Septuagint, Liber I Regum 21:

(70인역 성경, 열왕기 상권 21:)

ΚΑΙ συνήθροισεν υἱὸσ Ἄδερ πᾶσαν τὴν δύναμιν αὐτοῦ καὶ ἀνέβη καὶ περιεκάθισεν ἐπὶ Σαμάρειαν καὶ τριακονταδύο βασιλεῖσ μετ̓ αὐτοῦ καὶ πᾶσ ἵπποσ καὶ ἅρμα. καὶ ἀνέβησαν καὶ περιεκάθισαν ἐπὶ Σαμάρειαν καὶ ἐπολέμησαν ἐπ̓ αὐτήν. καὶ ἀπέστειλε πρὸσ Ἀχαὰβ βασιλέα Ἰσραὴλ εἰσ τὴν πόλιν, καὶ εἶπε πρὸσ αὐτόν. τάδε λέγει υἱὸσ Ἄδερ. τὸ ἀργύριόν σου καὶ τὸ χρυσίον σου ἐμόν ἐστι καὶ αἱ γυναῖκέσ σου καὶ τὰ τέκνα σου ἐμά ἐστι. καὶ ἀπεκρίθη βασιλεὺσ Ἰσραὴλ καὶ εἶπε. καθὼσ ἐλάλησασ, κύριέ μου βασιλεῦ, σὸσ ἐγώ εἰμι καὶ πάντα τὰ ἐμά. καὶ ἀνέστρεψαν οἱ ἄγγελοι, καὶ εἶπαν. τάδε λέγει ὁ υἱὸσ Ἄδερ. ἐγὼ ἀπέστειλα πρόσ σε λέγων. τὸ ἀργύριόν σου καὶ τὸ χρυσίον σου καὶ τὰσ γυναῖκασ καὶ τὰ τέκνα σου δώσεισ ἐμοί. ὅτι ταύτην τὴν ὥραν αὔριον ἀποστελῶ τοὺσ παῖδάσ μου πρόσ σε, καὶ ἐρευνήσουσι τὸν οἶκόν σου καὶ τοὺσ οἴκουσ τῶν παίδων σου καὶ ἔσται πάντα τὰ ἐπιθυμήματα τῶν ὀφθαλμῶν αὐτῶν, ἐφ̓ ἃ ἂν ἐπιβάλωσι τὰσ χεῖρασ αὐτῶν, καὶ λήψονται. καὶ ἐκάλεσεν ὁ βασιλεὺσ Ἰσραὴλ πάντασ τοὺσ πρεσβυτέρουσ τῆσ γῆσ καὶ εἶπε. γνῶτε δὴ καὶ ἴδετε ὅτι κακίαν οὗτοσ ζητεῖ, ὅτι ἀπέσταλκε πρόσ με περὶ τῶν γυναικῶν μου καὶ περὶ τῶν υἱῶν μου καὶ περὶ τῶν θυγατέρων μου. τὸ ἀργύριόν μου καὶ τὸ χρυσίον μου οὐκ ἀπεκώλυσα ἀπ̓ αὐτοῦ. καὶ εἶπαν αὐτῷ οἱ πρεσβύτεροι καὶ πᾶσ ὁ λαόσ. μὴ ἀκούσῃσ καὶ μὴ θελήσῃσ. καὶ εἶπε τοῖσ ἀγγέλοισ υἱοῦ Ἄδερ. λέγετε τῷ κυρίῳ ὑμῶν. πάντα ὅσα ἀπέσταλκασ πρὸσ τὸν δοῦλόν σου ἐν πρώτοισ ποιήσω, τὸ δὲ ρῆμα τοῦτο οὐ δυνήσομαι ποιῆσαι. καὶ ἀπῇραν οἱ ἄνδρεσ καὶ ἐπέστρεψαν αὐτῷ λόγον. καὶ ἀπέστειλε πρὸσ αὐτὸν υἱὸσ Ἄδερ λέγων. τάδε ποιήσαι μοι ὁ Θεὸσ καὶ τάδε προσθείη, εἰ ἐκποιήσει ὁ χοῦσ Σαμαρείασ ταῖσ ἀλώπεξι παντὶ τῷ λαῷ τοῖσ πεζοῖσ μου. καὶ ἀπεκρίθη ὁ βασιλεὺσ Ἰσραὴλ καὶ εἶπεν. ἱκανούσθω. μὴ καυχάσθω ὁ κυρτὸσ ὡσ ὁ ὀρθόσ. καὶ ἐγένετο ὅτε ἀπεκρίθη αὐτῷ τὸν λόγον τοῦτον, πίνων ἦν αὐτὸσ καὶ πάντεσ οἱ βασιλεῖσ οἱ μετ̓ αὐτοῦ ἐν σκηναῖσ καὶ εἶπε τοῖσ παισὶν αὐτοῦ. οἰκοδομήσατε χάρακα. καὶ ἔθεντο χάρακα ἐπὶ τὴν πόλιν. καὶ ἰδοὺ προφήτησ εἷσ προσῆλθε τῷ Ἀχαὰβ βασιλεῖ Ἰσραὴλ καὶ εἶπε. τάδε λέγει Κύριοσ. εἰ ἑώρακασ τὸν ὄχλον τὸν μέγαν τοῦτον̣ ἰδοὺ ἐγὼ δίδωμι αὐτὸν σήμερον εἰσ χεῖράσ σασ, καὶ γνώσῃ ὅτι ἐγὼ Κύριοσ. καὶ εἶπεν Ἀχαάβ. ἐν τίνι̣ καὶ εἶπε. τάδε λέγει Κύριοσ. ἐν τοῖσ παιδαρίοισ τῶν ἀρχόντων τῶν χωρῶν. καὶ εἶπεν Ἀχαάβ. τίσ συνάξει τὸν πόλεμον̣ καὶ εἶπε. σύ. καὶ ἐπεσκέψατο Ἀχαὰβ τὰ παιδάρια τῶν ἀρχόντων τῶν χωρῶν, καὶ ἐγένοντο διακόσια τριάκοντα. καὶ μετὰ ταῦτα ἐπεσκέψατο τὸν λαόν, πάντα υἱὸν δυνάμεωσ, ἑπτὰ χιλιάδασ. καὶ ἐξῆλθε μεσημβρίασ. καὶ υἱὸσ Ἄδερ πίνων μεθύων ἐν Σοκχὼθ αὐτὸσ καὶ οἱ βασιλεῖσ, τριάκοντα καὶ δύο βασιλεῖσ συμβοηθοὶ μετ̓ αὐτοῦ. καὶ ἐξῆλθον ἄρχοντεσ παιδάρια τῶν χωρῶν ἐν πρώτοισ. καὶ ἀποστέλλουσι καὶ ἀπαγγέλλουσι τῷ βασιλεῖ Συρίασ λέγοντεσ. ἄνδρεσ ἐξεληλύθασιν ἐκ Σαμαρείασ. καὶ εἶπεν αὐτοῖσ. εἰ εἰσ εἰρήνην ἐκπορεύονται, συλλαβεῖν αὐτοὺσ ζῶντασ. καὶ εἰ εἰσ πόλεμον, ζῶντασ συλλαβεῖν αὐτούσ. καὶ μὴ ἐξελθάτωσαν ἐκ τῆσ πόλεωσ τὰ παιδάρια ἀρχόντων τῶν χωρῶν. καὶ ἡ δύναμισ ὀπίσω αὐτῶν ἐπάταξεν ἕκαστοσ τὸν παῤ αὐτοῦ καὶ ἐδευτέρωσεν ἕκαστοσ τὸν παῤ αὐτοῦ, καὶ ἔφυγε Συρία, καὶ κατεδίωξεν αὐτοὺσ Ἰσραήλ. καὶ σῴζεται υἱὸσ Ἄδερ βασιλεὺσ Συρίασ ἐφ̓ ἵππου ἱππέωσ. καὶ ἐξῆλθεν ὁ βασιλεὺσ Ἰσραὴλ καὶ ἔλαβε πάντασ τοὺσ ἵππουσ καὶ τὰ ἅρματα καὶ ἐπάταξε πληγὴν μεγάλην ἐν Συρίᾳ. καὶ προσῆλθεν ὁ προφήτησ πρὸσ βασιλέα Ἰσραὴλ καὶ εἶπε. κραταιοῦ καὶ γνῶθι καὶ ἴδε τί ποιήσεισ, ὅτι ἐπιστρέφοντοσ τοῦ ἐνιαυτοῦ υἱὸσ Ἄδερ βασιλεὺσ Συρίασ ἀναβαίνει ἐπὶ σέ. καὶ οἱ παῖδεσ βασιλέωσ Συρίασ εἶπον. Θεὸσ ὀρέων Θεὸσ Ἰσραὴλ καὶ οὐ Θεὸσ κοιλάδων, διὰ τοῦτο ἐκραταίωσεν ὑπὲρ ἡμᾶσ. ἐὰν δὲ πολεμήσωμεν αὐτοὺσ κατ̓ εὐθύ, εἰ μὴν κραταιώσωμεν ὑπὲρ αὐτούσ. καὶ τὸ ρῆμα τοῦτο ποίησον. ἀπόστησον τοὺσ βασιλεῖσ ἕκαστον εἰσ τὸν τόπον αὐτῶν καὶ θοῦ ἀντ̓ αὐτῶν σατράπασ, καὶ ἀλλάξομέν σοι δύναμιν κατὰ τὴν δύναμιν τὴν πεσοῦσαν καὶ ἵππον κατὰ τὴν ἵππον καὶ ἅρματα κατὰ τὰ ἅρματα καὶ πολεμήσομεν πρὸσ αὐτοὺσ κατ̓ εὐθὺ καὶ κραταιώσομεν ὑπὲρ αὐτούσ. καὶ ἤκουσε τῆσ φωνῆσ αὐτῶν καὶ ἐποίησεν οὕτωσ. καὶ ἐγένετο ἐπιστρέψαντοσ τοῦ ἐνιαυτοῦ καὶ ἐπεσκέψατο υἱὸσ Ἄδερ τὴν Συρίαν καὶ ἀνέβη εἰσ Ἀφεκὰ εἰσ πόλεμον ἐπὶ Ἰσραήλ. καὶ οἱ υἱοὶ Ἰσραὴλ ἐπεσκέπησαν καὶ παρεγένοντο εἰσ ἀπαντὴν αὐτῶν, καὶ παρενέβαλεν Ἰσραὴλ ἐξεναντίασ αὐτῶν ὡσεὶ δύο ποίμνια αἰγῶν, καὶ Συρία ἔπλησε τὴν γῆν. καὶ προσῆλθεν ὁ ἄνθρωποσ τοῦ Θεοῦ καὶ εἶπε τῷ βασιλεῖ Ἰσραήλ. τάδε λέγει Κύριοσ. ἀνθ̓ ὧν εἶπε Συρία. Θεὸσ ὀρέων Κύριοσ ὁ Θεὸσ Ἰσραὴλ καὶ οὐ Θεὸσ κοιλάδων αὐτόσ, καὶ δώσω τὴν δύναμιν τὴν μεγάλην ταύτην εἰσ χεῖρα σήν, καὶ γνώσῃ ὅτι ἐγὼ Κύριοσ. καὶ παρεμβάλλουσιν οὗτοι ἀπέναντι τούτων ἑπτὰ ἡμέρασ, καὶ ἐγένετο ἐν τῇ ἡμέρᾳ τῇ ἑβδόμῃ καὶ προσήγαγεν ὁ πόλεμοσ, καὶ ἐπάταξεν Ἰσραὴλ τὴν Συρίαν ἑκατὸν χιλιάδασ πεζῶν μιᾷ ἡμέρᾳ. καὶ ἔφυγον οἱ κατάλοιποι εἰσ Ἀφεκὰ εἰσ τὴν πόλιν, καὶ ἔπεσε τὸ τεῖχοσ ἐπὶ εἴκοσι καὶ ἑπτὰ χιλιάδασ ἀνδρῶν τῶν καταλοίπων. καὶ υἱὸσ Ἄδερ ἔφυγε καὶ εἰσῆλθεν εἰσ τὸν οἶκον τοῦ κοιτῶνοσ, εἰσ τὸ ταμιεῖον. καὶ εἶπε τοῖσ παισὶν αὐτοῦ. οἶδα ὅτι βασιλεῖσ Ἰσραὴλ βασιλεῖσ ἐλέουσ εἰσίν. ἐπιθώμεθα δὴ σάκκουσ ἐπὶ τὰσ ὀσφύασ ἡμῶν καὶ σχοινία ἐπὶ τὰσ κεφαλὰσ ἡμῶν καὶ ἐξέλθωμεν πρὸσ βασιλέα Ἰσραήλ, εἴ πωσ ζωογονήσει τὰσ ψυχὰσ ἡμῶν. καὶ περιεζώσαντο σάκκουσ ἐπὶ τὰσ ὀσφύασ αὐτῶν καὶ ἔθεσαν σχοινία ἐπὶ τὰσ κεφαλὰσ αὐτῶν καὶ εἶπον τῷ βασιλεῖ Ἰσραήλ. δοῦλόσ σου υἱὸσ Ἄδερ λέγει. ζησάτω δὴ ἡ ψυχὴ ἡμῶν. καὶ εἶπεν. εἰ ἔτι ζῇ, ἀδελφόσ μού ἐστι. καὶ οἱ ἄνδρεσ οἰωνίσαντο καὶ ἐσπείσαντο καὶ ἀνελέξαντο τὸν λόγον ἐκ τοῦ στόματοσ αὐτοῦ καὶ εἶπον. ἀδελφόσ σου υἱὸσ Ἄδερ. καὶ εἶπεν. εἰσέλθατε καὶ λάβετε αὐτόν. καὶ ἐξῆλθε πρὸσ αὐτὸν υἱὸσ Ἄδερ, καὶ ἀναβιβάζουσιν αὐτὸν πρὸσ αὐτὸν ἐπὶ τὸ ἅρμα. καὶ εἶπε πρὸσ αὐτόν. τὰσ πόλεισ, ἃσ ἔλαβεν ὁ πατήρ μου παρὰ τοῦ πατρόσ σου, ἀποδώσω σοι, καὶ ἐξόδουσ θήσεισ σεαυτῷ ἐν Δαμασκῷ, καθὼσ ἔθετο ὁ πατήρ μου ἐν Σαμαρείᾳ. καὶ ἐγὼ ἐν διαθήκῃ ἐξαποστελῶ σε. καὶ διέθετο αὐτῷ διαθήκην καὶ ἐξαπέστειλεν αὐτόν. Καὶ ἄνθρωποσ εἷσ ἐκ τῶν υἱῶν τῶν προφητῶν εἶπε πρὸσ τὸν πλησίον αὐτοῦ ἐν λόγῳ Κυρίου. πάταξον δή με. καὶ οὐκ ἠθέλησεν ὁ ἄνθρωποσ πατάξαι αὐτόν. καὶ εἶπε πρὸσ αὐτόν. ἀνθ̓ ὧν οὐκ ἤκουσασ τῆσ φωνῆσ Κυρίου καὶ ἰδοὺ σὺ ἀποτρέχεισ ἀπ̓ ἐμοῦ, καὶ πατάξει σε λέων. καὶ ἀπῆλθεν ἀπ̓ αὐτοῦ, καὶ εὑρίσκει αὐτὸν λέων καὶ ἐπάταξεν αὐτόν. καὶ εὑρίσκει ἄνθρωπον ἄλλον καὶ εἶπε. πάταξόν με δή. καὶ ἐπάταξεν αὐτὸν ὁ ἄνθρωποσ πατάξασ καὶ συνέτριψε. καὶ ἐπορεύθη ὁ προφήτησ καὶ ἔστη τῷ βασιλεῖ Ἰσραὴλ ἐπὶ τῆσ ὁδοῦ καὶ κατεδήσατο ἐν τελαμῶνι τοὺσ ὀφθαλμοὺσ αὐτοῦ. καὶ ἐγένετο ὡσ παρεπορεύετο ὁ βασιλεύσ, καὶ οὗτοσ ἐβόα πρὸσ τὸν βασιλέα καὶ εἶπεν. ὁ δοῦλόσ σου ἐξῆλθεν ἐπὶ τὴν στρατιὰν τοῦ πολέμου, καὶ ἰδοὺ ἀνὴρ εἰσήγαγε πρόσ με ἄνδρα καὶ εἶπε πρόσ με. φύλαξον τοῦτον τὸν ἄνδρα, ἐὰν δὲ ἐκπηδῶν ἐκπηδήσῃ, καὶ ἔσται ἡ ψυχή σου ἀντὶ τῆσ ψυχῆσ αὐτοῦ, ἢ τάλαντον ἀργυρίου στήσεισ. καὶ ἐγενήθη περιεβλέψατο ὁ δοῦλόσ σου ὧδε καὶ ὧδε, καὶ οὗτοσ οὐκ ἦν. καὶ εἶπε πρὸσ αὐτὸν ὁ βασιλεὺσ Ἰσραήλ. ἰδοὺ καὶ τὰ ἔνεδρα παῤ ἐμοὶ ἐφόνευσασ. καὶ ἔσπευσε καὶ ἀφεῖλε τὸν τελαμῶνα ἀπὸ τῶν ὀφθαλμῶν αὐτοῦ, καὶ ἐπέγνω αὐτὸν ὁ βασιλεὺσ Ἰσραήλ, ὅτι ἐκ τῶν προφητῶν οὗτοσ. καὶ εἶπε πρὸσ αὐτόν. τάδε λέγει Κύριοσ. διότι ἐξήνεγκασ σὺ ἄνδρα ὀλέθριον ἐκ τῆσ χειρόσ σου, καὶ ἔσται ἡ ψυχή σου ἀντὶ τῆσ ψυχῆσ αὐτοῦ καὶ ὁ λαόσ σου ἀντὶ τοῦ λαοῦ αὐτοῦ. καὶ ἀπῆλθεν ὁ βασιλεὺσ Ἰσραὴλ συγκεχυμένοσ καὶ ἐκλελυμένοσ καὶ ἔρχεται εἰσ Σαμάρειαν.

목록

일치하는 문장이 없습니다.

SEARCH

MENU NAVIGATION