὶ προσεκύνησεν αὐτοῖσ καὶ παρώργισε τὸν Κύριον Θεὸν Ἰσραήλ, κατὰ πάντα τὰ γενόμενα ἔμπροσθεν αὐτοῦ. Καὶ περισσὸν τοῦ ἐνδιηλλαγμένου, ὃ ὑπελείφθη ἐν ἡμέραισ Ἀσὰ τοῦ πατρὸσ αὐτοῦ, ἐπέλεξεν ἀπὸ τῆσ γῆσ. καὶ βασιλεὺσ οὐκ ἦν ἐν Ἐδὲμ ἐστηλωμένοσ. καὶ ὁ βασιλεὺς Ἰωσαφὰτ ἐποίησε νῆασ εἰσ Θαρσὶσ τοῦ πορευθῆναι Ὠφέρδε εἰσ χρυσίον, καὶ οὐκ ἐπορεύθησαν, ὅτι συνετρίβησαν νῆεσ ἐν Ἀσεὼν Γαβέρ. τότε εἶπε Ὀχοζίασ υἱὸσ Ἀχαὰβ πρὸσ Ἰωσαφάτ. πορευθήτωσαν δοῦλοί μου μετὰ τῶν δούλων σου ταῖσ ναυσί. καὶ οὐκ ἠθέλησεν Ἰωσαφάτ.

목록

일치하는 문장이 없습니다.

SEARCH

MENU NAVIGATION