헬라어 문장 검색 - Σεπτύ011́020́

(70인역 성경, 열왕기 상권 20:)

ΚΑΙ ἀμπελὼν εἷσ ἦν τῷ Ναβουθαὶ τῷ Ἰεζραηλίτῃ παρὰ τῇ ἅλῳ Ἀχαὰβ βασιλέωσ Σαμαρείασ. καὶ ἐλάλησεν Ἀχαὰβ πρὸσ Ναβουθαὶ λέγων. δόσ μοι τὸν ἀμπελῶνά σου καὶ ἔσται μοι εἰσ κῆπον λαχάνων, ὅτι ἐγγίζων οὗτοσ τῷ οἴκῳ μου, καὶ δώσω σοι ἀμπελῶνα ἄλλον ἀγαθὸν ὑπὲρ αὐτόν. εἰ δὲ ἀρέσκει ἐνώπιόν σου, δώσω σοι ἀργύριον ἄλλαγμα ἀμπελῶνόσ σου τούτου, καὶ ἔσται μοι εἰσ κῆπον λαχάνων. καὶ εἶπε Ναβουθαὶ πρὸσ Ἀχαάβ. μὴ γένοιτό μοι παρὰ Θεοῦ μου δοῦναι κληρονομίαν πατέρων μου σοί. καὶ ἐγένετο τὸ πνεῦμα Ἀχαὰβ τεταραγμένον, καὶ ἐκοιμήθη ἐπὶ τῆσ κλίνησ αὐτοῦ καὶ συνεκάλυψε τὸ πρόσωπον αὐτοῦ καὶ οὐκ ἔφαγεν ἄρτον. καὶ εἰσῆλθεν Ἰεζάβελ ἡ γυνὴ αὐτοῦ πρὸσ αὐτὸν καὶ ἐλάλησε πρὸσ αὐτόν. τί τὸ πνεῦμά σου τεταραγμένον καὶ οὐκ εἶ σὺ ἐσθίων ἄρτον̣ καὶ εἶπε πρὸσ αὐτήν, ὅτι ἐλάλησα πρὸσ Ναβουθαὶ τὸν Ἰεζραηλίτην λέγων. δόσ μοι τὸν ἀμπελῶνά σου ἀργυρίου. εἰ δὲ βούλῃ, δώσω σοι ἀμπελῶνα ἄλλον ἀντ̓ αὐτοῦ. καὶ εἶπεν. οὐ δώσω σοι κληρονομίαν πατέρων μου. καὶ εἶπε πρὸσ αὐτὸν Ἰεζάβελ ἡ γυνὴ αὐτοῦ. σὺ νῦν οὕτω ποιεῖσ βασιλέα ἐπὶ Ἰσραήλ̣ ἀνάστηθι καὶ φάγε ἄρτον καὶ σαυτοῦ γενοῦ, ἐγὼ δὲ δώσω σοι τὸν ἀμπελῶνα Ναβουθαὶ τοῦ Ἰεζραηλίτου. καὶ ἔγραψε βιβλίον ἐπὶ τῷ ὀνόματι Ἀχαὰβ καὶ ἐσφραγίσατο τῇ σφραγίδι αὐτοῦ καὶ ἀπέστειλε τὸ βιβλίον πρὸσ τοὺσ πρεσβυτέρουσ καὶ τοὺσ ἐλευθέρουσ τοὺσ κατοικοῦντασ μετὰ Ναβουθαί. καὶ ἐγέγραπτο ἐν τοῖσ βιβλίοισ λέγων. νηστεύσατε νηστείαν καὶ καθίσατε τὸν Ναβουθαὶ ἐν ἀρχῇ τοῦ λαοῦ. καὶ ἐγκαθίσατε δύο ἄνδρασ υἱοὺσ παρανόμων ἐξεναντίασ αὐτοῦ, καὶ καταμαρτυρησάτωσαν αὐτοῦ λέγοντεσ. ηὐλόγησε Θεὸν καὶ βασιλέα. καὶ ἐξαγαγέτωσαν αὐτὸν καὶ λιθοβολησάτωσαν αὐτόν, καὶ ἀποθανέτω. καὶ ἐποίησαν οἱ ἄνδρεσ τῆσ πόλεωσ αὐτοῦ οἱ πρεσβύτεροι καὶ οἱ ἐλεύθεροι οἱ κατοικοῆντεσ ἐν τῇ πόλει αὐτοῦ, καθὼσ ἀπέστειλε πρὸσ αὐτοὺσ Ἰεζάβελ καὶ καθὰ ἐγέγραπτο ἐν τοῖσ βιβλίοισ, οἷσ ἀπέστειλε πρὸσ αὐτούσ. καὶ ἐκάλεσαν νηστείαν καὶ ἐκάθισαν τὸν Ναβουθαὶ ἐν ἀρχῇ τοῦ λαοῦ, καὶ εἰσῆλθον δύο ἄνδρεσ υἱοὶ παρανόμων καὶ ἐκάθισαν ἐξεναντίασ αὐτοῦ καὶ κατεμαρτύρησαν αὐτοῦ λέγοντεσ. ηὐλόγηκασ Θεὸν καὶ βασιλέα. καὶ ἐξήγαγον αὐτὸν ἔξω τῆσ πόλεωσ καὶ ἐλιθοβόλησαν αὐτὸν ἐν λίθοισ, καὶ ἀπέθανε. καὶ ἀπέστειλαν πρὸσ Ἰεζάβελ λέγοντεσ. λελιθοβόληται Ναβουθαὶ καὶ τέθνηκε. καὶ ἐγένετο ὡσ ἤκουσεν Ἰεζάβελ, καὶ εἶπε πρὸσ Ἀχαάβ. ἀνάστα, κληρονόμει τὸν ἀμπελῶνα Ναβουθαὶ τοῦ Ἰεζραηλίτου, ὃσ οὐκ ἔδωκέ σοι ἀργυρίου, ὅτι οὐκ ἔστι Ναβουθαὶ ζῶν, ὅτι τέθνηκε. καὶ ἐγένετο ὡσ ἤκουσεν Ἀχαὰβ ὅτι τέθνηκε Ναβουθαὶ ὁ Ἰεζραηλίτησ, καὶ διέρρηξε τὰ ἱμάτια αὐτοῦ καὶ περιεβάλετο σάκκον. καὶ ἐγένετο μετὰ ταῦτα καὶ ἀνέστη καὶ κατέβη Ἀχαὰβ εἰσ τὸν ἀμπελῶνα Ναβουθαὶ τοῦ Ἰεζραηλίτου κληρονομῆσαι αὐτόν. Καὶ εἶπεν Κύριοσ πρὸσ Ἠλιοὺ τὸν Θεσβίτην λέγων. ἀνάστηθι καὶ κατάβηθι εἰσ ἀπαντὴν Ἀχαὰβ βασιλέωσ Ἰσραὴλ τοῦ ἐν Σαμαρείᾳ, ὅτι οὗτοσ ἐν ἀμπελῶνι Ναβουθαί, ὅτι καταβέβηκεν ἐκεῖ κληρονομῆσαι αὐτόν. καὶ λαλήσεισ πρὸσ αὐτὸν λέγων. τάδε λέγει Κύριοσ. ὡσ σὺ ἐφόνευσασ καὶ ἐκληρονόμησασ, διὰ τοῦτο τάδε λέγει Κύριοσ. ἐν παντὶ τόπῳ, ᾧ ἔλειξαν αἱ ὕεσ καὶ οἱ κύνεσ τὸ αἷμα Ναβουθαί, ἐκεῖ λείξουσιν οἱ κύνεσ τὸ αἷμα σου, καὶ αἱ πόρναι λούσονται ἐν τῷ αἵματί σου. καὶ εἶπεν Ἀχαὰβ πρὸσ Ἠλιού. εἰ εὕρηκάσ με, ὁ ἐχθρόσ μου̣ καὶ εἶπεν. εὕρηκα, διότι μάτην πέπρασαι ποιῆσαι τὸ πονηρὸν ἐνώπιον Κυρίου παροργίσαι αὐτόν. ἰδοὺ ἐγὼ ἐπάγω ἐπὶ σὲ κακὰ καὶ ἐκκαύσω ὀπίσω σου καὶ ἐξολοθρεύσω τοῦ Ἀχαὰβ οὐροῦντα πρὸσ τοῖχον καὶ συνεχόμενον καὶ ἐγκαταλελειμμένον ἐν Ἰσραήλ. καὶ δώσω τὸν οἶκόν σου ὡσ τὸν οἶκον Ἱεροβοὰμ υἱοῦ Ναβὰτ καὶ ὡσ τὸν οἶκον Βαασὰ υἱοῦ Ἀχιὰ περὶ τῶν παροργισμάτων, ὧν παρώργισασ καὶ ἐξήμαρτεσ τὸν Ἰσραήλ. καὶ τῇ Ἰεζάβελ ἐλάλησε Κύριοσ λέγων. οἱ κύνεσ καταφάγονται αὐτὴν ἐν τῷ προτειχίσματι Ἰεζράελ. τὸν τεθνηκότα τοῦ Ἀχαὰβ ἐν τῇ πόλει φάγονται οἱ κύνεσ καὶ τὸν τεθνηκότα αὐτοῦ ἐν τῷ πεδίῳ φάγονται τὰ πετεινὰ τοῦ οὐρανοῦ. πλὴν ματαίωσ Ἀχαάβ, ὃσ ἐπράθη ποιῆσαι τὸ πονηρὸν ἐνώπιον Κυρίου, ὡσ μετέθηκεν αὐτὸν Ἰεζάβελ ἡ γυνὴ αὐτοῦ. καὶ ἐβδελύχθη σφόδρα πορεύεσθαι ὀπίσω τῶν βδελυγμάτων κατὰ πάντα, ἃ ἐποίησεν ὁ Ἀμορραῖοσ, ὃν ἐξωλόθρευσε Κύριοσ ἀπὸ προσώπου υἱῶν Ἰσραήλ. καὶ ὑπὲρ τοῦ λόγου, ὡσ κατενύγη Ἀχαὰβ ἀπὸ προσώπου τοῦ Κυρίου καὶ ἐπορεύετο κλαίων καὶ διέρρηξε τὸν χιτῶνα αὐτοῦ καὶ ἐζώσατο σάκκον ἐπὶ τὸ σῶμα αὐτοῦ καὶ ἐνήστευσε καὶ περιεβάλετο σάκκον ἐν τῇ ἡμέρᾳ, ᾗ ἐπάταξε Ναβουθαὶ τὸν Ἰεζραηλίτην, καὶ ἐπορεύθη, καὶ ἐγένετο ρῆμα Κυρίου ἐν χειρὶ δούλου αὐτοῦ Ἠλιοὺ περὶ Ἀχαάβ, καὶ εἶπε Κύριοσ. ἑώρακασ ὡσ κατενύγη Ἀχαὰβ ἀπὸ προσώπου μου̣ οὐκ ἐπάξω τὴν κακίαν ἐν ταῖσ ἡμέραισ αὐτοῦ, ἀλλ̓ ἐν ταῖσ ἡμέραισ τοῦ υἱοῦ αὐτοῦ ἐπάξω τὴν κακίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Regum 20:

(70인역 성경, 열왕기 상권 20:)

목록

SEARCH

MENU NAVIGATION